California Pizza Kitchen (MegaBox)

尋日特登嚟到megabox買嘢，順便同屋企人食餐晚飯，呢間第一次嚟食，以前呢個位好似係另一間餐廳，我哋叫咗香草野菌芝士扭紋粉，加一個pizza同埋薯條小食，屋企人有叫酒飲🍕先講個pizza，算係足料，辣辣地幾惹味嘅，中厚，因為我唔食得辣淨係食咗一塊，味道ok嘅🍟薯條都中規中矩，上枱都係熱辣辣嘅，有配一個沙律醬，幾搭🍝本身好期待香草野菌芝士扭紋粉，但冇期待咁好食，味道唔差，主要係太油，食上層時都還好，扭紋粉冇咩咬口，但調味ok，食到下層成個底都係油，食唔落，唔知佢嘅烹調方式係點，但好地地一個扭紋粉搞到太heavy …查看更多

California Pizza Kitchen 係唔少人嘅兒時回憶，好可惜依家香港得返幾間，九龍灣megabox 店嘅店員有禮貌又快手，食物咁多年都keep到水準，特別個墨西哥粟米湯真係好好飲，成日都會掛住，心思思又好想黎飲，ribs 的味道都做得好好，好容易就分到骨份量都係剛剛好食得哂!! 飲品有得refill !megabox嘅座位都非常之舒適，泊車優惠嘅門檻都相對其他地區嘅商場低，絕對係一家大細週末去休閒娛樂嘅好地方！…查看更多

因為要去宜家就順便喺MegaBox食埋個late lunch. California Pizza一直喺我心目中都係性價比高嘅存在。平日3點到達當然可以直入，原來呢個時間仲可以叫lunch menu. 揀左肉醬溫泉蛋意粉同西西里薄餅兩個人share!先講意粉，一如印象中的好。肉醬醬汁混合住蛋香，意粉亦能做到al dente口感。呢個價錢包飲品，份量偏細亦係意料中事。女士一定夠飽，但如果男士作為午餐的話可能就要追加小食才能滿足。西西里薄餅-可能因為午餐關係無得揀薄底，但即使係傳統餅底其實都好好食。有餡料部份嘅餅底都好薄脆，唯一分別就係比薄底多左條厚邊。但唔知係咪新鮮出爐關係，平時唔食厚邊嘅我，居然將全條邊食晒！雖然係厚邊，但一咬落去就聞到濃濃嘅麵粉香，真係好好味喎！餡料亦非常豐富，醬汁微酸同帶微辣，以呢個價錢得來的食物質素，個人覺得係抵食嘅！…查看更多

話說今日喺MegaBox同朋友睇完戲想食下午茶 行經California Pizza Kitchen 打算食 行到入去企喺門口 reception有一個男人企喺度一直低頭唔知做緊乜 冇理我哋 咁我哋就自己去搵位坐 就坐喺佢前面嗰個四人座位 凳都未坐落去，後面就有把聲呼喝我哋 問(就係一直企喺reception嗰個男人）「你哋幾位啊？ 」然後我個friend就話[兩位。 ] 明明現場有幾張枱係吉嘅 佢就叫我哋坐去一個最迫嘅兩人位。 我話嗰個位太迫 佢就話我得返幾張枱咋 我同個friend當場即走 佢仲要擺出一副事不關己嘅態度 心諗你講到好似我唔係嚟幫襯咁 明明有咁多張枱你坐得滿先算啦 而家香港的食肆嘅環境咁差 做得一枱得一枱 你仲咁嘅態度 之後落咗樓下兩層嘅米子食越南嘢 佢哋服務態度又好D嘢又好食 😋 …查看更多

真心推介！超高質Pizza餐廳驚喜體驗第一次寫食評，因為好食同好感謝😂喺呢間Pizza餐廳食飯真是一個意外驚喜！佢哋嘅Pizza有脆皮同傳統餅底可以揀，我選咗傳統餅底，送到嚟真是一個大驚喜，芝士超多，質感濃郁，食得出材料係高質同用心製作。主菜我哋試咗中式雞丁意粉，味道好惹味，份量亦夠，食完真是一個滿足！飲品方面，汽水係免費逐杯添飲，仲有一位戴眼鏡叔叔店員好親切，成日主動幫我哋添飲，服務真係好細心。我嗰杯青瓜特飲好正好fresh，但就冇得走冰，希望可以set返。因為幫朋友慶生，我哋臨時加咗個牛油蛋糕，點知質素完全超出預期！蛋糕好似啱啱焗好咁，口感濃郁又唔會太甜，仲配咗一球好似軟雪糕咁嘅雪糕，味道好順滑，蛋糕係熱，雪糕係凍，冰火兩重天嘅口感，係一個好完美嘅甜品。餐廳原本無蠟燭，店員特登出去搵咗支蠟燭返嚟，幫我哋整生日驚喜，真是一個好貼心,實在好感謝！Walk in 四個人叫咗個四人餐，埋單只係$717,價錢真係好親民，食物同服務質素仲咁高，真係好難得,絕對會再返嚟，下次會試埋佢啲牛扒。推介俾鍾意pizza,西餐嘅朋友！…查看更多

今日中午同朋友去咗California Pizza Kitchen（CPK）食飯，試咗個四人套餐，整體來講幾滿意，份量夠晒飽，味道都唔錯！ 頭盤叫咗個**墨西哥風味雞肉烤餅**，餅皮脆脆哋，入面嘅雞肉微辣，加埋芝士同醬汁，好開胃！**燒烤雞肉沙律**就正常發揮，菜夠新鮮，醬汁唔會太鹹，不過如果可以多啲麵包粒就更好啦～ 主菜方面，**香味肉醬意大利粉**好濃郁，肉醬夠多，意粉煮得啱啱好；**蒜香忌廉汁雞肉闊麵**就Creamy得嚟唔膩，雞肉嫩滑，蒜香味突出，我個人最鍾意呢個！**烤蒜雞肉薄餅**就正常Pizza水準，菠蘿加雞肉嘅組合永遠唔會出錯。另外加咗個**薯條**，脆卜卜，點白汁食好正！ 總括來講，CPK嘅食物質素穩定，四人套餐夠抵食，適合一班朋友聚餐，一定會再來幫襯！…查看更多

可能係全MegaBox最好食嘅餐廳，店長店員服務態度超好，食物質素好好食，每次揸車過嚟MegaBox永遠就係因為呢度冇嘢食，所以唔過嚟，而家食過呢間覺得每次過嚟就食佢啦！我唔識打食評，只係有感而發俾呢間餐廳感動到上黎寫兩句一定會再食，嘢飲又有得添飲，價錢又唔貴，可惜而家經濟唔好真係比較少人出街食飯，點漏咗一個餐，店長即時幫我哋搞，感受到真係有服務，下次過嚟會買會員coupon，值得推介pizza 都好好食🤤…查看更多

作為CPK既粉絲，一知道Megabox分店重開，當然第一時間去試吓啦！滿心期待！點知 。。。。先來杯mocktail已貨不對版 。叫左杯Sparkling Berry-Lemon，無berry無lemon。。。同餐牌上圖示完全係2回事 。。。店長都好好人，換過杯岩既俾我哋，原來水吧整錯左 。。。不過個樣仲係差好遠 。之後就係我最期待既薄脆pizza，響我記憶中係全世界最好食既pizza. 點知梗到切唔到，更咬唔開 ，石頭咁 。。。味道更加唔係以前果種味 。最後叫左個餐牌影出來好似好靚既雞肉菠菜麵 。一上菜就知lai 野，食落更加完全唔係果回事 。。。啲雞又硬又鞋似煲湯渣，麵身無味 。成碟麵冇擺盤，似係將青黃椒同雞撈勻咗就完咁 。從前美味的CPK已成歷史，以後唔會再幫襯 。…查看更多

我哋一家本身好鍾意食呢一間餐廳，因為佢哋嘅沙律真係好好味！今次去到MegaBox見到佢哋開咗新店，就即刻入去試吓啦。新店環境闊落，就算一家大細嚟食都冇問題。另外佢哋有兒童餐，而且所有兒童餐具仲經過消毒，家長就可以安心帶小朋友過嚟食今次我地叫咗：牛油果醬配墨西哥粟米脆片好香脆，連埋牛油果醬食好夾燒烤雞肉沙律呢個係我地既all time favorite! 雞肉惹味但唔辣，小朋友都可以食，而且佢有唔同蔬菜，食落健康之餘口感仲唔錯👍🏼加州特色牛油果烤雞肉薄餅一場黎到一定要叫佢地既薄餅，因為佢地用特製火山石爐即叫即焗，確保每個Pizza都香脆安格斯香蒜燴飯有驚喜！安格斯牛味濃又唔會過熟，飯粒軟硬度好好，加埋佢個調味真係好夾呢間雖然擺單唔算好平，但係真心好味，質素保持到，可以繼續幫襯…查看更多

最近見California pizza kitchen喺MegaBox開咗新分店，就同小朋友去食至愛嘅pizza🍕有多款正宗美式料理，意大利粉、沙律、頭盤、湯、主菜甜品等最吸引當然係即焗pizza，新鮮熱辣脆卜卜🤤餐廳提供Kids Menu，兒童餐具🥄仲有顏色筆比小朋友畫畫🎨前菜🌮牛油果醬配墨西哥粟米脆片香脆得黎又有軟綿綿既口感，牛油果醬🥑酸酸甜甜搭上脆脆片，非常開胃。燒烤雞肉沙律🥗足料大盤，大量既菜、蕃茄粒🍅薄切脆脆片、烤雞肉等等…沙律汁甘香而不膩，健康之選加州特色牛油果烤雞肉薄餅🍕望住師傅喺特製火山石爐，即叫即焗嘅Pizza，邊邊烤到焦香有咬口，配料十足，雞肉、牛油果等，色彩繽紛🌈佢哋採用低脂馬蘇里拉芝士🧀食得健康安格斯香蒜燴飯🥩牛肉鮮嫩多汁，5成熟最岩我口味，再配上忌廉汁意大利飯，令成道飯更香口，惹味十足👍🏻而且冰茶🍹汽水🥤無限添飲，大人小朋友都食得盡興！💯…查看更多

今日姨姨放假帶果果去MegaBox玩見到11樓新開左間California Pizza Kitchen 姨姨話想試好耐原來姨姨有做過資料蒐集California 源自美國比佛利山莊，經典美式餐廳全球9個國家擁有130家餐廳佢地既pizza係用特製火山石爐烤焗即叫即製薄餅仲使用低脂馬蘇里拉芝士牛油果蛋卷脆皮蛋卷包著牛油果、雞肉、煙肉同芝士每一啖都散發濃郁既牛油果香氣同煙肉既咸香烤雞沙律沙律非常新鲜口感豐富尤其係搭配既烤雞肉同調味醬再配埋水晶梨同黑豆非常清新秘製醬汁燒豬仔骨豬仔骨肉質軟腍醬料甜酸適中唔會過於油膩果果食左三條先肯收手烤牛肉薄薄餅底部焦脆搭配上烤牛肉、烟熏芝士和秘制燒烤醬味道豐富且咸中帶甜…查看更多

有日去MegaBox 買新年用品 11/F開左California Pizza Kitchen，門口放左幾塊滑浪板🏄好有加州感覺，而且環境好闊落，坐係店外還可以睇人玩溜冰。我地叫咗秘製蒜蓉牛油沙律醬配脆香薯條香脆薯條🍟一定要配上秘製蒜蓉牛油及沙律醬，唔駛點茄汁都已經食唔停口😋🥗聖特菲營養沙律配雞肉好多沙律配料 芫茜薏米、菠菜、蕃茄、甜粟米、黑豆、紅椰菜、牛油果、青椒及烤南瓜子加上秘製青椒特色沙律醬 高纖低卡 好健康原味燒烤雞肉薄餅🍕現場廚師即場手拉薄餅，特製火山石焗爐 ，餅底烘得特別香脆，餡料有秘製燒烤醬、煙高打芝士、紅洋蔥及配上惹味雞肉，食得好滋味安格斯香蒜燴飯🍚每一粒意大利飯都充滿香濃忌廉汁加上優質安格斯🥩 肉質肥瘦相間，非常有嚼勁！…查看更多

.今日papa👩🏻‍🦱放假去左九龍灣megabox 行街❤️‍🔥見到California Pizza Kitchen新店登陸九龍灣Megabox‼️當然要即刻入去食啦，都好幾年冇食過喇🥲係全球9個國家擁有130家餐廳🤩源自美國🇺🇸比佛利山莊，經典美式滋‼️有特製火山石爐 烤焗即叫即製薄餅🍕 使用低脂馬蘇里拉芝士🧀提供包括多款各具特色的意大利粉、沙律、頭盤、湯、主菜及甜品等✨秘製蒜蓉牛油沙律醬配脆香薯條🍟濃郁的蒜香與牛油的香氣，為脆香薯條增添了層次感。薯條外脆內軟，口感恰到好處摩洛哥風味雞肉沙律🥗第一次食摩洛哥風味雞肉沙律‼️雞肉經過香料醃製，味道濃郁，搭配新鮮的生菜和多樣的蔬菜，口感清新特色肉腸、煙肉、火腿薄餅🍕煙肉的酥脆、火腿的鹹香與特色肉腸的濃郁風味相得益彰。薄餅底部烤得恰到好處，外脆內軟墨西哥特色雞肉菠菜闊麵🍜雞肉嫩滑，菠菜帶來清新的口感，而特製醬汁則為整道菜增添了墨西哥風情@cpkhongkong @megabox_hk📍California Pizza Kitchen (MegaBox) (九龍灣)九龍灣宏照道38號企業廣場5期MegaBox 11樓10號舖…查看更多

話說有一日阿女話想食薄Pizza，我第一時間就諗起California Pizza Kitchen。我知道California Pizza Kitchen (CPK)新店登陸左Megabox，我就帶佢行街shopping再食飯啦。唔講唔知California Pizza Kitchen 源自美國比佛利山莊，是一家領先的餐飲連鎖店，在全球擁有 200 多家分店，以其創新菜單而聞名。我最鍾意係佢自家有個特製火山石爐對所有order的pizza都係即叫即製即烤的，點解火山石爐會烤得咁好食？因為火爐的底部以火山石製成的一體化正宗薄餅焗爐，經高溫快烤焗，短時間內就可以把麵糰烤焗成皮薄餅脆的薄餅。佢哋選用高品質的食材及優質的配菜烹調菜式。用上美國直送的秘製獨特配料，如低脂馬蘇里拉芝士、果木煙火腿、薄餅醬汁及海鹽等。唔好以為只係有Pizza呀，CPK 仲提供包括多款各具特色的意大利粉、沙律、頭盤、湯、主菜及甜品等。CPK勁貼心照顧埋素食人士的需要，餐單亦提供數款素食薄餅，當中包括加州特色素菜薄餅,五色芝士配鮮茄薄餅,香草野菌薄餅及別具特色的墨西哥風味沙律薄餅等。美國特級豬仔骨，肉味香濃，入口即化的柔軟，亦可選配秘製燒烤醬或韓式燒肉醬。新店地方好大環境好舒服，適合一家大細情侶拍拖嘅好地方。✳️California Pizza Kithcen（Megabox）✳️九龍灣Megabox 11樓10號舖#九龍灣#九龍灣美食#打卡#食好西#美食#Chill嘆#聚會#foodie#高質#香港美食 #西餐#Pizza#餐湯#沙律#氣氛餐廳#親子#博客#親子博客#媽媽博客#pollywings_foods#Iamsolucky…查看更多

聖特菲營養沙律配雞肉勁大碗，超級足料有好多豐富嘅食材，包括：蕃茄、牛油果、芫茜薏米、菠菜、甜粟米、黑豆、紅椰菜、青椒同埋烤南瓜籽等等……有益又好味，配埋秘製特色沙律醬，味道好fresh好新鮮！食哂都真係好飽肚原味燒烤雞肉薄餅，好鍾意佢地嘅Pizza 係用特製火山石爐烤焗，即叫即製薄餅，一上枱已經香噴噴，秘製燒烤醬真係非常惹味！薄餅餅底好香脆，燒烤雞肉肉質鮮嫩多汁安格斯香蒜燴飯，鐵板上嘅燴飯熱辣辣，燴飯粒粒分明，彈牙煙韌，同埋香蒜醬汁好入味！安格斯生熟度啱啱好，粉嫩肉質軟腍多汁秘製蒜蓉牛油沙律醬配脆香薯條香脆可口，外脆內軟，配埋秘製蒜蓉牛油沙律醬汁，好味Iced Tea 可樂…查看更多