Coffee Break (TKO Gateway東翼)

睇完樓上嗰個意見，本來都猶豫咗好耐要吾要試，見商場裏面冇乜其他非連鎖店，最後都係以身試法。我都係一樣，都係專係驗證個密碼來寫呢個食評。因為實在係頂唔順呢間嘢由19:59落單$228牛扒，到20:44上枱， 中間見到其他客人不斷有食物上枱，唯獨牛扒冇出現過。途中分別30分，同埋38分鐘查詢嘅兩位侍應，而佢哋從來冇回覆過。之後就見到連出幾塊扒，我果塊連牛油都吾記得咗加，仲要上菜時調轉前後，放喺我嘅對面坐位。如果佢哋真係要等埋幾個扒order 一次過先至煮即係完全冇考慮過其他食客同一人顧客，白白坐喺度等45分鐘。同樓上一樣，見到一個疑似老闆嘅人係店內，我落單嘅時候就好熱情，之後就乜都冇理。我單點ge 價錢, 絕對冇比二人套餐平。…查看更多

點咗三份菜，過咗二十分鐘只上咗一個。 問服務員可唔可以幫忙催一下，結果非常唔耐煩，對人愛答不理，問完都冇回應，唯有再問另一個服務員，過咗半天漫不經心咁話正在做。結果整整等咗半個鐘先上嚟另外一個菜。最後把第三個菜退咗。等咗咁耐服務員都完全冇一啲抱歉。比我們到得晚嘅，佢哋嘅菜反而上得早。價錢唔算平，加埋仲收服務費，完全冇服務。店裡有幾個服務員，但完全唔知道佢哋喺忙咩。如果唔想找氣受，唔建議來食。唔會再光顧，真係好差！！！…查看更多

晚餐叫咗份$228既肉眼，叫七成熟，岀黎一邊仲有血水，叫staff幫手整返熟少少就算，結果等左15分鐘都無上返..心諗點解整熟少少要咁耐？好肚餓既情況下追單，話換過第二塊俾我哋。本身都唔expect佢咁樣做。結果係第二嚿拎到出嚟仲生過第一嚿。揾staff問佢先話廚師新請唔熟手(懷疑都係借口)，然後話再幫我地整熟啲，結果拎岀黎切咗第二塊話係熟，話呢塊已經係第二塊，一定係熟，但其實明明係佢切走左唔熟個忽，再煮熟未切開既部分，不過地無影低無得講當下已經唔想再討論，淨係想食野….其實佢唔難食，本身都好少事，但就食到一肚氣，全程完全感覺好似係零歉意，唔知以為係我唔岩…..完全唔推薦，俾錢貼難受，嬲到人生第一篇openrice食評貢獻俾佢。…查看更多

平時覺得coffee break 都係唔錯既選擇，食過好多次，唔同食物菜式都覺得有水準！特別之前食過藍莓芝士蛋糕覺得好有驚喜，令我一再回味！但係…今日覺得好失望，首先一上枱見到個cake少左一忽，咩事？係切得唔好定係俾人試味食左啖呀？😅唔單止咁，而且味道質地同之前完全唔同😞希望可以提供返之前果款，即係餐單上照片果款！之前果款真係令人食完有開心既感覺！好creamy好好味🤤但係依家依款好麻麻，令人失望…😞真心希望可以保持過往既水準！作為街坊都希望coffee break長有長做！加油呀！…查看更多

#豬同鴨講 #Pig2duck 💝 本豬私心推介 🍝 聯想到我心中第一名意粉 🦘 係澳洲珀斯嘅 Ciao Italian 🐨 下次去旅行一定會介紹比大家 ✈️▪️【 溫泉蛋卡邦尼意粉 】 HK$83🥓 煙肉菇類用料充足 🍄‍🟫 份量控制得好好 🛹 完全攞到個平衡點，唔會太多而過鹹 🤏 最Like係意粉口感彈牙，唔會淋啤啤好易爛 🍝▫️【 蒜香辣雞肉意粉 】 HK$83🧄 蒜香味濃郁 🌶️ 少少辣反而食落更開胃 👶🏻 小朋友都食到▫️【 松子仁青醬帶子意粉 】 HK$96🍃 最Like青醬意粉，羅勒同大蒜味突出 🦪 帶子爽口彈牙，同意粉嘅口感都係爽口嘅，Win Win 🙌▫️【 Tiramisu Latte 】 HK$42☕ 有啲苦，因為好重烘焙味 🫘 真係適合俾啲嘆咖啡人士 🙈 本豬都係飲返汽水啱啲。▫️▫️完！▫️▫️…查看更多

Coffee Break喺屋企附近嘅商場已經開咗幾年（好似係），但位置差唔起眼，從來都無去食過。今晚約咗屋企人食生日飯，本身想去嗰間小店原來已經執咗，所以近近哋搵咗Coffee Break試吓。本身對佢無咩期望，所以都無影相。最初上嘅龍蝦汁海蝦忌廉意粉不過不失，但點知D其他餐點陸續送上嚟之後，越嚟越有驚喜。牛扒同豬架都好味，肉質嫰同juicy；魚柳肉質OK，但配搭開胃醬汁同豐富配菜；牛肉漢堡雖然我自己無食到，但屋企人讚咗幾次話好食；特價小食拼盤絕不敷衍，有薯條同炸雞、雞塊、炸蝦各兩三件；肉桂炸雞腿一上枱我小姪仔已經話好香，食落口好惹味。每款菜都感覺廚師製作好用心，在配搭、烹調、擺盤都兼顧到同唔錯，而且每碟份量十足，比一般餐廳份量大。每款都可以以$18加一份沙律同一杯飲品，真係幾抵。我哋仲發覺佢個menu好多選擇，我哋花咗好多時間先落完單。呢間小店絕對值得支持，我哋會再encore，希望佢喺而家香港咁差嘅環境下都可以繼續做落去，祝佢越做越出色！…查看更多

今早11:28分到門口，坐滿人，即刻同侍應講兩位佢叫我等一等，態度冷淡，於是乎喺出邊排隊。跟住嗰兩個侍應繼續自己忙沒有理我哋，我哋喺出邊排隊後邊並沒有任何人。5分鐘後有三個人直入去自己搵位，係一對男女加一個兒子，我望咗佢哋幾眼佢又望返我哋幾眼，並無排隊嘅意圖。跟住佢哋左望右望似乎搵到個空位，仲同侍應講咗兩句，侍應並冇阻止，咁幫佢加咗一個位，我入去睇吓佢哋坐低咗。咁都得😡😡非常憤怒，所以走咗，以後都唔會再幫襯。…查看更多

成日都會經過但一直都無試過今日試左 有啲後悔點解我唔早啲食🥲松子仁青醬帶子意粉$88有兩粒帶子，煎得香口得黎唔乾青醬份量好足，而且好creamy每一啖都食到青醬x芝士味加埋松子仁一齊食好滿足巴馬火腿芝士pizza 11” $108上面鋪滿我最鍾意既火箭菜巴馬火腿唔係勁咸配埋蕃茄醬既pizza底好好食 而且熱辣辣！兩個lunch set 跟左飲品我地揀左美式咖啡 正常水平午市黎講呢個價錢+食物質素絕對ok! …查看更多

話說突然想食burger 就諗起佢，因為我最欣賞佢塊安格斯扒係可以揀幾成熟😅但可惜我同V小妹食，所以只能揀全熟！不過我偷食左Daddy C.嘅六成熟安格斯黑松露漢堡😆真係超級Juicy，而且勁香嘅牛味！份量都唔少，咁大食嘅Daddy C.都夠晒飽😋#mamim #v小妹 #hongkong #hk #香港 #香港好去處 #成長日記 #親子 #親子日常 #子供 #親バカ部 #こども #女の子 #成長記録 #育児 #4歳 #hkfoodie #hkdessert #香港美食 #將軍澳 #將軍澳美食 #坑口 #西餐…查看更多

難得放假，行完東港城一田購物後，又係搵食時間，估唔到將軍澳TKO Gateway這個小型商場也有一間很Chill 的cafe，Coffee Break位於將軍澳TKO Gateway厚德商場角落，餐廳環境十分舒適，座位濶落，地方整齊乾淨，裝修擺設都好靚，枱凳同餐具都係雲石紋，超級靚，侍應都好有禮貌，而且價格親民，食物質素都好有水準，可以舒舒服服食個晚餐，適合情侶同埋朋友食飯閒聊。第一次來食晚飯，叫了一個松子仁青醬帶子意粉墨西哥粟米皮捲配沙律及烤豬肋骨配薯條，還叫多個墨西哥粟米皮捲配沙律，意粉煮得不錯，硬度適中，南瓜湯好足料，南瓜打成蓉。松子仁青醬帶子意粉兩粒帶子都好厚身煎得好香，內裏保持了鮮嫩同爽口，火喉啱啱好。意粉質地都唔錯唔會太淋或者太硬，而青醬意粉既醬夠濃稠，掛滿在意粉上。香烤美國豬仔骨配薯條+沙律豬仔骨份量偏少，好少肉！呢個麻麻，唔抵食。墨西哥粟米皮捲配沙律用塊粟米皮包裹着生菜沙律、煙三文魚和牛油果，蕃茄，羅馬生菜，香草醬，拿上手是有重量感的，足夠的飽肚感，食材用料新鮮，感覺清新健康又好吃。繽紛樂朱古力我見到Menu有呢杯野，所以即叫，出黎效果好吸引，好邪惡，朱古力味好濃郁，甜度剛好，唔會話好甜，入面除左有三條繽紛樂仲有好多朱古力碎碎。佢面層嘅Cream幾重奶味，如果鐘意奶味的朋友應該幾鐘意。棒子鮮奶外表雖然沒有什麼特別，不過味道不會太甜，很容易入口，鮮奶的奶香味配棒子的果仁香味。總結：餐廳環境舒服乾淨, 座位有距離, 唔會好嘈。職員態度友善，將軍澳區嘅Cafe唔算多，難得坑口有間咁Relax的好餐廳。…查看更多

作為街坊，一路有幫襯開，覺得佢地食物ok,價錢公道。星期六一行三人午餐，唔想食茶餐廳，就決定去coffee break...去到門口視覺上見到餐廳一半空枱，但侍應話要等，再望真，入面幾張枱放咗reserved牌留位。心已經覺得奇怪，從來冇見過佢地留枱俾訂位客，係香港100蚊唔駛就可以食午餐嘅平民地方通常都係walk in。但嗰一刻見我地係第一個等位，就冇諗太多，照排，兼且侍應話好快，下張枱到我地，過咗一陣，有客走，望一望應該有4人枱。但侍應竟然走出嚟問要唔要坐bar枱，因為仲要等，望下頭先走了那枱張連鄰近幾張枱又放了reserved 牌說9人訂了。那為什麼跟我說下一張枱到我哋呢？為什麼不一開始就問要坐bar枱呢？雖然呢個係你地點樣run一間餐廳嘅決定其他人冇權過問，但餐廳空了一大半等訂位客，係出面等嘅人又唔知幾時有枱，到有枱時又話有人訂咗，好趕客囉! 二話不說就去咗幫襯第二間....…查看更多

呢間同旺角分店都真係差天共地！先係廳面員工公然喺客人面前講粗口、睇手機、傾偈，有客詢問一啲餐飲事宜，態度表示極不耐煩，枱客走咗之後就話人不是！以為自己身處一個高級餐廳嘅侍應，但其實佢哋嘅行為，仲衰過一間茶記夥計！食物就一般，西式名堂中式做法，醃肉方面，食得出用酒劈去不鮮肉味，上碟嘅煎肉油淋淋，配襯一碗勝在夠熱，但欠缺調味嘅通粉！其實之前都有幫襯過，都發覺同旺角分店有差別！諗住隔咗一排會有改善！可惜，情況仍然一樣！其實咁嘅服務質素又點樣同人哋比較落去呢？直得反醒！目测老闆係個埸，啲廳面咪冇咁過分囉！…查看更多

有咖啡店的外觀又可以抖一抖食埋晚餐行街行到夜～又係時候諗食咩既時候咁就比我見到間寫住 coffee break 咁就入去試下新野啦入到去見到環境寬敞，簡約舒適，好岩同朋友傾下計✨點選了二人套餐✨✨餐湯：味道口感濃郁順滑✨前菜：白酒蕃茄青口配香草包蕃茄醬好濃郁可以配上外脆內軟香草包進食青口配上白酒🍶提升鮮味、爽口，打開胃的味蕾✨主菜：龍蝦汁海蝦忌廉意粉海蝦鮮甜彈牙配上龍蝦汁鮮甜creamy，可以掛到軟硬適中的意粉上🍝龍蝦汁濃郁鮮味，將整菜提升到另一個層次✨主菜：香煎紐西蘭羊架賣相相當吸引，擺盤精緻又可觀外層煎香，容易切開呈淡粉紅色，肉質滑嫩和多汁，帶來美味的烤肉香氣整體來說：在一個舒服的環境中可以與朋友共聚晚餐又可以品嘗美食…查看更多

性價比高餐廳，千祈唔好比個名呃左 以為飲下咖啡，食吓甜品。其實晚餐都非常之高水準。二人餐絕對食到好飽。每道菜味道都出乎意料之外地高水準!甜品心太軟，雖然不是非常之熱，但甜度十足!絕對值得一試再試!…查看更多

平時經過見到都有人排隊，今日終於同仔仔的起心肝去試一試個午餐---------------雜菌菠菜黑松露廉燴意大利飯💲76一上碟已經聞到好重嘅黑松露味，而且佢呢個意大利飯比較濕潤而入口，雜菌同菠菜份量亦十分足---------------松子仁青醬帶子意粉💲93帶子十分厚，唔係將一粒分兩粒，煎完再擺落意粉到，十分香口，而青醬意粉係我鐘意既較為硬身既意粉---------------追加黑松露薯條💲+32薯條上面除左黑松露仲有芝士碎片，份量都唔算小，薯條配黑松露醬無得頂---------------抺茶拿鐵💲+8抺茶香濃，仲有埋拉花整體：價錢大眾化，價錢大眾化，餐牌都尚算多選擇👍👍，每個lunch set 都包一杯30蚊飲品…查看更多