Domon 札幌拉麵

今天晩膳於利舞臺，每間食店都大排長龍，唯獨這間拉麵有很多位。因實在趕時間，唯有坐下。我叫了蟹肉拉麵及餃子，我老公則叫了豬軟骨拉麺。這一間名叫札幌拉麵，相信拉麵一定係主打了，誰不知質素是那麼差。麵餅一大舊，好像冇煮過，湯底淨得一個咸字，蟹枊是䀲的，仲有隻蛋又唔新鮮，一股很怪的味道。唉!最後我食咗少少就放棄了，後來我向店員投訴此事，但她只說對不起就走了。不過算啦，我一定不會再幫襯!…查看更多

下午茶於札幌拉麵，二人點了一客拉麵飯餐，另加兩客壽司。三文魚魚生飯魚生賣相口味一般，反而用上的米飯加上芝麻後挺好吃。叉燒拉麵用上味噌湯底，多吃確是有點鹹，叉燒有四五塊，份量足，味道普通。拉麵富口感，不俗。壽司方面，甜蝦壽司屬中規中矩之作，帶子壽司則幾鮮甜，可作推介。…查看更多

168$既二人套餐:二人沖繩豚角拉麵套餐沙拉牛油拉麵沖繩豚角拉麵三文魚刺身(4件)辣湯煮蜆首先,我地早到左半個鐘左,不過位置很多,即時有位比我地。好快上左茶,不過唔知點解係普洱?!仲要係無茶味既普洱?!首先黎左個沙津,有3條蟹柳仔同一堆雜菜配麻醬,醬有點酸,但整體而言不錯(就是菜太少了)一食完沙津D侍應就拎左個"辣湯海鮮"<----睇清楚,唔係上面講既辣湯煮蜆一隻帶子(無味),一隻蝦(肉實而無味),一塊魷魚(無味),一舊唔知咩(無味)接住黎係2個拉麵,唔知食拉麵正常駛唔駛等啦,反正我唔等既話D麵身係一D都唔好食,等左5分鐘到D麵身就差不多入到口,唔係就同零食店幾蚊一碗煮唔熟既公仔麵一個級數.隻蛋本來幾好食,不過唔點解好似毀容咁爛爛地....嗯...3塊豬肉變左2塊,好,2個人嘛另一碗牛油拉麵反而唔錯,同面板上既一模一樣,塊叉燒都OK最後比4件三文魚,望上去幾新鮮,聞上去都有香味,不過好神奇食落去係差不多無味既!!!聞香過食,我以為只有煮過既食物先會咁,原來刺身都會D芥末唔夠味,醬油好淡,落幾多都無咩大分別,相當之健康!總之$168真係唔抵,仲有16.8加一.…查看更多

蒜片牛柳粒定食牛柳粒唔夠鬆軟.. 不過個定食夠多野食, 三文魚刺生算新鮮.. 有蜆湯..同豆腐..不過個豆腐呢..起MENU上面就係一尊.. 俾你既就係一薄片..吉列豬扒定食豬扒夠大塊, 但炸但唔夠鬆脆.. 脆就夠脆... 不過可以鬆脆D, 好味D坐得好舒服! 多數都係梳化位!同隔離又分得開! …查看更多

香港人真的哪麼喜歡吃啦麵嗎！？看ＯＰＥＮＲＩＣＥ，上榜的大多是拉麵店，難怪有朋友說在香港吃的日本料理比日本還多。。。其實拉麵熱潮早於十多年前，味千同札幌帶入香港，果時仲誇張，要等幾個鐘頭。果時札幌拉麵都好出名。不過其實我麻麻地食拉麵，不過老公想食，一次半次都ＯＫ。豬軟骨拉麵係招牌，舊豬軟骨好大舊，整得好林，好入味，而且唔使點咬。拉麵係曲麵，好粗身，日本唔同地方，面質都唔同，粗麵索左湯汁，我喜歡。湯底係極濃面鼓湯底，咸到咩咁。搞到我要飲幾杯水先中和番。講真一碗拉麵成舊水，點解仲咁多人去食呢？呢度唔使點等，味道ＯＫ　ＫＥＥＰ到。…查看更多

中午飯,漏單情況嚴重。我們6人,1人漏單,佢成程望住其他人食；左邊那枱,2人食,1人漏單；右邊那枱,8人食,2人漏單；後面那枱,12人食,1人漏單。每一台人都在發脾氣。最後我同事自己走去食碗麵。同事話來3次,3次都有漏單。侍應解釋刺身部廚師不足,大家都好冇癮。不想再來。…查看更多

星期五跟同事食飯.6個人點了6個午餐. 其中5個餐在20分鐘內到. 但最後一個餐等左成個鐘都未有. 之後我地每5分鐘追一次單. 個waiter 次次都話整緊, 但再等多半個鐘都未有. 最後我地1.45pm 埋單走人吾等. 兩個月前我地都試過在這家店order午餐等一個鐘先上菜. 點知今次重差.以後都吾會再來這店…查看更多

星期五跟其它同事食午飯, order 六個午餐。20分鐘後出了頭五個午餐。之後就出事了。一直等了一個鐘頭都未有最後一個餐. 我地已經每5分鐘叫d waiter 跟單一次. 一直等到1.45pm 都未有得食. 最後我地埋單唔等. 上兩月個來這店食lunch 都等左1個鐘先出齊餐, 今次重差個上次。以後都唔會再來…查看更多

又係團購魔力, 用了COUPON HK$138 買二人套餐, 前菜有柚子大蝦沙律, 小食有6隻自家製日式餃子及鴛鴦薯餅, 另招牌牛油拉麵/ 霜降牛肉熔岩拉麵/ 黑豚生薑燒定食(3揀2)先上柚子大蝦沙律, 附有兩隻大蝦, 蝦肉爽口, 蔬菜新鮮, 配上日式醬汁, 入口酸酸甜甜, 正慢慢享用之際, 日式餃子, 牛油拉麵, 鴛鴦薯餅, 霜降牛肉熔岩拉麵陸續上枱, 簡直叫人停不下來, 這裡希望店方留意一下上菜的速度揀了牛油拉麵同霜降牛肉熔岩拉麵牛油拉麵為 Domon 招牌菜, 拉麵配上麵豉湯底伴以一小片牛油, 兩片很瘦的叉燒, 入口不鞋又不韌, 可惜湯底不夠熱, 輕微降低了質數霜降牛肉熔岩拉麵, 先飲湯, 湯夠熱, 入口辣得來還有些輕微的麻辣感覺, 湯底濃郁配以幾片薄薄牛肉, 雖不入口即溶, 但肉質很滑, 至於麵底則煮得軟硬適中, 食得辣的, 這個是不錯的選擇, 相比之下, 招牌拉麵反而相對失色日式餃子用了豬肉作餡, 並夾了菜絲, 可能係一早煎起, 入口不熱又不暖, 全餐最失敗之作鴛鴦薯餅是紫芋栗子薯餅和南瓜薯餅, 將紫芋栗子和南瓜壓成茸, 再沾上麵包糠炸, 入口香甜好吃:)服務很好, 店員不斷為我們添水, 感覺貼心:)…查看更多

因為某大團購網而購買了二人套餐 ($138)，亦發現原來自己係第一次黎食DOMON，之前成日聽人話好好食而家終於有份黎試下此二人套餐包括：大蝦沙律、日式餃子、鴛鴦薯餅、牛油拉麵及黑豚生薑燒定食嘩！其實真係鬼抵 (心諗DOMON 咁大間野應該唔會因為團購而厄人)所以搵晚星期五就去前菜先黎大蝦沙律不過不失，大蝦真係大蝦 睇下幾大隻！抵讚到日式餃子普通貨色，好似八方XX仲好食再黎鴛鴦薯餅呢個真係冇得頂！成餐最最最好食！俾LIKE佢主菜牛油拉麵，好似好平凡，冇咩特別... 連相都冇影:(之後黑豚生薑燒定食好麻麻，又DRY又冇咩味，唉‥‥希望店主睇到呢個食評可以改善下…查看更多

早於半年前已有留意團購網的飲食優惠，希望揀到一間「質素好」:) 又「抵食」 的店舖試吓。8月4日，團購網上出現「名人至愛拉麵店」的宣傳，以$59 / $138於Domon 札幌拉麵享用一 / 二人套餐一客，盡享大蝦沙律、日式餃子、招牌牛油拉麵 / 霜降牛肉熔岩拉麵 / 黑豚生薑燒定食及更多美食 (價值高達 $350) ，並寫上「曾獲蔡瀾喻為香港唯一一間最正宗日本北海道拉麵店」，相信質素一定不錯，便訂購了$138 二人餐優惠券。上去開飯前，都有留意Coupon的細則，預先打電話訂位。原來午市2：00過後可以接受walk-in，而晚市（6：00後）則要訂位。訂枱時，侍應均有禮地回覆，並主動詢問會否使用Coupon :)，讓顧客感覺到餐廳員工細緻和貼心的服務。很久沒有到過海，真是「大鄉里出城」。找了一會兒，終於到達利舞台。入口處有一位女侍應在派優惠券，一接之下發現剛好是Domon札幌拉麵專用的。 由於我們今日用團購優惠，Coupon便要留待下次用了。相信食物質素好的話，我也會再次幫襯的。上到食店的正門，可能時間較早（6：10 pm），餐廳只有一桌食客，侍應很快便帶我們就座，並送上熱茶。坐在面向廚房的梳化椅上，可以清晰地看見廚師灒酒、拋鑊等，香氣四溢，真是賞心樂事。第一碟上菜的是日式柚子大蝦沙律。可能是肚餓的關係，這個沙律被我掃清了。雖然團購網上寫「原隻加拿大海蝦，烤熟後焦香惹味」，但上菜時蝦已經涼了，只是像吃白灼蝦一樣，吃不出烤熟後的香味。不過，不得不讚的是淋在沙律上的的胡麻醬汁，酸酸甜甜，伴著蔬菜一起吃，非常開胃。第二碟上菜的是自家製日式餃子（6隻）。 可能我們平時在家都會包餃子吃，感覺餃子內的豬肉未夠新鮮，也吃不到餃子內的韭菜、冬菇，所以我們的評價只是一般。可能大型超市的急凍餃子比它還要好。雖然如此，我們也把它吃光了。 第三碟上菜的是牛油拉麵。 此拉麵有叉燒、粟米粒、筍、海藻做配菜。叉燒的肉質一般，也不算新鮮嫩滑，但拉麵和平時吃的不一樣，感覺到有苦味（不知甚麼原因）。是否加了鹼水的緣故﹖總體而言，這碗拉麵不能算為合格之作。第四碟上菜的是黑豚生薑燒定食。 放上枱時是熱辣辣的。:) 黑豚肉連洋葱燒得十分香，咬下時肉味頗濃，不會有油膩的感覺，飯也是熱騰騰，不會黏牙的。整體而言，黑豚肉的新鮮和調配的汁料跟吉x 家的牛肉飯有明顯的不同。所以這碗黑豚飯也挽回了剛才失去了部分的分數。此碗定食連同麵豉湯一起上，不過由於已吃牛油拉麵和煎餃子，所以還是喝茶中和一下油膩的感覺。最後，今次極力推介的鴛鴦薯餅（4件）。 眼前金黃色的薯餅明顯是剛炸起的，咬下去有外脆內軟的感覺，而且口中微微有栗子和南瓜的鮮甜味出來，令人感受到師傅準備食材時的用心。加上日式沙律醬，真是幾飽都要食晒佢。哈哈﹗侍應們的招呼十分殷勤，添茶時也很有禮貌，希望食店再調較拉麵的味道，再加入更多新鮮的食材，留住更多食客﹗…查看更多

囡囡好想食拉麵, 睇過食評, 想試下呢間, 我食: 叉燒拉麵麵豉湯底, 囡囡: 和牛拉麵清湯底, 餐前小食: 燒雞泡魚干叉燒拉麵既叉燒略嫌太薄太瘦, 普通左d, 湯底麵豉味濃, 不過味精多, 食完好口乾呀囡既和牛拉麵就好得多喇, 和牛肉味濃, 浸住湯都好唔會好熟, 6成熟左右, 加上清湯配合得相當好, 呀囡一味話好食:)最後係燒雞泡魚干, 普普通通, 還可以:)…查看更多

友人買了札幌拉麵2人餐團講, 在9月11下午4時book了同晚7:30pm. 本來是想約8時的,但last booking 係7:30pm. 約遲了5分鐘到達, 侍應帶我們坐下, 店內約9成滿, 地方頗大, 坐位與坐位間距離也好寬敞, 不錯.團講2人餐包括日式柚子大蝦沙律, 6隻自家製日式餃子, 4件鴛鴦薯餅, 牛油拉麵/霜降牛肉熔岩拉麵/黑豚生薑燒定食自選2客.友人選擇了霜降牛肉熔岩拉麵, 而我則點了黑豚生薑燒定食.先到的是霜降牛肉熔岩拉麵 -- 此拉麵是辣的, 味道ok, 都算幾辣, 如果唔食辣的人,最好不要選這個.之後是鴛鴦薯餅 -- 紫芋栗子薯餅和南瓜薯餅, 兩款都炸得香脆可口, 不油不膩, 我覺得紫芋栗子薯餅比南瓜薯餅好味. 這是全晚最出色的食物. 話有4件薯餅, 其實只是把2件薯餅, 切成4塊.再來的是黑豚生薑燒定食 -- 其本味道和吉野家差唔多, 只是換上了豬肉, 無特別. 說是定食, 但只有飯一碗, 並無前菜,小食或湯. 有d搵笨.再之後是日式餃子 -- 麻麻地, 味道不特出,食完都唔覺得食左餃子.最後來的反而是應該最早送到的日式柚子大蝦沙律 -- 這是全晚最差的一道食物, 只有一款菜和2隻大蝦, 大蝦無味, 菜就又嚡又帶點苦味, 找遍全個沙律也找不到柚子, 最後只吃了2隻大蝦, 剩下一大堆像野草的菜.埋單$138(團講) + 10%, 呢個價錢 都唔算貴, 份量都唔會因為團講而減少, 除了沙律特別差外, 其它食物都尚都算ok, 都係個句, 唔係團講價錢平d, 應該都唔會再去. …查看更多

團購瘋系列 -- 「Domon 札幌拉麵」這個品牌在香港已做了十多年，一直有聽過其名字但還沒有機會一試。早前見有網站以 $138 推售這裡的二人套餐，記得曾看過飲食雜誌介紹，提及蔡瀾是這店的常客，更把自家品牌的日本吉品鮑魚供應給此店作拉麵料，雖然這次團購並沒有此款拉麵提供，但見個套餐價錢適中，而且除拉麵外，還有沙律、餃子、薯餅等日式小吃，所以也買了一張 coupon 和老公來試試。先致電預約星期三來午膳，原來女店員說午間不設預訂，自行 walk in 等位便可以了。噢，更好，由於老公工作較忙，兩點後用膳就最適合不過，既然無需訂位，時間上就更靈活了。銅鑼灣的 Domon 座落於利舞臺六樓，門口除了見慣的 DOMON 字樣之外，還有很大個的「土門」Logo，初頭還有點狐疑是兩間店舖，經了解後，原來發現這裡是「一店兩食」，Domon 供應拉麵小吃，而「土門」就提供日本料理。向店員說出是來享用團購餐後，服務員竟然不是引領我們到店內，而是到店外走廊通道一列連梳化的座檯，幸而座位十分寬敞，加上人流不多，坐得非常舒服。說回這次的二人套餐，優惠券可換領的食物包括有日式柚子大蝦沙律、6 隻自家製日式餃子、4 件鴛鴦薯餅，另外可從牛油拉麵、霜降牛肉熔岩拉麵、黑豚生薑燒定食中，自選任何 2 客。首先上檯的是日式柚子大蝦沙律，據說是用上原隻加拿大海蝦，伴以柚子肉及新鮮有機蔬菜。其實這碟沙律的蝦隻並不算大，而且一碟只得兩隻，柚子肉份量亦很少，猶幸味道都幾 fresh，配上胡麻醬汁，入口酸甜清新，是一道不俗的頭盤。一碟 6 隻的自家製日式餃子，外型飽滿圓潤，而且外皮頗薄，挾上手還有透光的感覺。至於內裡的餡料，材料就包括有豬肉、韭菜、冬菇等，份量下得毫不吝嗇。一口咬下，嗯，肉質欠了點豐潤，而且肉汁亦不多，幸而口感雖乾，吃起來卻有嚼勁，加上餃子底層煎得甚為香脆，餃皮亦頗鬆軟，也算不錯。另外一碟 4 件半圓形的鴛鴦薯餅，共有兩款口味，先講紫色餡料的，其實就是紫芋栗子薯餅，據說是採用了北海道薯加入紫芋及栗子製作，芋頭味不俗，而且咬落滿口綿密香甜，可惜外層脆口得來卻有點硬實，幸而粒粒栗子夠咬口，都可以一試。至於黃色餡心那款，其實是南瓜薯餅，薯餅表層雖然未算特別酥脆，但裡面磨成蓉的南瓜泥，入口還算軟綿香甜，不過伴吃的蛋黃醬，味道怪怪的，還是不沾醬來得更灑脫。主菜方面，雖然知道「牛油拉麵」是 Domon 的招牌菜式之一，而且聽講啲叉燒肥瘦均勻，肉味濃郁，不過早前看過食評，見大多批評此款拉麵的湯底做得過鹹，加上筆者向來亦不特別愛吃牛油，所以就選了另一款，侍者於點餐時一再強調是辣的「霜降牛肉熔岩拉麵」。據說這款拉麵，食材選用了澳洲 M7 和牛，由於其油花分佈均勻且密集，彷如雪霜般，故有「霜降牛肉」之稱。製作方面，牛肉先用辣醬煮熟，再配上多種香料調配成辛辣湯底，服務員把拉麵一放上檯時，筆者已急不及待先喝一口。嘩！辣味果然十分超卓，幸好味道辣得來也不失麵豉的甘香濃鬱和幼滑口感。湯底方面，廚子採用了北海道濃豬骨湯的風格，故此入口頗漿口而味濃。至於啲牛肉，肉質細嫩可口，雖然未至於入口即溶，但口感軟嫩多汁，味道也頗不俗。麵條方面，據說是由小麥麵粉製成的，並且加入了較多的雞蛋，故顏色特別黃，不過咬落麵身又唔多覺有雞蛋香味，但個麵質就頗為滑溜，夠曬煙韌彈牙，浸久了也不覺糊口。至於另一款黑豚生薑燒定食，就有點貨不對辦，皆因印象中「定食」的食物大致上會包括有飯或麵、前菜、味噌湯、茶碗蒸等，但這個定食只有黑豚生薑燒飯一碗，配菜一律欠奉，與團購網上的圖片亦有所出入。味道方面，這個生薑燒是以薑汁及洋蔥炒美國黑豚肉薄片，豬肉入口肥瘦均勻，而且肉質亦不覺嚡口，本來也算不錯，可惜洋蔥的強烈味道完全蓋過了薑味，入口變成了像在吃洋蔥豬肉多一點，失去了生薑燒的神髓，建議廚子應在碗飯臨上桌時才淋上薑汁，使薑味不會揮發，從而帶出豚肉的肉香。總括來說，整份套餐味道不過不失，由於團購餐要另付加一服務費，即 $13.80，故結賬實際支出為 $152。順帶一提，服務質素本來不太差，可惜人手太少，要叫服務員實在頗考客人的耐性和容忍度。…查看更多

燒油甘魚頭，唔好食，好腥，又燶喎。姜汁黑豚肉定食都麻麻哋，乾爭爭冇汁嘅。（唔記得個名）？辣味牛肉拉麵，呢個掂呀，好好味，但係好味當然因為有味精！好口喝呀！餃子，ok 啦。栗子餅，蕃薯餅，good 呀，好香好脆。（用 iphone submit, upload 唔到相呀）…查看更多