EFG Eat for Green (已結業)

好日都唔寫食評，但今次真係要報告一下。本身都無乜特別期望，叫左個三文魚飯升級套餐。個飯好快就黎左，三文魚係正常既，但伴飯既西蘭花同椰菜花係泛黃色既！諗住佢擺得耐都係樣衰je, 頂你咬落去酸既, 仲衰過無味……個賣相仲要好似餸尾咁樣樣，咁都夠薑上碟，不如skip左佢當無配菜算吧啦。個店員反映，佢話，係今日煮架喎…..到差不多食完準備埋單，侍應突然拎返升級套餐既沙律同湯+餐包黎，爭d忘記左佢…..d次序錯哂🤪…………………………………🙄🙄…查看更多

雖然呢間係葷素餐廳，但素食選擇都唔少。餐牌上有清楚標示素別，例如蛋、奶、五辛。除咗鹹食，亦有甜品提供，例如密瓜刨冰、芋圓仙草、豆腐花等。J. 素超厚豬扒飯 配温泉蛋 (蛋奶素) ($98)轉白麵豉豆乳湯麵素豬扒外皮香脆，夾起嚟中間嘅素肉有少少散，味道比較鹹，自己一個人食哂都幾膩。麵豉湯麵幾好食，湯底麵豉味香濃、豆乳味比較淡，麵條彈牙，配料有木耳同粟米粒。+$38 是日餐湯 (純素) + 沙律 + 多士 + 茶或咖啡是日餐湯係雜菜湯，味道酸酸甜甜，配料有西芹、番茄、椰菜、甘筍。飲品我哋揀咗凍檸茶。沙嗲素串燒 ($32/ 4串)串燒用上大豆纖維嘅素肉，沙嗲汁辣辣哋，幾惹味。…查看更多

十世冇寫過食評 但今次真係唔寫唔得好嬲 俾咗百六蚊食個咁求其既炸豬扒去駱駝漆拎嘢 順路食飯是日六月五日 閒日傍晚五點幾入面得我一個想試個炸豬扒飯$108 加咗$38轉套餐嚟咗個紅湯 偏水 味道還可以但塊多士硬過餅乾 都算個沙律 唔知係咪沙律醋就到期淋咗勁多 條條狗牙都係包裹住醋汁酸到癡孖辮都唔緊要 畢竟我係嚟食豬扒可惜一上枱就知出事見到一塊飛起咗既炸皮切開咗既豬扒都明顯皮肉分離一睇啲炸皮呈深啡色 都心知不妙一咬落去師兄 唔好話鬆 脆都唔脆㗎喎炸豬扒用粉加蛋加炸粉係基本大佬 你炸嗰個部份都未攪得掂仲學人厚切 4cm? 我俾你塊豬扒40cm都冇用啦自問食過唔少相近價位既炸豬扒 唔好話貴到Porker嗰種就算係宴美豚 抑或係とん吉都已經diao打佢塊所謂炸豬扒千萬倍未講完 個飯配嗰啲椰菜絲 都唔係 應該叫椰菜碎（利申冇叫碎上）唔知係洗唔乾淨 定來貨太差 有好明顯既苦味假使你係收我七八十蚊 我都可以收嗲 當我唔好彩但當你收過百蚊仲要咁樣hea9人真係攪唔掂喎我都想支持下小店 但你比啲咁既嘢出嚟 點撐得落希望我出呢個po可以避免其他人中伏第樣嘢食唔知但 千。祈。唔。好。食炸豬扒…查看更多

叫左嗰炸豬排麵同要求後上個泰奶芒果紫米豆腐花先俾左個炸豬排「飯」我 咁我叫侍應換一換 換左個麵之後 侍應同我講 下次落單講清楚啲要飯定麵嘛 咁我立即回應返佢 個時落單已經講左係要麵 但個侍應依然覺得係我講錯。。。。。。。我心諗你個個係塊炸豬排都唔會特登換個新一塊俾我嫁啦 咁點解都要想換個麵？ 係我 真係唔想食白飯嘛! 你個餐廳又唔用QR code落order 之後 後上個個泰奶芒果紫米豆腐花個時 你個侍應工作好有想法 同我confirm個甜品啱唔啱^^ 記個客食咩 都咁困難嘅?btw你個泰奶芒果紫米豆腐花 堆芒果好酸 …查看更多

入到去坐低8:00得一台客，都覺得少少伏，坐低咗好耐侍應都冇過嚟落單，走咗入去廚房好耐，大聲嗌咗一聲落單，都等咗一陣先出嚟，出到嚟仲要走去收銀度整一輪嘢先過嚟落單，落單期間侍應個好似皮笑肉不笑，個眼神好似鄙視人咁，仲要連一杯水都冇送過嚟。叫咗三個主菜加兩個$38要咗兩個set連沙律餐湯飲品，等咗差唔多半個鐘先嚟咗一份主菜厚切豬扒，問佢要沙律醬，侍應問返我我哋要乜嘢沙律醬，最尾食晒啲主菜，沙律餐湯飲品一樣都冇上過，主菜味道都係麻麻哋，份量唔多，唔值呢個價錢。到走嗰一刻沙律餐湯飲品依然冇。直接埋單走人。埋單時完全冇print單俾我哋睇，直接就話收幾錢，我哋叫佢print單，睇單嗰陣時，照收咗我哋兩個$38套餐，同佢講前菜全部冇嚟，先話扣返俾我哋。臨走時先見到收銀後邊原來有一大堆水杯同水係供應比食客。總結嚟講，食物質素麻麻，侍應態度麻麻，嘢食等好耐，成件事感覺好差。仲要收咗+1服務費。全程其實個侍應都走左入個廚房度，因為成間餐廳得一個侍應，所以其實等於冇服務。…查看更多

📍 EFG Eat for Green (觀塘)觀塘開源道60號駱駝漆大廈第三座3樓P室➿美國西冷牛扒八安士配意粉 $108呢個價錢食到咁大塊牛扒其實都幾抵雖然份量唔係好多 男仔可能食唔飽嗌咗七成熟 出到嚟真係啱啱橫切面真係好吸引🤩意粉有落蒜頭嚟炒 炒出嚟好香➿經典芋圓仙草冰 $38细细碗用嚟做飯後甜品一流但係份量真係唔多自己一個食啱啱好➿泰奶麵包布甸呢個同朋友share就啱啱好熱辣辣嘅奶茶倒落去麵包布甸有種冰火交融嘅感覺口感真係好讚 👍🏻食唔停口 仲要配上雪糕🙌🏻唯一不足之處 上菜速度有啲慢 差唔多等咗半個鐘先有得食 環境 🍃🍃🍃食物🍡🍡🍡🍡性價比💰💰💰推薦🌈🌈🌈回頭🤷🏽‍♀️…查看更多

呢間餐廳主打「肉素共桌」嘅概念。出街食都可以有比較健康嘅選擇。當日星期五19:30左右已經滿座。所以想食可能要早少少到。✨素超厚豬扒飯配溫泉蛋$984cm厚嘅素豬扒炸得金黃，令人食慾滿滿。口感外脆內軟，甚至可能比起真肉更鬆軟。同埋食素肉罪完全唔怕豬羶味。溫泉蛋嘅蛋黃仲可以撈落椰菜絲一齊食。✨紅酒燴羊膝伴薯蓉$118+$38 是日餐湯+沙律+多士+茶羊膝肉軟腍易咬，有少少膠質口感幾豐富。肉嘅份量好多，配埋薯蓉好飽肚，性價比好高。✨薯條 $28粗薯條外脆內軟。雖然係即叫即炸，不過都好快上菜。啱晒一路食一路等。✨密瓜刨冰配香滑奶蓋$78 刨冰係口感係口式嗰種。不論係配奶蓋，定係連埋底下嘅密瓜汁食都好夾。密瓜嘅份量好多仲好清甜。…查看更多

觀塘駱駝漆大廈的這間主打素食與均衡飲食的EFG🍴居然有激厚吉列豬扒😮除了素食🥒餐廳也有肉食餐單，所以吉列豬扒也有分正常/素食版 🍴超厚4cm炸豬扒飯配溫泉蛋（$108）真的足4cm 厚🫢炸皮薄而脆，配大量生椰菜絲，真的要與朋友分享才不覺膩 🍴 牛肝菌雜菌燴飯配澳洲大茄子（$108）這是款素食燴飯，雜菌燴飯夠香🍆茄子只以黑醋調味，若加點燒汁會更好 加配是日餐湯、沙律、薄脆多士、茶/咖啡（+$38） 🍴酥黃金炸蝦（$28）點了個小食🍤炸蝦香脆 🍧哈密瓜刨冰配香滑奶蓋（$78）新解哈密瓜夠清甜🍈上面的奶蓋味道是甜忌廉…查看更多

我不嬲對素食嘅印象就係少選擇同好清淡，不過食過 @eatforgreen 之後就完全改觀😍 佢哋以「肉素共桌」嘅意念運行，餐點以低碳飲食為主，適合追求健康飲食既大家💪🏼 This restaurant changed my impression on the usually bland vegetarian options. They offer both meat and veggie options which are mostly revolved around sustainability. 呢到嗌任何主食+$38就可以有齊曬沙律、是日餐湯、多士同餐飲🥳 沙律用左酸酸甜甜嘅醬汁好開胃🥗 番茄湯雖然唔算好濃，但都幾鮮甜🍅 用黎蘸烘脆嘅多士一流🍞 You can change any mains into a set which comes with salad, soup, toast and a drink. 美國西冷配自家制燒汁$108U.S. Sirloin with Housemade Sauce牛扒網燒至外層焦脆，而中間依然處於粉嫩嘅狀態🤩 西冷脂肪分佈均勻唔會太肥膩，幼嫩中帶啲咬口，牛香濃郁🥩 再點埋燒汁令層次感更豐富🆙 薯條嘅香脆同牛扒嘅肉香配合得天衣無縫，🍟The beef was seared on the outside and remained pink and tender in the middle. It was elevated by the gravy and crispy fries on side. 素超厚豬扒飯配溫泉蛋＄98Vegetarian Thick Pork Chop Rice w/ Onsen Egg 素肉含低飽和脂肪同幾乎0膽固醇，可以話係個唔錯嘅取代品✌🏼炸「豬」扒嘅外層焦黃酥脆，裡面口感似免治牛肉🤭 配日式燒汁同半熟蛋令鹹鮮味特出🍳 白飯可以免費轉白麵豉豆乳湯麵，拉麵彈牙掛曬濃郁嘅白湯，質素唔錯🍜This fried mock pork chop had a crispy batter with an interior that felt like minced meat. The savouriness came from the Japanese sauce and onsen egg. I also opted for the Miso Soy Milk Soup Noodles instead of rice. 密瓜刨冰配香滑奶蓋Melon Shaved Ice with Milk Cap 刨冰以半個密瓜殼上檯，打卡一流📷 蜜瓜鮮甜多汁，配綿密鹹香嘅奶蓋層次感十足🍈 個人覺得如果刨冰用牛奶整應該會仲正😛…查看更多

位於觀塘駱駝漆嘅「EFG Eat for Green」主打素葷共融低碳飲食♻️不論肉食素食都可以喺呢到滿足開餐😋當中4cm巨厚豬扒更深深俘虜肉食獸🐻嘅胃😍.🍴超厚炸豬扒配溫泉蛋💰$108店家招牌菜之一💕巨型足4cm厚嘅炸豬扒，睇到都流晒口水🤤豬扒外層麵包糠炸皮金黃酥脆，內裡肉質軟嫩，大啖大啖咬真係勁滿足😆可以揀配飯或麵，今次揀咗飯，將溫泉蛋撈勻，一口豬扒一口飯超正🤪.🍴牛油果羽衣甘藍雜菜沙律配柚子汁💰$72素食之選🥗軟滑切粒牛油果配以新鮮爽脆羽衣甘藍及沙律菜，加埋車厘茄，味道非常清新😌可以揀柚子汁或胡麻汁，因為想開胃啲揀咗柚子汁，酸酸甜甜配埋沙律都唔錯☺️.🍴紅酒燴羊膝伴薯蓉💰$118兩大嚿羊膝啖啖軟嫩，羊羶味唔會好重，紅酒汁下配搭得幾好😋旁邊仲有薯菜及薯蓉，絕對夠晒飽😚.🍴泰奶麵包布甸💰$62麵包布丁食得多，配泰式奶茶都係第一次見😝麵包布丁灑滿Oreo碎，加埋焦糖香蕉及雲呢拿雪糕，再倒入泰式奶茶🧋麵包布丁增添茶香，好味好味😋.觀塘素肉共融餐廳好介紹💕素食嘅朋友就唔怕同肉食朋友開餐冇啖好食😝…查看更多

張相應該係成件事最好嘅部分服務：服務員可能只係今日心情唔好，全程不斷扔嘢發洩。上菜速度：全個餐廳得我一個啱啱叫菜（其他人已經食緊或者遲過我成廿分鐘先入座），但係我等咗個午餐超過三十分鐘。擺盤賣相：張相係成件事最好嘅部分。味道：鴨胸當然係不負期望地overcooked咗好多啦，(留意返：餐廳無刀供應，食時只可以好似喺茶餐廳咁义住已略切片嘅鴨胸大啖咬+扯)。車厘子汁完全冇車厘子氣息，比較似開粉冲嘅牛肉燒汁蔬菜係已經凍到黑黑地嘅急凍蔬菜感覺薯蓉都係已經預製好再翻熱嘅食物收費：午餐唔包飲品(有免費水喉水提供)埋單78再加一服務費，即係86蚊。我好慶幸自己決定冇俾多38蚊(加一前)加餐湯同普通飲品。其實口味嘅嘢好見人見志嘅，我只係好想記錄一下呢剎那嘅個人感受啫～…查看更多

見佢評價都唔錯，食過甜品幾好 晏晝諗住嗌個lunch試吓叫咗個蕃茄醬素蝦蒟蒻麵 去到攞外賣一個客都冇 一打開個盒好似食淨打包 味道好怪 蕃茄醬啲味差過茶餐廳 茄膏開水煮 加咗幾粒蕃茄仔 加咗個素炸脾 一倒出嚟有隻燶到嚇親我 係腐皮 好油食甜品會再去 lunch就不了 …查看更多

店員態度超西唔講以為殺咗佢全家，見佢落單又好唔情願咁。之後到嘢食+38蚊要咗個set 個湯就係金寶湯，仲要係溝多咗水嗰隻，塊多士細過曲奇餅，個沙律又細，沙律醋又冇 沙律醬又冇，唔講以為食緊草。到正餐啦三文魚又細又腥，pat薯蓉勁似粉溝岀嚟，死鹹。之後到豬扒飯，睇落好似唔差咁，但塊豬扒韌過我條命，啲飯又濕。之後就係芝士焗青口，等左20分鐘都未到，但一話唔要啦埋單走人就拿拿臨上菜，味道正常，但有一隻細過我隻手指尾。成餐飯最正常係杯嘢飲，巨峰乳酸梳打，正正常常，冇咩特別。但成餐overall係勁kick 真係不了 冇下次…查看更多

【觀塘區】【EFG Eat for Green】去開觀塘做嘢就梗係會想順便食埋嘢，本身我就好中意探索唔同地區嘅食物，仲要有機會去駱駝漆大廈呢啲咁出名嘅修羅場喎，一定要食啦。聽過一個講法，就係全盛時期嘅駱駝漆大廈係有超過五十間食肆，競爭真係好大。見到呢間 EFG 唔錯就同同事費特哥入咗去試，我試 $108 嘅「超厚4cm炸豬扒飯配溫泉蛋」轉配「白麵豉豆乳湯麵」，塊豬扒真係幾得，厚身得嚟勁嫩，好好食，而個湯麵都唔錯。我有加 $38 轉套餐，有多四樣嘢食嘢飲嘅。佢哋係是日餐湯「番茄湯」、「沙律」同「多士」，都係素食嚟嘅，符合返佢哋好重視素食嘅原則。嘢飲我飲「凍檸茶走甜」，都唔錯。費特哥就試 $98 嘅「素超厚豬扒飯配溫泉蛋」，我偷食咗塊素豬扒，覺得勁好食呀，超正。原來塊素豬扒係師傅自己手打嘅，掂。費特哥都有加 $38 轉套餐，佢就飲「熱檸茶」，正常質素。佢哋仲有甜品，忍唔住試埋，費特哥試 $28 嘅每日限量手工製「經典芋圓仙草」再加 $10 要埋「雲呢嗱雪糕球」，幾好食喎又。我就試 $48 嘅「朱古力心太軟配雲呢嗱雪糕」，都好好味，朱古力味好濃，雪糕又正。我哋食緊呢餐都 keep 住讚佢哋嘅豬扒同素豬扒，點知多嘴食埋甜品就更加係平靚正之作。兩位一人一 set 再叫甜品，埋單 $404.8，性價比好高。。。（地址：觀塘開源道60號駱駝漆大廈第三座3樓P室）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am觀塘區 #觀塘 #EFGEatforGreen #EFG #EatforGreen #超厚4cm炸豬扒飯配溫泉蛋 #白麵豉豆乳湯麵 #凍檸茶走甜 #素超厚豬扒飯配溫泉蛋 #是日餐湯 #番茄湯 #沙律 #多士 #熱檸茶 #經典芋圓仙草 #雲呢嗱雪糕球 #朱古力心太軟配雲呢嗱雪糕 #1am1239 #1ambackup…查看更多

近年黎慢慢開始接觸多左素食～因為年紀開始大會注重健康想食得輕型一啲～朋友介紹我黎到依間位於觀塘駱駝漆嘅餐廳 Eat For Green~餐廳奉行素肉共桌理念 所以有多款素食餐點牛肝菌雜菌燴飯配澳洲大茄子意大利飯好有咬口 菇菌味道好香濃大大條茄子 焗完仍然好多汁美國西冷配自家製燒汁我地叫左7成熟 中間仲保持到粉紅色 質感都好軟熟 配上左薯條同沙律菜 Main Course +$38 就可以配套餐 有餐湯 多士 沙律同飲品～好抵芋圓珍珠豆腐花配泰奶食落口感好煙韌 芋圓咬落好香 芋頭同地瓜味 黑糖珍珠令豆腐花 增加香甜味 泰奶加埋一齊又好夾 中和甜度大大碗先$28勁抵食😍蜜瓜刨冰配香滑奶蓋其實黎食間餐廳仲有一個目的就係食依個蜜瓜刨😍 用蜜瓜裝住刨冰同蜜瓜肉 幾香甜 再加上香滑既奶蓋 整體好配合…查看更多