Dark Leaf Cafe & Lounge

三个人去食左个三人餐,但食完好似冇食过野咁。见佢咁好有相同menu的二人餐 三人餐 四人餐, 仲以为佢系按照人头比例而出餐, 点知一黎到个前菜, 得果几条鱿鱼丝。 咩份量嚟㗎？ 结果之后仲精彩，主菜得果几条意粉同埋半只未煮熟的鸡。 由于只鸡入面仲系生，所以我地同左佢地讲，佢地直接拎左我地碟野入去再焗过，冇换过新比我地。我地挨住饿等，都等左几耐下，佢先再上菜比我地，当然只鸡系焗到鞋晒啦。加上佢地唔知点开只鸡，底部一大片骨仲系度，作为食客系非常之难砌开同埋share. 几经辛苦，我地呢头先岩岩砌完所谓的肉，有个待应走埋黎同我地讲佢地有下个booking 要赶我地走 我眼望四方 明明大把枱 都要改人走？仲要明明我地等待出餐的时间已经占左一大半。我地去到仲要系唔比齐三份餐具 连menu都系要我地问先比 唔明白点解食客要支付服务费。本身谂住拣间环境好d ge餐厅食下饭倾下计，点知换黎咁不愉快的体验。最后要落街食糖水填肚😩😩间野俾d咁嘅质素人哋食好意思收人哋八旧水仲要赶人走，凭什么？😤😤…查看更多

等主菜上枱前，先黎一份酱爆鱿鱼垫肚，啖啖爽口，squid fan大满足。配埋杯 蓝色海湾 Blue Cancun，靓仔主理人即场调酒，手势劲型❤️，Vodka加橙汁菠萝汁，甜甜地又清新，色水梦幻，打卡一流，饮落仲人工味呀！主菜叫咗两款，一系 加拿大特浓海胆意粉 ，限量供应，超多海胆，意粉弹牙，即叫即煮，热辣辣上枱，啖啖鲜味，连碟底啲汁都无剩😂😋。另一款就系黑毛猪柳，皮脆肉嫩，切开见到粉红色肉心，冇血水，仲有啲脂肪点缀，咬落去多汁又香，真系猪界精品。甜品方面，心太软配雪糕，热同冻撞埋一齐，口感劲正。生日嘅朋友记得提前讲，可以写碟添❤️埋单$977小贵，但真系好食好饮，地点又方便，啱晒慢慢叹、慢慢Chill。…查看更多

同朋友食饭叙旧，谂住揾间楼上餐厅舒舒服服食餐饭，就咁啱揾到呢间，见到个晚市二人优惠套餐，好似ok，就即刻叫咗黎试下。🟡 黑松露薯条呢个我每次见到都必叫，因为我好钟意食薯条😂😂薯条够晒新鲜热辣又大条，配埋个truffle mayo都好正。🟢 意大利火腿蘑菇薄饼因为好想食pizza所以就叫咗，Pizza饼皮外面松脆内里烟韧，芝士、火腿同蘑菇呢个配搭真系冇得输，而且食落口唔会太大负担，我同朋友都好钟意。🟣澳洲西冷牛扒食西餐既时候总系好想食牛，所以我地加左钱叫左呢个牛扒，真系煎得啱啱好，够晒juicy而且又好软淋，就咁食＋点酱都好唔错！🟤荔枝梳打我同朋友咁岩都唔系几舒服冇饮到酒，拣左呢杯荔枝梳打，荔枝味几香，又够甜，饮落去真系几fresh，几好饮☺️…查看更多

打开门入去，感觉都 OK，但愈嚟愈唔对路，无畀水我哋，我哋请服务员畀水，但佢话无水。我哋以为有沟通问题啫，再问多次，佢答「我哋唔提供水，你哋可以叫嘢饮」。食咗咁多年饭，都真系第一次见有餐厅会摆明话自己唔提供水，口渴就叫嘢饮，开眼界。食到后半段，明明碟上仲有 1/3 嚿鳕鱼，店员过嚟无问过就想直接拎走，叫停佢先摆返低。最后呢，明明得三枱客，食唔够两个钟就催卖单还枱。啲嘢食 OK 嘅，但无用吖，又要搞预订折扣但又咁嘅态度，真心唔系好明。…查看更多

约咗班friend食饭，竟然有餐厅无水供应😂 “我地唔提供水架” pasta 好细份，餐厅得3张枱有人都要等好耐先上餐，又贵又唔好食，menu仲无乜选择，侍应态度都好差大伏…查看更多