CEO Neway

好耐冇唱K啦，朋友之前提過Neway逢星期三同日提早訂房有半價就一直心思思想去，不過半價唔適用於K-Lunch，計過數K-Lunch 都唔係貴好多又包一份午餐，最終決定星期日唱K-Lunch-兩個人竟然被安排大房，可以容納6-8人，仲有獨立廁所，真係驚喜，音效整體都算唔錯，只係因為版權問題令到歌少啲，店員整體都有禮貌，唱兩個鐘包一份食物同一杯飲品，按你叫啲咩食物決定價錢-嗌咗龍蝦牛柳拼薯菜同豬頸肉意粉；龍蝦明顯唔係新鮮，肉有少少梅，牛柳質素都唔差，夠腍滑有少少牛味，薯條係有坑紋嘅；豬頸肉意粉豬頸肉夠滑夠彈牙係鹹咗少少；朋友點凍奶茶，我點紅棗桂圓茶，紅棗桂圓茶好香甜又補血，食同飲方面都合格以上，玩得都盡興，滿意！…查看更多

最近朋友望社交平台發現Neway推出左六月壽星全月免費任唱，咁好彩我真係有位好朋友在六月生日，所以就決定去玩下啦，我地四個人去有預先訂金，由下下午兩點正(14:00)唱到晚上7點正(19:00)，可以玩5個鍾呀🥰非常正🥳計歡樂時光時段每位人頭收費$179蚊HKD, 另收加一服務費，每位人頭包兩杯無酒精飲品🤣佢地都有推出新口味既仲夏水果茶免費升級，唔洗加錢🤣我地掛住唱都沒有點選主食，只叫了一客薯格小食($68HKD一款) 食下過下口癮，佢地菜單上有不同款小食，一款$68HKD, 三款$188HKD。不過原來佢地仲有更平即下午茶優惠，臨走時先見到😭大家黎玩時記得要睇清楚啲優惠🤭如果大家有興趣就記得衣個週末(28/6-29/6) 或下星期一(30/6)前到Neway用埋優惠玩呀🥰…查看更多

平日走去唱 lunch K，11：00到，可以唱到4：00，足足唱咗5粒鐘，夠哂喉。今次派咗間中房，清潔度滿意，但個點歌 panel 變哂色。收費就$115~$165（另收加一服務費），包一個午餐，一杯飲品，另外出面有自助湯、包、沙律、糖水。蘑菇忌廉湯不錯。法包室溫唔熱。沙律都幾新鮮。木瓜雪耳糖水幾好飲。紐西蘭西冷扒（$165）揀咗燒汁，配薯菜。煎得不錯，肉質可以，質素對得住價錢；薯條熱的脆的；薯菜一般啦。卡邦尼蛋黃煙肉意粉（$145）勁 hea，白汁撈意粉，得兩三粒碎煙肉，再打隻生雞蛋係面，味道極之平凡。凍檸蜜（$0），蜜味濃，OK。…查看更多

咁其實呢都好耐冇唱K啦～咁覺得呢唱早k好平就嚟唱K啦～荃灣大鴻輝ceo ，係咪有人驚佢執咗笠呢？梗係未啦。而家香港呢就係得返荃灣尖沙咀同埋灣仔嘅ceo 其他唔係ceo或者係唔係Neway我就唔知啦。但係Neway嚟講質素都唔差嘅咁耐冇食k lunch呢個係肥牛泡菜石鍋飯都幾好食嘅 跟住呢個係吉列龍脷柳配薯條（呢個還可以）咁$109至$149一位計返個餐就係你嘅k lunch幾多錢，其實我哋12:15完都唔算lunch時間🤣都係唱K 㗎啦，好似都係唱咗兩個鐘，不過生意難做，大家想去就去吓啦…查看更多

一直都好想去試下Neway CEO K Lunch，今天終於抽到時間，兩公婆走去扮中年好聲音，齊齊jam歌!這間CEO位於荃灣大鴻輝中心13&15樓，在13樓是reception floor，出𨋢後，由於旁邊有落地大玻璃，所以地方望落好開揚，由於我們大概中午12點45分到，正值午餐時段，所有細房都已經爆滿，Staff安排了一間Party房给我們倆人，超正!提提大家，想叫午餐餐牌，必須要在下午1點前落單! 每人最低消費$99或以上(包一個午餐送一杯無酒精飲品)! 由於今天是平日，我哋個K lunch可以唱到下午四點才退房!餐牌大概有6-7款午餐選擇(各款價錢不同，平均都要百幾蚊一個午餐)，例如有：斧頭豬柳、肉眼扒、無骨海南雞飯、喇沙、吞拿魚焗長通粉等等... 如要叫特飲就要額外加多$18! 我和老公各點了一款，分別是：-*芝士吞拿魚焗長通： 份量都算多， 夠熱，吞拿魚同芝士比例恰好， 味道都可以 (不過我掛住唱歌，唔記得影相，不好意思)!*馬來西亞喇沙海鮮油麵：個湯冇乜喇沙味，但算足料，味道一般啦，食得跑!來得K Lunch 目的主要係唱多過食，對食物沒有太大期望! 所以小妹對今次唱KLunch體驗尚算滿意，有大大房間、獨立洗手間、有多支咪連咪套、音響設備一流、大螢幕都有3個，服務又OK～nice!!埋單兩人一共$295，下次要再唱過呀!…查看更多

之前一直因為疫情 K房長時間無得營業勁多年無唱過K 🫣今日終於抽到時間 約到人陪我去唱K🤭其實約得好即興🤫11:45左右到左 但朋友仲有兩個站先到好驚過左十二點 會無左K lunch即刻走上去問下 原來12:30前都有K lunch😌一望張餐牌 我就深深被「龍蝦」🦞兩個字吸引左估唔到依家K lunch 既menu 咁豪華😱😱🍴芝士🧀焗龍蝦🦞伊麵🍜又真係幾有誠意 整得似模似樣喎😯滿滿一層芝士 仲要拉到絲架🤗有半隻龍蝦 龍蝦仲要有膏😧😧😧😧真係好surprise伊麵又夠大份 食哂都幾飽🐽百零二百蚊 有得食 包一杯野飲 又有得唱K呢個價錢真係 好抵玩抵食🤗🤗…查看更多

今天lunch k 叫了蟹柳豬輭骨烏冬（$125），估唔到幾好食，連餐飲的柑桔蜜都夠味。加$10試了花旗參燉雞湯，一點也不頹，喜出望外，好抵。所以忍不住第一次寫食評，以示鼓勵。👍加油💪…查看更多

同朋友們好多年冇唱過K啦 早嗰排去大鴻輝食放題時見荃灣CEO仲未執笠咁就搵咗人去唱番K懷舊一下Book位問佢有冇buffet佢哋話而家係叫Set雖然本身都冇乜期望有咩質素真係估唔到晚餐$60-$70但係可以做得到出邊餐廳嘅水平牛扒比正常餐貴少少$70姐朋友嘅雞煲$60 韓式豬肉撈飯都係$60雞煲同埋撈飯拎到上嚟嗰陣時仲係熱辣辣我拎咗我自己啲薯條點做雞煲醬試過真係好好味牛扒就正常茶餐廳水平，不過就比較大塊雞煲嘅雞反而有少少失望，因為雞胸比較硬豬就不過不失，做到出邊嘅水平…查看更多

事源係咁，疫情下己紅好耐無唱過K，前排約咗朋友6月中一定要唱下K，舒下壓個日我哋約咗去荃灣唱K，因為近日好迷一個Youtuber嘅美食片，所以我就一定要叫返碗辛辣麵嚟食下。本來預期好普通，食落都真係好普通。雖然午餐肉好散，蛋overcooked，但係有一樣野好抵讚，就係佢個麵唔會煮得太冧。因為有好多地方都好鍾意煮冧晒個麵先上枱，食起上嚟無晒口感。而Neway竟然唔會煮冧晒啲麵先上枱，可能係因為Neway想快啲上到菜，快啲畀客人填飽肚仔…查看更多

因為疫情，曾經出左清盤令的Neway 以為會變歷史遺物，但竟然在今年四月開始又可以重新營業，實屬港人佳音。由中學時期唱到我投身社會都屹立不倒的Neway絕對稱得上「童年回憶」，印象中帶有煙味🚬的房間、多人房有獨立廁所🚽、識飲一定飲雜果賓治🍹、K房版1，2，3木頭人（一有員工入黎就靜音🔇）、當然吾少得十年如一日兩支咪干擾發出的嘈音。時移世易，多了層防疫措施，最少打左兩針疫苗注射同安裝左「安心出行」方可進入。K LUNCH 收費99 蚊起，包一份午餐同一杯無酒精飲品🍸，但此分店不提供小食類。紐西蘭牛肩排配薯條🍟：黑椒汁極濃厚，仲有大量蒜蓉粒調味，薯條🍟炸得熱辣辣，夠曬香脆，絕無叟場，份量又多，牛肩排肉質香焾，咬落牛味出，整體不錯。咖哩牛腩飯：咖哩偏甜，似加椰漿馬來西亞🇲🇾風味個款，牛腩大大塊，炆得好焾，呀婆都食到，薯仔🥔竟然有花心思過冷河，有咬口香薯仔🥔，不是焾身。凍奶茶🥤：普普通通，茶底好濃加埋奶中和其苦澀。總結：K LUNCH 都有好西食 吾HEA 你朋友聚會好地方…查看更多

良朋相聚，二人嚟唱K。以往唱開老同，觀塘，宋皇臺，MK。第一次去荃灣CEO，大鴻輝中心呢個位置都算方便，以往都嚟過行街但就唔知原來樓上有K唱。平日唱早K，跟一份主食同飲品，散叫碟菜心，埋單加埋一，大約$216.每人百鬆D蚊好抵玩喔食物同飲品都OK呀飲品點熱奶茶同普洱，夠晒熱。職員服務就是讚原本想一開門就嚟唱，有D事攪晏左，大約十一點半才到，好似係唱到下午三點完，兩個人食嘢，聽吓歌，唱吓，快樂不知時日過喜歡聽歌睇MV，期待好快又有伴再去唱K，是日點左炎炎嘅 <沒有你還是愛你> 三次，因難得大家都識唱，舊歌新唱就是英文歌、國語歌、廣東歌都有唱。好歌不厭百回聽，新舊歌都聽吓唱吓…查看更多

已經好耐無唱過K, 今日心血來潮就嚟唱一唱個K-lunch, 要留意嘅係，只要1pm前入座就可以叫K-lunch嫁啦！K-lunch嚟講佢地都有幾多選擇，不過對佢地嘅嘢食不嬲都無咩期望，所以就叫咗個唔洗特別加錢嘅白汁野菌海鮮焗意粉😌估唔到呢個聽落平平無奇嘅意粉原來都有驚喜嘅！首先，份量係好大份，食到飽完全唔成問題。第二，最有驚喜嘅係佢地嘅魚柳！平時食嘅魚柳都林林地咁無咩口感，但係呢個就竟然焗到個魚柳外脆內軟，完全估佢唔到。另外，亦都估佢唔到點解會有咁多細細粒嘅紅蘿蔔喺當中，不過唔緊要啦，整得唔難食，又反正都係有益嘅食物嚟…查看更多

食物款式雖然多 但樣樣都入唔到口 甜品區仲多過熟食區 又無打邊爐區 全場最好食就係西瓜唱k音質係好好的咁既價錢同質素真係唔抵 寧願去旺角 平d仲好食好多唉！下次唔會再黎呢間！…查看更多

噚日(14-12-2019 Sat)朝,即慶想唱K,就同老公等到lunch time嚟,上網睇收費,有k-lunch時段,$93.00-$123.00,咁我哋lunch時間去到,應該有o卦,於是走去唱.去到時未夠一點,問係咪K-lunch時段?職員答冇,冇lunch buffet,o衣o家係歡樂時光時段,收費$145.00.老公話照唱,OK.安頓好晒後,睇睇點餐紙,嘢食要2:15pm後至供應,好肚餓啊.唯有邊唱邊等啦,終於等時間到,叫得,我哋要咗:1. 熱檸蜜啲水好熱,味道好澀,就算勁多蜜糖都唔掂.味道:0.1分2.-4.$60.00三款嘅下午茶薯角大大兜,味道口感完全正常.味道:5分炸雞柳拼春卷炸雞柳落咗孜然粉喺炸粉喥,雞柳冇乜味,麻麻.味道:1分春卷唔脆,內裡嘅餡係齋裡,味道亦麻麻.味道:0.5分西多士花生醬足夠,呢個味道啱啱好. 味道:5分5. $68.00嘅鹹魚雞粒炒飯大大碟, 雞粒唔係雞粒,似雞塊,飯好乾身,甚至覺得有啲硬,但唔覺油膩,而味道都OK  嘅.味道:2.8分服務:落完單,等成半個鐘至送到嚟.服務,衛生同抵食都係2.5分其實兩年前都有嚟慶生,不過嗰時冇寫佢嘅食評,再上次就有寫(嗰個食評:https://www.openrice.com/zh/hongkong/review/%E9%81%B8%E6%93%87%E5%A4%9A-e2553145)…查看更多

在上年11月頭星期日當日，趁環球唱片公司仲有幾日俾 Neway 播其公司旗下歌手嘅歌，所以我約男朋友一齊唱 K！俾機會佢一展歌喉！ 只能說他唱歌好過五音不全嘅朱總理！我們去荃灣眾安街大鴻輝(荃灣)中心 <CEO Neway> 分店，位於 13及15樓，13樓接待！裝潢都幾 Grand，而且幾光猛！我們提早好幾天 book 房，2:00前到，接待處的女店員話要等到 2:30 才有房，最終， 2:15 安排我們入K房！交房時間 5:15我們被安排到細K房，CEO Neway 的房內有獨立洗手間，方便大家！$135/位房間就算較極最大都只有19度，3小時，我對手由頭到尾都冷冰冰！下午茶：一款 $25/ 三款 $60叉燒湯意粉 $25叉燒有10塊之多！意粉爽口，味精湯的味道！熱檸蜜味道頗甜！凍檸茶加入大量糖漿，入口死甜！…查看更多