DINELAND

营业中

休息中

今日嚟到屯門良德街3號連風地下一號舖， 輕鐵站行過去幾分鐘就到，好容易搵。去到見到佢裝修好新穎別緻， 有分室內同室外兩部份。 我見好多人都坐咗喺室外， 應該都幾舒服吧。 而我哋就選擇咗坐室內。 我哋點咗一個晚餐， 刨黑松露帶子扁意粉。 呢個套餐本身跟咗一個蘑菇湯，黑糖包同埋飲品。套餐另外可以加錢配半打生蠔。 我哋當然要試吓啦。 另外再加咗一個三文魚 pizza。刨黑松露帶子扁意粉一片片嘅黑松露未食已經聞到好香，咬落口亦好有口感，同帶子扁意粉相當配搭。生蠔個生蠔相當出色，沒有鹹水味，但卻有鮮蠔味，大小適中， 夠晒新鮮。三文魚 pizza係屬於白皮嘅一組pizza。 每片pizza上都有一塊厚厚嘅煙三文魚， 好有口感。埋單大概600蚊。 我覺得以呢個店鋪氣氛， 加上食物質素， 性價比好高呢。#隱世小店#Dineland #高質西餐#屯門美食#生蠔#黑松露#黑糖包#foodie

今日約左朋友仔係屯門食晚餐，我地嚟到左DINELAND。今日嚟到餐廳幾乎滿座，非常受歡迎。餐廳裝修有格調，燈光昏暗，每台都有小蠟燭，幾浪漫。餐廳全日免收加一！一上座店員就會送上黑糖麵包，麵包好香，有咬口，甜甜地，配埋牛油一齊食非常美味。Dinner set 包左沙律、餐湯、主菜同飲品。是日頭盤今日供應火腿沙律，沙律菜新鮮，好脆口。醬汁酸酸甜甜，好開胃。火腿香口，令沙律不再單調。是日餐湯菜湯好清甜，飲得到雜菜嘅香甜，裡面有唔少椰菜、芹菜同蕃茄等材料。即刨黑松露帶子扁意粉 $198黑松露意粉好香，面頭仲有新鮮即刨嘅黑松露碎。黑松露醬味道濃郁，好creamy，每條意粉都沾滿醬汁。帶子大大粒，好飽滿，外層煎到帶少少脆，內裏仲係半生熟狀態，鮮甜美味。Tiramisu +$30Dinner set仲可以加 $30跟甜品，我地揀左tiramisu。Tiramisu手指餅層好濕潤，充滿咖啡香，而cream層cream cheese味滿滿，好creamy。芝士奶蓋芒果四季春 +$22芝士奶蓋好味，質地厚度啱啱好，奶蓋充滿鹹香，而且份量好多。底下係芒果味嘅四季春茶，好似飲緊果茶咁。脆皮德國咸豬手配酸椰菜（

尋日約左朋友仔係屯門食晚飯，餐廳叫DINELAND, 朋友仔之前試過覺得唔錯，所以今次再同我黎☺️餐廳環境好靚，裝飾用左大量綠色植物，落地玻璃，彩光度足，而且坐位舒適，晚餐桌上仲有一盞小燈，氣氛都幾浪漫。我哋叫左一個set dinner 前菜有煙三文魚沙律，主菜係法式紅酒燴牛面頰闊蛋麵仲有雜菜湯，+$30有甜品，揀左朱古力心太軟！之後再散叫左薄餅同薯角，同埋提拉米蘇。落完單仲有黑糖小餐包😋上桌微暖，外皮微脆帶點黑糖同黑麥香氣，內部鬆軟，搭配雜菜湯不錯。 而雜菜湯，蔬菜分量足，酸甜開胃。 煙三文魚沙律三文魚新鮮，沙律菜爽脆，搭配醬汁清淡不膩，屬穩陣前菜。 法式紅酒燴牛面頰闊蛋麵牛面頰肉燉得軟嫩，切成細細方塊，一口一粒，食到濃郁牛肉香；闊麵吸附紅酒醬汁入味，麵條軟硬到適中，整體濃郁飽足。 意式水牛芝士薄餅 餅底薄脆，芝士量足且香氣十足，簡單配搭蕃茄但層次豐富，不經理覺就清碟，適合喜歡薄脆批底的人👍。 炸薯角配黑松露醬 薯角外脆內軟，黑松露醬香氣突出，但夾得黎不覺油膩。 甜品方面：提拉米蘇 質地偏濕軟，口感非常滑順，甜度適中。 朱古力心太軟流心效果極佳，微暖而皮脆，朱古力味濃

餐廳以灰黑色為主調，裝修以園林和現代風格結合，時尚大方。主打意大利菜，食物有水準， 是一間性價比高的西餐廳。每位客人都獲奉送一客黑糖麵包。蜂蜜牛油雞翼 $72雞翼淋上蜂蜜和牛油，香氣滿溢，味道香甜可口。傳統意式卡邦尼意粉 $168意粉口感煙韌，Creamy香滑的口感，芝士和蛋味十分香濃，每啖都吃得到蛋香味。香草忌廉煮紐西蘭藍青口 $128藍青口帶有鮮味，肉質和氣味極佳，加上香濃忌廉，味道十分配合。脆炸粗直薯條配車打芝士醬 $78粗薯條更加香脆有口惑，搭配車打芝士醬，香滑且芝士味香濃，實在回味無窮。

頭盤先上嘅「煙肉沙律」夠晒開胃，煙肉香脆唔油膩，沙律菜新鮮爽脆，加埋啲蜜糖芥末醬，酸甜平衡，正！跟住嘅「南瓜湯」濃郁香甜，質地滑溜，飲落去暖笠笠。仲有「黑糖包」外脆內軟，黑糖味香濃，點湯食一流！ 主菜「香烤保雲酥紐西蘭羊架」真係冇得輸，外層保雲酥脆口，羊肉嫩滑多汁，一啲都唔羶，配埋特色醬汁，味道更加昇華。另一道「傳統卡邦尼意粉」亦夠晒水準，醬汁 creamy 得嚟唔會太膩，煙肉同芝士嘅鹹香完美融合，意粉 煙韌，口感啱啱好。 最後飲杯「凍朱古力」，朱古力味濃郁得嚟唔會太甜，冰涼順喉，為成餐畫上完美句號。整體來講，食物質素高，份量足，絕對值得再嚟！🍽 Dineland📌 屯門良德街3號豐連地下1號舖☎️ 2333 2223⏰ 星期一至五 12:00 - 17:00 18:00 – 22:00星期六，日及公眾假期 12:00 - 16:00 18:00 – 22:00

見到很多食評都讚此餐廳。我們就專誠來一次。星期日在電話預約了晚上6點食晚餐，我們二人在5:52分去到。女職員說未能入座，我們就在外面再行一陣再入去。過了幾分鐘5:59分再入去。另一個女職員說，未夠鐘，未能入去。好，果然有原則。我們1分鐘後再入去。餐廳內位置超迫，有4個職員站在我們側面，大聲傾談。我們之間相隔距離只有一隻手相距。講真我真係不想知你同你同事的事。其實餐廳食物質素唔錯，只要改善員工服務質素一定更好。

喜歡Dineland，因為裝潢別緻出色，帶點綠野仙蹤的感覺，食物味美，體會深刻！我們獨立點了一個挪威煙三文魚薄餅。這道薄餅的基底酥脆，搭配新鮮的挪威煙三文魚，煙熏香氣與海鮮鮮味完美融合。煙三文魚質地柔滑，口感豐富，與薄餅的脆皮形成豐富對比。我們另外亦點了一個晚餐套餐，選了海膽意大利粉。鮮甜的海膽與意大利粉的Q彈口感相得益彰。醬汁以海膽為基底，每一口都能感受到海膽的濃郁之味，令人回味無窮。我們跟晚餐要了半打生蠔。它們的新鮮度極高，呈現清甜的海洋風味。搭配檸檬和醬油，讓味道更為鮮明。每一口都是大海的滋味，口感滑嫩，極具享受。晚餐配有煙三文魚沙律！這道沙律以新鮮的綠葉蔬菜為底，煙三文魚的鹹香與脆嫩的沙律菜相互輝映，搭配醬汁讓這道沙律更加清爽。而晚餐亦包有湯品，是夜為洋蔥湯。洋蔥湯湯底濃郁，洋蔥的甜味透過慢火烹煮而釋放，增添口感層次。最後我們點了Tiramisu作為甜品，以咖啡和馬斯卡彭芝士為主角，層次分明。餅乾浸泡在濃郁的咖啡中，與柔滑的芝士混合，口感絕佳。DINELAND (屯門)地址：屯門良德街3號豐連地下1號舖

於2025年4月5日，我罕有地前往大西北，尋找屯門的美食。朋友推薦了Dineland，於是我與朋友們一同前往。約7時，餐廳已經坐滿人。餐廳內及外都以植物為主，的確給人一種世外隱世桃園感覺。點了兩個晚市套餐，還單點了一份豬手，對我們三人的來說，絕對是份量十足。沙律🥗這道沙律以新鮮的生菜和時令蔬菜為主，更有西班牙火腿，搭配清新的醬汁，口感清脆，令人感到清爽，為接下來的主菜做好鋪墊。餐湯🥣*當日是粟米湯，湯底清淡，粟米的甜味略顯，但整體味道不太濃郁，缺乏深度。香烤保雲酥紐西蘭羊排🐑這道羊排採用英國傳統做法，外皮烤得金黃酥脆，內裡的肉質保持了多汁感。雖然配汁略顯普通，但羊肉本身的風味依然吸引，是一個不錯的選擇。香煎智利鱈魚🐟這道菜的鱈魚煎至金黃，外脆內嫩，魚肉滑嫩，但白汁醬的味道讓人略感失望，缺乏調味層次。若能改進醬汁，將會是更完美的享受。脆皮德國鹹豬手配蜜糖黑椒汁🍯這道豬手是用餐的亮點，份量相當可觀，皮膚烤至厚脆，肉質鮮嫩，搭配的蜜糖黑椒汁增添了甜味和微微的辛辣，口感層次分明。這道菜的性價比極高，特別是中午過來的話，只需100多港元，實在值得一試。總體來說，幸好主食味道不差，否則會被醬汁拖垮

屯門有高質素嘅西餐😃價錢唔貴，已經有晒沙律、餐、主菜同飲品，好豐富，裝修靚靚啱晒朋友仔傾偈聚會。一坐低職員會比餐牌同埋餐包，配自家製牛油🧈牛油幼滑鹹香超好食！今晚係巴馬火腿沙律，火腿大大片大鹹香配上新鮮沙律菜同蕃茄。餐湯粟米湯，粟米打成用非常幼滑，每一啖都充滿濃郁粟米香甜。龍蝦汁意大利飯配香蒜牛油焗龍蝦尾龍蝦味好大條幾驚喜🫶🏻龍蝦咬落去爽口彈牙，意大利飯熟度剛好，龍蝦汁味道濃郁香氣十足，意大利飯中間仲夾雜咗啲菇，令口感提升。香草忌廉煮紐西蘭藍青口每隻青口都飽滿多汁，充滿佐海洋鮮味，魷魚青口高質素，所以佢一直都好乾淨可以放心食。醬汁濃郁，頭先個餐包仲可以配埋啲忌廉汁一齊更好食。脆皮德國鹹豬手配酸椰菜豬手好抵食，本身已經切開咗十幾件，每件都好大好大件，豬手唔算好肥但肉厚，香脆豬手真係焗得好靚，乾身唔油膩，豬皮全塊香脆，咬落去有聲脆卜卜，配埋酸菜❤️DINELAND (屯門)屯門良德街3號豐連地下1號舖

喺屯門田景輕鐵站附近，盈豐商場入面嘅呢間西餐廳，有種自成一角嘅感覺～ 樓底夠高，有落地玻璃窗，最正係唔使加一，啱晒同朋友或者另一半靜靜地食個晚餐 😘 🍞 黑糖餐包 一坐低就有熱辣辣嘅餐包，搣開已經聞到陣陣香味～ 搽埋 Cream Cheese，老公食完即刻再要多兩個！🥗 沙律同湯 沙律好新鮮，仲有兩大片煙三文魚，鹹味啱啱好～ 忌廉蘑菇湯夠濃郁，仲有啲蘑菇粒喺入面，好味 🍄💕🦪 生蠔 加 $128 就有半打韓國生蠔～ 爽甜飽滿，仲有少少海水鹹味，唧埋檸檬汁，幾好食 🌊✨🍖 羊架 香烤保雲酥羊架係 5 成熟，嫩得嚟 Juicy～ 重點係嗰層寶雲酥，外脆內香，配埋炸薯角同燒粟米，份量啱啱好，又唔會太 Heavy。🦞 龍蝦 龍蝦汁大通粉配香蒜焗龍蝦尾已經拆咗殼，食到啖啖肉，仲帶香蒜牛油味～ 而大通粉吸晒濃郁龍蝦汁，每一啖都係精華！呢度嘅晚市套餐由 $168 起，包頭盤、餐湯、黑糖餐包、主菜同飲品，性價比高！如果想食豪啲，可以加錢升級龍蝦湯、生蠔或者甜品～ 最緊要係唔使加一，真係幾抵！

✨ 今次我同朋友決定嚟屯門一間隱世小店品嚐美味的晚餐，呢度融合咗園林同現代風格，裝修主打優雅灰調，配埋室外座位，氣氛真係好悠閒，非常適合影靚靚相打卡 📸🌿。🍴 我哋點咗兩個晚餐套餐，分別係 即刨黑松露忌廉汁意大利雲吞 以及 西班牙伊比利亞黑毛豬肉眼扒配青蘋果燒汁，兩道菜都有驚喜。🌟 黑松露意大利雲吞（HKD198） 每次嚟呢度都忍唔住點呢道菜，雲吞內餡係菇菌同猪肉，仲有濃郁黑松露味道。新鮮黑松露片鋪滿碟面，每一啖都係極度滿足。配埋濃滑的黑松露忌廉汁，真係香氣撲鼻，好味得難以用言語形容 💯🍄。🥩 西班牙伊比利亞黑毛豬肉眼扒配青蘋果燒汁（HKD298） 黑毛豬扒賣相相當吸引，肉質粉嫩而嫩滑，帶出自然的肉香。青蘋果燒汁帶點酸甜，清新得嚟又特別開胃 🍎，配菜同樣唔馬虎，有焗薯角、粟米仔、甘筍、西蘭花等😊。🥐 佢哋既黑糖餐包令人一試難忘，鬆軟又帶點微甜，配搭cream cheese更加出色，每咬一啖都可以感受到店家嘅用心 ❤️。呢度菜式分量充足，價錢合理，味道又好，真係難怪可以吸引到咁多熟客，下次一定會再嚟品嚐其他菜式 🌟😋！

星期日下晝一點半 大約等咗 20 分鐘左右餐廳有室內同室外嘅座位周圍有好多綠色植物 令人好放鬆週末都有 Lunch Set是日餐湯係蕃茄濃湯黑糖餐包微暖而且鬆軟 旁邊有唧得好靚嘅牛油醬主菜嗌咗「香辣蕃茄醬茄子貓耳朵」蕃茄汁好濃郁 加上拉絲嘅芝士碎貓耳朵煮得啱啱好配埋茄子同菇一齊食口感豐富食完主菜 意猶未盡加咗一件 Tiramisu 份量十足Mascarpone Cheese 香滑唔膩如果咖啡酒味再重啲會更好飯後隨便嗌咗一杯熱咖啡估唔到竟然會有拉花年青嘅侍應們非常 Nice就算客人眾多都有求即應4 Course Lunch Set 埋單只係 $126仲要唔收加一非常滿足 ☺️期望搵一日再嚟 靜靜地享受咁靚嘅環境同美食

成日覺得屯門冇咩好食？咁你就錯啦！今次黎到建生站附近嘅一間隱世西餐，環境舒適，絕對係約會同慶祝嘅好地方！🍽 Dinner Set是日頭盤和餐湯，仲有黑糖包Dinner set包左碗蕃茄餐湯，三文魚沙律，仲有黑糖餐包，呢個包沾忌廉青口汁一齊食超正！🦞 龍蝦汁大通粉配香蒜焗龍蝦尾 $258哇！龍蝦尾竟然係澳龍，成條鋪係通粉上面，啖啖肉🥰🐚 香草忌廉煮紐西蘭青口 +$88青口大大隻，肉質鮮嫩，同香草忌廉汁香濃惹味好搭🥑 牛油果大蝦沙律配香橙黑醋汁 $88牛油果好香滑🍤大蝦加左香菜煎香爽口彈牙，好開胃！🥭🧀芝士奶蓋四季春芒果 +$22🍓🧀 芝士烏龍奶蓋草莓 $42order左兩杯奶蓋🍹芝士味突出，烏龍同四季春茶底都有啖啖清香，配上草莓同芒果，完全唔會膩。🍽️DINELAND (屯門)📍屯門良德街3號豐連地下1號舖

屯門扺食高質西餐，餐廳裝修有型，行外國風情，配上落地大玻璃，晚餐燈光氣氛好有情調，super chill & relaxing 😍 ✨ 脆皮德國咸豬手配酸椰菜、蜜糖黑椒汁 $178 👍🏻👍🏻👍🏻👍🏻個豬手超級有驚喜❗️首先係原隻豬手，大大隻份量十足，豬皮炸到好脆，食落唔會韌，肉質都好嫩，仲有薯角伴碟，$178 超級抵食🤩✨ 海鮮龍蝦汁寬帶麵 $168 👍🏻👍🏻👍🏻 👍🏻海鮮🦞龍蝦汁闊帶麵都好吸引，有大蝦🦐 帶子、青口同埋大蜆，全部都好新鮮，有啲餐廳龍蝦汁係冇乜味，但呢間個龍蝦味超重，配搭海鮮一流😋✨ 挪威煙三文魚薄 $168 👍🏻👍🏻👍🏻 👍🏻個Pizza仲大過我塊面，個餅底係薄身但食落又超級脆，每一舊上面仲有一大塊煙三文魚，加埋芝士蕃茄醬，好食🤤👍🏻👍🏻👍🏻👍🏻👍🏻（最推薦）- 👎🏻（可以唔使試）

二訪呢間人氣繼續高企的屯門西餐廳 中間有食過午餐真的性價比很高！今次帶個市區朋友食晚餐😙晚市套餐已經包埋沙律、湯和飲品 仲可以另外加錢食生蠔/青口/甜品 甚至散叫其他pasta、pizza亦可 選擇以小店來說真的不少★龍蝦汁大通粉配香蒜焗龍蝦尾這個絕對是驚喜之選！整條龍蝦尾好靚地鋪在上面 而且已經預先拆咗殼放喺面 客人容易整條拆開食 啖啖龍蝦肉😆 大通粉口感很好 保留到少許煙靭口感而且很掛汁 龍蝦汁十分濃郁 有點像在喝龍蝦湯般 很不錯★西班牙伊比利亞黑毛豬肉眼扒配青蘋果燒汁有2大件黑毛豬扒 煎得好靚 青蘋果燒汁微微酸甜味跟豬扒很搭配 增添風味外又能減低油膩感+$30 朱古力心太軟甜品真係必加 因為點套餐只雖要加$30已經可以食到心太軟或Tiramisu😋 如果唔係太飽都會叫哂2款！心太軟還配上一球雪糕 朋友吃飽很滿意整頓飯