早左收工又未够钟上兴趣班，有d时间就揾下野食先，唔想食咁饱就揾到屯市入面既food count有汉堡专门店，就食汉堡啦，呢度比其他汉堡专门店优胜既地方就系food count多位坐，地方够大又坐得舒服，一般汉堡专门小店都主力做外卖所以堂食坐位会较少。首先讲讲服务态度方面，睇返好多食评都话麻麻，我就企左系店前睇左几分钟餐牌，落单果位男员工都有略略介绍下佢地d餐，又话d牛肉系手打既，到落单过程都无乜问题，服务态度可能都有所改善，我觉得都还好啦。至尊汉burga由于唔想食太饱，而食汉堡最重要既就系汉堡扒，所以今日选择左最基本既至尊汉堡，配料有芝士，生菜同蕃茄，先讲讲个包烘得几香脆，唔会烘过头，口感几好，汉堡扒就比较一般，唔算厚同煎得比较干，咬落无肉汁，生菜就用沙律菜，几新鲜几爽口，酱汁无落好多唔太突出，芝士就似系d包装芝士，无乜芝士味，成个包黎讲有好有唔好，普通啦。另外跟餐加18蚊有汽水同薯条，如果转蕃薯条或炸鸡之类就再加多d，饮品转特饮又加多d，我今日就试下普通薯条，饮品要雀巢柠檬茶，薯条就新鲜炸，好够热，用波浪薯条，感觉有d炸得太过火，比较干身薯味比较弱，另外酱汁有4款4选1，分别有茄汁，超人酱（问店员话系蛋黄酱定咸蛋黄酱唔太记得），泰式辣酱同日式芥末酱，我就拣左日式芥末，芥末味都几突出点薯条食都几特别，唯独系个薯条质素差少少。全餐黎讲食左76蚊，就呢个餐而言呢个质素黎讲我觉得偏贵，不过都可以试下其他特色汉堡，蕃薯条见好多人赞下次可再试下，同埋始终系food count度环境都比较好d。…查看更多
