Burgerman (埃華街)

营业中

休息中

這間 Burgerman 地方很細小，漢堡就絕不能睇小。雖然大角咀埃華街人不多，但臥虎藏龍，不乏特色小食鋪，這是其中一間。在眾多款式中選擇了這份至尊漢堡，都幾高大!非常足料，脆煙肉，雙層漢堡。剛剛好一個包分開上下層來吃，兩個漢堡都很有份量，結實的肉質，幾乎沒有油脂。吃了一半已經有飽的感覺。漢堡比較厚身，要慢慢咀嚼才能品嘗得到肉汁的香味。這個漢堡包質素不算超級至尊但也不錯，偶然一試都幾飽足。$88一份漢堡餐，包括沙律菜和一罐汽水，還可以接受。以漢堡專門店來說，這裏的選擇很豐富，值得偶然再試。@ Eaten by CalvinCanEat.com

今日突然想食burger就黎左呢到。之前食過一次覺得都幾好食，今次叫左一個藍芝士漢堡同芝士漢堡，跟餐薯條同薯格，仲有嘢飲。所有嘢都新鮮整，熱辣辣好新鮮。漢堡包咬落好多汁，好食。份量唔算好大，不過都夠食。

大角咀、深水埗都有，店鋪環境係長形的，比較窄，但冇乜人既話都唔影響，因為只會比個漢堡包吸引住！全部即叫即整！-1️⃣至尊漢堡 $88 +$20有薯格+汽水食肉獸必選，雙層芝士漢堡配炒洋蔥絲、磨菇絲、煎蛋、煙肉［滿星］⭐️⭐️⭐️⭐️⭐️‼️份量係超級大！長過我成隻手，好誇張！包補您食完之後包成日，所以一啲都唔貴！食緊個陣都大到食都覺得有困難，之後啲蛋汁仲一直滴，雖然食到好困難，但會見到咁吸引而塞落口😂漢堡好厚、好多肉汁！仲好足料，多得黎全部都好夾，好多層口感！😍😍必食！/2️⃣和牛漢堡 $78入口即溶、香煎草飼(120日)和牛漢堡配炸洋蔥絲，日式焙燒芝麻醬，意大利寶伐朗芝士［滿星］⭐️⭐️⭐️⭐️⭐️‼️依個份量雖然冇至尊咁大，但都比起一般既漢堡包大好多！和牛真係一咬就散哂，入口即溶，配埋芝麻醬、芝士，真係滿口汁！-環境：7/10服務：7/10好味指數：9/10回頭率：8.5/10

今日行開大角咀一條埃華街, 其實成條街都係市肆, 我一個人就打算簡單d,食個burger, 但又勁吾想食個老麥🙈 想食個有質素d既。跟住見到lee間burgerman, 音樂同環境都幾chill, 一個人坐低都幾舒服, 好relax 我叫左個和牛漢堡($78) 再加$20跟餐要左薯格 + 可樂, 不過吾想飲可樂, 所以又upgrade左椰青水, 即時健康哂haha 個包係和牛漢堡配炒過的洋蔥絲, 再加芝士同芝麻醬, 肉汁好juicy好好味。

今日放工之後做運動唸住食個快食，又唔想幫襯大型連鎖店，之前經過都想試下呢間Burgerman. 食burger.夜晚黎講價錢差不多 80-130 有野飲 有薯條 / 沙律選擇。款式種類都算多。有得單叫，有得套餐叫。人不算太多，可能6點去時間尚早，出食物速度都幾快，即叫即整。幾分鐘後有野食。環境都不錯。 點左個和牛漢堡、薯條。都係98 元。份量都幾多，薯條係有皮薯條，正。 因為係即叫即炸，特別香口！脆！餐廳有哂手套、紙巾，食漢堡最怕食到成手污糟都唔怕講番個漢堡，呢個價錢算係咁，大大塊和牛，肉汁豐富。下次再食，可以再叫呢隻！

至尊漢堡$88話明至尊份量一定路少，係餐牌到已經見好大個。所有食物係即叫即做，需要等候。等左15分鐘到就有啦。黎到所有野都熱，但忍唔住食薯條先，佢既薯條係避皮同出面既唔同，質感同味道都好好多，我試朋友既薯格係好脆好好食又熱新鮮，呢$20淨係加係薯格都抵。到食漢堡時因為太大個，所以分開兩層食佢既肉係新鮮好多肉汁留出黎，出面既漢堡邊會有肉汁...呢間好正好好食，而且佢既洋蔥配菜炒得好好食，下次再食一定要叫佢多洋蔥。加$20套餐👍有薯條/薯格/沙律（推介薯格，好脆口。）仲有汽水添，可改樽裝烏龍茶+$5洋蔥圈一黎到太熱，要等陣先食得，佢洋蔥係炸得冧。做到外脆內軟，好多餐廳都做唔到，正👍

今日同朋友出咗大角咀買野,經過burgerman 因為架車泊咗喺附近所以就想搵間餐廳快快脆食完就走,經過見到依間既burger有好多選擇,所以入咗去叫咗一個burger黎share😝牛油果軟殼蟹漢堡($108)我哋叫咗一個牛油果軟殼蟹漢堡,軟殼蟹炸得好鬆脆啊,中間嘅牛油果熟度岩岩好吾會太硬,口感好清新,漢堡包皮外脆內軟,配埋佢既特製醬汁好正啊💕新鮮嘅蔬果配合邪惡嘅軟殼蟹配搭好特別又好食😛😛下次有機會要再過黎試埋其他burger😋

今次嚟到位於大角咀既burgerman幫襯入到嚟一個乾淨簡單既裝修帶點舊式快餐店味道。鋪頭唔算大, 但五藏俱全, 環境唔錯。Burger嘅款式幾多, 而且仲有沙律🥗意粉薯條，叫左個飛驒牛漢堡日本飛驒牛漢堡 漢堡包嘅口感有別於其他地方嘅漢堡包, 漢堡飽上加左黑芝麻令到食既時候更香口，牛肉味道濃郁，牛肉脂肪同肉分佈得好均勻，好嫩口，而且肉汁非常豐富, 入面加左簿片磨菇, 口感不錯👍🏻中間配有碗豆苗代替生菜，就算同醬汁加埋一齊都非常爽脆，必叫👍🏻👍🏻旁邊既薯格即點即炸，非常新鮮, 香脆可口，份量十足👍🏻整體食物質素都不錯，價錢唔貴，支持小店😋

男朋友講左想試E間burgerman好耐👦🏻🙆🏻‍♂️, 難得今日佢係附近收工就去試下啦😊 鋪頭唔算大, 但五藏俱全, 環境唔錯! Burger嘅款式幾多, 而且仲有沙律🥗意粉🍝薯條🍟, 我地叫左兩個burger🍔同一個小食😋日本飛驒牛漢堡🐂🍔, E個漢堡包嘅口感有別於其他地方嘅漢堡包, 首先牛肉味道濃郁而且肉汁非常豐富, 入面仲有簿片嘅磨菇, 口感已經好好, 最特別嘅係佢棄用左傳統嘅菜, 改用左碗豆苗嚟代替生菜, 就算同醬汁加埋一齊都唔會咁易霖, 保持菜嘅爽脆, 令到漢堡整體嘅口感昇華, 十分推介!!👍🏻👍🏻😋😋和牛漢堡🐂🍔, 我地加左$8加菠蘿🍍, 和牛漢堡嘅牛肉足量, 味道相比飛驒牛無咁濃郁, 但加左菠蘿有另一番清新嘅感覺炸薯格🥔, 熱辣辣炸得幾脆身, 而且幾大塊😊枱面有兩枝醬汁比你醮, 一枝係茄汁, 一枝係似千島醬加Tabasco嘅醬汁, creamy嘅醬汁帶點酸酸辣辣咁, 用嚟醮薯格薯條幾好味👍🏻😋沙律🥗, 沙律菜新鮮, 醬汁味道特別, 有d似蜜糖芥末加少許芝麻醬咁, 同沙律非常夾😋蕃薯條🍠🍟, 香脆可口, 甜甜嘅蕃薯味香甜味美, 份量十足!總結:食物質素好好, 店員服務唔錯,

大角咀依個地方真係好多好野食😙🍔Burger癮起．尋尋覓覓👀決定去試Burgerman🕺🏻-除左🐮牛肉漢堡, 仲有🦀牛油果軟殼蟹🐷豚肉🐔雞肉🐟炸魚柳🍄燒大菇等多款漢堡選擇🙌🏻加$20就可以配成套餐, 可以揀有皮薯條 / 薯格 / 田園沙律➕汽水👍🏻-💁🏻‍♀️和牛漢堡➕薯格漢堡包皮熱辣辣烘得夠脆🔥和牛漢堡煎得超級香⚠️ 嗰種牛．油香喺個口腔迴盪🤤入口即溶▫️好Juicy▫️溶化芝士包到塊和牛漢堡實一實🧀▫️仲有炸洋蔥絲薯格即叫即炸, 又邪惡又正😈-💁🏻‍♀️丹麥藍芝士漢堡➕田園沙律不嬲我都鍾意食藍芝士, 當然唔會放過依個漢堡🤗藍芝士漢堡Juicy, 比和牛漢堡少一份油膩感, 更能突出藍芝士嘅口感同味道❗️脆卜卜嘅煙肉為漢堡包加添口感🥓我仲揀埋配個健康田園沙律🥗-

朋友也喜愛牛肉，於是帶他到位於大角咀的《Burgerman》聚聚！ 位於大角咀賽馬會附近～ 多達11款漢堡包😂，實在難挑選 — 和牛、飛驒牛、丹麥芝士、燒菠蘿雞腿、配魚、黑松露😍 有男士更可加配意粉、沙津等等 除了必有薯條外還有薯格、墨西哥玉米片選擇！日本飛驒牛漢堡 HKD 98 配薯條 日本高品質牛之一的飛驒牛，油脂分佈均勻，咬下去很Juicy，特色燒大菇漢堡 HKD 58 脆口麵包塗上牛油，中間層燒大大隻冬菇連著整塊芝士，檸檬茶 HKD 25來自美國無糖檸檬茶～ 很健康！ 可樂 HKD 12地方須小但仍可堂食/外買，有桌、酒吧椅供客人用餐。

位於大角咀的隱士漢堡店已經到訪了幾次店面雖不大，但漢堡製作的用心好味每次想食漢堡都會來幫襯漢堡選擇蠻多的，價位大多在100元以內今天點了兩個漢堡招牌芝士漢堡肉質肥美，cheese 香滑順口，但之前食過的至尊漢堡還是心目中的第一名喔一旁的薯格炸的酥酥脆脆，邪惡十足，卻讓人一口接著一口，好好食招牌和牛漢堡和牛軟嫩肉身不過乾，一口咬下Juicy又滿足，內餡配上些許菜苗，解除了肉的膩，配起來恰到好處餐廳座位區總體而言漢堡味道好，食材佳，是用心經營的店家還會繼續來幫

聽我個朋友推介話呢間餐廳好好食，一於去試下。舖頭係大角嘴，店面細細，不過唔洗排隊。牆上好美國風。我地叫左鵝肝和牛漢堡（$130）和水牛城雞肉漢堡（$58），再加烏龍茶（$12）。個鵝肝和牛漢堡好juicy。我平時好少有機會食鵝肝，呢度的鵝肝好大塊。咬落有d脆。塊牛排真係不得了，好厚肉，好新鮮，好多汁。我個friend教我先壓扁個包，然後先開始食。另外一個水牛城雞肉漢堡，肉就比較乾，靠塊番茄滋潤下。店員服務都算nice的，去得過！

呢間burger之前都食過，見有新野又耐無食過burger，今次又走咗入去食。雖然小店唔大，但環境衛生，裝修都唔錯，小店只有高檯高凳，我腳短坐得比較辛苦啲😂今次同男朋友叫咗一個特級黑松露和牛漢堡、日本飛驒牛漢堡。特級黑松露和牛漢堡，賣相不算吸引，不過食落一啲都唔差，好重嘅牛肉味，加上好濃嘅黑松露醬，配搭一流！👍🏻日本飛驒牛漢堡，油脂味更重，肉質入口即溶，以小店價錢嚟講，絕對抵食！👍🏻由於怕食唔哂，所以同男朋友只係加咗一份薯條。

大角咀常訪的食店，一定是吃burger的。半開放店舖，約有十個座位，坐下來吃，也不會太焗促。吃burger，二人同行，多數是share吃。故一定會點雙層，看上來與吃下去，也，自我感覺非常滿足。這夜又full house了，不過製作效率也很快。不消一會，至尊漢堡，出現了。店內所有桌上也供應一盒紙巾，手套。正宗的吃漢堡方式，應該是徒手拿著吧。麵包烘脆了其中一面，金黃可口。漢堡排厚度適中，煎至七分熟，內心呈粉紅色，帶少許肉汁。很感恩，餐廳水準一直保持著，跟想當年第一次吃的大同小異。吃漢堡，怎能不配炸物。在薯條與薯格之間，選了後者。都較少在本地吃漢堡的地方，吃到薯格，故有薯格供應的地方，必點！炸得香脆，色澤鮮明。