CEO Neway

好耐冇唱K啦，朋友之前提过Neway逢星期三同日提早订房有半价就一直心思思想去，不过半价唔适用于K-Lunch，计过数K-Lunch 都唔系贵好多又包一份午餐，最终决定星期日唱K-Lunch-两个人竟然被安排大房，可以容纳6-8人，仲有独立厕所，真系惊喜，音效整体都算唔错，只系因为版权问题令到歌少啲，店员整体都有礼貌，唱两个钟包一份食物同一杯饮品，按你叫啲咩食物决定价钱-嗌咗龙虾牛柳拼薯菜同猪颈肉意粉；龙虾明显唔系新鲜，肉有少少梅，牛柳质素都唔差，够腍滑有少少牛味，薯条系有坑纹嘅；猪颈肉意粉猪颈肉够滑够弹牙系咸咗少少；朋友点冻奶茶，我点红枣桂圆茶，红枣桂圆茶好香甜又补血，食同饮方面都合格以上，玩得都尽兴，满意！…查看更多

最近朋友望社交平台发现Neway推出左六月寿星全月免费任唱，咁好彩我真系有位好朋友在六月生日，所以就决定去玩下啦，我地四个人去有预先订金，由下下午两点正(14:00)唱到晚上7点正(19:00)，可以玩5个钟呀🥰非常正🥳计欢乐时光时段每位人头收费$179蚊HKD, 另收加一服务费，每位人头包两杯无酒精饮品🤣佢地都有推出新口味既仲夏水果茶免费升级，唔洗加钱🤣我地挂住唱都没有点选主食，只叫了一客薯格小食($68HKD一款) 食下过下口瘾，佢地菜单上有不同款小食，一款$68HKD, 三款$188HKD。不过原来佢地仲有更平即下午茶优惠，临走时先见到😭大家黎玩时记得要睇清楚啲优惠🤭如果大家有兴趣就记得衣个周末(28/6-29/6) 或下星期一(30/6)前到Neway用埋优惠玩呀🥰…查看更多

平日走去唱 lunch K，11：00到，可以唱到4：00，足足唱咗5粒钟，够哂喉。今次派咗间中房，清洁度满意，但个点歌 panel 变哂色。收费就$115~$165（另收加一服务费），包一个午餐，一杯饮品，另外出面有自助汤、包、沙律、糖水。蘑菇忌廉汤不错。法包室温唔热。沙律都几新鲜。木瓜雪耳糖水几好饮。纽西兰西冷扒（$165）拣咗烧汁，配薯菜。煎得不错，肉质可以，质素对得住价钱；薯条热的脆的；薯菜一般啦。卡邦尼蛋黄烟肉意粉（$145）劲 hea，白汁捞意粉，得两三粒碎烟肉，再打只生鸡蛋系面，味道极之平凡。冻柠蜜（$0），蜜味浓，OK。…查看更多

咁其实呢都好耐冇唱K啦～咁觉得呢唱早k好平就嚟唱K啦～荃湾大鸿辉ceo ，系咪有人惊佢执咗笠呢？梗系未啦。而家香港呢就系得返荃湾尖沙咀同埋湾仔嘅ceo 其他唔系ceo或者系唔系Neway我就唔知啦。但系Neway嚟讲质素都唔差嘅咁耐冇食k lunch呢个系肥牛泡菜石锅饭都几好食嘅 跟住呢个系吉列龙脷柳配薯条（呢个还可以）咁$109至$149一位计返个餐就系你嘅k lunch几多钱，其实我哋12:15完都唔算lunch时间🤣都系唱K 㗎啦，好似都系唱咗两个钟，不过生意难做，大家想去就去吓啦…查看更多

一直都好想去试下Neway CEO K Lunch，今天终于抽到时间，两公婆走去扮中年好声音，齐齐jam歌!这间CEO位于荃湾大鸿辉中心13&15楼，在13楼是reception floor，出䢂后，由于旁边有落地大玻璃，所以地方望落好开扬，由于我们大概中午12点45分到，正值午餐时段，所有细房都已经爆满，Staff安排了一间Party房给我们俩人，超正!提提大家，想叫午餐餐牌，必须要在下午1点前落单! 每人最低消费$99或以上(包一个午餐送一杯无酒精饮品)! 由于今天是平日，我哋个K lunch可以唱到下午四点才退房!餐牌大概有6-7款午餐选择(各款价钱不同，平均都要百几蚊一个午餐)，例如有：斧头猪柳、肉眼扒、无骨海南鸡饭、喇沙、吞拿鱼焗长通粉等等... 如要叫特饮就要额外加多$18! 我和老公各点了一款，分别是：-*芝士吞拿鱼焗长通： 份量都算多， 够热，吞拿鱼同芝士比例恰好， 味道都可以 (不过我挂住唱歌，唔记得影相，不好意思)!*马来西亚喇沙海鲜油面：个汤冇乜喇沙味，但算足料，味道一般啦，食得跑!来得K Lunch 目的主要系唱多过食，对食物没有太大期望! 所以小妹对今次唱KLunch体验尚算满意，有大大房间、独立洗手间、有多支咪连咪套、音响设备一流、大萤幕都有3个，服务又OK～nice:)!!埋单两人一共$295，下次要再唱过呀!…查看更多