Délifrance (環球大廈)

营业中

休息中

昨晚，去Delifrance試意粉，因為煙三文魚同雜菜甚算健康，所以試下，煙粉+個忌廉湯HK$41.00雖然好大碟，好低食。而且食剩大半碟，個湯都剩小半。不過一D都唔健康，個扁意粉太多太多太多白汁，而且又濃，多到似食汁多過食意粉，重鹹左DD tim。另外雜菜比率好少，煙三文魚都好錯，其實幾好食，只係下次有機會再去食，如果可以要求多雜菜、少意粉、少汁就好。(我個人覺得白汁，只要係昨晚o既3分之1已經足夠)因為D汁太滯，所以食唔曬啦～

(13/4/06)唔想分頭買野食,同事話不如呢度,心裡無奈。想食熱既野,今日有火雞,及吞拿魚Panini,揀左吞拿魚。而咖啡,茶難飲,咪加個西蘭花忌廉湯。等左數分鐘,Panini應是即烘熱,但食時只係暖暖o地,塊芝士都無溶晒添!!而個湯夠熱o既,味道OK,唔夠西蘭花,飲飲o下,有D一舊舊既"獻粉"定係"麵粉",真係好激氣!麵包呢D材料廉而,食物質素又唔好,但係同價格完全唔成正比,真係以後免得過都唔再食呀!

一袋3個.. 諗住用o來做早+午餐...但係實在係太難食了....睇o下個成份...又真係幾健康..冇牛油... 又用麥粉..個包幾硬..又冇味...

(23/2/06)同事們,同秘書小姐食晏,唔洗點等位的地方唔多。今日哩度一來就有位喇。個個都食o個個"今日特選"o既意粉。我就要試試焗薯餐(配白汁三文魚)、附甜品,及咖啡茶。竟然是日無甜品!!那杯,兩層的咖啡慕思,吃過都唔錯ga麻!無甜品,可轉蛋沙律,或餐湯!算喇,哩度o既飲既野,好唔得,只好揀沙律o羅!同事講過Delifrance焗薯好味,但今日又唔得!好粉,唔綿。白汁三文魚又無以前咁好食!激氣!

(12/9/05)不嬲都覺得delifrance貴, 早排知道佢加左價, 仲要一加, 加好多, 印象更加差!不過見佢出左個"小龍蝦青檸汁包"都吸引嘅。不過死都唔跟餐, 唔想比佢賺咁多。淨買個包$32, 已經貴架啦, $39有埋杯青檸梳打...跟住乜都無。佢地o既野飲, 咖啡, 奶茶, 熱朱古力又難飲, 都唔明點解成日都咁多人幫襯。係咁彈, 終歸我都有幫襯, 因為我覺得佢d包係好食嘅!今次哩個, 預左雪藏龍蝦無龍蝦味, 青檸汁有既...混左o係d青蘋果粟米沙律度。整體上唔特別, 食番白汁三文魚好過。跟住唔知係咪佢地知自己貴, 買o野會符本優惠冊, d優惠都算幾著數。

噚晚(29/8)去咗環球呢間Delifrance，因為有地鐵Coupon可以半價食『特色火雞百吉包+凍意大利鮮奶咖啡』，就食呢個餐- 結論喺:"如果係正價就唔會食”。D火雞肉無乜味，個包又硬同唔warm，而凍意大利鮮奶咖啡嘅syrup似乎有D 代糖嘅aftertaste…反而覺得其他餐雖然平D重好食D! 註: 個餐嘅正價喺$50

星期日飲完下午茶，行了陣IFC。仔仔話想飲嘢，所以就行過來這裡買個報紙優惠下午茶。點知沿天橋行都很多菲律賓人，去到環球入口，更加是寸步難行。又嘈又迫，很辛苦先至去到收銀處。原想坐下慢慢食，但一望又是一大班菲律賓人，重好似擴音器咁好嘈。最後都是怱怱買走算了，立即離開這個星期日不屬於香港人的地方。坐在車上，仔仔已經忍不到偷飲了幾口凍檸茶。回到家打開包裝，桃撻已經走了樣，好在味道冇變。個迷你白汁三文魚百吉飽，外皮依然脆卜卜的，內裡有生菜一片，蕃茄一片和三湯匙的白汁三文魚，大啖大啖咁食，真的幾好味的。重有個迷你提子酥，這個都OK。不過以後我都不會再在星期日或公眾假期去這間分店買了，真是好似打仗咁，又嘈又煩呀。

There are three layers of bread, one layer of egg salad and tomato and one layer of two kinds of ham. + one iced mocha. very full. tastes quite good

一個價值22蚊0既焗薯茶餐,加8蚊要cappucino,就食到我好滿足,好抵呢~下晝我食個白汁三文魚焗薯餐,個焗薯好細個,得半邊,不過下午茶餐份量可能少d啦~白汁三文魚好食~上面加d蔥粒同煙肉脆粒,食落香口好多~再飲埋杯好大杯0既cappucino(唔知係咪加0左8蚊關係,杯泡沫咖啡係大過普通咖啡好多...),成個下晝都飽哂...

下午茶時間0係度叫tiramisu,原價12蚊,收我9蚊~諗落都几抵食~一杯細細杯,份量大概比starbucks 0既細少少,味道方便都唔差,質地冇starbucks 0既咁硬身,但酒味就重過starbucks 0既tiramisu,9蚊有一杯仔都几抵食呢~

今日0係度買0左份tea食,叫藍莓忌廉草莓格仔餅餐,飲hot coffee.個d藍莓好新鮮,好大粒,拍得住starbucks藍莓芝士蛋糕上面d藍莓~士多啤梨醬唔會太酸或太甜,唔錯~格仔餅好厚好大件,味道都唔錯,唔會太濃又唔會太甜~加埋d醬就剛剛好了~再配上cream 一齊食,塊餅就唔會太乾,配合得唔錯呢~反而係杯咖啡唔太得,8安士一杯,但就好稀好淡,冇咩咖啡味,佢以前d咖啡好好飲,唔知點解今次整成咁...

我上星期日去食早餐，一入到個商場度當堂嚇一跳——望埋去全部都係菲藉（或印尼藉等）女仕，唔諗真點都以為自己去了菲律賓！講返餐廳，我食了個$27早餐，響中環來講唔算貴，但質素有返咁上下。麵包好新鮮，iced mocha依然有水準，炒雜菇亦好明顯係即整。唯一唔好係俾太多外國人仕包圍住，好嘈！不過如果唔係星期日去就冇呢個問題。

天時暑熱，食sandwiches都唔錯，貪方便來吃了白汁蛋三文治，當然亦貪小便宜，因為而家加6蚊就可以換Movenpick雪糕100g，所以二話不說就幫襯。白汁蛋唔算太漏，都幾開胃，見倒croissant個個扁扁的好似唔係幾新鮮，所以都係要了法包。杯Cappuccino都係咁，唔係好亦不算差。25蚊仲包埋味道OK的沙律，都唔算太貴。另加6蚊的Movenpick雪糕是士多啤梨+云呢拿味，一個字講完，絕對係「掂」，雖然一小盒只得100g超級唔夠喉，但6蚊又係非常咁抵！