BRICK LANE (中信大廈)

营业中

休息中

見到出名係egg benedict，而且每個分店都唔一樣既款式，金鐘係龍蝦egg Benedict 。龍蝦egg Benedict 需時十五分鐘整，坐低就落左order都好快有。龍蝦比想像中大，而且好鮮甜好彈牙，唔會韌到咬唔到。配埋egg Benedict ，真係好好食，好飽肚。絕對值得encore!!荔枝果杯cocktail幾特別，味道都好好。

用OpenRice訂座，有$168優惠食午市套餐。我同朋友點咗兩個餐，埋單嗰陣$178個餐未有優惠所以詢問，職員一句：「好」就攞走咗張單去改，返嚟張新單係連我原本$148嘅burger都加到收$168，我問點解，職員答我：「咁係你要用$168優惠價嘛，咁咪一齊改晒囉！」我簡直無言，從未試過有咁嘅服務。我唔會因為$10再同佢嘈，但呢間餐廳唔會再去。

在金鐘海旁，遠離市中心，其實好食物的餐廳不多，我推介中信4樓的 Brick Lane. 事先聲明，中高價選擇，食環境，嘆氣氛，扮高級。 野生豬肉小辣蕃茄卷通粉 wild boar garganelli，蕃茄小小辣，豬肉不太搶味，卷通粉口感可以。豬肉不是叫做pig/ pork，$168。即焗酥皮蘋果 filo apple，酒蘋果、奶凍，特別，好味，有些甜。$78總評味道：正常西餐環境：食環境，嘆氣氛，扮高級；服務：好，一分錢一分貨，食服務；抵食：貴嘢菜式：意粉

All day breakfast 🍴好中意去金鐘呢間brick lane事關佢既outdoor真係好舒服可以靜靜地嘆個舒服既早餐假日黎就真係岩哂因為呢間分店響啲寫字樓附近所以假日人流較少可以慢活甘食 享受寧靜既一刻🙌🏻🙌🏻加上佢個all day breakfast 性價比好高💯豐富之餘係好味 每次亦都keep到個水準!(因為食過好多地方都好求其)但佢既份量同食物質素真係好好值得一次又一次去再幫襯而員工服務質素亦都好好！

超好看超instagrammable的野餐籃🧺 還有超多的食物，所以基本上你只要穿得好看，化化妝就可以去野餐，什麼都不用帶！🥰 而且從餐廳走到添馬公園大概5-10分鐘，不是很遠💗.食物而言，除了沙拉的菜有點不新鮮之外，其他都不錯，水果杯的水果全部都很甜，巨喜歡牛油果雞肉三文治，不但份量慷慨，而且配搭清新，非常飽肚🥪 雖然薯條軟掉了+白酒帶點暖，不過既然野餐去了，這些也正常不過，畢竟吃的是那種feel嘻嘻☺️ 肯定會再來的！

試過不同的Brick Lane 分店後，我最喜歡的是位於金鐘Citic Tower的那一間，因為那outdoor seat, 很有外國的感覺，想悠閑地吃個brunch, 渡過一個懶洋洋的下午，這裡真是放空的好選擇。食物水準更是高的很，在香港吃過最好吃的All Day Breakfast and Egg Benedict 很有可能是Brick Lane了，要知道每一種食材都要弄的好吃，要花的工夫不能少，水煮蛋要煮的剛剛好，保持了很多的蛋汁，薯餅即叫即炸，不是那種預早大量炸起的，蘑菇、香腸、煙肉都煎的非常好，炒蛋不會太老，依然很滑，整體都好滿意，食物、環境和服務都很好 會再回來

同好朋友想搵個悠閑又有靚景，坐得舒服既餐廳，專程黎金鐘BRICK LANE。完全係我既心水呀～餐廳用餐有室內同戶外選擇，難得天氣都幾好，我哋㨂左坐戶外chill吓，好有外國氣氛，好正呀。坐低一邊同好朋友傾計，一邊嘆返杯cappuccino，好享受呢個咁舒服既環境。食物方便我哋分別叫咗個Everything。首先賣相好精緻。呢個All Day Breakfast 非常豐富，用料很足。有蛋（可以選擇炒蛋或者煎蛋），有兩款煙肉，三文魚，腸，蕃茄，麵包多士，沙律菜，茄汁豆同薯餅之外，兩款煙肉下仲有個大蘑菇。仲有好香濃芝士，配沙律菜一流。呢個早餐相當有驚喜，份量亦算大份，$128價錢相當抵食。另外好朋友點左Egg Royale $105賣相亦相當吸引精緻，呢款煙三文魚Egg Benedict亦係呢到招牌菜式。流心蛋不會過熟，剛剛好做到流心狀態，同荷蘭醬好夾，下面係新鮮既煙三文魚同菠菜同鬆餅，實在令人好滿足。

火箭菜蕃茄薄餅 $79.覺得哩個好食過佢招牌all day breakfast 餅底香脆 好多芝士 適合素食者 份量雖然唔多 女仔食都夠飽既All day breakfast $128.超中意食bricklane既all day breakfast 今次就去左偏少少既金鐘添馬濫個間食 貪佢少人d.都有一段時間冇去過哩間 去得最多係尖沙咀分店 但哩間d 水準好似麻麻地.個蛋炒到好老 已經係一個敗筆😢渣哥隻炒蛋好食100倍😂 塊多士薯餅都唔得 我放到最後食就淋晒 係我錯😩 其他食材都毫無技術可言 我唔會話我唔再返黎食 不過唔會再去金鐘食.紅絲絨蛋糕 $48用eatigo book枱 甜品冇特價既 不過都係好想試哩個寫住推介既蛋糕原本個waiter話賣晒 最後又變左件出黎 實物原來都幾細件 幾啖就細晒 不過入口就少少玫瑰香 一層芝士一層蛋糕咁 賣相幾靚 但賣哩個價性價有d低 試一次就夠.後話: 食哩間個時係第一次放寬限聚令既時候 宜家又收緊返晚市得返外賣😕😕😕😕.

今日約左朋友黎lunch, 因為食過cwb同tst既，諗住金鐘既都差唔多。位置方面唔算方便，距離地鐵都好一段路，不過好彩朋友唔介意。以為唔多人，但原來都full booking, 好彩早黎，冇book都有位。叫左個all day breakfast, 叫everthing, 但等左15-20分鐘，好彩我地唔趕時間。野食方面薯餅好脆，芝士都好出奇 刨到好薄，唔係間間all day有芝士。沙律菜都新鮮。肉方面，腸冇咩肉味，其他都幾好。個蛋唔太滑，唔夠moist. 個菇正常，整體黎講都幾豐富既all day其實環境同食物都唔錯，可惜等候時間同服務態度都唔好，而cwb同tst都冇依個問題，明顯係依間分店員工問題，希望可以檢討下，或者建議大家搭兩個站去cwb食，記得book

和朋友偶然來到這餐廳午膳，他點了英式炸魚薯條，我點了頂級美國牛肉芝士漢堡薯條。炸魚薯條：有很大的一塊炸魚，加上薯條和一點點雜菜拌碟，朋友説味道沒有什麽驚喜特色。牛肉漢堡：我點的是5成熟，但來的漢堡比5成的還要熟，煎得太乾，牛肉汁不夠，而且上下層的麵包有點硬，吃下去味道較為一般，但令我驚喜的是那籃剛炸起的薯條，外脆內軟，蠻有薯香和薯味，配上大量茄汁，不經不覺已把整籃薯條吃光咯。

等咗咁耐，終於等到政府對食肆進一步解除限制，急不及待約同事到此餐廳 lunch，滿懷盼望可以大家聚首一堂食過開懷，誰知。。。服務❌簡單用「晦氣」來形容也很貼切，仲要唔係一個半個，幾位待應都係咁，「晦氣」似乎像疫情傳播到其他待應，攪到我哋想叫佢哋遞支叉都驚打攪到佢地。。。食物❌用「乾」來形容整體食物，$288嘅T-Bone似模似樣，點知食落乾爭爭無半點油脂，好似咬緊硬卡紙。吞拿魚扒也是得個樣，食落無魚嘅質感，乾爭爭無半點油水，伴碟的醬太鹹了。。。原本可以一班同事歡聚一下，誰知結果會係咁，希望餐廳認真睇下意見作出改善，$288一份午餐唔係最貴但亦唔平，起碼可以俾翻咁上下質素同服務，先對得住自己又對得住食客。

例汤 南瓜汤，做法很健康前菜 烟熏三文鱼牛油果包，一份有两片，如果两个人吃，建议前菜错开点主菜 分别选了鲈鱼和三文鱼，比较下来，鲈鱼更胜一筹，因为肉质很嫩，打底的菜泥是青豆泥，十分清香甜品 红丝绒蛋糕，没吃饮品 regular coffee or basic tea

今日去左brick lane食lunch，lunch基本上full house咁際。事前係Openrice訂左位，而且揀左Openrice x Asia mile個$168套餐優惠。$168依個餐係幾抵嘅，正常Set lunch order西冷都要$178。依個$168餐除左main dish可以揀rib eye，appetizer仲可以update做Caesar Salad or 煙三文魚烤包，仲送一件cake。食物質素都唔錯，可以一戰。值得一讚係職員喺電話耐心講解個優惠。#懶到無影相 #純文字討論 #多謝老細

今日是我跟太太第一年過的結婚紀念日，提早幾天預約了這家餐廳，跟店員亦有提起過今天用餐的目的是慶祝紀念日。這裡的店員禮貌很好，環境也很寧靜舒適，食物也有一定水準，特別一讚是他們的細心和服務態度，他們會留意我們的前菜何時快吃完，之後才會上主菜，好讓我們的食物不會放涼。除了以上提起的細心之外，店員在我進店後，事前是沒有跟我溝通過紀念日是怎安排的，但他們都記住了我預約時提起過今天是紀念日這件事。他們為了給我太太一個小驚喜，會在我們用餐完成後，裝著問我們有沒有東西需要加點，然後把餐牌給我們，但他們其實早早已經準備定預先寫好紀念字句的甜品，當我們一點好甜品後，他們就會快速地把甜品送到我太太面前，還會有禮地幫我們把桌子清理好，再幫我們拍照，而且還會預留一個空間給我們兩個人好好去紀錄這一個時刻。這一家餐廳的用餐體驗確實是近年來最好的，疫情影響很多食市的生意，這裡確實是值得推薦的，這個難忘的用餐體驗，也做就了我寫的第一個網上食評。

週末早餐想食豐富一點所以去了這間餐廳。以前公司在這間餐廳的樓上所以有時會下來happy hour.週末就會很少人來這裏所以呢很安靜。要了一個all day breakfast 及意粉，感覺很滿足。all day breakfast 有一條叫血腸，第一次食，侍應說英國人很喜歡吃腸我還是覺得香港的潤腸比較好吃。至於那個意粉，用了很細條的堤魚。不是很吃得出來，感覺和番茄意粉差不多所以沒有很大的驚喜。但由於entertainer買一送一的關係我覺得性價比還是很高。