Burgerman (埃華街)

营业中

休息中

◾Trucker Burger Set 🍔🔥◾HK$100.If you're a burger lover and always crave for a big bite in a juicy burger, well I got just the place for you!😂😜This large mother trucker burger is the perfect one to go!🍔🤤 It consists of two layers of mixed beef patties🥩 with double cheese🧀, fried egg, sauteed fresh mushroom and onions and some good old B.L.T.!😍 Haven't been eaten a satisfying and juicy burger in a while. The whole burger was so thick that you'll have to keep munching on it to get all the good laye

#Burgerman想食漢堡包又唔想食m字頭，就食左朋友屋企樓下間burgerman，見佢都有兩間分店，都有啲信心保證。#日本飛驒牛漢堡 配大大塊厚身薯格，大約有五至六塊。漢堡包都幾大個裏面有豆苗、厚身漢堡扒、芝士、蛋。其實都幾港日合璧，因為隻蛋幾港式。用上飛驒牛，肉有返咁上下水準，彈牙香濃而且多汁。不過略嫌豆苗有幾強既味道，唔鍾意食生味既人可以走左佢。枱面有三款醬汁俾你揀，茄汁、辣沙律醬同藍芝士醬。點下薯格都幾正。

⚠️《Top 10 Burger in HK》‼️The first bite was so amazing, yet it was done by my bf. I savoured the second bite as the burger was too huge, I needed my bf to squeeze it smaller for me!Burgerman並非超級大型漢堡連鎖店，都可以打入香港Top 10漢堡包店，可想而知，佢係靠實力，真材實料instead of 名氣、宣傳去吸引食客! 佢深受食客歡迎，令人回頭一試再試！佢定價唔算高，午市更加有超抵食既Lunch Set! As a local HKer, this is a must try item! I definitely want to have this burger again and again!Black Truffle Waygu Burger特級黑松露和牛漢堡 HK$98

放假要食好野朋友即刻帶我黎食高質漢堡，店舖細細間但好乾淨企理，漢堡款式有好多選擇，所有漢堡可加$20轉套餐可選配薯條或薯格或田園沙律及汽水，除左漢堡仲有意粉、沙律、小食等選擇，店員都好有禮貌幫我地落單至尊漢堡$80～人氣之選係好巨型既漢堡餡料有兩塊厚牛肉同芝士、煙肉、煎蛋、蘑菇、洋蔥、蕃茄、生菜口感非常豐富，厚厚既牛肉入口好多肉汁，份量大兩人食亦足夠，呢個價錢真心抵食！！和牛漢堡$78～必食推介漢堡入面既和牛好厚身不單止香味四溢，食落口牛味濃仲啖啖都好多肉汁配以炸洋蔥絲、芝士、有機芽菜仲有日式焙燒芝麻沙律醬一齊食就更加無得彈令人食到停唔到口香脆有皮薯條好粗身係即炸熱辣辣份量多，薯格亦炸得非常脆身

話說小妹我一直都係鵝肝忠實fans，平時食buffet如果有鵝肝，都一定會搏命食。記得呢間burgerman我第一次接觸佢係係深水埗，果時我已經係會叫佢地既鵝肝burger。今日黎到大角咀做野，見到附近有burgerman就想黎回味下，睇下佢既鵝肝burger仲係咪以前咁好食。大角咀分店我係第一次黎，店入面既裝修同樣係好似外國既小店。下午黎坐下畫下野其實幾寫意。因為係下午既關係，人客唔多，我一坐低店員就比左個menu我睇有咩食。雖然話我係一心為左鵝肝而黎，但我望住呢個menu，見到飛驒牛三個字，真係有小小心動！最後我掙扎左好耐，都係決定食番鵝肝和牛burger。叫個burger加20蚊就可以轉set，會有薯條或薯格。但我對我既食量好有自知之明，所以就無加到，但其實係抵架，加20蚊仲有埋野飲。鵝肝和牛漢堡 $130等左10分鐘倒，即叫即整既burger上枱喇！一放低已經聞到好香。打開個包小小比大家睇下塊鵝肝，佢真係完全對得起$130呢個價位既。塊鵝肝直頭係有成塊和牛咁厚！佢呢度揀左用厚身既漢堡包，煎香左既鵝肝面層淋左D酸酸甜甜既無花果汁，令到成件鵝肝食落口感無咁油膩。另外，值得一讚既係

朋友住在大角咀，這天中午跟她來吃漢堡。漢堡單售價格由數十元至百多元不等。中午時段則設有午市套餐，同樣以數十元的價錢便可一同享用薯條/薯格/沙律及飲品一份，較為划算，那當然是選午市套餐，哈哈。點了漁夫之堡及侯斯頓漢堡，配沙律及薯條各一份，飲品則要了罐裝汽水。漁夫芝堡配脆皮薯條 漢堡整體不算太大，女生吃一個的話剛好，麵包有烘過的，外面脆裡面軟，魚柳炸得脆身，配上他他醬、芝士、生菜及蕃茄，不錯，要是魚柳再大塊一點會更滿足呢，哈哈。侯斯頓漢堡牛肉漢堡排的肉質厚實，內裡的配搭同為芝士、生菜及蕃茄，對女生來說吃完整個漢堡其實已經挺飽肚的，選了沙律作配搭則剛剛好，沙律菜份量也不少，沙律菜也挺新鮮的。吃快餐當然要配上冰凍的汽水囉！爽啊。

食開有條路，戒左快餐店就有鋪漢堡癮, 今次要食曾獲得openrice 最佳食店獎的Burgerman!🍔向特價套餐出發。今日款式係特級黑松露和牛漢堡，$98，超抵！本身呢個包已經係$98，而家慳左加20元套餐嘅費用！重點：黑松露超級香，包入面有黑松露蓉，唔只係黑松露醬咁普通，連隻手沾到滴出吸嘅肉汁都香好耐！無錯，係邊食邊滴汁，好Juicy！連埋大片半溶芝士，掂呀！🥔另外，套餐可配薯條/薯格/沙律。薯格大大件即炸，每件都香脆可口唔會淋。配埋可樂超爽！🧀丹麥藍芝士漢堡。芝士控一見到會雙眼發光！藍芝士味道濃烈，有人覺得臭，而我就覺得呢個組合好特別，同牛肉都幾夾呀~🧀脆炸黃金芝士條，好邪惡！芝士可以拉到好長，外層炸得好脆，個人喜歡點埋辣味千島醬食，更加滋味！

今日行過大角咀勁大雨，同朋友又無帶遮，就隨便搵間餐廳入去食下野順便避避雨！巧遇Burgerman就入去啦～地方雖小，不過環境幾外國風！廚房係入面，煮既時候雖然大煙，不過無攻到出黎～幾好幾好！叫得Burgerman當然主打Burger，不過都有意粉、沙律、小食等既選擇！而Burger都好多配搭，我叫左至尊漢堡，朋友就叫左和牛漢堡！跟餐都只係+20就可以有埋薯條/薯格/沙律🥗，加埋飲品！個人覺得食Burger必點要加埋薯條先夠完美！最重要加配價錢唔貴～至尊漢堡🏆🍔：足一個虎口咁厚，外貌無得彈，因為太大，我要分開兩截去享受，入面先由煙肉🥓，雞蛋🥚，芝士🧀，蘑菇😋，牛肉🥩，洋蔥😘，芝士🧀，牛肉🥩，蕃茄🍅，生菜🥬而成！超厲害～大份足料，重點牛肉既肉汁四溢，配埋蜜糖芥末醬，甜辣得宜，味蕾享受！和牛漢堡🐂🥩🍔：和牛入口即溶，一試難忘！配有炸洋蔥絲，入口脆卜卜，提升口感，亦有芝麻沙律同芝士係入面，完全豐富成個漢堡既味道！🥔粗薯條同薯格都好多，薯格全部都大大塊，兩者都炸得香脆可口！😋枱面提供3款醬去點薯條🍟，茄汁，甜辣同蛋黃醬！亦有手套提供，好貼心☺️😝

成班朋友都好鍾意食漢堡包🍔但最近都搵唔到啲好好食嘅漢堡包直到朋友介紹依一間，超巨型漢堡包店舖望落去都是走美國風。依到性價比高，可能是地點坐落於大角咀啦做得街坊平民生意，價錢就比較相宜Menu內有10款漢堡包選擇，而我選擇了#至尊漢堡 $80，加$20可轉combo漢堡包上枱嘅時候我哋都嚇親，個份量大到呢⋯⋯我諗今晚晚餐都唔使食喇🤣漢堡包有三樣醬可以自己落，紅色係茄汁，橙色係辣嘅沙律醬，而白色係藍芝士醬我最鍾意就係藍芝士醬，食落唔會覺得太漏。而漢堡牛肉多汁濃郁，肉質超鮮嫩，齒頰留香。再配埋雙層芝士，美味極了。

如果食連鎖式漢堡食到厭點算？ 同事話試過呢間burgerman 的牛牛好好食，用心制作今天的午餐就在這裡吧~ 店舖細細的但很有美國風每張枱上都有膠手套，紙巾供應給客人使用- 很方便呢。我叫了一個至尊漢堡套餐， 當漢堡奉上到我面前時，真的嚇我一跳; 真的很巨型很高啊~有兩塊厚厚的牛肉漢堡，兩塊芝士，煙肉，蛋，洋蔥，磨菇，生菜……。牛肉鬆化入口即溶很juicy煙肉 煎得很香口配上濃郁的磨菇汁很美味，而其他的材料都很新鮮。 薯格外脆內軟是下酒的好選擇。下次一定再來試試和牛，或飛彈牛。

先吃薯格，非常脆，又香，不會切得太厚，正😋再來是至尊漢堡，首先他的賣相很好看，已令我垂涎三尺，整個漢堡的高度有成六至七吋，夾着半熟雞蛋，煙肉，兩塊約7成熟 充滿肉汁且厚厚的漢堡扒，$80至尊漢堡+$20 combo (薯格和汽水) 值回票價，很久沒有給食物五星了，這漢堡我給他五星，同樣鍾意食burger嘅人可以去呢間試下。店鋪內：播著好聽的英文歌和日文歌，還有涼涼的冷氣，店員很細心先給了汽水，邊喝汽水邊等即叫即製的漢堡，只等候了數分鐘店員便送來漢堡。由於當時是黃色暴雨，食到一半見細雨將漢堡同薯格外賣拎走，店員還貼心地給了我外賣盒和紙袋👍🏻👍🏻，竟然邊走邊聞到薯格香！

今日係大角咀放工，路過這間之前被life style Asia 評為全港10大漢堡包店的burgerman，就情不自禁入去試下。雖然餐廳冇門，但係夏天的情況下都唔會覺得太熱，餐廳亦都以吧枱形式作椅子。餐牌上任何burger都可以加$20轉餐。（薯條/薯格+汽水）我自己通常第一次去一間漢堡包店都會點最傳統的牛肉漢堡試試佢的質素。burgerman的牛肉漢堡係用左和牛，肉汁足夠豐富，餐廳加左日式焙燒芝麻沙律，所以食落冇飽膩感。薯格係即炸的，所以好香脆，配合餐廳自製的水牛城辣汁，非常美味。

隱身在奧運站附近的埃華街巷弄有著一間店舖不算大間 不認真看還會直接錯過的知名漢堡店漢堡種類有10多種供選擇但至尊漢堡🍔還是最真心最推薦可以享受大口吃漢堡的暢快座位是美式快餐風的高腳吧台店舖的牆上貼著各式漢堡🍔擺設是美式復古風也介紹很多新口味漢堡🍔至尊漢堡🍔裡面有兩層牛肉牛肉超級Juicy讓人一口接著一口 上層配上蛋 下層配上cheese 簡單而美味的浮誇很大一個 份量十足另外薯條也相當好食整體而言漢堡🍔相當好食為香港🇭🇰前10大漢堡當之無愧漢堡🍔迷一定不能錯過囉

今日同老公行完旺角再經奧海城行返大角咀，行到差不多返屋企覺得有點肚餓，想係附近買d野食返屋企食，但又唔想食M記，係M記條街一路直行，見到呢間漢堡包店，就試一試下我點左芝士漢堡+$20套餐要沙律佢入面個黃色汁幾好食，同個包好夾，入面都好足料，有蕃茄有菜厚身牛肉同芝士，個包烘到好鬆脆呢個和牛漢堡都唔錯（圖中加左$20套餐要薯格），但我比較喜歡芝士漢堡個汁多D,勝價比又高D，總括一定會有下次，但唔可以成日食，因為比較熱氣

非常一般 唔明點解咁多人讚好食Burger 無味 包又硬又乾 塊肉無牛肉味又多油 芝士一啲都唔香 個汁唔濃 全都係舊肉既油味薯格炸到脆又燶 咬落重𠝹口 沙律唔識形容 單調 乏味 價錢貴