ChaTraMue

廢話*少*說直入吐糟點，飲品質素低下對不起這價位，糟蹋所謂網紅店。很久前在尖沙咀隨意經過購買嘗試了第一次，感覺挺不錯，當時未知是出名新茶飲店，性價比是值的，之後試過幾次還好，較喜歡泰奶茶，班蘭珍珠，玫瑰系列也ok，但甜度偏甜。明明只不過幾年時間，分店愈來愈多，質素卻愈倒退，逼得今次不得已負評，就在旺角分店即興點了杯新品泰式燕麥烏龍奶茶（價值$39大元正），先是職員態度較傲慢無禮，多番問是否能走冰少冰卻無視不答，轉問少甜雖答了，又再問少冰才獲應不能，連甜度也只能少甜不能半甜。最精彩的一刻莫過於飲品一出，只看到色水超淺，冰量也十足且碎，一看就知味道不行毫無吸引力，一喝口感果然索然冇味，敢說我在家沖一包即飲奶茶會比這飲品更有味道，不說以為在喝有點甜的水，這根本不是少甜應是微糖，燕麥烏龍更是淡得新奇，奶茶：水比例是1：9對吧。經過這次不再入坑，完全把客當水魚，真遜的經驗。…查看更多

呢间店嘅泰奶真系有惊喜！我点咗正常冰少糖，建议大家都拣少糖，因为佢本身甜味好足，少糖先至系刚刚好嘅程度，饮落喉唔会觉得腻。不过要留意，冰量系固定嘅正常冰，唔可以调整，夏天饮其实几爽，但如果唔钟意太冰就可能要谂下啦。​除咗泰奶，佢哋嘅泰红都好值得试！纯粹嘅泰式红茶，茶味浓到一入口就感受到，唔会被其他味道盖过，反而有种独特嘅茶香喺口腔度散开。平时钟意饮浓茶嘅朋友，应该会钟意呢种够晒「茶底」嘅感觉。​整体嚟讲，两款都各有特色，泰奶带住奶香同甜味，泰红就突出茶香，钟意东南亚风味饮品嘅话，呢度都算系个唔错嘅选择，下次应该会再试下其他款。…查看更多

泰國奶綠茶味濃郁醇厚入口絲滑，好大一杯嘅少甜啱啱好，但係🧊冰量係唔可以調整嘅，抹茶跟住係奶香嘅餘韻，口感層次好豐富啊！嘅時候，冰塊嘅清涼更加為佢加分唔少，一啖落去熱氣全消😊…查看更多

今次咁啱經過旺角，特登排隊試下呢間店嘅招牌奶茶，落單到攞到飲料，等咗大概10-15分鐘(๑•̀ㅂ•́)و✧1.正宗泰國綠奶茶- **價格**：$32- **食評**：呢杯正宗泰國綠奶茶顏色清新，因為泰式奶茶一般都偏甜，我嗌咗少甜，飲落都有少少甜，不過起碼味道無伏。奶茶都算茶香濃郁，口感滑順，唔會過於膩口ﾍ( ´∀`)ﾉ總結泰式奶茶味道正常，得閒嘅時候可以飲下，如果要排隊就未必會再買，好想去泰國飲正宗嘅泰式奶茶ヽ(✿ﾟ▽ﾟ)ノ…查看更多

老婆今日終於鼓起勇氣行入去食雪糕，點解要用鼓起勇氣呢四個字，因為我老婆係好怕食甜嘢，泰茶出左名好甜。而好多人話呢間泰國奶茶一向都好甜，奶茶已經冇得控制甜度，所以佢都好擔心杯雪糕會唔會太甜。因為佢一直擔心太甜冇食過，所以我同佢講不如你試吓啦，如果真係太甜就俾我食啦。於是我買咗俾佢食，佢食完一啖之後同我講，試完返唔到轉頭，佢話好香茶味又唔會太過甜，下次一定要在 encore 食多次。#thaicha #泰茶雪糕…查看更多

今日試咗呢間網紅泰國奶茶鋪，叫咗兩杯招牌飲品，即刻同大家分享感受！第一杯衝住泰奶來嘅，但飲落有啲失望…… 茶味濃到有啲澀，奶味反而被蓋住，甜度明明揀咗標準糖，點知苦澀味搶晒戲，飲到後尾覺得有啲膩滯。珍珠煙韌但幾腍，可惜被茶底拖累，怕苦嘅朋友記得唔好走甜或者揀淡茶版啦！呢杯真係意外好飲！荔枝味好自然，唔係死甜死膩嘅香精味，綠茶底夠清涼，少糖版本剛剛好，飲落喉嚨有陣陣果香，夏天飲絕對醒神！推介俾鍾意清新口味嘅人，盲買都唔會錯～泰奶表現麻麻，但荔枝綠茶真係讚！下次會再試其他水果茶，鍾意泰式風味又怕苦嘅話，記得避開傳統泰奶啦～…查看更多

在旺角行行下街經過ChatraMue老婆突然想買一杯泰式奶茶，於是便走左入去了，見到選擇非常多，最後我們都係選擇了正宗泰國奶茶，味道非常正宗泰式，濃郁茶味再加上甜味，跟港式非常之大分別，下次一定要再試試雪糕。…查看更多

就算唔識讀呢個品牌嘅名，一見到呢個紅色標誌，都一定會知道係泰國知名度好高嘅奶茶店，每次去親泰國都會飲佢地嘅奶茶！呢排食咗咁多好野，見到 menu 上面寫住排毒瀉茶系列，諗住係時候飲返杯排一排毒都好！到落 order 嘅時候店員提醒咗飲完會有輕瀉作用，我又諗擺得出嚟賣手搖飲品嘅唔會瀉得好犀利姐，咁無問題啦，同友人分別要咗 泰國蜂蜜玫瑰花茶 & 泰國玫瑰花奶茶。見杯野飲個包裝又幾靚，好有少女 feel，就打下卡先，而且有淡淡嘅玫瑰香味，味道可口，又夠解渴。沿路一邊行一邊飲都冇咩事，行咗三四個鐘左右就開始要去廁所…… 原來呢杯排毒瀉茶堅係有料！…查看更多

🟠泰式奶茶：正宗嘅泰味奶茶，錫蘭紅茶好香濃茶底好香，口感絲滑細膩，鐘意茶味濃嘅話就可以揀呢杯，而且特別d嘅係佢甚至仲可以飲到一絲鴛鴦嘅口感🥰🟢泰式奶綠：額外另➕咗珍珠需要💰6，珍珠比較特別，係用斑斕葉製成嘅咬落去會多一陣清香嘅香味，相比於奶茶，奶綠嘅味會淡啲，口感上更加清爽🍃🍃建議揀少糖，正常糖甜度會比較高，飲落會有啲膩。少糖飲到最後可能會比較淡會啱啱好✨✨…查看更多

一心去試軟雪糕，排勁耐隊，買完等咗十幾分鐘，條友完全忘記咗我，我見遲過我嗰啲人都拎曬，問佢佢先至醒起裝俾我，仲要一句sorry都冇！如果我唔問佢，等成世都唔會有！p.s. 我企正喺counter前面冇行開過個軟雪糕非常之杰，似食緊溶咗嘅芝士咁，食咗幾啖已經唔想食，最後勉強食一半就掉咗…查看更多

知道Menu有泰國奶茶沙冰，因為一直都好鍾意飲沙冰，所以滿心歡喜就嗌咗一杯。沙冰嚟到之後即刻飲咗一啖，一入口覺得完全冇沙冰嘅感覺，所以啱啱行咗出門口一步就即刻返咗轉頭問職員。比嘢飲嘅職員指住個label同我講係沙冰，我就話會唔會係整錯？我都見到label係沙冰…. 但係飲落真係冇沙冰嘅感覺之後收銀姐姐用恥笑嘅語氣問廚房：佢話沙冰冇沙冰嘅感覺之後廚房有個姐姐行咗出嚟，就笑住話「係咁㗎，因為我哋用熱奶茶沖出嚟，你都唔係第一個咁問」我真係聽到呆咗，我都明白如果佢用熱奶茶加落水冰度沖出嚟係會咁嘅效果，問題係menu同網上面promo張圖嘅沙冰唔係咁樣呀嘛…無下次…查看更多

推介大家這間是在香港值得一試的泰國奶茶🥤店。除了泰國奶茶外，還有其他茶款提供，也有泰國奶茶口味的雪糕。喜歡喝泰國奶茶的你一定會知道在泰國奶茶界，必定認得一個紅底金字商標的Cha Tra Mue茶葉，這間店正正就是用這個品牌沖調所有奶茶。正宗泰國奶茶的飲法是點凍飲，奶茶絶不提供減冰、走甜，以帶來最地道、好味的奶茶。在冰塊漸漸融化，到最後慢慢甜度冰度剛好。不過我通常都等不及了，太熱瘋狂喝的情況下通常第一口都比較甜，所以點了少甜，配合我個人的飲法，清涼又解暑。$32 有種回到泰國的感覺！讚👍🏻…查看更多

ChaTraMue (旺角)未試過飲喺香港飲泰式奶茶🙈今次終於試第一次啦😻揀咗一杯正宗泰式綠奶茶少甜既😆不過冰島今日幾多，差唔多半杯都係～不過！杯既份量都算大！成日都聽朋友講好好飲，所以試吓～環境裝修都好優雅🙈泰式奶茶既茶葉帶黎好濃郁既茶香創造出一種獨特既風味😋少甜啱啱好，唔會過於甜膩。地點：旺角西洋菜南街2J-2Q號地舖🔸味道：8/10🔸環境服務：8/10🔸推薦：8/10…查看更多

之前買過佢嘅玫瑰奶茶，雖然店員已經提示過會輕瀉，我都仲係輕視左佢嘅威力😂冇諗過係咁靈驗！今次同三五知己，一齊再嚟個玫瑰排毒美顏之旅，但今次就唔揀奶茶，睇下會唔會冇咁瀉😂雖然清清腸胃都幾好嘅..上次經驗係兩三個鐘就開始嚟料，⚠️要飲嘅話記得搵個有乾淨廁所嘅地方！😂😂😂⋯♡⋯⋯⋯♡⋯⋯⋯♡⋯⋯⋯♡⋯✧泰國蜂蜜玫瑰花茶 $38佢嘅冰量係唔可以減少，成杯都係冰😂不過你可以等啲冰溶下再慢慢飲。因為本身個味都幾濃，溶冰後都夠味，玫瑰味超出仲有啲回甘，甜度要左少甜，飲落舒服…查看更多

講起杯好茶，唔少得ChaTraMue嘅泰式奶茶啦！今次試咗佢哋嘅招牌泰式奶茶加上五彩繽紛嘅斑斕珍珠🧋🌈。一嘢接過杯茶，已經覺得眼前一亮！奶茶嘅顏色濃郁，斑斕珍珠色彩煞是好看。第一啖唞落去，那個茶味啊，不愧是泰國過來嘅正宗滋味 —— 沁入心脾，濃郁香醇，奶味同茶香完美融合，順滑得來帶點嚼勁，仲有個甜度啱啱好，唔會太死甜。啱啱好嘅係斑斕珍珠嘅彈牙口感，同茶味融合得天衣無縫。呢啲珍珠食落去好有彈性，每粒珍珠都彷彿有自己嘅個性，吸收咗茶同淡奶嘅精華，仲帶點秘密甘香，真係一啖珍珠，一啖幸福！每啖奶茶都記錄住我嘅泰國味蕾之旅，喺整個味覺嘅演奏會上，斑斕珍珠係奏響一曲曲不同嘅音符。總之，呢杯ChaTraMue泰式奶茶，絕對係滿載記憶嘅美妙旋律🎶🎵。帶少少傳統，也帶著創新，行過路過千萬唔好錯過，你都可以喺繁忙嘅日子裡呷一口，暫時離開一下香港，飛去泰國嘅感覺！🐘🌴…查看更多