Chop Chop 食神叉燒 (宏安道) (已結業)

7:45pm二人- - -兩人叫左 燒排骨拼叉燒飯（$85 + $20，要求半肥瘦叉），唔包湯亦唔包嘢飲，價格確實比較進取。嚟到見到滿滿既肉簡直令人垂涎三尺，賣相唔錯。先講個燒排骨，少許燶邊，肥瘦比例幾好！要注意一件都會有幾粒尖骨。叉燒雖然叫左「半肥瘦」，但結果都係瘦而且比較乾… 史提芬周話齋：零分！叉燒亦偏鹹，食唔出麥芽糖香味。叫得 食神叉燒，估唔到今日美中不足卻係叉燒！- - -順帶一提，我覺得燒味汁過多所以白飯過鹹。- - -服務方面：本來想要走入少少坐，但阿姐堅持我地坐門口位，坐咗咁耐一杯水都冇俾… 明白職員想要清潔少張枱及鼓勵客人買飲品，但食得嚟個價格我覺得佢哋服務方面可以改進。- - -總體嚟講食物係OK嘅，不過至於「食神叉燒」呢個稱號，我就有所保留。得閒咁啱經過不防可以試，但廉價好食嘅叉燒呢個區都有好幾間，無必要特登過嚟食。…查看更多

首先，食物質素其實麻麻，又貴又唔特別好食，一個叉瀨收$80，連罐裝汽水加咗$8，貴其次，餐廳要乜冇乜，冇野飲都算，老人家想問佢地攞杯水都冇，連杯都冇，服務又差，絕對唔推介…查看更多

食神叉燒@炮台山🌟嚟到呢間炮台山嘅餐廳一定係食叉燒，叉燒非常好食，燒得非常香，佢用嘅豬肉同埋醃料嘅味道喺出邊餐廳食唔到嘅味道，所以嚟到呢度一定要叫叉燒，油雞就不過不失，配埋飯去食都幾好食嘅，油菜就冇乜特別，可以唔加！下次會再返嚟叫外賣！好食程度（5粒🌟）🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟🌟服務態度 （5粒🌟）🌟🌟🌟🌟衞生程度 （5粒🌟）🌟🌟🌟🌟…查看更多

間中都會來買外賣飯，原因好簡單，呢間舖頭服務差就出晒名，不過俾面叉燒油雞質素唔錯，所以都間中會用$100幫襯油髀+叉燒+例湯，不過只可以外賣。四月頭再嚟幫襯外賣，結果令人非常失望，招牌叉燒質素差咗好多，最令我吃驚嘅係，係盒白飯爛pat pat咁，嚴重太過濕，食咗兩啖就冇要到。買外賣唔通要檢查咗飯嘅質素先走？即刻諗起上一次我喺呢間間舖頭叫同樣嘅油髀叉燒飯，竟然俾咗雞背脊我，嗰次我真係有行返去換，浪費咗我一來一回整整20分鐘有多。今次叉燒同個白飯都出埋事，冇錯，燒味舖白飯出事，難以想像，不可原諒，結果得一個永無幫襯！…查看更多

香港的燒味文化源遠流長，燒味是香港傳統美食之一。它是將各種烤制、煮熟或燉煮的肉類和禽類食材進行精細加工製作而成。這種美食文化承載著豐富的歷史和地域特色，是香港人日常飲食中不可或缺的一部分。在香港，燒味店隨處可見，它們以獨特的烹飪技巧和秘制的調料將各種肉類和禽類食材製成豐富多樣的美食。除了燒肉和豉油雞之外，香港的燒味還包括叉燒、燒鵝、叉燒烤腸等多種口味。這些食物通常搭配白飯或粥供應，讓人可以品嘗到不同種類的燒味美食。🌟燒味雙拼（燒肉+豉油雞）燒肉部分通常是脆皮燒肉，其表面金黃酥脆，內部則飽滿多汁。它有著均勻的紋理和融入了香氣的五香調料。而豉油雞則是用醬油、豉油和其他調料醃制後煮熟的雞肉，皮下嫩滑多汁，搭配香氣四溢的醬汁，帶來口感豐富的滋味。🌟香妃雞飯配奶茶這是一道經典香港快餐組合。香妃雞是港式煮雞的一種烹飪形式，它的皮下保留了雞脂肪，使得肉質更加嫩滑，並搭配特製的調味汁，增添了獨特的風味。配上香氣撲鼻的白米飯和一杯濃郁香甜的茶，構成了一份美味可口的套餐。🌟梅頭叉燒飯配奶茶叉燒是用梅頭製作的烤豬肉，外酥里嫩，帶有淡淡的梅子香味。它被切成薄片，並放在米飯上，讓人一口接一口地享受其獨特風味。而奶茶是香港人鍾愛的經典飲品，將濃縮的茶和加了奶精的熱水攪拌而成，帶有濃厚的香氣和豐富的口感。原來主廚榮師傅居然為前叉燒名店新桂香主廚，怪不得那麼好吃有滋味呢！😍如果你是一個懂得品酒的人，記得搭配傳統的香港燒味。這種獨特的組合定能帶給你別樣的美食體驗。香港的燒味文化不僅提供了美味多樣的肉類美食選擇，還展示了香港人對食物製作的極致追求和獨特的味覺體驗。…查看更多

貴得嚟無咩特別，真喺唔明白點解會大推，我諗有時同燒味舖嘅外賣質數差不多，但價錢上就double咗，可能喺因為有位坐嘅堂食，一半喺服務費。唔知喺味因為偏瘦嘅問題，所以咬落口都肉質感覺上麻麻，無論燒肉定叉燒始終都喺半肥瘦喺最好，但喺照睇個樣其實真喺有啲柴。咁嘅價錢其實附近都仲有好多選擇，無必要特別嚟食，當然如果真喺想試吓，建議同落單同事講盡量要肥啲，當日我都聽到隔離枱話咁瘦嘅，唔知係咪其實我唔好彩遇着呢個時間嚟係要食瘦嘅。…查看更多

完全係失望呀。其實本身自己都非常之少post 對食物嘅評語，都好明白係香港做食市都非常艱難。但係今次都真係不吐不快。琴晚工作完後，諗住係呢間食神叉燒買盒叉燒外賣食下啦，雖然有工作嘅同事已經溫提咗我，有朋友買咗成盒叉燒都係肥豬肉要攞返去舖頭同佢講換過。但係我心諗無咁啱嘅…我去到呢間舖頭都其實差唔多成9:00, 但係見到無閂門就去睇下重有冇啦，其實之前自己已經食過一次但係經驗麻麻。去到燒味架位，見到兩位師傅好熱情咁問我想食乜，我就問下仲有冇叉燒呀！要肥定瘦，我話瘦啦…師傅立即介紹返一條話平時好少見嘅正野！我話好啦試下啦！點知番到屋企一試，都真係眼淚流，除咗頭味啲叉燒位有少少肉之外都真係全肥。我心諗唔通真係有人食全肥？其實本身條叉燒嘅味係唔錯，但係點解燒味師傅唔提提係肥嘅呢？咁我工作同事嘅朋友又係同一個經驗買咗成舊肥肉返去。今次都係一次幾差嘅體驗。奉勸其他食客，小心中伏…查看更多

黯然銷魂飯，相信唔少星爺嘅fans未食過都會聽過。Chop Chop食神叉燒，竟然搵到黯然銷魂飯嘅創始人戴龍師傅做餐廳顧問，係真正嘅食神叉燒，從電影中還原出嚟嘅食物，水準會係點呢？😍😍😍😜😜🥳黯然銷魂飯🐷$85叉燒係用咗好靚嘅五花腩，叉燒肥瘦相間，入口即化。鹹甜做得恰到好處，蜜汁甜味唔會好漏，另外附上一小兜靈魂洋蔥汁醬，呢個汁醬同叉燒配合到非常之高，將叉燒嘅口感層次進一部昇華，雖然當時無食到流眼淚，但整體好滿意。燒味質素可以媲美高級酒店貨色，非一般燒味餐廳可比較😁😁😁🥰🥰🥰😊😊芥蘭炒牛肉🐂$98小菜炒得有鑊氣，100%大排檔嘅感覺，芥蘭青翠嫩綠，牛肉稍稍醃過，仲食到有牛味，估唔到叉燒以外嘅小菜都咁出色😁😁😘😘金湯酸菜魚🐟$118酸菜魚只係微辣，唔食得辣嘅小夥伴都可以食到嘅。用上黑魚魚片，嫩滑無骨，配菜有豆芽豆卜酸菜菜等等，係下飯嘅好選擇😍😃😃😃😜店內擺設充滿港式懷舊風格，有雞公碗，霓紅燈招牌等等，同場見到有唔同國籍嘅朋友過嚟搵食，睇嚟呢度出品都好受外國朋友歡迎呢🥳🥳🥳😚😚😁😁…查看更多

今日14/11跟太太食了個午餐，咁都是因為11：45隔離的冰室排長龍，所以快也手搵地方填肚，都是求其一餐，叫了燒鵝飯及叉油雞飯。優點：1.企理，感覺乾淨，台上，地下也沒有肥油遺漬。2.裝修都幾有特色3.飯夠熱4.薑油蔥味濃5.凍檬茶味濃缺點：1.大部份即棄用具，不環保2.飯堂Feel。3.食物性價比低，$60起計/碟4.燒鵝皮硬，入不了口5.叉燒蜜糖味濃，可惜有筋，根本咬不開。寫明是梅頭，到燒蠟鋪也不會是這樣吧，難道食神是吃這個級數。…查看更多

説起香港燒味，應該是數一數二必食的產物，想不到能吃到周星馳的戲裏面的食神叉燒-黯然銷魂飯，是原創者戴師傅親自監督。比起一般傳統燒味餐廳乾淨舒服，重點霓虹燈的裝飾打卡令食物更有畫面。位置在地鐵站附近，在網紅餐廳半島冰室轉過彎就能看見。遠遠已經看到食神叉燒招牌，非常搶眼。由於下午2:00過去，已經錯過了出爐時間，中午12點和3點是正正燒味出爐時間，叉燒愛好者可以嘗試他們特色—>叉燒特別部位(第一刀)，用本地脢頭上肉，質地軟腍又帶點筋的爽勁，油脂甘香不膩，比較喜歡油脂分布高點可以選擇(一片天)。最後和朋友名點了脆皮燒腩骨配我最喜歡的賴粉，叫了豉油雞粉，外加了食神腩叉燒。女孩子有的時候覺得吃飯負擔較大，所以店家有三種粉面選擇很加分。雖然個人非常喜歡雞肉但總感覺叉燒是代表一個燒味店的靈魂。另外，燒肉也是燒味餐廳才比較能吃到，所以各樣來一份。脆皮燒腩肥瘦相間，帶點軟骨，卜卜脆嘅外皮，口感豐富。每一口都是實實在在的肉，加上賴粉爽口，絕不馬虎。另外，平時點開白切雞因為朋友改點豉油雞，豉油比平日吃到的淡，但正正帶出了雞的香氣，而且相當鮮嫩，色澤均勻又油亮，忍不住偷朋友的來吃。最後出場的食神腩叉燒，適合我這種又怕肥但又想吃的女士，叉燒外皮帶點焦香，半肥瘦的叉燒吃到肥叉燒的口感又有嚼勁，同時滿足兩個願望。這家燒味由外表到內裏食物都很用心，另外還有乳豬提供，下次要叫一班朋友來打卡享受。…查看更多

廣東燒味是香港美食之一，其中我最喜歡就是叉燒燒肉。這次來到炮台山的Chop Chop食神叉燒試一試這𥚃的燒味。這裡與舊式燒味店相比，這裡比較整潔，店員亦非常有禮貌，服務態度很友善。這次來吃午餐，選擇有很多例如每月精選的客飯推介和多款燒味粉麵飯。除了堂食，也可以处賣燒味回家吃，非常方便👍🏼👍🏼❈ 梅頭叉燒米粉HK$60❈ 雙併飯 (叉燒燒肉) HK$65叉燒色澤鮮艷。雖然叉燒有點瘦但不會很乾，下次要記得點半肥瘦叉燒😊燒肉肉嫩，皮下脂肪適中。…查看更多

【香港搵食🍴】Chop Chop 食神叉燒呢間食神叉燒大有來頭 係由香港四大名廚之一戴龍師傅擔任顧問食神套戲入面嘅黯然銷魂飯 對於90後嘅我哋 一定唔陌生顧問就正正係呢個飯嘅原創者 當然呢度無得睇黯然銷魂手 倚天切同火雲掌講叉燒 叉燒控一定聽過新貴香呢個名 食神叉燒嘅主廚正正就係新貴香嘅ex主廚黎到餐廳門口已見到好有香港feel 有好大個霓虹燈牌有單點 2人 4人套餐 除咗燒味之外 仲有其他鑊氣小炒選擇🔹️第一刀叉燒 （例）講真 平時好少食叉燒 但黎到專食叉燒嘅餐廳再加上 👦 指明要食第一刀 就試吓何謂第一刀 就係豬肩位一上枱 燶邊叉燒呀 🤤咬落去有些爽口 軟稔適中個叉燒汁都幾出色 不停將叉燒沾到成嚿都係 唔好浪費 😆🔹️香妃雞燻蹄雙拼瀨粉雞肉好滑 色澤金黃 夠晒入味🐥燻蹄又夠爽口 唔痴牙🔹️椒鹽豆腐炸得脆卜卜 好輕輕輕微嘅辣沾埋個汁 頓時覺得無咁熱氣✅️全日無加一✅️比一般燒味鋪乾淨✅️充滿香港風味…查看更多

住東區又鍾意食叉燒嘅朋友，對「新貴香」叉燒唔會陌生。最近發現原來位於炮台山嘅Chop Chop食神叉燒嘅主廚榮師傅，係為前新桂香主廚。呢日嚟到炮台山附近，當然要試吓啦。餐廳有單點之餘，亦有二人及四人餐選擇。除咗燒味外，仲有多款小菜提供。蜜汁燒排骨叉燒（$150）- 呢個係餐廳職員推介，聽講係每日新鮮運到嘅排骨燒成，唔係間間燒味店有。師傅利用傳統醃肉及燒法，入囗果然非常高質，燒得好好味，不愧為食神叉燒。原隻燒鵝髀米粉（$130）- 原隻燒鵝脾真係好吸引，肉質鮮嫩，入口啖啖肉，味道好正。餐廳環境舒適座位闊落，適合一班朋友或屋企人聚餐。見餐廳除咗一般餐飲和特飲外，仲有紅酒選擇，配合中式燒味，應該有另一番風味。…查看更多

Chop Chop 食神叉燒 Chop Chop是什麼意思答案A：Chop Chop斬叉燒聲答案B：hurry up答案C: 自由想像🤣今日放工和同事吃晚餐，看到Chop Chop食神叉燒霓虹燈牌一閃閃的很有舊式港味的燒味店，挺特別的👉椒鹽鮮魷鮮魷被切成均勻的條狀或圈狀，上面撒上細碎的椒鹽粉，外觀金黃酥脆，看起來很誘人。夾起一塊咬下去，首先感受到酥脆香嫩的外殼，咬下外殼後，內層鮮魷肉質鮮嫩甘甜，柔軟的口感和微妙的嚼勁相融合，鮮魷的鮮甜味與椒鹽的少許香辣調味相互襯托，帶來美妙的味覺。看到旁邊桌子的客人叫了不同的燒味和這款小菜配上紅酒，聽到他們也是對這款小菜贊不絕口，吃得不亦樂乎推薦指數🌟🌟🌟🌟🌟👉 叉燒和燒鵝雙拼店員說「功夫」中的戴龍師傅是食店顧問，真是厲害👍二人套餐中不想吃飯🍚還可自由換選瀨粉等，在我心中，廣式美食經典之一就是燒鵝瀨粉，燒鵝甘香，瀨粉爽滑，湯底甘甜，令人念念不忘。推薦指數🌟🌟🌟🌟🩷比一般的燒味店乾淨，座位間距也舒服，長桌很適合家庭聚餐🩷沒有加一服務費🩷服務態度都很友善，熱情招呼💡後面照片均是live相，無添加任何濾鏡，食物新鮮看得到💡附近景點：【打卡位】北角「油街實現」新藝術空間 💡最後，沿着北角海濱長廊吹吹海風What a perfect day …查看更多

黯然銷魂飯聽就聽得多🫣原來北角有間由呢個飯原創者親自監督嘅燒味店呢度嘅鎮店燒味師傅入行超過30年燒味質素有一定保證🤩而且環境舒服裝修充滿香港懷舊味道🇭🇰同一般燒味店嘅感覺完全唔同呢晚咁啱撞正假期熱門嘅燒味都已經賣晒😭好在晚市仲有啲鑊氣小炒供應✨雙拼飯（香妃雞/汾蹄）$65太夜嚟到淨係剩返呢兩款燒味估唔到都有啲驚喜🤩燒味嘅份量幾多香妃雞色澤金黃雞肉鮮嫩🐥汾蹄切得好大片塊皮充滿膠質😋✨椒鹽鮮魷 $128雖然呢度主要係食燒味但係小菜嘅味道都唔錯😝每一片魷魚都炸得金黃酥脆入口即化，口感非常好椒鹽嘅味道恰到好處令人回味無窮😚✨梅菜蒸肉餅 $88 （轉套餐加$18）梅菜蒸肉餅色澤誘人，香氣四溢😎肉餅鬆軟多汁，仲保留咗啲肉汁而且融合咗梅菜嘅鮮香，口感豐富😍梅菜嘅甜味完美地平衡咗肉餅嘅油膩感令人回味無窮每一啖都係滋味滿滿嘅享受👍🏻✨凍奶茶跟餐嗌咗杯凍奶茶😝奶茶茶香濃郁奶味濃厚，甜度適中🍼喝落口感滑順 🍴Chop Chop 食神叉燒📍北角宏安道18號地下3號舖📞36187718…查看更多