Bubble Tree (成業工業大廈)

是日平日下午1点几嚟帮衬，啱啱撞正打工仔Lunch时间🍱，但店员好贴心😍，即刻开咗另一边俾我哋坐，完全唔使等位👍。餐具、水都系自助式，环境干净舒服✨。我同朋友都叫咗All Day Breakfast，全日早餐$78超抵食💰！一上枱见到肠、蛋、茹、烟肉，牛角包、薯仔沙律和蔬菜沙律样样齐，好丰富😍配搭得非常好，牛角包好香脆，肠好大条，鸡蛋煎得啱啱好🍳，少少流心好滑、薯仔沙律正常发挥，不过烟肉略嫌有少少咸同埋蔬菜沙律有少少太酸，可能酱汁太多。不过意外发现第一份上枱嘅茹竟然有芝士🧀！（我系超级唔钟意食芝士嘅😅），但餐牌上完全冇写有芝士，我落单时都冇讲，谂紧算啦，唯有要朋友帮我食咗我𠮶份茹佢..😞讲紧之际，店员啱啱听到我讲，即刻主动问我另一份系咪唔好落芝士😍😍，好彩地原来仲有一份未整～真系超贴心🥰，好少见到咁细心留意顾客的需要，真系惊喜咗。仲加咗个微姜南瓜汤$18 🥣，姜味淡淡、南瓜味香甜但少少稀，不过以呢个价真系无得弹🤩。另外试咗蟹籽芦笋烟三文鱼香蒜橄榄油意粉$63 🍝，一上枱蒜香扑鼻、摆盘靓✨，加咗少少香蒜所以味道一啲都唔腻～整体食完超满意。睇餐牌发现呢间店原来2010年已经有，好食又性价比咁高，点解咁迟先发现🥹🥹下次一定会再嚟❤️！ …查看更多

放假就系想去Chill下食吓好嘢😆今次拣左观塘👉🏻发现好多隐世小店都喺工厂大厦就嚟寻下宝🔍📌日本飞驒牛汉堡滑蛋盖铁板拌饭 $89 ✔️套餐包埋汤同埋饮品 铁板拌饭嚟到已经闻到好香！汉堡牛味好浓郁 肉质嫩滑得嚟超多汁 而且劲厚身 煎得好香 油脂均匀🥰蛋都好滑 配埋烧汁食 一流😙▫️微姜南瓜汤 南瓜味好重 个人就觉得姜味有啲重不过唔会盖左南瓜嘅味 整体都几creamy😋▫️芦荟香橙冰红茶 比较普通 橙味有但唔算突出 芦荟份量可以多啲📌蟹籽. 芦笋. 烟三文鱼拌香蒜橄榄油意粉 $63好香蒜味 烟三文鱼整左个花花出嚟 几用心🤍蟹籽同芦笋份量足够 烟三文鱼大大片🙉意粉唔会过淋 几唔错👍🏻▫️热情果梳打 expect既味道 不过嚟到系比半个热情果 自己倒落去 所以都几得意！▫️跟主食+$32 朱古力心太软配雪糕卖相好靓 心太软做到外脆内软 亦唔会过甜 食完唔腻 配埋雪糕 口感好正☺️整体好唔错🩷价钱唔贵 食物质素好 用心经营嘅楼上西餐厅🍴啱晒朋友gathering/情侣拍拖嚟😗8.5/10⭐️…查看更多

事缘系六楼揪薏都几满座，唯有转战其他餐厅。以前叫外卖，大家都有吃过嘅。见楼下就近，就嚟呢度啰！皆因食饭时间紧逼，只有一小时。我都系第一次堂食，座位一眼睇晒。有一枱当正自己包场咁，大声倾计，喧哗乱叫 😒食物方面：求其到呢 🤦。柯打有汉堡扒、三文鱼、鸡扒都系铁板上。睇样还可以，但食落就知 😒。食物都系唔够热，铁板只用于作状 😂。车厘茄 🙄，沙律就话啫，一阵醋味，居然喺个饭度出现，见识见识 🤦1350落单，第三份午餐员工弄出意外 🤣，件三文鱼瀡咗落地。唯有再煮过啦，员工赖旧鱼：佢瀡咗落黎 🤣。其实佢行过嚟几次都自己戟自己，鞋嘅问题，出餐时睇到佢咁戟法都真系会怯 🙄。但系又咁讲，啲嘢都唔够热，最多污糟架啫唔会烫伤吧 😂等咗一段时间于是招手叫楼面，点知佢地睇到扮睇唔到，回避你眼神嘅接触 🤦。最后要大声喺座位嚷，至勉为其难咁行过来，敷衍回答好快有 😒第四份午餐搞到1420先到，足足等咗半个钟 😡由于太赶时间，加上员工态度 👎，几好食都假，好食？！真系谈唔上啰 🤣🤣。食咗三成已经放弃了 😒楼面面对问题冷处理方式 👎，敷衍、拖延😒，谂住直到出餐为止 🤷‍♂️。厨就得一个，仲话转外卖俾你，咁我洗乜出黎食饭 🙄无食一段时间，估唔到依家差成咁 👎🤦咁嘅价钱，我去克招午餐好得多吧 😆…查看更多

见到社交平台 推荐，所以用试伏心态去试吓。 6点上到去，见到冇人，就有啲惊。 不过，原来只系我太早去，晚市都坐到9成满。 首先，服务亲切，我哋又食又倾计坐咗2个钟，8点左右怕阻人做生意，就起身走。 老板仲话唔怕𠺢， 其实可以慢慢坐。 真心好。食物来到比原先期望高太多 ，因为喺工厦而且价钱又唔贵，所以冇谂到咁有诚意。 摆盘都靓，可以打卡汤好浓， creamy 。意大利饭，黑松露好浓，素食唔会太单调，入面仲有杂菌同西兰花碎，好Creamy软壳蟹意粉， 正， 蟹脆又唔硬， 微辣开胃， 最钟意多海鲜粒粒，例如砚肉。 香橙冰茶， 清爽原汁，冇任何化学味。最后， 因为庆生， 事先ipenrice写remarks想写个Happy Biryhday喺甜品碟， 不过之前因为打风，改期1星期， 我仲怕佢哋唔记得。 点知都有写！ 而且个心太软好流心好浓， 生日寿星好钟意。 苹果批我钟意佢够薄脆唔会滞。叫2个主菜， 加饮品加汤加甜品，都唔驶$300。 可以讲系超值！整体价性比同体验比 5 星 *****…查看更多

晚市嚟到佢地租埋隔离单位嚟做当时都有几group人先后嚟到门口等位条走廊又焗又热 前几个单位私房菜啲客又系度室内食烟个别员工出入送餐时对新嚟客人查询不瞅不睬😧明明见到入面有空位可以安排坐咗先都系要企门口等😦 唔知等乜😧食物价钱系几有竞争力蕃茄汤足料芝士蕃茄肉酱意大利饭麻麻地蓝青口蒜香忌廉汁意粉咁多只青口 ok wo玉桂苹果批依个系最系好味嘅 嘢食价钱无得挑剔餐厅老板系nice其他员工就做到无晒灵魂面如死灰😲水同餐具落单全部自助无加一就算系咁啰…查看更多