影片
《De Sang Bleu》盐味清鸡汤🐓拉面🍜📍西环石塘咀加伦台8-16号嘉利大厦地下A号舖我真系有d新手运，第一次去麦先，冇check 社交平台但佢有开，第一次食屯门道，只系排左20分钟。而呢间看似多数会摸门钉嘅店，又系第一次都有开，直入唔驶排队。以小弟有限嘅见识，响香港，似乎白浊汤比清汤拉面会比较受大众欢迎，好似鸡白汤，豚骨汤都系主流中嘅主流。白浊汤更能带比人幸福感，而清汤则更能带比人高雅感。至于选择酱油味或盐味，似乎酱油会更受欢迎，不过个人口味，我认为盐味更能食到汤底嘅底蕴，更清楚地感受到厨师落左嘅心机，所以我就拣左《盐味清鸡汤🐓拉面🍜》，希望第一次食就摸清个"底"。《盐味清鸡汤🐓拉面🍜》呢碗面嘅汤，咸，甜，香，鲜，齐晒章，令我相当的惊艳。香味 (5/5)先讲香味，主要系鸡油香味同葱味，而鸡香味行先，再葱味。睇返碗面嘅结构，佢加左干葱，白葱，同青葱，而佢地并不霸道，而三种葱处理得洽到好处，唔会有葱嘅辛辣味，安份地做配角冇抢到鸡香味。汤 (5/5)汤色比一般食到嘅鸡盐汤稍为深色少少，呈浅啡色。鸡嘅鲜味非常浓郁又自然，甚至乎系我食过嘅盐鸡汤中味道最出色。甜度同咸度方面，清甜够力又唔会过龙，刚刚好找到了最平衡嘅甜蜜点。面条 (3/5)中细面，爽弹，面味正常，配呢个汤算夹，不过面就比唔到咩深刻印象我，中规中矩啦。配料 (3.5/5)鸡叉烧方面，并没有惊喜。佢只系嫩，但鸡鲜味并不强。而一个最大记忆点系粒番茄仔。爆汁可能系基本款，味道充满住梅酒嘅味道，重重的打击左我味蕾一下，我心入面哗左一声。不过我谂如果唔好酒嘅朋友要注意，因为佢稍稍带苦味，正正系酒嘅苦味。其化配料，珍珠笋，露笋，南瓜，溏心蛋，都系正常发挥。最后梗系完食啦，唔够皮添！整体 - 值得推荐 👍👍👍👍呢间店绝对有成为人气店嘅特质，而地理位置正正因为比较偏僻，令人有一种要特登去探一探嘅心理加持。
继续阅读
网上见有网友推介呢间喺香港大学站附近嘅一间拉面小店主打法国fusion菜😍😍 而呢个好特别嘅法国fusion拉面就只系喺每日嘅午市先有🙈🙈建议大家去之前喺social media度问一问餐厅开唔开，同埋最好book定位🥲 因为似乎餐厅唔系日日开，费事去到摸门钉餐厅位置有啲难揾都有少少隐蔽，所以好有探店嘅感觉🤩🔸盐味清鸡汤拉面 $128呢碗盐味清鸡汤拉面用咗法国清汤嘅煮法煮出清淡而鲜味嘅鸡汤，汤底非常清爽，唔会太咸，真系会不自觉饮晒个汤🤩🙈面条方面，拉面嘅口感偏向腍咗少少，同日本拉面硬滑蛋嘅口感有啲唔同 不过吸收咗汤底嘅味道，每一口都好有层次感。👍Menu标榜住鸡系采用法国无激素自由放牧鸡 讲到好似好威水咁🙈😂 食落系好滑嘅 肉质亦都好嫩👍 不过份量就唔算多得三嚿，但系每嚿唔算好大嚿🔸龙虾浓汤拉面 $128汤底用咗龙虾熬制，系好传统嘅龙虾汤风味，味道丰富而浓郁，带有海鲜特有嘅鲜味🥰🥰拉面与浓汤搭配得恰到好处。整碗拉面既有法国嘅精致，又保留咗拉面嘅独特风味，实在系一个惊喜。不得不提嘅一定系个糖心蛋‼️绝对好食过普通日本嘅拉面舖 非常流心，而且蛋黄好红好鲜艳😍🤩 蛋香味浓☺️
继续阅读
浓厚鸡汤·盐味拉面（附三片慢煮日本鸡肉叉烧及一份味玉）🐔$128汤头好清甜😌鸡汤浓郁到黐脷🤯但神奇在完全唔油腻🤩体会到师傅熬煮N个钟嘅灵魂🥳鸡肉叉烧嫩滑多汁🤤味玉入口即融🥰仲有香脆既蒜蓉紫菜多士同香甜既珍珠笋露笋南瓜作配搭😆将拉面达成超绝平衡😎升华左成碗拉面既层次😙好龙虾浓汤·拉面（附三片慢煮日本鸡肉叉烧及一份味玉）🦞$128龙虾汤浓郁海味😋正当以为系传统套路个时转个头咬到粒小蕃茄🤨原来浸左梅酒既小蕃茄系隐藏大魔王🤪酸甜加酒香将汤头既鲜味层次立即立体化😍同平时龙虾汤好唔同😵极力推荐龙海汤爱好者要一试🤗
继续阅读
I’m a huge fan of Oyster Ramen these days😍and I found this interesting French Fine Dining restaurant that do Ramen for lunch😋I don’t know if their Ramen was western influence(I guess they are!?), cos the broth tasted a bit like cream chowder and I don’t usually see Asparagus and Baby Corn in Ramen…at least I’ve not seen it in HK😅but this Chowder Ramen…me love😍😍😍Not only I like the soup, the slow cooked chicken was also very tender and yummy and the other sides matched with the whole dish too. I’m definitely coming back for their White Chicken Ramen😋Given that it isn’t the traditional ramen you get but I really appreciate their creativity😊and I reckon HK need more restaurants like that😊
继续阅读
身经外卖平台落单系因为佢有折，去到攞餐时，惊见原来系新餐厅，装修好新，正门有啲隐蔽，但系左手边侧门行入去有露天后花园咁样嘅chill area 。室内行有格调高档、典雅西餐厅路线，虽然我系买咗外卖，但系𠮶刻都有啲想坐低食嘅感觉。返到屋企打开外卖，食品一丝不苟，野菜每样都有分开调味过、烧烤过，仲有酒酿蕃茄，好惊喜！鸡肉好滑，面有口感，略嫌汤咸左少少。差唔多食晒先记得影相。最后打开睇埋袋底，先知道原来店家仲送咗试食装蒜蓉多士。四面都焗脆晒嘅多士上面放咗紫菜，有日式新食感！
继续阅读
您可能会有兴趣的...