Casa Luca

🍝青柠汁蒜香鸡肉意粉 冇谂到系白汁，仲要好多汁，本来以为只有青柠和蒜味，想像系清新嘅感觉。不过食落有阵阵青柠味，都解到腻，而且蒜味十分强劲，中和到白汁嘅油腻感，不过不太爱蒜嘅朋友会接受唔到。旁边有沙律菜，补充下啲纤维。份量算多，中午食完，到晚餐都未觉饿。🍛经典法式红酒烩牛肋条饭 饭有点硬，捞汁食尚可。红酒汁有啲蕃茄嘅酸味，好醒胃。牛肋条都几淋，大大旧有咬口。饮品拣左☕热柠茶，🍵热薄荷茶。好少餐厅有薄荷茶饮，好清新，好舒服。尤其是食到咁饱，天气又咁热，饮番杯热薄荷茶反而觉得凉浸浸😌…查看更多

啱啱喺附近做完嘢，就系附近九龙湾EMax同朋友食lunch，入面都几多位置，有分普通进食区 同类似Party Room(玩乐的小角落)见有位就入去食我哋叫咗两个午餐套餐纽西兰西冷牛扒配薯条，拣咗medium Rare，个牛扒份量好大份，肉质鲜嫩，好juicy，薯条份量十足，炸得好脆，午餐嚟讲都好够饱美国鸡肉忌廉牛油果酱意粉意粉份量都好多，忌廉牛油果酱好creamy，有好多牛油果粒，好有口感，鸡肉份量都多够足料今次仲加咗$28叫埋午餐套餐嘅甜品荔枝玫瑰芝士饼纽约芝士饼两款cheese cake都好好食，荔枝玫瑰好特别，食落有阵阵花香味，好fresh咖啡就叫咗鲜奶咖啡同榛子咖啡，都不错👍🏼…查看更多

去emax睇展览，睇完肚饿揾下有咩食，见呢间餐厅有位就入左去食啦🤓🍅🐷鲜茄汤脆米泡饭配炸猪扒Deep fried pork chop with crispy rice in tomato soup鲜茄汤同个饭、猪扒同脆米系分开两碗放，食之前唔怕啲汤已经浸到佢哋淋晒👍🏻个猪扒都好大块，大过个纸碗🙉炸到好脆口。不过如果唔洗自己切就更好。个鲜茄汤都好重蕃茄味，同啲饭食一流🤓啲脆米亦令个泡饭多一重口感，唔错。价钱又唔算好贵，食完都几开心🥳…查看更多

今日系比较特别既日子，点解会黎9展食野呢，因为今日有我钟意既韩团搞见面会，咁未开始前就梗系要食野医肚先啦，9展呢度都有唔少餐厅，由于我今日想食汉堡，见到呢间有就入黎试试啦。餐厅环境都好开扬，出面都睇晒成个店面，位置都有十几张枱都唔少，落单都似快餐点形式，门口落完单就坐底等叫号，除左汉堡之外仲有意粉同饭类，不过选择就唔多每样主食都系几款。美式洋葱圈牛肉汉堡落单等左10分钟左右就有了，餐具配料都系自助，快餐店形式，讲返食物，汉堡黎讲都几大个，包黎讲烘得都算几香，洋葱圈就比较差d，炸过头唔系咁靓，牛肉都系来货野唔系手打牛肉，胜在食落唔会好粉，都仲有d肉味同肉既口感，好过某连锁店快餐店，配料月d沙律菜同蕃茄，都算新鲜爽脆，酱汁就有d沙律酱沟烧烤酱，几丰富，汉堡黎讲就叫不过不失，胜在够大个。薯条方面就用波浪薯条，份量好多，炸得都岩岩好，新鲜炸外脆内软，都有薯味，呢个餐份量好足我都食剩左几条薯条。饮品方面叫冻柠茶，冻饮加3蚊，冻柠茶唔记得叫小甜，但饮落都唔甜，比较淡茶味都唔突出，麻麻地。整体黎讲呢个餐质素就一般d，但份量好足，价钱就算中规中矩啦，有野去开9展既话顺便食一餐都还可以，食饱饱就等够钟睇偶像啦。…查看更多

又系星期六日要带仔出去放电嘅日子，因为天气麻麻，放弃咗去露天嘅儿童游乐场玩，决定去室内九龙湾E-max，因为有间大嘅欢乐天地同埋有吹气弹床玩😍😍😍去到揾地方先食野，行过二楼都有好几间食肆，另外中间有啲位系common area咁，有啲似food Court形式，不过就略严比较暗同焗。行过呢间店有自家座位，比较光猛，都有唔少食客，台面野食好似都几靓同吸引。睇睇menu啱唔啱口味先阿仔呢排都算乖，又肯自己主动食饭，今日奖励吓佢食少少薯条同汉堡包喇。叫咗最稳阵嘅选择和牛汉堡配薯条。跟餐已经包咗热饮，如果冻饮就要加$3。跟餐嘅野饮选择唔多，都系大路嘅饮品。特饮就要半价换购。终于等到喇，佢出餐都要啲时间。等到叫咗号码就要自己去返bar台自取，如果单拖带阿仔黎呢样野就唔系太方便，好彩今日三人出动，所以就唔太大影响😌佢用嘅系木盘，另外手柄度印咗佢嘅店名。有呢啲details位，唔错唔错，加分加分。汉堡入边嘅沙律菜配料都算多，酱汁系蛋黄沙律酱，味道几好呀。可惜今次汉堡同薯条都系啱啱微暖嘅状态，如果再热啲会更好。冻咖啡😍😍个餐$73加野饮$3，呢个价钱对比外边算系相宜，汉堡包足料，又有薯条同沙律做配菜，外形卖相吸引，餐具摆盘又精美。原来仲有饭同意粉，价钱都算合理。睇返啲意粉都几吸引，同埋唔系好常会见到意式青酱意粉。下次带仔过嚟玩，应该都会再食呢间，到时试吓佢啲意粉先得🥰…查看更多