Chickee's (西九龍中心)

系社交平台红左既意粉店，满心期待去试下辣味蒜香大虾意粉惹味既，但有小小苦左既蒜头味，份量系冇得输，虾都弹牙，但真系唔值得排队去买黑松露蛋沙律爆薯呢个小食都几创新，外壳系吉列脆皮，入边系劲creamy既薯蓉，但同黑松露蛋沙律唔太夹，个酱系冻既，但爆薯热辣辣，食上黎有d怪，仲要食到底既时候，有一层油系到，就知真系好油腻🙂‍↔️不了…查看更多

最近呢间意粉系社交平台爆红，想将佢同下便𠮶一间亦都好红嘅意粉比较，嗌𠮶阵个职员话要等半个钟，但系可以留低个电话到咗会call你，呢一间意粉店藏身喺8楼嘅food Court，意粉超级大份，感觉女仔两个人share都可以食得饱，仲要有海鲜+酒味价钱都只系$57！今次试咗嘅系白酒牛油汁蚬意粉（$57）攞上手热辣辣，摆盘好靓，配料睇上嚟好多好似成座山咁，蚬肉都食到满满嘅白酒香，偏重奶味，好Creamy，唔会漏但系超级浓味，上面嘅香草令成件事嘅配搭更上一层楼，烟肉整到微微焦脆劲邪恶，意粉嘅质感烟烟韧韧几有咬口，咸香十足，每一条意粉都挂满晒酱汁，酱汁好浓郁劲惹味，每一啖都系满足嘅幸福感，蚬肉好鲜甜，亦都好新鲜，呢一个份量、质素、价钱真系超级出色同埋超级有惊喜！所有嚟过西九龙中心嘅人唔试一定会后悔！…查看更多

每次去到都好多人排队，所以好多时都放弃，今次平日下午茶时段去到，终于唔使排队，即刻埋去收银妹妹话等20分钟，都即时落单。叫咗黑松露碎蛋炸薯，明太子柞树，卡邦尼意粉，收银妹妹仲好好叫我哋留低电话，话出餐就通知我哋去攞。讲咗食物先，两个焗薯外皮都仲有微微脆，入面薯蓉好滑好黏，上面嘅配料夹埋更加好食。卡邦尼个汁喺其他地方真系食唔到咁好嘅挂汁。配合埋温泉蛋同埋唔会太咸嘅烟肉真系一绝。小插曲就系收银妹妹转咗人，等咗30分钟都冇收到电话，行埋去睇吓一盘盘食物喺度，冇人攞。原来落单嘅妹妹转咗人接近呢个可能唔知要通知我哋，所以啲嘢食抌得冻咗，焗薯塌咗，卡邦尼汁冻到结埋咗。希望下次记得通知客人，唔好嘥咗主厨嘅心机，等食客可以趁热进食。希望下次去到唔使排队，又可以再食😋…查看更多

中午食，落单已经讲明要等30分钟左右，到时做好会打比我，lee 个都几好，唔使成日去望住有未，收到先去，去攞时份量好大，味道唔错，因为叫左其他店，加埋同长者一齐食，真系食唔晒，自己包走。之后去行街，我同长者都觉得好口渴，开头以为系因为其他店叫左有调味粉的薯条，点知返到屋企食埋食剩的意粉做晚餐，食完又口渴，所以今次好肯定系意粉问题，我自己本身平时食薯片𠮶D都唔会话口渴，但今次意粉劲饮水，太跨张啦，成支500ml水饮完重口渴。…查看更多

8:04落嘅order ，8:50分先攞得。都算啦，但系一食嘅时候，就变咗成碗汤粉咁。份量系大嘅，但系唔会值得攞45分钟等待食卡（汤）尼，同埋味道我觉得一般。仲要系food court呢啲快餐位置，唔会再试。同埋睇住佢啲汁跌落个托盘度，个前台都系会去执一执，抹一抹。…查看更多