CACTUS

营业中

休息中

這間位於北角的【CACTUS】，主打墨西哥西餐，有室外座位，可以帶同自己的寵物一起用膳。星期五及六有live band表演。另外星期二更有特價小食及酒。墨西哥雜錦沙律沙律色彩繽紛，有新鮮的沙律菜、紅腰豆、牛油果、紅菜頭及這裏主打的仙人掌肉，帶點微酸又爽脆。三文魚牛油果TacoTaco加上墨西哥的辣汁更添風味，牛油果、三文魚、洋葱及番茄等，香脆又好味。墨西哥風味燒脆皮乳豬乳豬烤至表皮香脆，份量十足，配上自家製辣椒、乳豬汁、薄荷青檸汁，乳豬肉鬆化，以粟米餅夾著一起吃，減輕油膩感。

一向都覺得墨西哥菜唔啱食，因為本身唔食得辣，二來唔食三色辣，不過呢間餐廳都有好多唔辣嘅菜式選擇，試過又覺得幾唔錯喎，而且環境舒適，店員又nice，可以再encore。🍴栗米脆片 $120⭐️⭐️⭐️⭐️上枱熱辣辣香脆可口，一共有4款醬蘸，除咗辣醬無試，其他3款都唔錯。🍴燒仙人掌扒 $158⭐️⭐️⭐️第一次試，size差唔多係男仕手掌大，味道同口感似萵筍，但軟熟少少同會有粘液，其他無乜特別，叫做嘗試過。🍴烤羊架 （散叫) $268⭐️⭐️⭐️⭐️🍴墨西哥烤肉拼盤 $398⭐️⭐️⭐️⭐️羊架有3件，啖啖肉好軟腍帶啲啲羶，味道唔錯。肉眼扒同燒雞同樣好味juicy，如果二人食呢個拼盤都好足夠肉，仲有好多配菜如煙肉、菠蘿、薯角、粟米、洋蔥等，樣樣都好味，係粟米就乾身咗啲唔ok。🍴墨西哥風味燒脆皮乳豬半隻$828（要預訂)⭐️⭐️⭐️⭐️乳豬肉係較西班牙乳豬軟腍啲啲，皮係好薄脆，無乜肥膏，真係外脆內軟，無乜牙力都食到，唔駛蘸醬都好夠味，附上嘅包就可以不吃，又乾又硬。🍴食肉獸薄餅半個 $138⭐️⭐️⭐️⭐️🍴夏威夷薄餅半個 $128⭐️⭐️⭐️⭐️兩款pizza都好味，又超足料，餅底夠香脆可口，不過我唔鍾意食芫荽囉。🍴肉桂炸油條 $88x2⭐️⭐️⭐️

見到附近新開左間墨西哥餐廳 就黎試下 今日星期日都有lunch menu 🤩✨Avocado chicken tortilla warps $118賣相好靚仔🤩 除左個warps 仲有啲沙律同玉米片 玉米片好脆 有啲鹽 黑椒咁調味食到停唔到口🤣🤣 個warps 啲牛油果都好香好新鮮 ✨Smoke aglio with calm fresh salmon $138 +$28三文魚煮得好嫩🤤🤤🤤 蜆就唔算好肥同都唔係好多 意粉都煮得軟硬適中加$28 upgrade 左有個沙律同埋野飲總括黎講味道都唔錯 環境都舒服 我地坐外面 因為近馬路有時啲車經過就有啲嘈 不過唔收+1 幾好味道❤️❤️❤️❤️抵食❤️❤️❤️💔服務❤️❤️❤️💔環境❤️❤️❤️💔💰午餐人均～$142（唔收+1）

去炮台山搵朋友聚舊，食完野仲未傾完意猶未盡，於是係地鐵站附近搵左間餐廳，諗住繼續飲嘢傾偈，搵到依間新餐廳。可能佢比較新，人流比較稀疏，反而仲岩我哋想靜靜地傾計。入到去成間餐廳都係以墨西哥風格作主題，有兩幅玻璃壁畫，最後我哋揀咗吧枱嘅位置坐。揀完嘢飲，仲可以睇住「女Bartender 」整我地啲野飲，賞心悅目。我哋一行三個人，前後叫左五杯野飲，因為有朋友酒精敏感，今次叫唔到佢啲特色雞尾酒，但係所有飲品名好特別，所以每杯都唔同試試佢，下次會再試其他。另外想提一提，我見其他台啲野食好大碟，價錢又唔貴，CP值好似唔錯。

Newly opened Mexican restaurant by a few young guys with passion.Food is scrumptious, environment is clean and chill. Good choice of playing Shakira's music.My dog had great time with us at the open area too.