BRICK LANE (利園六期) (已結業)

今日喺銅鑼灣行完街，見到呢間餐廳，大大既落地玻璃，望一望餐牌，價錢好合理，一於試下。牆上掛住部單車作裝飾，好別緻。點左兩個晚餐，先上前菜。香煎蟹餅沙律配芥末蛋黃醬蟹餅煎得好脆，啖啖充滿蟹肉，沾上芥末蛋黃醬，好滋味。忌廉周打魚湯，用料好豐富，有層次感，好creamy!美國有骨肉眼配燒薯prime rib ,我地揀左medium rare,煮師拿捏得剛剛好，好出色！蜜味豬手配燒粟米首先值得一讚係上碟之後會有專人過嚟問使唔使幫手切開，真好豬手皮焗得脆卜卜，豬手肉好嫰滑。旁邊嗰碟沙律好好味，另一突出之處，佢配上嘅係番薯蓉，番薯蓉比起一般薯蓉更甜更香。Happy hour buy one get one free,好吸引，啤酒襯脆皮豬手，絕配！

老婆呢排開OT到好夜，都無時間一齊坐定定食飯，今日我生日老婆話會準時收工一同慶祝我當然非常開心。老婆約我係銅鑼灣等，話會帶我去一個遠離煩囂之地共渡生日。餐廳位置係利園第六期附近，由地鐵站行十分鐘就到都好方便。未入餐廳都已經感受到一份寧靜，門前的植物好似引領你入森林咁，店內冷色的牆身掛上一架單車作點綴，簡單的裝潢以冷色配撘著幾何圖案的地磚，再配以柔和的燈光真係令人好舒坦輕鬆。😙Meun好多選擇，另外都有晚市套餐提供，我地除了散叫外還叫了一客美國有骨肉眼配燒薯晚市套餐$328，包前菜、餐湯、主食、餐飲。香煎蟹餅沙律配芥末蛋黃醬蟹肉飽滿加上薯肉煎香, 配蛋黃醬食, 十分惹味。沙律菜十分新鮮爽甜，配上微辣的芥末蛋黃醬好醒胃。👍龍蝦濃湯 $108由於我好喜歡龍蝦湯，所以散叫了一客來品嚐，龍蝦湯好香濃蝦味，好天然的味道，而且稠度剛好，有口感之餘又不會好厚身，一個人飲一碗真係好滿足。😋烤亞拉斯加鱈魚 $265銀鱈魚係老婆最愛既魚，銀鱈魚的外皮烤得香脆，魚肉嫩滑，好快就被老婆食晒。😁美國有骨肉眼配燒薯 $328食牛扒食肉眼部位除了肉質軟腍之餘又牛味濃郁，切開後肉汁仍鎖住係中間，好juicy，不錯。配菜

2月15日係happy Friday , 星期五梗係約人食飯啦。一直都未食過brick lane ， 一於黎試下。先講環境、呢到坐得幾舒服，但坐滿人果時傾計好辛苦，因為好嘈... 樓底太低、大家好似鬧交甘先聽到。我朋友每人叫左一樣野再加甜品share 食。我叫左個all day breakfast, 佢叫左個鴨肉意粉。雖然All day breakfast 好少好難食嘅、因為多數都冇咩太多技巧、但當然有例外啦（我食過有d 腸仔是烚熟的）。呢間就算係唔差嘅朋友叫左個鴨肉扁意粉、意粉硬度適中、調味啱啱好、唔會太鹹或者太油。鴨肉唔清楚、因為我唔食鴨。我覺得重點係甜品、因為佢個甜品好特別，朋友叫了一個焦糖香蕉煙肉pancake. 本來冇咩大興趣， 因為不喜歡又咸又甜的口味，但佢又出奇地好食! 成個甜品都夾到。下次會再食。唯一美中不足的是份量有點小。

今日去銅鑼灣開會，坐足全日真係好攰，一放工就閃人去呼吸下新鮮空氣，可惜銅鑼灣人多車多，想搵個安靜位置真係唔容易。我記得姐妹話銅鑼灣禮頓道有間西餐廳環境好清幽舒服，咁我就去搵搵喇。餐廳位於禮頓道近利園六期，真係遠離銅鑼灣鬧市，門面以黑色成主調配以白色招牌形成強烈對比，店內裝修簡潔，同樣以木器配襯黑色，十分簡約型格。餐牌選擇多，除左輕食之外仲有不同味道的班戟、甜品可供選擇，好岩同姐妹黎聚一聚。除左主餐品牌外還有set dinner, 睇完一輪我決定散叫。烤亞拉斯加鱈魚 $265烤銀鱈魚擺盤精緻，魚肉眼看一疏疏已經十分吸引，入口嫩滑彈牙，甘香的魚油在口腔內迴盪，魚皮烤得香脆甘香，讚!即焗酥皮蘋果 $78甜品需時20分鐘，一上桌已經心裏嘩~了一聲，賣相和平時吃的蘋果批完全不同，好特別。薄薄的酥皮包裹住熱騰騰的蘋果肉，外脆內軟，吃完真的十分滿足幸福。玫瑰泡沫牛奶淡淡的玫瑰香和牛奶好夾，又唔會好甜，岩我口味。下次會帶老公黎感受一下慢活的下午，食個brunch應該都好寫意。

呢排生活太苦燥，得番一個人無人陪，想射波扮自己去左旅行，搵左呢間有咖啡有全日早餐既舖頭。諗都懶，叫左個最大份既早餐。慢慢食，食左兩個幾鐘。個餐超大，有薯餅、蛋都有三隻、腸、煙肉、仲有大啡菇、茄汁豆、唔知咩肉製成品⋯⋯當然咖啡唔少得。本身可以加錢換其他特別啲既咖啡，不過我就咁叫左杯普通熱咖啡。心態決定境界。簡簡單單一杯熱咖啡都可以好開心，太花巧反而失去左簡約輕鬆既感覺。環境方面十分好，唔迫，坐得舒服，無乜騷擾，傾生意既傾生意，悠閒既悠閒，非常舒適。

最近被安排到銅鑼灣工作，每次經過Brick Lane 都想試試。今天晚上，終於有機會！簡潔裝修加上浪漫燈光，非常有格調。食物選擇多，在待應建議下各點了一個精選套餐，有前菜沙律、餐湯、主菜和餐飲。天婦羅牡丹蝦沙律，擺盤精緻，牡丹蝦脆漿不多，但炸得香脆，蝦鬚、蝦頭都可食用。沙律調味適當，配上芥辣沙律醬，非常醒胃。餐湯絕不欺場，熱騰騰足料周打海鮮湯，鮮味濃郁。當晚主菜有三式選擇，選了比較輕宜的香煎三文魚帶子配薯蓉伴西洋菜忌廉汁。三文魚份量十足，七成熟香煎，又香又嫩。嫩滑帶子上精心擺有魚籽醬，咸香又有不同口感。薯蓉是由甜蕃薯制成，非常香甜，與西洋菜忌廉汁十分匹配。餐飲升級為薑蜜泡沫牛奶，蜜糖沖和了薑的辛辣，飲下去只感到濃密的泡沫和淡淡的薑味。肚子容量有限，最後和朋友分食了一個甜品，非常精緻的莓果鐵鍋班戟，藍莓、桑葚、士多啤梨酸甜酸甜，配上軟綿的班戟，滿足！

之前已嘗試過尖沙咀的Brick Lane 午餐，有充滿英倫風的裝潢，以及有不同的英式傳統菜式，感覺不錯。今次約了舊同事前來位於銅鑼灣利園的brick lane, 提前一天在訂座APP book 有10% off 🥳🥳因為book 了位置，所以不用等便能入座，餐廳內已人頭滿滿，可能是星期五的關係吧！出示了訂座APP的booking reference 後店員便告知9折優惠只適用於a la carte menu! 其實他們是有提供lunch menu 的，但我們看完後還是比較鐘情a la carte 𥚃的all day breakfast, 亦能享受優惠。我們倆都選擇了everything 的早餐選擇。早餐相當豐富，有2 x scrambled egg, ham, bacon, sausage, smoked salmon, baked beans, cheese, hash brown, mushroom & a slice of toast.......味道不過不失吧，但略嫌太貴，需要$128，不包含飲品！還有餐廳可能有太多人的關係有點兒嘈吵，不太方便聊天。

今日約咗朋友食午餐，想喺銅鑼灣搵間餐廳坐低舒舒服服傾吓計，呢間餐廳喺禮頓道人流少啲，應該可以坐耐啲。我真係好鍾意食英式早餐All day breakfast，每次嚟到必叫，呢度嘅英式早餐非常正宗，同喺英國食到嘅英式早餐係一模一樣，份量好大，一個人真係食唔晒而朋友叫咗個egg benedict，都好好食！ 佢好鍾意呢個English muffin加上波菜，同一般嘅egg benedict好唔同㗎食完當然要嘆番杯咖啡，叫咗個Rose Latte，個拉花都幾靚，仲有少少玫瑰花葉喺面坐喺度傾吓計咁就過咗一個下午，順帶一提呢度有outdoor嘅枱，望住條街食都幾relax！

友人今晚帶我來到銅鑼灣利園第六期地下的Brick Lane食晚飯。我們揀了兩個set dinner。Soup: 今日的湯是周打忌廉湯周打忌廉湯裡面有海鮮,味道不錯,又大碗。Starter: 天婦羅特丹蝦沙律天婦羅特丹蝦都幾脆,不過略欠有點厚粉。Main:美國有骨肉眼配燒薯肉眼扒超大份,賣相不俗。要了七成熟。容易切。一切就知道這塊牛扒應該不韌。果然, 肉眼扒嫩滑。Main:香煎三文魚帶子配薯蓉伴西洋菜忌廉汁三文魚亦要了七成熟, 皮脆肉滑。我最喜歡吃配菜蕃薯蓉,甜甜的。Green Tea LatteGreen Tea Latte 都幾大杯,抹茶味香濃,不會太甜,味道好適合我飲。鮮莓班戟大約等十五分鐘, 熱辣辣的班戟就來了。店員細心地提我們不要碰鍋,因鍋很熱。鮮莓班戟熱乎乎地吃,又真是不錯。

近期比較喜歡去靜中帶旺的餐廳食飯，這間是我另外一間比較喜歡來的地方，每次來餐廳都見到三五知己開開心心咁一起聚餐，下次有機會同D朋友來試下先。【Mango Freeze】近期天氣比較焗，想飲返杯Fresh既飲品，同埋老婆又好喜歡芒果，所以叫左杯芒果特飲來試下，這個芒果沙冰，不但拍照好看，而且非常解渴，甜度剛剛好。【48小時慢煮牛肋排】原來是48小時慢煮牛肋排，等待時間大約需要40分鐘左右，所以跟店員落order先，慢煮牛肋排終於來了，份量十足也有驚喜，賣相非常吸引，肉非常厚身，切落好夠腍，中間部份的肉非常粉嫩吸引，入口肉味香濃且不韌，配上特調醬汁，對我們倆小口子不大食的話叫一份已經足夠，但真是值得推介。

BRICK LANE有四間分店，分別已到過尖沙咀、金鐘及銅鑼灣分店用餐，還是認為銅鑼灣分店質素及服務最好。英式全日早餐 ($128)材料跟其他餐廳的全日早餐沒太大分別，味道中規中矩。海鮮墨汁意粉 ($178)一上枱熱騰騰，香氣四溢。海鮮有三文魚、大蝦及魷魚。意粉味道濃郁，但略嫌過鹹。大蝦經香煎後，香口彈牙；魷魚亦富有口感。酥皮黑啤燉牛肉 ($168)酥皮略嫌厚了點，但很香。牛肉份量多，厚厚的牛肉燉至軟腍，還吃到黑啤的味道。一頓完美的晚餐又怎能缺少飯後甜品呢~紅絲絨蛋糕 ($48)擺盤很美，不會太甜，質地鬆軟，連不愛好甜品的朋友也吃得津津有味！

元宵佳節當然要同老公出去食餐飯再賞賞月，雖然天公不造美，雲太多看不到月光，但也不會打擾我倆拍拍拖浪漫一下嘅心情。老公預先book定枱食西餐，始終比較浪漫一點。餐廳裝潢設計走英倫風，俾人感到特別舒服寫意。餐牌選擇多，而且仲有套餐供應。但剛剛入門口果時俾一碟牛肋排吸引了，細問之下原來是48小時慢煮牛肋排，等待時間大約需要40分鐘左右，於是先跟店員落order , 之後再揀選其他食物。Truffle Mushroom Soup蘑菇濃湯香氣四溢，入口滿口菇菌，好有咬口，質地好rich 好creamy ，配上自家製麵包，好夾而且麵包表面脆脆的，十分喜愛。Fish & Chips最愛英國炸魚薯條，炸魚外層酥脆可口，內裏魚肉嫩滑鮮味，配上沙律醬汁同吃，特別滋味，而且粗身薯條新鮮香脆，沙律清脆爽甜，正呀！

Brick Lane 尖沙咀鋪就經常去，銅鑼灣店就第一次嚟。外觀及內部裝潢感覺比尖沙咀情調好D，招牌單車仍然掛在牆上。兩個人食點咗一個dinner set 加 個pasta 同甜品。Dinner set 湯係意大利菜湯，重點竟然去咗個飽度，極鬆軟同好食。頭盤有天婦羅牡丹蝦沙律，蝦脆到連蝦頭都可以食埋。主菜美國肉眼配薯蓉，選擇了medium rare，烹調得恰到好處，唔會過熟。紅蝦扁意粉是店員推介，蝦係採用西班牙蝦，口感同一般蝦唔同，意粉亦煮得非常入味。甜品點了焦糖香蕉脆煙肉鐵鍋班戟，係一個咸味嘅班戟，班戟底有d疏乎里感覺，值得推介。最後餐茶點了Cappuccino,一貫高水平！另外值得一提係佢走飲管之餘提供咗個環保alternative，雖然成本貴咗但堅顧及食客感受，俾個like👍🏽佢！總結：環境有情調，食物高質，職員友善，價錢合理！

Brick Lane處於禮頓道與邊寧頓街交界，稍稍偏離了最繁喧的銅鑼灣中心。喜歡它簡潔浪漫的裝潢，早就想來吃了。果然由環境、食物、服務都是一絕。二人晚餐卻有太多想吃的了，最後點了一個套餐、燉牛肉和玉米片。套餐前菜為巴馬火腿配芒果莎莎，芒果清甜可口，與巴馬火腿的配搭十分新鮮醒胃。 主菜燒豬手的皮極香脆又煙韌，肉也保留了肉汁沒有變乾，但只可惜豬手有些臊味。 酥皮黑啤燉牛肉的酥皮充滿牛油香味，黑啤入饌後並沒有原來的苦澀味，效果與紅酒汁相近，微酸又帶回甘。牛肉燉得鬆軟，這道菜真的十分適合配上飯或是墨西哥薄餅。 至於焗芝士玉米片(碎牛肉)沾上幾種醬汁加上肉碎，味道豐富，食得停不了口。 我們點了一杯叫Child Only的Mocktail，後來才發現原來是沙冰，酸酸甜甜的很好飲但太細杯了。值得一提的是，店員很熱心有禮，絕對為是次餐飲體驗添了分數。Brick Lane有幾間分店，下次再到另一間品嚐美味 

情人節食飯當然要揀西餐今年選擇了旺中帶靜, 位於銅鑼灣利園區的brick lane餐廳好有心思，放咗好多心型氣球， 如果 惠顧情人節套餐，就可以免費得到兩個。要讚一讚餐廳， 當晚如常提供主餐牌食物，而且冇特別markup價錢。因為我哋食量都唔大，所以就冇叫到套餐。 嗌咗三樣嘢：葡式香草辣烤雞， 估唔到會咁份量十足， 完全超乎我想像中嘅份量 。除咗烤雞之外，仲有兩支粟米同埋少少雜菜。雞肉非常嫩滑， 而且焗到皮脆肉嫩， 配上酸酸辣辣嘅醬汁， 令人食指大動墨魚汁海鮮意粉， 濃濃嘅墨魚汁配上鮮蝦三文魚、魷魚圈， 真是十分滋味。鮮莓鐵鍋班戟， 鬆軟嘅班戟，配上黑莓、紅莓、草莓、藍莓， 仲有清甜嘅糖漿， 實在太好食 。我自己差唔多食曬全個班戟本來以為3樣嘢太少， 仲想叫多個小食.但估唔到烤雞係份量超大, 淨係食完烤雞已經飽咗八成 最後我哋放棄咗兩支粟米。整體嚟講呢間絕對會再去情人節食西餐，用呢個價錢埋單，實在非常超值ｌ