影片
电话号码
65636621
营业时间
今日营业
全日休息
星期一至二
10:00 - 18:00
星期三至四
全日休息
星期五
10:00 - 18:00
星期六至日
10:00 - 19:30
以上资料只供参考，请与餐厅确认详情
影片
相片
all day breakfast
炸虾明太子意粉
+388
+22
食家推介
第一次来是2019年11月，被这里的牛油果鸭胸意粉惊艳到。之后来西贡行山都来过Cafe Alley几次，咖啡好饮（还附上漂亮的拉花🥰🥰🥰），食物水准稳定。服务又好，但免加一。小店经营，你想一想，为了甚么会艰苦经营？这些绝对是爱。街坊会来这里买啡，我入西贡会回头，这都是他们的成绩表。希望这种充满人情味的小店，能一直继续下去。让我们需要休息时，能有你们的美食充电🔋😆。
继续阅读
西贡好多西餐厅都帮衬过，今次拣咗呢间小店都有惊喜，之前睇咗网民食评后，试咗佢三样食物，都好食😋👍最后order埋两杯咖啡打卡☕️整个餐就好圆满啦🥰🥳🥳食物用心制造，服务周到及细心，会主动添加水，虽然没有+1服务费，但仍然友善招待👍会再来🥰
继续阅读
第一次黎既时候系lunch，个阵好多人，佢座位有限，印象中系2张4人枱，1张望窗既bar枱，出面好似仲有得坐，但天气热，我都吾想出去。Lunch个阵坐左bar枱，我系最后一枱黎，眼见厨师好似得一个。1:0X入座，等到1:40先有第一个餐，赶返工黎讲，有D难系度食。但我食过佢个南瓜忌廉蟹肉意粉之后，真系一试忘返，屋企人黎西贡，叫我带食，我都拣左尼间。 今次系晚上去，好似系5:30pm就去食，冇人都好正常。 其实对我黎讲系仲好，因为上次等好耐，今次佢净系serve我一枱就应该轻松D。到我走个阵都有多2枱了。对我黎讲，南瓜忌廉蟹肉意粉系必叫，佢好creamy，又有一粒粒南瓜，做到我以前系italian tomato食既感觉!!! 屋企人嫌佢细份左D，其实我都觉，可能系好食，所以想食多Dxdd意式肉丸磨菇意粉系我第一次食，佢D肉丸有Ikea既味道，好好味。蕃茄汁都吾算太浓，我都好中意。明太子炸虾意粉都好食，炸虾比左3条，啱啱好够分。系要预左有明太子就会略为咸左D，但整体都好食!!双重朱古力松饼 $28招牌鸡翼4只(香烤沙嗲) $48屋企人见意粉份量都吾算大，怕吾饱就叫多个鸡翼同朱古力松饼做小食+甜品，鸡翼正常发挥，松饼有叫佢叮热，觉得叮热左，有少少流心既感觉好正。尼2样都好味!最后既朱古力原本都吾想嗌，西贡好多餐厅都吾包野饮，一叫就要$4X UP。尼间cafe系西贡黎讲算好平，其他cafe D意粉都要预$110 UP，所以其实尼度加杯野饮个价同出面嗌一个意粉差吾多。btw 上次lunch贪平，叫左个$25既soda，我觉得吾系好掂，吾建议。尼间位置有D偏，生意难做，希望大家都会发掘到佢既好啦!
继续阅读
今日同家姐去咗西贡一间夫妻档cafe食嘢☺️☺️因为家姐一直都想推介我去呢间度食，因为佢之前食完念念不忘佢嘅鸡翼同埋意粉😂😂佢话一定要带我去食过就知几好食👍🏻👍🏻👍🏻我叫咗白汁蘑菇烟肉意粉🩷🩷🩷🩷🩷呢个意粉真系食完之后觉得佢先系世一白汁蘑菇意粉👍🏻因为我平时喺出面食到啲意粉都系偏腍身，同埋冇咁爽。腍身嘅意粉可能挂汁比较多啲，但系佢呢个意粉劲有咬口之余又爽，硬到啱啱好，又唔会太过腍身。重点系佢煮到每一条意粉都挂满晒白汁👍🏻👍🏻再加埋佢啲烟肉炸完又炒香咗更加入味，同埋佢个蘑菇咬落都好多汁。份量就啱啱好够胃口比较细嘅女仔食😂我呢啲太大食唔够饱。香烤沙嗲鸡翼🩷🩷🩷🩷🩷原本家姐想推荐我食另外一款招牌十里香，不过可能𠮶日两点先入到去已经卖晒，所以食吓呢款先。佢系偏向甜口嘅沙嗲酱鸡翼，而且佢烤完劲多汁啲肉又滑唔会干柴👍🏻真系想encore多一碟，但因为个全日早餐未上菜，所以食完睇吓够唔够饱再加单。全日早餐 🩷🩷🩷🩷呢个系一个饱肚必叫系列😂😂因为佢样样都有，不过就冇意粉咁惊动到我，佢个肠仔有少少香草味都几好食，而且佢个烟肉系炸完再煎过，整得几香口。加埋炒蛋、蕃茄仔、蘑菇粒、同埋茄汁豆，加沙律菜都几够饱，味道就正常。佢个牛角包虽然细细地但系都好松脆，又够热辣辣。我叫咗杯石榴汁 🩷🩷🩷🩷🩷佢真系个味道超级石榴味，好似食紧新鲜石榴落个口度😂佢呢个石榴汁真系拣得好好👍🏻同埋佢酸酸甜甜真系好开胃整体嚟讲呢间Cafe真系好高质👍🏻👍🏻加上佢可能舖头比较细，可能等待嘅时间有少少耐，但系等得耐先证明佢啲嘢食系新鲜即刻整保持到水准👍🏻依家香港好少呢啲小店，因为香港人返工时间比较多，所以放假要去吓呢啲小店放松吓叹吓杯嘢饮享受吓生活先得🩷多得家姐👭🏻推荐
继续阅读
今日同老婆大人一齐闲逛西贡，问过大人好几间入唔入去食，大人都无表示，直到呢间门口，大人好快话入去食。入到去有个女仔让咗张2座位既Bar枱俾我地(感谢)🙂，有位好靓仔既侍应生(我真系认得你)好快清洁张枱后，我同大人就座底，位侍应生好快亦都好有礼貌🙂咁俾menu我地拣食物。因为唔太肚饿，只点了mix鸡翼4只(十里香+沙嗲，原本我只点十里香，位靓仔侍应介绍可以2+2，太好，可以试晒两种味道)，还有白汁蘑菇烟肉意粉和热朱古力(靓仔侍应好有心讲返有大、小选择，我选了大杯)。热朱古力好快上枱，估唔到热朱古力都咁有心思造出拉花😃，之后意粉到，味道很好，有少许黑椒味，提升了味觉效果，因为刚煮好够热，白汁不多也不会太浆。最后鸡翼来了，外皮香脆，肉质够嫩又juicy。环境虽然不大，但坐得好舒服，刚好Bar枱有几个盆栽🪴点缀增加环境美感，亦都对住出面街，可以静静观察街外百态。‘Tony’、‘无情’，下次再去西贡一定会揾你试埋其他餐点😄。
继续阅读