影片
营业时间
今日营业
12:00 - 21:00
星期一
全日休息
星期二至日
12:00 - 21:00
以上资料只供参考，请与餐厅确认详情
相关文章
今日嚟西湾河太安楼揾咗一间可以好好地坐嘅餐厅食lunch而唔系好似平时咁样扫街。作为一间Cafe当然要饮咖啡啦，一杯ice Americano再加一杯热latte，杯ice Americano系用咖啡波波冰， 而杯latte竟然有拉花，都几有诚意。呢个炸鱼薯条用嘅鱼系懵仔鱼，我将啲薯条转晒做沙律菜健康啲，啲鱼好新鲜好好食，特别钟意佢𠮶个秘制酱汁，绿色𠮶啲系香葱汁，真系食得到葱花嘅味道。汉堡包就拣咗脆脆枝竹羊汉堡，呢个就系传说中拎得上手嘅羊腩煲，羊肉汉堡好多地方都有得食，不过配埋枝竹真系绝无仅有。
继续阅读
一间绝对值得encore嘅餐厅经常有新菜式，为我带来无限惊喜，今次就试咗每日限量10碗嘅鸡白汤立鳞烧乌冬，真系做得好出色。先讲个鸡白汤，虽然冇出边食到咁Creamy，不过佢嘅鸡味真系好香浓，唔揾新鲜鸡壳，仲要系大量咁样去咬个汤好难煲得出呢一种香度同埋浓度，难得嘅就系唔会好多鸡油。至于粒立鳞烧同呢度鱼类出品一样有一贯嘅出色水准，除咗个样好有型（因为啲鱼鳞炸到企晒起身）之外，连啲鱼鳞脆卜卜可以吞埋落肚𠮶下正。
继续阅读
好多人话呢间Cafe嘅鱼柳包好正，所以慕名而来，嚟到先知原来佢鱼柳包都有三款鱼，分别系沙巴龙趸、白鳝同埋马友，我就拣咗最Classic嘅沙巴龙趸汉堡。佢个龙趸柳都几厚身，同埋佢𠮶个葱油他他酱几好味，真系食得出有葱嘅味道，另外佢入面啲沙律菜都几新鲜几爽脆。汉堡包加$25就可以有埋饮品同埋炸鸡锤两件，呢个鸡锤都几好食，质素唔错。饮品就可以喺雪柜任拣，入面除咗有一般嘅汽水之外，仲有好多纸包饮品选择，而我就拣咗麦精维他奶，因为好似好耐冇饮过。
继续阅读
呢间西湾河太安楼餐厅个名叫做Cafe，不过入面一啲都唔Cafe，就好似今日我哋食咗一个日式丼饭，再加啲西式小食同埋fusion小食，味道唔错，而且可能喺太安楼入面呢一间系坐得最舒服嘅一间餐厅。呢个系和风牛肉丼，佢啲饭真系用日本珍珠米，牛肉切薄片而且一啲都唔肥，加埋就温泉蛋，喺食之前拮穿佢兼捞匀佢超正。佢有个小食跟埋，应该系话梅蕃茄仔，酸酸地几开胃几好食。佢哋嘅丼饭系跟埋嘢饮嘅，雪柜入面任拣。佢啲小食都几正，所以叫咗三款，分别系吉列炸蚝、麻辣薯条同埋火炙明太子薯条，三样都好食，最邪恶一定就系火炙明太子薯条啦，但系佢个明太子同啲薯条嘅味道真系好夹，成完先再减肥啦。
继续阅读
本来谂住食汉堡包，但系见到有呢一个别注卤肉饭，仲要系同太安楼嘅一间好正嘅台湾饮料店cross over，梗系要叫嚟试下啦。88蚊，有一碗卤肉饭，饭入面打埋只温泉蛋，再加一碗花之丸同鱼蛋嘅汤，性价比极高。首先讲个卤肉饭啲卤肉，感觉几新鲜，而且非常香，食嘅时候除咗肉碎之外，仲食到应该系切碎咗嘅猪皮，当然猪嘅脂肪点都有少少嘅，难怪碗饭咁香，配𠮶只温泉蛋捞云嚟食超级滋味。至于𠮶碗花之丸鱼蛋汤配住上，好有台湾便当嘅感觉，而且碗汤畀台湾食到嘅便当嘅汤嚟得大碗，呢一个set果然有料到，应该要配埋𠮶间台湾饮料店嘅台式饮料就perfect。
继续阅读