California Pizza Kitchen (MegaBox)

寻日特登嚟到megabox买嘢，顺便同屋企人食餐晚饭，呢间第一次嚟食，以前呢个位好似系另一间餐厅，我哋叫咗香草野菌芝士扭纹粉，加一个pizza同埋薯条小食，屋企人有叫酒饮🍕先讲个pizza，算系足料，辣辣地几惹味嘅，中厚，因为我唔食得辣净系食咗一块，味道ok嘅🍟薯条都中规中矩，上枱都系热辣辣嘅，有配一个沙律酱，几搭🍝本身好期待香草野菌芝士扭纹粉，但冇期待咁好食，味道唔差，主要系太油，食上层时都还好，扭纹粉冇咩咬口，但调味ok，食到下层成个底都系油，食唔落，唔知佢嘅烹调方式系点，但好地地一个扭纹粉搞到太heavy …查看更多

California Pizza Kitchen 系唔少人嘅儿时回忆，好可惜依家香港得返几间，九龙湾megabox 店嘅店员有礼貌又快手，食物咁多年都keep到水准，特别个墨西哥粟米汤真系好好饮，成日都会挂住，心思思又好想黎饮，ribs 的味道都做得好好，好容易就分到骨份量都系刚刚好食得哂!! 饮品有得refill !megabox嘅座位都非常之舒适，泊车优惠嘅门槛都相对其他地区嘅商场低，绝对系一家大细周末去休闲娱乐嘅好地方！…查看更多

因为要去宜家就顺便喺MegaBox食埋个late lunch. California Pizza一直喺我心目中都系性价比高嘅存在。平日3点到达当然可以直入，原来呢个时间仲可以叫lunch menu. 拣左肉酱温泉蛋意粉同西西里薄饼两个人share!先讲意粉，一如印象中的好。肉酱酱汁混合住蛋香，意粉亦能做到al dente口感。呢个价钱包饮品，份量偏细亦系意料中事。女士一定够饱，但如果男士作为午餐的话可能就要追加小食才能满足。西西里薄饼-可能因为午餐关系无得拣薄底，但即使系传统饼底其实都好好食。有馅料部份嘅饼底都好薄脆，唯一分别就系比薄底多左条厚边。但唔知系咪新鲜出炉关系，平时唔食厚边嘅我，居然将全条边食晒！虽然系厚边，但一咬落去就闻到浓浓嘅面粉香，真系好好味㖞！馅料亦非常丰富，酱汁微酸同带微辣，以呢个价钱得来的食物质素，个人觉得系抵食嘅！…查看更多

话说今日喺MegaBox同朋友睇完戏想食下午茶 行经California Pizza Kitchen 打算食 行到入去企喺门口 reception有一个男人企喺度一直低头唔知做紧乜 冇理我哋 咁我哋就自己去揾位坐 就坐喺佢前面𠮶个四人座位 凳都未坐落去，后面就有把声呼喝我哋 问(就系一直企喺reception𠮶个男人）「你哋几位啊？ 」然后我个friend就话[两位。 ] 明明现场有几张枱系吉嘅 佢就叫我哋坐去一个最迫嘅两人位。 我话𠮶个位太迫 佢就话我得返几张枱咋 我同个friend当场即走 佢仲要摆出一副事不关己嘅态度 心谂你讲到好似我唔系嚟帮衬咁 明明有咁多张枱你坐得满先算啦 而家香港的食肆嘅环境咁差 做得一枱得一枱 你仲咁嘅态度 之后落咗楼下两层嘅米子食越南嘢 佢哋服务态度又好D嘢又好食 😋 …查看更多

真心推介！超高质Pizza餐厅惊喜体验第一次写食评，因为好食同好感谢😂喺呢间Pizza餐厅食饭真是一个意外惊喜！佢哋嘅Pizza有脆皮同传统饼底可以拣，我选咗传统饼底，送到嚟真是一个大惊喜，芝士超多，质感浓郁，食得出材料系高质同用心制作。主菜我哋试咗中式鸡丁意粉，味道好惹味，份量亦够，食完真是一个满足！饮品方面，汽水系免费逐杯添饮，仲有一位戴眼镜叔叔店员好亲切，成日主动帮我哋添饮，服务真系好细心。我𠮶杯青瓜特饮好正好fresh，但就冇得走冰，希望可以set返。因为帮朋友庆生，我哋临时加咗个牛油蛋糕，点知质素完全超出预期！蛋糕好似啱啱焗好咁，口感浓郁又唔会太甜，仲配咗一球好似软雪糕咁嘅雪糕，味道好顺滑，蛋糕系热，雪糕系冻，冰火两重天嘅口感，系一个好完美嘅甜品。餐厅原本无蜡烛，店员特登出去揾咗支蜡烛返嚟，帮我哋整生日惊喜，真是一个好贴心,实在好感谢！Walk in 四个人叫咗个四人餐，埋单只系$717,价钱真系好亲民，食物同服务质素仲咁高，真系好难得,绝对会再返嚟，下次会试埋佢啲牛扒。推介俾钟意pizza,西餐嘅朋友！…查看更多