Dodam Chicken (利舞臺廣場)

訂位嗰陣都唔知道原來係last day，去到個reception話卡機壞咗要俾現金，呢個20年前嘅套現手法我都識啦，去到落單話呢樣冇嗰樣冇，連部隊鍋咁簡單嘅嘢都冇，仲唔喺執笠？叫咗炸雞、pizza、沙律同埋牛肉粉絲年糕鍋，上菜速度快如閃電，炸雞擺盤靚仔，味道都ok，係溫度唔太夠！Pizza不過不失，沙律就揸流攤，牛肉粉絲年糕就無咩味，last day既水準應該係咁上下！但侍應嘅服務態度就差到一個點，夠膽一路做嘢一路講粗口，好明顯係唔怕炒既表現，anyway 45分鐘完事離開，完！…查看更多

聽講這韓國餐廳很快結業了，所以快快過來回味一下。✨🍴半半烤雞（蜂蜜牛油香蒜烤焗雞+白雪芝士雞）$248: 一份雞兩種口味，啱哂我呢啲想食多種口味但胃口細細嘅人，雞皮烤得香脆，雞肉嫩嫩，ok。✨🍴芝士年糕拉麵$175: 年糕軟糯；芝士份量絕不手軟，多到可拉出長長芝士線，滿足芝士粉👍🏻✨🍴半半薄餅🍕（古岡左拉芝士薄餅+黑松露蘑菇薄餅）$165: 黑松露有點咸，但很香；古岡那邊就香脆點，我鍾意呢個多啲。…查看更多

Sunday lunch difficult choice in times square area. I saw this kind of restaurant and i want to try since name was chicken!! Nice environment and design!! I was surprised to see pizza in the menu and i decide to go for pizza margherita and dodam topokki.Pizza margherita it was ok. Korean style cant say italian but good and also big size and very good ingredient, mozzarella cheese was very good quality. Only little be more cooked would be perfect.The dodam topokki was really good. Mix tomato and kimchi was perfect combination with also the dodam i guess they are kind of noodles so good lovely. Price was good and appropriate with quality of food.…查看更多

想食韓國嘢嘅時候通常第一下就會諗起Dodam Chicken。位置喺銅鑼灣好方便。Menu有好多好多嘢食揀，每樣都好吸引好期待。首先，半半薄餅是必點的選擇。今次揀咗經典嘅瑪格麗特披薩加黑松露的獨特風味一齊。薄餅底脆口感超正，搭配香濃的黑松露醬，令人想一啖接一啖，完全停唔到。另外叫咗個一次過可以滿足晒三個願望嘅三味脆雞。蜂蜜牛油香蒜脆雞的外皮香脆，甜中帶鹹嘅味道好開胃。咸蛋黃口味就是另一種風味，絕對係咸蛋黃愛好者的最愛。而原味脆雞就唔使講經典之中嘅經典，適合喜歡原汁原味的人。最後，仲有部隊鍋。湯底好夠濃郁，料又多，搭配香腸、泡菜和豆腐等，吃起勁滿足。仲有個爐一路滾住，Dodam Chicken真係無論是朋友聚餐定家庭聚會，只要想食韓國嘢就會嚟!…查看更多

好想食韓國烤雞，朋友在銅鑼灣找到間，食物質素很有韓國風味，侍應們都很有禮貌，而且價錢合理，所以7点後已經坐滿人這裡的韓式烤雞有不同的醬汁，不同口味，雞件烤焗得剛剛好，仍然保持肉汁，嫩滑的雞件沾滿美味的醬汁，非常好味，今次点了個雙重滋味～◇韓式辣焗烤雞～ 韓式醬汁口味，微辣，滋味好食◇蜂蜜牛油香蒜焗烤雞～每啖都有三款的香味，有層次感，特別香甜好味◇招牌沙律～新鮮的沙律菜，加入菠蘿，提子乾，果仁及沙律醬，清新醒胃◇韓式海鮮煎餅～香脆的煎餅，用料豐富，魷魚，蝦仁，韮菜，味道很好，上枱時陣陣香味，非常吸引◇招牌年糕～年糕口感很好，加入蔬菜一齊吸收了韓式年糕醬汁，微辣，很冶味…查看更多

突然之間想食炸雞，即刻喺OpenRice搵吓銅鑼灣嘅炸雞， book枱有六五折即刻book咗今晚8:45嚟到之後認得發現原來自己早幾年食過一次想食嘅款冇一半一半選擇，又想食兩隻味，所以揀咗呢隻，嚟到嘅時候發現自己揀錯咗，我本身想食脆卜卜嗰啲炸雞，揀咗類似燒雞，不過唔緊要，我男朋友鍾意食燒雞多啲左邊嗰隻係香辣，醬汁濃啲，右邊嗰隻係蒜豉油跟住另外揀咗個年糕芝士拉麵，個底嘅鐵板滿滿咗芝士黐住個鐵板有拉絲好正，菜味比較濃啲，感覺上清清地兩個人食一碟炸雞一碟拉麵加個嘢飲已經好夠，仲食淨幾舊，好彩冇眼闊肚窄折扣後埋單$397 ，間舖頭10:00閂門，我哋8:45左右去到，坐到大約9:45左右都夠時間食…查看更多

上次食韓式午餐，覺得毫無味道，今次再試另一間餐廳。因為未食過，所以特意點一客部隊鍋。原鍋呈上，卻比想像中的細盤。除了不可或缺的午餐肉之外，還有腸仔、青蔥、金菇、芝士與即食麵等等，每樣都各司其職。湯底喝到泡菜的味道，但驚喜欠奉，不是很部隊。海鮮煎餅極之大塊，半徑足有十二吋長！餅底薄脆香口，海鮮主要為蝦仁、蠔仔和八爪魚，更有甚多的香蔥，非常可口。配上的蘸汁鹹而微辣，進一步引起食慾！我們柯打的韓式炸雞乃蜂蜜豉油香蒜味。雞的脆衣酥脆不在話下，雞肉幼滑，裹上蜂蜜豉油以及灑上一些蒜片，鹹甜平衡襯托得好，而且不算油膩，食完也沒有罪惡感。除了部隊鍋之外，其餘兩道都是滿意的。…查看更多

話說我同朋友去咗銅鑼灣嘅「Dodam Chicken」，呢間韓式炸雞店位於利舞臺廣場18樓，環境好有韓風，黑色鐵通同木系裝潢，仲有K-pop喺背景播，氣氛好chill。餐廳座位寬敞，服務員仲好有禮，會同你講解點樣食得更好。今次我哋點咗兩款招牌菜！😋黃金鹹蛋炸雞 真係韓式炸雞嘅經典之選！雞肉用無骨雞塊，炸得金黃香脆，外層嘅炸粉薄薄一層，咬落去脆口但唔油膩。鹹蛋黃醬汁好濃郁，帶點鹹香同creamy嘅口感，滲入雞肉，食落好惹味。雞肉保持嫩滑多汁，每件都好均勻咁裹上醬汁，份量十足，兩三人share都夠飽。旁邊仲配咗少少酸蘿蔔，清爽解膩，食完真是一個享受！🍗韓式水冷麵 係一道好清新嘅選擇，尤其啱晒夏天食。麵條用蕎麥麵，煮得彈牙爽口，浸喺冰凍嘅湯底入面，湯底帶點酸甜同微辣嘅味道，飲落好開胃。配料有青瓜絲、紅蘿蔔絲、白蘿蔔同半熟雞蛋，青瓜同蘿蔔絲爽脆，增添咗口感，雞蛋黃流心，攪拌後令湯底更creamy。份量適中，食完炸雞再嚟呢碗冷麵，真係好解膩又舒服！🍜…查看更多

約朋友食飯，又想食韓式炸雞。。。其實想去尖沙咀食。。。但要就住香港嘅朋友。。。又怕大雨唔方便。。。咁啱搵到地點適合嘅呢間。。。openrice訂位有75% off。。。又冇乜睇食評。。。以為多人食應該唔差得去邊。。。三人準時到達。。。店員又有好好嘅安排同服務，卡位好坐，三人決定下單。。。兩款半份嘅炸雞，一個人蔘湯。。。啤酒一杯。。。柚子凍飲一杯。。。終於期待嘅食到了。。。熱辣辣。。。滿心歡喜食了兩款味道。。。咸蛋黃同香蒜。。。um....味道正常。。。但雞鞋口😞。。。唔juicy。。。人蔘湯冇乜味🤣。。。清兵勇再order牛肉炒粉絲。。。夠熱但牛肉得幾條。。。又細碟。。。唔想影相性價比不高。。。唯一，如果不太對食物有要求。。。飲吓啤酒坐吓係可以嘅。。。。店員服務好。。。。完！😜 …查看更多

第一次嚟，環境潔淨舒適，食物味道唔錯，Open Rice 訂枱有六五折，不過每人最低消費$150.-，10%服務費另計。我哋叫多咗少少，眼闊肚窄，仲叫咗兩杯啤酒，最後拆扣完，平均每人$210.-左右！整體滿意！特別推介，韓式手抓飯…查看更多

有friend嚟香港玩，就帶咗佢哋之前都食過好幾次嘅韓國餐廳。求其嗌嘅一個炸雞超級無敵好食，主要係比較有特色啲。麵包裏便係啲芝士醬一切落嚟就全部流晒落嚟，浸到下便嘅雞塊就好有滋味。仲有個蛋捲，睇落平平無奇，一試就知厲害，蛋香濃郁到不得了，口感綿密軟滑，咬開仲有芝士流心，鹹香牽絲嘅芝士夾雜喺嫩滑蛋卷入面，鹹甜平衡啱啱好，趁熱會比較好食。份量又大份，價錢仲好親民，CP值高。但係依隻炸雞會有少少嘅油，不過影響都唔算好大嘅。…查看更多

第二次去呢一間餐廳度食飯，weekend星期日餐廳都好少人，其實我覺得佢都好好食，可能始終佢係上咗樓，冇乜人會特登上嚟食。今次叫咗一個四人餐，一個兩人餐同一個炸雞籃，炸雞試咗原味、蜜糖牛油、鹹蛋黃三隻味，每款都好味😋芝士蛋捲都好出色！…查看更多

3味脆雞$268三隻味道嘅脆雞拼盤非常之高性價比，一個價錢可以食到三隻味道。而且每一隻味道都有二人份量，一次過試晒三隻味道。叫咗原味脆雞、蜜糖牛油脆雞、黃金鹹蛋脆雞。原味脆雞上嘅時候會附上芥末醬，微攻鼻嘅感覺添加脆雞嘅味道。蜜糖牛油脆雞，蜜糖甜甜嘅味道正好解左炸雞嘅油膩。而每一粒黃金鹹蛋脆雞都裹上咗厚厚嘅鹹蛋醬。半半pizza $165 揀左一半margarita 味，另一半黑松露蘑菇味。Pizza係薄底，食完一塊之後罪惡感唔會好重，而且批底係脆脆底，好想再食多塊。部隊鍋$188 大大碗部隊鍋，鍋嘅形式上枱。Gas爐喺下便一直reheat , keep 住啲芝士係融化嘅狀態。部隊鍋入邊有香腸、芝士、午餐肉、泡菜、大蔥，經典嘅配料組合夾埋韓式泡麵，每一啖都係滿滿嘅滿足。…查看更多

突然間興起想食韓國炸雞，今晚約咗男朋友去銅鑼灣利舞臺廣場。一入到去見到間餐廳好大，仲有電視睇添。見到餐牌有好多唔同款嘅炸雞，首先佢有分無骨同有骨嘅炸雞，有骨用曬成隻雞件，無骨用雞胸肉，我哋懶人選揀無骨，而且仲要係咸蛋口味嘅炸雞，色澤金黃，一咬落去香脆可口，配上香濃的咸蛋黃，十分美味，一啖一口，之後再配埋酸蘿蔔，好滿足！韓式粉絲卷配年糕粉絲炸紫菜包住滿溢的粉絲，外脆內軟的，令人驚喜年糕粉絲份量好足，顏色睇落好似好辣咁，食落去甜帶少量辣，里面晶瑩剔透的粉絲配上煙靭的年糕，還另加一些魚片，蔬菜等，醬汁係微辣加少少甜，食落去好開胃。最後仲叫埋Korean drink，一邊飲汽水一邊解油膩！…查看更多

今日同大家分享一間隱藏喺銅鑼灣鬧市嘅韓式小店，主打兩款極具罪惡感嘅美食——「韓式即炸鹹蛋黃炸雞」同「韓式辣炒年糕」，兩款都係令人食到停唔到口嘅邪惡之選！🤍韓式即炸鹹蛋黃炸雞：鹹香爆棚嘅黃金誘惑一上枱，個賣相已經贏晒！金黃色嘅炸雞件件都沾滿咗濃郁嘅鹹蛋黃醬，仲有啲鹹蛋黃碎碎掛喺面頭，未食已經聞到陣陣鹹香，真係「香到隔離枱都望過嚟」！外皮炸得啱啱好，脆而不硬，咬落去「索索」聲，證明係即叫即炸。個炸漿唔會太厚，完美包住雞肉，仲要keep到肉汁，師傅手勢一流！鹹蛋黃醬呢個真係靈魂所在！醬汁濃稠度適中，唔會太稀亦唔會漿住個口。鹹蛋黃嘅香味非常突出，帶微微嘅沙粒感，仲有少少蒜香同辣椒碎吊味，食落鹹香中帶少少辣，非常過癮。最正係佢哋落足料，每件雞都均勻沾滿醬汁，唔會話有啲淡茂茂。肉質嫩滑多汁，就算放耐咗都唔會乾柴。醃得夠入味，就算唔點醬都已經好夠味。份量都幾足，兩個人share剛剛好。🤍韓式辣炒年糕（配有公仔麵、魚腐、洋蔥、芝士）：邪惡大雜燴呢個辣炒年糕絕對係「大堆頭」之作！一鍋上枱，見到啲芝士仲係「滋滋」聲咁溶緊，仲有啲拉絲效果，視覺效果滿分！年糕用咗韓國進口嘅條狀年糕，煙韌度十足，咬落去有嚼勁但唔會硬。吸晒啲辣汁之後更加好味，不過要趁熱食，凍咗會變硬。公仔麵估唔到同韓式辣醬咁夾！麵質煮得啱啱好，彈牙唔會過淋。索晒啲辣汁之後，每啖都充滿韓式風味，仲要掛汁能力一流，正！魚腐驚喜位！魚腐吸晒啲湯汁之後超級入味，咬落去爆汁，仲帶少少甜味，平衡返個辣度。洋蔥炒得夠淋但又保持到少少脆口…查看更多