CRAVINGS

呢隻德國麥啤好掂好好飲，超級市場同埋其他食肆好似冇乜見過呢個牌子，佢小麥味好香，但係又好順喉，一啲都唔苦，好易入口，德國啤酒果然唔同啲。嘢食就揀咗Butter Chicken印度牛油咖喱雞，揀佢嘅主要原因係因為佢唔辣，佢個汁做得好好，以蕃茄做個底汁，食得出入面仲加入咗好多香料，食嘅時候好有層次感，用嚟點印度薄餅Naan Bread真係好正。另外想讚吓佢個印度薄餅，熱辣辣，真係即叫即整，新鮮嘅就係最好食。…查看更多

餐廳地方雖小，食物有質素，10分推薦。 我們第一次惠顧這小店，餐牌裡有太多選擇，我們不熟悉印度菜，店員細心介紹不同的菜色。特別推介Dahi Puri非常好味，值得下次encore, 薯仔蓉同埋乳酪汁的脆餅，味道很夾，有驚喜😋。我們還點了芝士鷹嘴豆(Channa Paneer)，烤羊串沙律，onion & butter naan, 全部食物都覺得真材實料，用心製作。👍👍飯後還送我們特色甜品印度米布甸（Kheer), 又一驚喜，就算付錢也值得一試，為完美嘅一餐畫上句號。下次還會再試他們的餃子，應該也是他們的signature dish。…查看更多

喺OpenRice search到呢一間油麻地嘅餐廳好似好正，所以今晚決定食呢間，小食就揀咗尼泊爾餃子，因為怕熱氣所以就揀蒸嘅，其實食落我覺得同我哋中式嘅餃子好似，味道唔錯。跟住我見OpenRice好多人推介佢個咖喱羊，因為我好鍾意食羊，所以都嗌嚟試咗，佢係成個羊小腿上枱，因為個size唔係好大，所以估計隻羊本身都唔係好大隻，可能因為咁嘅原因，所以啲肉特別嫩滑。除咗羊之外仲叫咗個雞，咁食呢類型嘅餸菜梗係要食印度薄餅啦。羊同埋雞都唔係好辣，而且個汁都幾多香料，好和味。飲品就叫咗印度芒果乳酪同埋德國麥啤，兩樣都好好飲，尤其是個德國麥啤。…查看更多

其實想光顧這家餐廳的最主要原因就是被這Openrice的照片吸引，就是這個尼泊爾餃子chicken momo。這是一家清真餐館，沒有豬肉，而這momo的餡就是雞肉，可以選蒸或炸，我覺得炸會香口一點，所以選了炸。味道不錯，餡料有鮮味，餃子的皮比我們廣東式的厚一點，但又不像東北餃子那樣厚。餃子味道微辣，而附上的醬則非常辣。印度薯仔脆餅則是另一款很有特色的印度小食，它不是熱盤(我亦不覺得是冷盤)，是室溫的，那薯仔脆餅內有印度酸乳酪，吃的時候很開胃。飲品損了印度拉茶和芒果印度乳酪，味道不太甜，整體不錯。…查看更多

跟住OpenRice搵食就最好，就好似呢間餐廳咁樣，基本上都係英文點餐，同埋啲印度菜真係唔知邊啲係邊啲，不過睇OpenRice啲食評又有相，就可以好方便叫到自己想試嘅嘢食。就好似呢個非常特色嘅印度小食，看圖識字最簡單，佢外面嗰個波波係炸球，中間空心嘅，就放咗啲蔬菜粒同埋有個特色醬汁，配埋類似媽咪面嗰啲麵碎喺面，食落味道唔錯。跟住呢個炸餅都好特別，感覺似係平時食到嗰啲印度薄餅咁樣，不過呢個版本係炸咗嘅，佢會跟埋一碟鷹嘴豆咖喱，素食嚟嘅，食落去有少少似薯蓉，所以都飽肚，背住個炸餅夾住啲鷹嘴豆咖喱，其實幾好feel。我哋另外叫咗芒果印度奶昔試吓，唔會好甜，味道都幾好。…查看更多

呢間印度style小店真係唔惹少，預先訂位都要等10分鐘先有得入去，不過係值得嘅，因為食物味道好而且價錢平。先叫咗個小食，就係呢一碟尼泊爾餃子momo，一碟有十隻，其實個味道就同我哋北方餃子差唔多，幾好食。跟住要咗半隻印度燒雞tandoori chicken，佢都燒得幾好，啲雞肉都算唔會乾爭爭。佢啲配菜都幾新鮮幾好食，鐵板上熱辣辣。openrice見到呢個咖哩羊膝好似好正，所以叫嚟試下，冇諗過個羊膝可以煮得咁淋咁入味。飲品就試咗呢度嘅德國麥啤，幾好飲有易入口。…查看更多

坐低先點小食，呢個係素咖哩角vegetable samosa，比較飽肚，因為呢一個係非常印度style嘅小食，叫dahi puri，愛曾係脆皮波波，入面係一啲yogurt，再加啲香料同埋脆麵碎，呢個都幾好食。因為有朋友唔係好食辣，所以就叫咗呢個印度牛油雞batter chicken，佢都算係咖哩嘅一種，不過就真係唔辣嘅。個醬汁係已蕃茄為主，酸酸地幾開胃。配上熱辣辣嘅nanh bread，邊點啲汁邊食。走嘅時候餐廳送咗個印度甜品畀我哋，食落有啲似米漿咁嘅糊仔，有啲花生粒喺面，加咗煉奶，唔係好甜，味道唔錯。…查看更多

呢間真係一間好正宗嘅印度餐廳，好彩侍應姐姐係識講少少中文，咁樣我哋嗌嘢食先至方便啲，主要係見到隔離枱有一碟嘢好特別好想試。就係呢一個，成個好似巨型煎堆咁，原來佢個名叫做Chole Bhature，中文名就係鷹嘴豆咖哩配炸餅，感覺上好似上海嘢嗰啲叉子燒餅咁樣，搣開個炸餅然後將啲鷹嘴豆咖哩放入去一齊食，炸餅同埋啲鷹嘴豆咖哩都好好食。我哋仲叫咗一個雜菜沙律，啲菜都幾新鮮。佢仲有一個叫momo嘅尼泊爾餃子，入面嘅餡係雞肉，呢個都好好食，特別鍾意個餃皮，唔會好厚又唔會成劈嘢。飲品我哋叫左芒果印度奶昔，小。甜小冰之後個甜到啱啱好…查看更多

今日lunch吃咖喱，咖喱的醬汁似乎用上了很多特色的印度香料，加上此餐廳由廚師到侍應都是以印度人主理，所以吃的時候感覺特別正宗。我點的是印度馬薩拉羊膝，淨係賣相已經值回票價，羊膝的肉質很鮮嫩，味道很好。特意配上印度薄餅Naan Bread，全程落手食味道特別好，Naan Bread點咖喱汁吃得很滋味，這個馬薩拉基本上是不辣的，熱唔熱熱的夏天吃這個特別開胃。 set lunch連餐湯和飲品，餐湯是薯仔蛋花湯，上面加了一點蔥花。餐飲點了凍的印度奶茶，味道也不錯。…查看更多

今日幫襯咗一間有特色而且都幾地道的印度加尼泊爾菜的小餐廳，成間餐廳都係由印巴藉人士主理，所以D食物出品有地道嘅保證。出面好似比較少見尼泊爾餃子Momo，可以蒸或者煎，我地試咗個蒸嘅，食落個餃皮比較厚身，有D似我地東北地區嗰D水餃，個餃子嘅餡係用雞肉做，整體嘅味道同口感都幾好，個醬就係辣嘅，而且我覺得都幾辣。另一個小食係侍應哥哥握介嘅，叫Dahi Puri，佢話係一道非常傳統嘅印度小食，外層脆脆地，入面裝住D酸乳酪，再喺外面再沈一D脆麵，好儂，好啱呢D又焗又熱嘅天氣。…查看更多

今日試咗呢一間全店都有印巴夕人士處理嘅印度菜，感覺口味非常正宗。平時黃咖哩紅咖哩青咖哩都見得多，但係今日見到有個菠菜咖哩所以就決定一於會一會佢，我就揀咗菠菜咖哩羊肉Lamb Saggwala，食印度嘢就一定係攰佢個印度薄餅Naan Bread啦。個菠菜咖哩羊肉真係好菠菜feel，成碟都係綠色嘅，雖然叫做咖哩，不過食落去嘅時候一啲都唔辣，d羊肉都煮得幾淋。呢度個Naan Bread似乎係即叫即做，拎到埋嚟嘅時候仲有溫度，不過就嫌佢唔夠燶，如果燶多少少應該會更加香，用來點呢個菠菜咖哩汁好正。飲品就試咗杯芒果印度乳酪Mango Lassi，幾好飲，芒果味好香，又唔會好甜。最後老闆仲送咗個印度甜品比我，都係唔係好甜，幾好味。…查看更多

今次試咗呢間印度餐廳真係好驚喜！佢哋嘅咖哩雞絕對係招牌菜，用咗十多種香料每日新鮮熬製，醬汁濃郁得嚟層次分明，入口先係淡淡椰香，然後香料嘅辛香慢慢散發，最後帶少少甜味回甘。雞肉用咗新鮮雞髀肉，燉到鬆化入味，一啲都唔鞋口。最正係用佢哋嘅薄荷薄餅蘸嚟食，薄餅即叫即製，餅身帶少少韌性，薄荷葉切碎後混入麵團，每啖都散發住清新香氣，同濃郁嘅咖哩形成完美配搭，真係食到停唔到口！ 小食炸羊肉角亦係必點之選，外皮炸到金黃酥脆，咬落去"咔嚓"聲好治癒，入面嘅羊肉餡混入孜然、芫荽等香料，肉汁豐盈得嚟完全冇羊羶味，點埋薄荷乳酪醬更加開胃！ 餐廳環境舒適，現代印度風格裝修，座位寬敞，坐得耐都唔會累。服務貼心，最後仲送咗米布丁做甜品，奶香濃郁，米粒煮到半融狀態，面頭灑滿開心果碎，甜度剛剛好，完美作結！ 人均$109左右，食物高質，絕對會再encore！推薦俾鍾意印度菜嘅朋友！…查看更多

超正印度風味！咖哩雞配薄荷薄餅絕配！今次試咗呢間印度餐廳真係好驚喜！佢哋嘅咖哩雞絕對係招牌菜，用咗十多種香料每日新鮮熬製，醬汁濃郁得嚟層次分明，入口先係淡淡椰香，然後香料嘅辛香慢慢散發，最後帶少少甜味回甘。雞肉用咗新鮮雞髀肉，燉到鬆化入味，一啲都唔鞋口。最正係用佢哋嘅薄荷薄餅蘸嚟食，薄餅即叫即製，餅身帶少少韌性，薄荷葉切碎後混入麵團，每啖都散發住清新香氣，同濃郁嘅咖哩形成完美配搭，真係食到停唔到口！ 小食炸羊肉角亦係必點之選，外皮炸到金黃酥脆，咬落去"咔嚓"聲好治癒，入面嘅羊肉餡混入孜然、芫荽等香料，肉汁豐盈得嚟完全冇羊羶味，點埋薄荷乳酪醬更加開胃！ 餐廳環境舒適，現代印度風格裝修，座位寬敞，坐得耐都唔會累。服務貼心，最後仲送咗米布丁做甜品，奶香濃郁，米粒煮到半融狀態，面頭灑滿開心果碎，甜度剛剛好，完美作結！ 人均$109左右，食物高質，絕對會再encore！推薦俾鍾意印度菜嘅朋友！👍…查看更多

呢一個印度菜式個賣相色彩繽紛，食落去口感多層次，因為入面嘅配料都幾有趣嘅，有呢個小型脆皮包，其實我覺得佢有少少似我哋中國嘅煎堆，不過佢嘅皮係薄好多嘅，另外呢個小型脆皮包入面係放咗酸乳酪，所以嚴格嚟講佢其實係一個冷盤，味道酸酸地，幾開胃。老闆呢個菜式雖然係小食，但係一定唔可以預先整定，否則個乳酪就會令到嗰個小型脆皮淋咗，而且佢個面仲會加咗啲脆麵，又係會容易淋嘅，淋咗就唔好食，所以呢個小食係即叫即做嘅。配埋芒果味嘅印度奶昔，好清新嘅一餐下午茶。…查看更多

試咗尼泊爾餃子chicken momo，個醬汁辣得好惹味。之後食naan一定要食芝士和薯仔naan，薯仔薄餅有洋蔥做料，食落有口感。最後個老闆請咗食一個牛奶布甸，第一次食到嘅味道同口感，好有手local feel。成間店舖同人都好有人情味。人流唔多，要多多Support小店!! …查看更多