影片
港铁元朗站 A 出口, 步行约9分钟
继续阅读
电话号码
62181243 (WhatsApp only)
营业时间
今日营业
09:00 - 18:00
星期一至日
09:00 - 18:00
以上资料只供参考，请与餐厅确认详情
元朗By The O Studio真系隐世cafe嘅代表！佢哋嘅意粉真心好食，选择多样，特别推介蟹籽蟹肉明太子意粉，蟹籽铺满表面，份量十足，明太子酱浓郁creamy，意粉煮得al dente，每条都挂满汁，食到停唔下来！其他意粉如黑松露野菌意粉都好香，菌味浓郁，令人满足。咖啡质素高，豆子苦酸平衡，试过Tiramisu咖啡，咖啡味浓，配手指饼好有特色，Latte拉花精致，饮落顺滑！环境木系简约，坐得舒服，仲系宠物友善，气氛轻松。唯一缺点系超多人排队，假日可能要等几张枱，建议早啲去！虽然要等，食物同咖啡质素绝对值得，价钱合理，CP值高！想喺元朗食高质意粉同咖啡，By The O Studio真心值得一试，食完真想再返嚟！
继续阅读
次次见到多人排队就好却步！ 今次终于扚起心肝排队！都好似排咗20-30分钟🥹 呢度2个意粉加1份单骨鸡翼🍝🍝🐓够3个女仔食因为佢啲意粉都几大份！所以都算抵食🤣嘢饮都唔错☕️只不过大家要有心理准备排队🙏🏻听讲平日都有时要排🥹除咗排队，另一个重点之一就系有油烟味，大家可能要考虑埋食完之后会好大浸油烟味🥺 如果之后要继续去行街约人见面就要谂谂，因为我实际真系试咗几次都系有油烟味，而且系吸晒嘅😂🥲
继续阅读
做完运动经过见到唔洗排队，入面唔多位置，木系装潢。窗边位置仲有少少阳光照射入黎，好舒服！🔶A Big Breakfast $138 💫8/10超级丰盛，份量啱哂2个女仔Share！有牛角窝夫、黑松露炒蛋、牛油果、大啡菇、沙律、芝士蕃茄、肠仔、烟三文鱼。每样野食都好味，够新鲜即整。牛角窝夫外脆内软，QQ地几好食！🔶早晨热香饼 $58💫8/10本身以为只系得热香饼，黎到又有沙律、烟肉、炒蛋，好丰盛，两块热香饼就系M记同款，口感都系软腍有枫糖浆，整体都几好食！🔶Hot Honey Latte $44💫7.5/10呢杯好饮，奶同咖啡比例，饮落好丝滑，有蜜糖味但唔会太甜。有埋桂花花瓣点缀，睇得又饮得。🔶Organffee $58 💫4/10橙啡几靘成个Presentation，捞匀之后完全饮唔到咖啡味，只系饮到橙汁，仲要系新奇士橙汁。呢个价钱完全唔抵饮。🌟总结：野食味道好唔错，环境舒服，绝对系同朋友黎Chill下嘅好地方。
继续阅读
🍝蟹籽蟹肉明太子忌廉意粉 ($108)嘢食整体都大碟，啲蟹籽多到成座山咁，食到最尾都有净👍🏻每一条意粉都挂满晒汁，食落好Creamy🧀双重芝士浴浴单边鸡翼 ($62)要连埋表面个啲芝士一齐食先会食到啲芝士味，佢唔系洒满晒芝士粉嘅𠮶一种鸡翼，所以如果就咁食嘅话就冇乜芝士味🤔 食落有少少辣，辣嘅程度同脆香鸡翼差唔多🧇亲爱的提拉米苏牛角窝夫 ($88)佢个饼底系脆，唔系腍啤啤𠮶种😋👍🏻🫖冻苹果肉桂茶 ($48)饮落好Fresh，有啲甘香，有种小清新嘅感觉🍃 一壶大约可以斟到三杯佢嘅茶杯。本身以为佢系一杯透明得杯茶嘅饮品，点知出到嚟又几搞笑，几好玩🤣
继续阅读
今次专登入元朗试呢间人气cafe，果然冇失望～佢个朱古力大蕉蕉牛角窝夫真系邪恶到不得了！牛角窝夫本身已经够香脆，仲要夹住香蕉同朱古力酱，一啖咬落去，外脆内软嘅口感真系冇得顶。最过份系上面仲有球雪糕，冻热交融嘅感觉简直系犯规级好味😋咖啡都唔输蚀！桂花蜜糖鲜奶咖啡好有心思，桂花香同咖啡出奇地夹，饮落好顺喉，仲可以自己调教甜度，啱晒我呢啲怕太甜嘅人。拉花仲要靓到唔舍得饮，忍唔住狂影相📸环境方面，白色简约风真系好啱打卡，采光又够自然。虽然位置有啲隐世，但周末都坐满人，好彩我平日去先有位。价钱都合理。总括来讲，呢间cafe真系有心思，食物同环境都落足功夫。特别系个牛角窝夫，食完仲心思思想encore～下次一定要试埋其他口味！元朗嘅朋友真幸福，有间咁高质嘅cafe喺附近。
继续阅读