Cafe首爾

𠮶阿姐由入嚟𠮶刻乜都冇讲过，喺我哋点完餐之后劲西咁，超大声话 「边个叫可乐㗎 咪讲咗系送啰🙄💅🏻」。其实有冇考虑过有啲人系一次嚟，根本唔知呢个餐厅嘅不成文规定呢？员工从来冇讲个呢件事，餐厅入面又冇提示，第一次嚟嘅人根本就唔会知。就算顾客真系唔知，然后叫咗饮品，员工就唔可以礼貌啲告知咩？真系以为系米芝莲三星餐厅，个个都争住食咩？员工态度差成咁，我祝呢间餐厅成功👍🏻👍🏻P.S.𠮶阿姐唔该练好广东话，冇人听得明佢讲嘢。…查看更多

假日聚下顺便出去食饭，想食韩国菜，上网揾下近太和有咩食，见到呢间Cafe首尔，见都几岩食又唔贵即试下。去到大约19:00已经好多人，但刚好有位。小小的店子，格局一目了然。前菜，泡菜及凉拌芽菜，爽脆。牛肉紫菜饭，$70，紫菜饭切得都几薄身但材料十足，配合爽口的配料及香口的芝麻，味道不俗。无骨芝士味炸鸡，$79，炸鸡外层香脆鸡肉滑，大量芝士粉更滋味。韩式人参鸡汤(半只)，$120，内有软嫩的鸡肉，微苦回甘的人参汤味好暖身。韩式烤牛肉，$115，份量适中，味道正常。煎韩式饺子(4只)，$32，卖相不俗，外层香脆口感丰富。韩国忌廉鲜奶，$12。食物味道不俗，价格合理，服务态度几好。大埔翠怡街3号翠怡花园B座地下8号舖…查看更多

卫生一般，张枱长期痴立立，店员态度差，无下次呢间餐厅嘅卫生真系好失望。入门时就闻到一阵油烟味，枱上仲有食物残渣，根本唔敢坐低。厕所嘅清洁状况更加糟糕，地面湿滑仲有异味，完全唔符合基本卫生标准。员工似乎对清洁冇乜重视，令人质疑食材安全性。虽然菜品味道尚可，但卫生问题真系令我无法再返，实在唔可以推荐比其他人。希望佢哋可以改善呢方面嘅管理。…查看更多

上星期阿妈仲话要去拜年，所以去咗太和阿姨嘅屋企。难得去到咁远，夜晚约咗好多年冇见住太和嘅朋友见面，佢提议去首尔食饭。呢间舖头如果冇细心留意，行过门口都唔觉。店面有啲暗，装修唔系好靓，但系一行到入去，所有姐姐侍应都会好热情咁招呼你，店面好干净。一坐低就有韩式泡菜同埋芽菜，芽菜麻油味好香，泡菜唔咸又唔太辣，非常开胃，口感好好。我哋叫咗牛肋汤配白饭、甜辣酱炸鸡、同埋韩式香肠炸年糕。牛肋汤味好浓，冬天饮暖笠笠，真系好正，入面仲有白萝卜、韩式粉丝、牛肋骨煮完汤都仲系好有牛肉味、配白饭清甜中带浓厚嘅肉汁，真系一流。至于甜辣酱炸鸡，睇个样就知道好好食，不过有几旧鸡好似比较肥，但系整体个好挂酱汁，甜辣，适中，真系好送饭。食到咁上下，肠仔炸年糕都上埋嚟，开始饱饱地，不过好有惊喜。由于卖相太吸引，忍唔住食，相都唔记得影。有辣甜辣酱同埋蜜糖俾我哋拣，因为炸鸡食甜辣酱，所以年糕就拣咗蜜糖。肠仔同年糕配合得天衣无缝，肠仔好脆皮，配埋蜜糖，以为自己啱啱去咗BBQ。年糕经过咋，外边皮少少趣一啲都唔硬，咬落去仲保持到年糕嘅烟靭，再加埋外层嘅蜜糖，真系停唔到咁食。三样𩠌加埋都只系$200 ，晚餐嚟讲，真系抵到冇得输。不过太和太远啦，大家有机会嚟呢度，冇理由唔帮衬一下呢间首尔，质素真系好过尖沙咀铜锣湾好多嘅韩式餐厅。…查看更多

最近喺太和发现咗一间隐世韩国餐厅，叫做「Cafe 首尔」，呢度嘅食物唔单止好味，价钱更加系超平，性价比高到唔信！呢次我叫咗无骨蜜糖酱油炸鸡、传统紫菜饭同韩式粉丝，等我分享下呢次嘅体验啦！🐔无骨蜜糖酱油炸鸡 $85呢道炸鸡真系令人无法抗拒！鸡肉外层炸得金黄酥脆，口感非常爽脆，每一啖都感受到𠮶层薄薄嘅脆皮，里面嘅鸡肉仲保持住多汁嫩滑。蜜糖酱油嘅甜味同咸香完美结合，酱汁唔会过多，啱啱好包住喺鸡块表面，每一啖都系幸福嘅滋味。再加上撒喺表面嘅白芝麻，增添咗香气同口感，真系一个试过就返唔到转头嘅美食！🍙传统紫菜饭 $48呢盘紫菜饭真系令我有种返到首尔街头嘅感觉。紫菜包住醋饭，内馅丰富，有火腿、蛋条、菠菜、蟹柳同埋腌黄瓜，口感层次丰富。每一啖都有唔同嘅惊喜，酸甜嘅醋饭同咸香嘅内馅搭配得非常和谐。特别系蒜味同芝麻嘅香气喺口中久久唔散，呢道紫菜饭真系无论单食定系搭配其他菜式都非常百搭。🍜韩式粉丝 $53呢道韩式粉丝系我呢餐嘅另一个亮点！粉丝嘅质感Q弹，非常入味，而且唔会因为吸收咗酱汁而变得软烂。入面搭配咗薄切牛肉、菠菜同埋胡萝卜丝，味道非常丰富。酱料嘅味道偏甜，但又唔会抢咗食材本身嘅鲜味。食嘅时候感觉每一条粉丝都吸收咗满满嘅酱汁，再加埋芝麻嘅点缀，令成道菜更加香气扑鼻。总结嚟讲，「Cafe 首尔」真系一间非常值得推荐嘅韩国餐厅，无论系味道定系价钱都令人满意。下次再嚟太和嘅话，呢度无疑会系我嘅首选！💯Cafe首尔地址: 大埔翠怡街3号翠怡花园B座地下8号舖…查看更多