EaT燒肉

食评：拣咗最平𠮶个200g牛五花套餐，份量足够，牛五花肥瘦均匀，摆盘靓仔，放到烧烤架上“滋滋”声超疗愈～ 烤到表面微焦，油脂香气全释放出嚟，虽然呢个套餐系最平， 但牛五花，入口软嫩又带点嚼劲，搭配套餐嘅沙律、味噌汤同白饭，好均衡！沙律新鲜爽脆，解腻一流；味噌汤浓郁够味，又开胃～可惜套餐并没有饮品要另外点加分细节💡枱面有几款酱料选择，自己调配唔同风味，好贴心～ 而且桌边烧烤炉火力匀称，唔使担心烧焦，新手都轻松掌握烧肉节奏！整体体验好正，环境够潮、肉肉高质，价钱仲好实惠～ 下次带多啲朋友一齐，试试其他套餐，可能会有新惊喜！钟意烧肉同特色环境嘅朋友，必须嚟打卡呀…查看更多

我认为呢间餐厅最过瘾既系佢既店面装修，好新潮好有观感，佢系利用运输带送餐既，而运输带送餐既设备系用火车造型。一人自助式烤肉真系好方便，台面上有各种既酱汁，而且坐得都几宽松唔会过于挤逼。我想讲佢既牛肉真系好新鲜，口感好好食啊，不论系套餐还是散叫，CP值都好高，我同朋友都食到停唔到口，叫咗好多牛肉。除咗店铺位置可能隔涉咗少少之外，基本上都无缺点，但如果系住系附近既居民就应该好方便啦。沙田区嚟讲的话，都值得去一试！…查看更多

我哋嗌咗两个套餐：「猪颈肉 x 西班牙猪五花 x 富士苹果地鸡肉」 ＋「牛五花 x 牛小排 x 日本鸡颈肉」，追加牛舌。个人认为舖头走嘅路线同烧肉like差唔多，肉类选择更比烧肉like多，不过价钱都贵啲。总括嚟讲，肉类排名：🥇牛肉 + 鸡肉 > 猪肉 🐮牛小排有牛味，不过略嫌切得太薄，如果有返啲厚度就Perfect了。🐮牛五花 有牛味，正常发挥，如果可以再拣会只叫牛小排。🐮牛舌食落有弹性又唔韧，但系味道一般。🐣富士苹果地鸡肉肉质嫩滑，腌料令到肉味好清新，十分推荐！🐣日本鸡颈肉同富士苹果地鸡肉一样，肉质嫩滑。🐖猪颈肉爽口，厚身。🐖西班牙猪五花肉质有点韧，每件好大块，若可切细啲会更加好。两个餐都升级咗紫菜温泉蛋饭，感觉蛋味和紫菜不足，越光米亦食唔出有咩特别，都系牛角嘅最好食。配菜方面，泡菜嘅份量非常多，可惜只有辣味，唔好食。沙律都算新鲜，蔬菜爽口。面豉汤出奇地好，唔会太咸。…查看更多

有左小朋友之后，每次去餐厅食饭都会问下有冇bb櫈今次拣呢间烧烤系有bb櫈外，仲有非常可爱嘅列车送餐服务，小朋友见到眼甘甘望左好耐，好新鲜！餐厅环境干净，位置松动，我地四个大人两个小朋友都坐得好松动！😍😍我地叫左呢个宫崎和牛套餐（A5肩胛肉眼心+A5上等牛肩胛+A5肩胛翼板），佢嚟到嘅时候用咗三层deco架上，已经令到佢高级咗好多，望到都好开心😆佢每个唔同部位嘅A5都有唔同嘅特色同口感，而且都好有牛味，另外叫左个散点薄切牛舌，我最钟意系牛舌😛😛 ，烧到个边边㶶㶶地，好脆，又有啲油好香口。套餐仲有跟饭同埋温泉蛋，面豉汤同埋沙律or 泡菜。我拣左泡菜，因为配肉，香香辣辣好正，另外佢地可以加钱升级加紫菜落个饭度！😛😛😎😎另外叫左个静岗水冷面，面on top上面有两片西瓜，劲搞笑，以为会唔系好夹完，点知食落醒醒甜甜咁，加埋啲泡菜，几开胃！❤️佢哋仲安排咗好多酱汁，同朋友食嘅话就可以样样都掂晕晒❤️❤️…查看更多

同小朋友去左呢间EaT烧肉，烧肉肉质好好，白饭仲系用日本越光米🌾。最大卖点系用列车🚄送餐，超特别😍小朋友好钟意睇住列车送啲嘢食黎😉叫左2个套餐，包括：饭、沙律或泡菜同面豉汤❤️‍🔥🐮宫崎和牛套餐-宫崎A5和牛肩胛肉眼心-宫崎A5和牛上等牛肩胛-宫崎A5和牛肩胛翼板和牛油脂分布、肉质同颜色都非常靓，牛味香浓有油香，最钟意肩胛肉眼心❤️我哋仲加钱升级咗做温泉蛋紫菜饭，加埋BBQ肉汁好惹味🐮牛小排、肩胛牛柳、薄切牛舌套餐 牛舌弹牙有油份、而肩胛牛柳比较有咬口、牛小排油脂比较多。🐷鹿儿岛豚肩肉鹿儿岛豚肩肉肉质，虽然有脂肪，但系食落唔会油腻，好有肉香😋仲有甜辣酱、梅子醋、盐味汁、bbq汁、即磨玫瑰岩盐、黑椒可以自行调味，当日所见，好多人自己一个食Eat烧肉，但我地一班人嚟食都好岩好满足😚…查看更多