DIGREEN

营业中

休息中

最近去咗沙田嘅「DIGREEN」，最吸引我嘅就係佢哋嘅雪糕同蛋球仔😋 雪糕有好多特別嘅口味😍 蛋球仔即係雞蛋仔，又係有多款不同口味，而且好特別😲「楊枝甘露雪糕」😍呢個雪糕真係好正，口感滑溜，濃郁嘅楊枝甘露味，配上清新嘅椰漿，真係唔錯🍧🥹「鹹蛋黃蛋球仔」😲鹹蛋味味道濃郁，外脆內軟，真係幾有驚喜✨「葡撻蛋球仔」☺️😋餡料香滑，外層酥脆，令人食唔停口🥧❤️下次一定會再返去試其他口味👍🌿

網上有人話呢度有芫荽味雪糕，就去試，不過就冇。橫掂都嚟到，就試下佢哋嘅招牌北海道3.7牛奶軟雪糕。雪糕嘅奶味真係好濃，一食就知係用牛奶。不過質地就偏實淨，口感唔夠滑溜，仲有少少"沙沙哋"，滑度爭啲。份量都幾大杯，一個人食晒有啲膩，兩個人share就啱啱好。 最慘係個雪糕溶得快，食得唔夠快個甜筒就會淋啲，完全冇咗脆脆哋嘅口感。見到網上啲人食嗰陣有個膠兜托住，但我嗰杯就冇，搞到食到手忙腳亂，又要抹手又要趕住食，真係好狼狽。 係雪糕筒味淋之前好脆，一咬落去"咔嚓"聲，不過就要同時間競賽🤣價錢上都偏高，其他飲品比較合理，而且份量偏大總括嚟講，牛奶雪糕味道係唔錯，試下都可以，而且門面裝修都幾靚，都好啱打卡用。