作为dough bros嘅big fan，讲紧系得港岛分店个时已经食紧，望住佢哋做到第一间九龙分店，再去到而家差唔多十八区都有分店，睇住佢哋成长得咁快真心好感动🤍而作为荃湾街坊，自己系社交平台都成日嗌呢间😆其实真系每款都食过至少一次，冇乜款系觉得唔好食，通常都系叫set，因为set都抵几多😛今次要咗个Sharing Set for 3-4 ($378)，呢个餐包2个pizza，3个冬甩同两个饮品，个人觉得4人绝对够食，自己推介大家要啲单价高啲嘅pizza，因为呢到要贵啲嘅pizza都唔使加钱～今次就要咗The Truffle Deluxe，呢个系相对新出嘅pizza，truffle味好出，上面仲有好多奶香味好出嘅水牛芝士同burrata cheese，parma ham够咸香，呢个劲推介！另一个pizza就要咗The White King，佢系garlic butter底，食落去蒜香味好出，加埋咗啲柠檬汁会refreshing啲～值得一赞嘅系呢到啲pizza系sourdough底，而且即叫即打，食落特别有咬口，真心几推介！（额外写埋个人私心推介：carbonara、the truffle、the parma、pepperoni supreme、bbq chicken，同埋可以嗌half-half拣多几款口味嘅pizza～）另外就要咗呢到都好出名嘅冬甩，全部都系鲜炸出嚟，食落去劲香，而且仲系流心，所以食嘅时候要垫好小心整到周围都系🤣三个口味入面最钟意系Nutella+肉桂糖，呢个真心系食过咁多个配搭入面最好食个个!! Oreo Chocolate都唔错，Lotus Biscoff就系佢哋嘅招牌，不过甜度相对较高～另外推介大家一定要加BRO's Fried Chicken ($88)，呢个炸鸡系超juicy，而且炸皮好薄，平时都会加购🤤总括嚟讲，呢间啲pizza真心好正，所以真系不断回访咗好多次🥹作为member会继续课金支持dough bros🙌🏻…查看更多
