Cappadocia Turkish Kebab (已結業)

舖头嘅招牌系鲜红色嘅，辨认度相当之高。当日天气唔算好热，堂食嘅位置都几凉爽。首先去柜台点单同俾钱，大约等10分钟左右，嘢食就ready了！。顺便一提，餐厅都系清真认证餐厅，而且亦都会提供素食与及无麸质（Gluten Free）食物。。📌Chicken Kebab Wrap - $55鸡肉卷饼卷饼主要有四款：鸡肉、羊肉、双拼及素食。笔者就拣咗鸡肉口味嘅。。点嘢食嘅时候，老板娘都有问我要唔要加秘制辣汁。因为笔者都食得辣嘅，所以就选择咗加辣汁。。鸡肉嘅份量都唔少，同埋中东菜嘅鸡肉质感上都系相对实净嘅。仲有其他配料，例如生菜丝、紫椰菜丝等。成个Wrap嘅感觉都唔会太过干争争，干湿适中。。另外，笔者钟意同朋友仔share两份主食，可以两款主食嘅味道都食到。。📌Falafel Rice - $60(Vegan - Gluten Free)中东炸鹰嘴豆饼 配特制饭。Falafel 系炸鹰嘴豆饼，喺中东地区颇为常见。笔者都系第一次试呢一款炸豆饼，感觉都几香口。同样地，鹰嘴豆饼上边加咗少少特制土耳其酱汁，味道微辣，令到整体嘅味道更加丰富同埋特别。。特制土耳其饭入边加咗牛油、盐等，食落去咸咸香香，几好味。除此之外，仲加咗紫洋葱条、生菜、红萝卜丝，感觉更加清新健康。。📌Home-made Turkish Ice-cream - $40土耳其冰淇淋笔者都系第一次食土耳其雪糕，雪糕嘅质感烟烟韧韧，好得意，感觉有少少似食冰冻嘅糯米糍。而且，都颇为饱肚，两个女仔share都够喉。。雪糕就系摆咗喺呢D冻柜入面。📌Soft Drinks - $10罐装饮料餐厅嘅角落头有一个雪柜，落单之后就可以自己去拎冰冻嘅饮品了。…Read More

首先利申我响欧洲住过，土耳其人多，可能咁已有既定形象觉得kebab 应该系点样。其实我都系openrice见到啲笑几多先试吓，毕竟觉得Ebz 𠮶间连锁都只系麻麻哋，有时啲肉都几鞋。叫咗个mix kebab wrap. 黎到望望已经怀疑麻麻，啲色好浅。食落...个皮系咩黎😑 春卷皮咁薄得黎又粉嘅...想点...佢菜系够嘅，菜系脆嘅，但肉又唔知做咩，一堆肉碎咁，究竟我系咪食紧burger 呀肉丸呀𠮶啲？！中途仲有旧肉系冻嘅。虽然我成9点先黎食，但你删1点架㖞...间嘢唯一好就系干净光猛。…Read More

🇹🇷 我无意中发现咗呢间土耳其餐厅，见到入面好多外国人，觉得应该几好。餐厅仲有个位卖土耳其甜品，可以买返屋企食，成个装修都好有土耳其风情。我同朋友最后决定叫以下啲嘢食：- 🥙 土耳其皮塔饼鹰嘴豆泥（Humus Turkish Pita Bread） 暖笠笠又软熟嘅皮塔饼，配埋好味嘅鹰嘴豆泥，系我成晚最钟意嘅一道菜。- 🍛 混合烤肉串饭（Mix Kebab Rice） 呢个菜有好多种烧肉、沙律同饭。唔止好味，仲好健康。…Read More

第一次食土耳其雪糕‼️极度推荐，因为口感真系好特别⭐️⭐️⭐️⭐️味道有啲似棉花糖，咬落去嘅话好烟靭，但系如果含住喺后入边嘅话就会变咗好似棉花冰咁🫨🫨🫨通常土耳其雪糕都会有表演，但系呢度对I人非常友善，问员工就可以直接攞雪糕🤣土耳其旋转烤肉（kebab)卷饼肉嘅份量非常之多，食一半我已经好饱🤪羊肉唔会好膻，其实烤肉已经好香，之后见到店员会将啲肉放喺一个铁盘度加埋酱汁更加惹味🤤由于员工都系外国人，所以个menu嘅中文翻译真系好搞笑，好彩嘅系图文并茂🤣Falafel系menu被翻译为「沙拉三文治」，上网search先知系油炸鹰嘴豆饼🧆打完呢个字我先发现连iPhone都有佢嘅emoji😱hummus turkish 同falafel 都系用鹰嘴豆泥加上调味料整，食落去有少少似薯泥，都几特别😚佢仲系gluten free，食完都唔会好有罪恶感😝因为好钟意食面包，见到menu个包好吸引所以叫咗土耳其皮塔饼配鹰嘴豆泥🤩pita bread 外皮软中略带嚼劲，食嘅时候仲系热辣辣😍Cappadocia Turkish Kebab 湾仔骆克道114-120号嘉洛商业大厦地下A号舖…Read More

星期六约左前同事食饭拣左呢间系我公司附近既土耳菜同事要左羊肉串饭 Lamp Kabab Rice $85+$10 soft drink羊肉份量大方，仲有好多配料，紫洋葱、蕃茄、红萝卜丝、生菜，层次十分丰富，配埋酱汁好惹味我叫左鸡肉串 Chicken Kebab Wrap $55+$10汽水卡巴热辣辣，好大份鸡肉爆满，同样都有丰富配料，食半个都饱，另外半个比埋同事食。同事再试埋Hone made ice cream $40土耳其雪糕出名烟韧，倒转都唔会跌落嚟个人比较钟意朱古力味，云尼拿都唔错我就每样试左一啖，同事话个雪糕好实在食到一半入面都仲有雪糕～大满足老板同老板娘都系外国人好nice～唔少本地客外国都有～价钱亲民真心推介…Read More