Boon

Overrated既觀塘工廈西餐廳早排見其他foodie介紹，影出黎好吸引，所以早幾晚係觀塘打完網球，特意同男朋友一齊黎試下，點知食完真係幾失望🙁1⃣鰹魚熟成封門柳，香煎鵝肝，黑松露鐵鍋炊飯 $238呢個鐵鍋炊飯應該係 Boon 嘅招牌，我地都係見其他foodie介紹呢碟菜先被吸引- 封門柳可能用鰹魚熟成，所以肉味好淡，但我見到d封門柳既時候，最期待係牛既肉香，呢度係無既，肉質都算嫩滑- 鵝肝比較薄，建議可以煎耐少少令佢外脆内軟，加强口感- 黑松露炊飯，我都好期待會好濃黑松露味，不過都係無既，松露味淡，而且飯有d普通，如果鍾意食飯焦，呢個鐵鍋做到！- staff會提醒我地小心鐵鍋熱，好貼心既！不過真係得鐵鍋熱，上面既食物我覺得唔夠熱2⃣大蝦海膽醬忌廉寬管粉 $138- 大蝦鮮嫩彈牙，不過食得出係白烚放邊，同海膽醬無連貫性，建議可以用牛油煎香會更好- 海膽醬係好味既！只係我覺得醬汁太稀同唔夠，做唔到每粒寬管粉都掛汁- 寬管粉稍微硬左少少，我明白餐廳想做al dente, 但呢個真係硬左d- 整體都係唔夠熱3⃣雜莓乳酪沙冰 / 芒果乳酪沙冰 (跟餐$48@)- 雜莓乳酪沙冰用細紙飲管，未開始飲，條管已經開始溶，同埋啲雜莓太大粒，完全吸唔到，即使之後拎咗支粗飲管，都係吸唔到上嚟- 芒果乳酪沙冰不過不失，只係我估計兩款都係用急凍生果，口感同味道上都有啲失色，如果用新鮮生果會比較好（男朋友話d芒果似喜茶😂）- 不過值的一讚乳酪沙冰上面加左一粒Meringue, 好特別，同酸酸既乳酪好有對比！4⃣法式多士配雲呢拿雪糕 (跟餐$70)- 多士略帶焦香，配上香滑雲呢拿雪糕，係好經典既組合- 係全餐飯最熱既一碟🌟 綜合評分 &心得項目評分環境氣氛 💎💎💎💎 /5服務質素 🌸🌸🌸🌸 /5食物質素 😋😋😋 /5性價比 💰💰💰 /5[本身想俾好評，但真係俾吾落手]Boon📍觀塘巧明街106號冠力工業大廈2樓1室…查看更多

:(:(:(鰹魚熟成封門柳 $168:(上檯食物已經唔熱牛排有筋有雪味牛排超級生 (侍應亦無問需要幾成熟)灸燒左口魚糖心蛋鐵鍋炊飯 $148:(由落單起計，等待了45分鐘後再和職員確認，才發現廚房無落單飯除左鹹味，食唔到其他味道連加一 $348:(本身唔叫甜品，打算試左主菜先食完主菜已經唔想叫任何菜式，馬上埋單走人:(…查看更多

🧡Boon #觀塘工廈美食 環境：餐廳係apm附近，方便朋友小聚，餐廳門口有陣香薰味，入到去唔算多位置，靜靜地適合傾計😌食物：🥗煙三文魚沙律，開胃菜黎講都幾大碟煙三文魚切得薄薄，入口即化，配上新鮮青瓜生菜同麻醬，味道平衡，係健康又美味嘅選擇。🍟明太子薯條，皇牌之選，薯條採用粗薯條，炸得好脆，外層微焦，內裏鬆軟，上面厚厚一層明太子醬，鹹香濃郁，唔辣。食落去每一條薯條都沾滿明太子嘅鮮味，停唔到口！份量都夠多，性價比高。🦪廣島蠔鐵鍋飯，鐵鍋熱辣辣上枱，蠔仔新鮮彈牙，香氣四溢。有少少飯焦配搭住日式醬汁，每啖都係享受。🍳炙燒左口魚裙邊流心蛋鐵鍋飯同樣出色。左口魚裙邊炙燒到金黃，表面香脆，內裏嫩滑，加埋流心蛋配上焦香鐵鍋飯，層次感十足。🥤開心果奶昔同黑芝麻奶昔，兩個都係高質之選。開心果奶昔口感濃滑，開心果香濃而不甜膩。黑芝麻奶昔就係日式經典，芝麻香濃郁，微微苦甜，冰涼順滑。兩款奶昔都新鮮現做，無人工味。服務態度良好👍🏻唔會計住時間趕人走👐🏼…查看更多

最近食farewell 飯，一個月嚟咗呢度三四次，因為真係諗唔到觀塘有邊度係好食得過呢度，價錢環境都OK，仲可以訂位！午餐食飯時間只有1小時，如果等位都浪費咗15分鐘，呢啲食肆再好食都唔會考慮啦！好喜歡佢哋提供魔術濕毛巾可以用餐之前抹手！午餐方面選擇唔算多，但係每款都好好食，有試過封門柳，左口魚鐵鍋炊飯都係令我回頭的作品😋仲有個甜品都唔錯，但係嗰啲苺可以唔使咁冰就會更好！由於佢哋近排生意好好，日日座無虛席，比起之前可以和同事輕鬆交談食飯，而家就嘈咗啲啦，但係單純食物嘅角度，呢度始終係我嘅首選！…查看更多

🧭 Boon•觀塘🍴觀塘巧明街106號冠力工業大廈2樓1室襯住Summer Friday, 突然間好想食西式意粉野 就搵到呢間出黎。位置都算易搵，而且環境幾靚 幾適合影相。一入到仲見到有唔小到會餐盒，應該都幾多人叫佢既到會。有機會再試。叫左個套餐，主菜加野飲 另外優惠價叫左甜品🍮大蝦海膽醬忌廉寬管粉🍝呢個實物同圖片一樣。蝦有成6隻 隻隻大大舊。重點佢個醬好好味，同個粉好夾。不知不覺會飲哂個醬🤣而且佢食完唔會有種好漏 食唔到其他野就係唔漏..所以我一個人都仲可以加到個甜品食🤪法式多士配雲尼拿雪糕🍦開頭見咁多糖漿 以為好甜，點知佢畫龍點睛既士多啤梨乾同餅乾碎，好正🤭而且多士烘得岩岩好，邊有脆入面仲好軟熟！下次一定再encore. 特別既 佢一開始有一次性濕紙巾 係你面前淋水咁，好有儀式感咁😆…查看更多

呢間叫 BOON 嘅餐廳，喺舊舖食到佢轉埋新舖，無論係味道、火喉、擺盤，甚至食物之間嘅配搭，都帶住一種精緻又樸實嘅魅力。今曰同事仔生日，我哋又試咗幾款菜式，每一道都見到廚師嘅心思：🥗 薯仔蛋希靈魚沙律｜清新與鹹香之間嘅平衡希靈魚本身有濃郁鹹香，配上蛋香、薯仔嘅粉糯同埋沙律菜嘅清爽口感，層次分明，唔會膩口。🥒 青瓜雞丸沙律｜夏日解膩小清新青瓜脆口又爽，雞丸有肉汁又夠滑，整體係一道輕盈得嚟又唔失滿足感嘅沙律。🔥 炙燒左口魚糖心蛋鐵鍋炊飯｜煲仔香魂召喚左口魚炙得好香，邊位微脆、肉質仍保留住嫩滑感。糖心蛋拌飯一流，再加上鐵鍋帶出嘅焦香飯焦，實在太有「煲仔飯靈魂」啦。💯🦪 廣島蠔鐵鍋炊飯｜滿滿的海鮮味一上枱賣相勁靚，鋪滿咗廣島蠔，蠔肉飽滿，混埋炊飯一齊食，鮮味爆棚！🥩 鯉魚熟成封門柳｜嫩滑與牛香的完美融合封門柳熟成得宜，medium rare 火喉掌握得剛剛好，好似慢煮過咁嫩滑。牛香突出，係肉控必試。🦐 大蝦海膽醬寬管粉｜濃郁creamy一流海膽醬唔腥，帶點甜味，完美包裹住寬管粉；大蝦爽口彈牙，成道菜有質感又唔會heavy。🍕 風乾火腿黑松露香草麵包薄餅｜香氣襲人嘅驚喜之作麵包底薄脆，火腿鹹香、黑松露香氣撲鼻，香草作點綴，啱晒配一杯清酒或白酒。🧀 小食追加：吉列芝士蝦球｜拉絲與酥脆的交響樂蝦球外層炸得金黃香脆，入面芝士流心得嚟又唔會漏油，好邪惡但好滿足。🥟 小食追加：雞皮餃子｜意外嘅創意爆點雞皮代替餃子皮，令口感更香脆多汁，咬落去爆汁又有雞味，十分驚喜。🍵 西村宇治抹茶｜回甘有層次抹茶香濃不苦，帶微甘，口感順滑，解膩一流，甜品前來杯啱晒。🍌 焦糖香蕉千層窩夫酥｜甜品控不能錯過每層酥皮都焗得香脆，香蕉焦糖化得啱啱好，唔太甜！總結：BOON 唔係賣弄華麗，而係用心將簡單食材提升，每一道菜都令我地有驚喜，繼續列入飯堂名單！😋😋😋😋…查看更多

餐廳乾淨企理, 寬敞舒適, 雖然大玻璃外望工廈, 但採自然光, 感覺蠻不錯的。枱面放有2粒壓縮毛/紙巾, 如有需要可請店員幫忙加水。午市套餐 $118 + 10%1) Boon's推介意大利麵: 肉醬意粉2) 餐湯: 煙肉南瓜湯3) 檸檬伯爵茶 (凍)煙肉南瓜湯質感濃稠順滑, 富有南瓜香味。煙肉煎香, 增添口感。肉醬意粉賣相不俗, 面頭有微微燒焦的芝士, 焦香撲鼻。扁意粉 al dente, 醬汁均勻掛上麵條, 濕度剛好, 不乾不油膩, 唯味道略淡, 肉碎份量不多, 如再濃些, 肉碎多些, 想必更惹味。檸檬伯爵茶作為一餐的總結, 是不錯的選擇。…查看更多

跟👦🏻超喜歡去觀塘工廈覓食💫每次都找到有特色性價比較高的餐廳🆙這次來到日法fusion cafe @booncuisine 🇫🇷🇯🇵跟他們家的姊妹店 @honbu_hk 一樣⁠食物精緻又好吃(⁎⁍̴̛ᴗ⁍̴̛⁎)！！🍟 明太子薯條 ($58) - 爆多明太子醬，巨滿足😌🍚 鵝肝封門柳黑松露飯 ($238) - 超香🙂‍↔️💓！🦐 大蝦海膽醬意大利麵 ($138) - 鮮味🆙🍞 必點招牌 French Toast ($58) - ⁠超香牛油+蛋味😍📍 Boon Cuisine @booncuisine 🙂觀塘巧明街106號冠力工業大廈2樓1室#香港美食 #香港好去處 #hkfood✧˖° ✐⋰ ⋱✐⋰ ⋱✐⋰ ⋱✐⋰ ⋱✐⋰ ⋱✐⋰☁︎ 𝐁𝐞𝐥𝐥𝐲𝐰𝐨𝐧𝐠𝐬 - 𝐓𝐡𝐞 𝐖𝐨𝐧𝐠𝐬' 𝐅𝐨𝐨𝐝 𝐚𝐧𝐝 𝐓𝐫𝐚𝐯𝐞𝐥 𝐃𝐢𝐚𝐫𝐲 𓌉𓇋…查看更多

返完教會搵lunch，原本想幫襯新Cobber點知星期六休息😴轉Boon，walk-in上去有枱，坐窗口位，啱小朋友👧🏻，又舒服😌，有一段時間包場唔驚嘈到人，見唔到老闆娘有d失望🥲。QR code落單，叫咗午餐🍱鰹魚熟成封門柳香煎鵝肝糖心蛋配黑松露炊飯$238配熱latte$12，另一個午餐🍱明太子🤴忌廉意大利🇮🇹面$138配凍伯爵🫅檸檬🍋茶，甜品🍮法式多士$58配雲尼拿gelato$20後上。上咗明太子🤴意粉🍝先，小朋友🧒食齋意粉🍝，大人🧑🏻食明太子🤴，明太子🤴撈意粉🍝正，al dante。封門柳比較韌，但鵝肝香嫩，糖心蛋流心，黑松露香。最皓食係甜品🍮多士，整得皓軟糯，就咁食都皓皓食，點埋雪糕🍦，成個甜品🍮一家人🧑‍🧑‍🧒‍🧒三分鐘內清哂。希望下次見到老闆娘啦…查看更多

觀塘工廈近年興起不少隱世西式餐廳，這次經同事推介來到Boon品嚐午市套餐 🍽️ 餐廳的氛圍屬於簡約工業風、座位寬敞，適合三五知己聚餐。我們點了兩個套餐再加點了兩款薯條，人均消費約兩百五 🌟 🔥1. 鰹魚熟成封門柳🐮 （$158） 這道主菜賣相吸引，粉紅色的牛肉看起來熟度控制得宜，旁邊還配有香煎菇菌及少量沙律菜。然而，味道卻未如外觀般令人滿意 🙈 餐牌上標榜「鰹魚熟成」，但肉中完全感受不到熟成帶來的特別風味。肉質也是令人失望的一環，牛肉偏韌，咀嚼起來頗費力。伴菜菇菌雖然新鮮，但調味偏平淡🤔 🔥2. 香煎西班牙慢煮豬肉眼🐷 （$158）香煎豬肉眼的表現稍微好一些。豬肉外層煎得微脆，內裡保持適當的嫩度。然而，調味依舊是硬傷，肉本身的味道偏淡，讓人覺得略為單調 🙈 倒是配菜的薯仔成為亮點，煎得金黃香脆，散發出濃郁的牛油香氣，為整道菜增添了一點驚喜 🥔🧈🔥3. 明太子醬薯條 & 松露醬薯條🍟（各$58）沒想到加配的薯條卻成為整頓午餐的亮點。薯條份量十足，香脆不油膩，配搭的醬尤其出色👍🏻 明太子醬配上紫菜絲，鹹香濃郁，讓人一口接一口；至於松露醬，濃郁的菌香與薯條的酥脆感完美融合。兩種醬料的份量都很足夠，不會出現吃到一半不夠醬蘸的情況，值得推介！😋😋整體而言，對於人均兩百的消費來說，Boon的主菜表現讓人略感失望，味道與質素都非常一般 🥲 反而薯條意外地成為這次用餐的最大亮點，相對主菜更值得推薦 👍🏻…查看更多

之前都食過質數不錯，今天特意再去食，叫左鵝肝封門柳同埋帶子意大利飯。先上鵝肝封門柳，一入口。成碟都係微溫，個飯直頭唔熱，叫侍應整返熱。。之際，個意大利飯上，一食...生米...我再忍......到個飯再出，點知淨係叮返熱個飯，件鵝肝'蘇'到不得了，個飯溫度只比之前暖左，食多兩啖仲有冷飯味，又一舊舊...件冷冷的封門柳都唔知講咩......周年紀念專登黎食，食左餐咁嘅飯。回應係個廚房比較忙，會反映下…查看更多

BB 1歲生日party除左佈置重要之外，就梗係要預備食物同咁多位大朋友，小朋友搞個大食會先夠氣氛啦，多人聚會就最適合叫到會，今次生日會我就叫左觀塘既Boon到會啦😄佢地到會食物種類有好多選擇，沙律，前菜，小食，主食，飯，意粉樣樣齊👏🏻 我都叫左好多唔同款式，當日最受歡迎就係意粉同雞翼，好快比大家食曬，整體食物質素都高😋雖然外賣比堂食質素一定會有所下降，但係佢地都好有效率，食物都係預約時間左右送度，食物仍然保持到應有既熱度，即使咁多唔同款式，全部都keep到接近堂食水準😍食物我固然滿意，我最欣賞係佢地既外賣盒做得好好，外賣盒同個外賣紙袋係fit size整既，送到黎既時候可以完整無缺咁攞上party room，有時有d餐廳用錫紙盤之類，會導致漏汁或者d食物撞到亂曬，爛曬，佢地係完全冇呢個情況，係保持食物質素既好重要一環🥳呢個生日party唔止我同老婆玩得開心食得開心，最重要黎玩既朋友都好滿意我既安排，都讚呢間到會揀得好🥰…查看更多

同鄰居打完波之後，又出動搵嘢食。有個鄰居比較鍾意去啲Cafe，所以就揀咗呢一間試吓。好彩預先訂咗位，枱數唔多，空間感係幾足嘅。叫咗三set dinner再加少少小食。薯條上面滿滿的明太子醬，唔會太鹹係唔錯。成晚最鍾意食佢嗰個雞皮餃子，邪惡嘅雞皮烤得脆脆的，雞油連埋啲餃子肉真係完美嘅配搭。另外前菜加咗個詞語他他，賣相相當吸引識落口感都好清爽完全冇腥味。我自己就嗌咗杯開心果奶昔，超濃郁又夠smooth。另外鄰居俾咗啖雜莓沙冰俾我試，酸酸甜甜超開胃。主食就比較偏淡。鰹魚熟成封門柳、香煎鵝肝、糖心蛋配黑松露炊飯，呢個建議將個鵝肝同埋糖心蛋拌勻先至食，感覺會濃味好多。炙燒左口魚露荀糖心蛋意大利飯，全晚最淡口嘅一個煮食，近乎係冇味，呢個有少少失望。諗住去燒嗰個左口魚會有魚油嘅香味，但可惜係無。大蝦海膽醬忌廉意大利麵，呢個海膽醬反而冇我想像中咁濃，配返個大蝦個蝦都有蝦味處理得幾好。基本上除咗嗰左口魚之外，整體用餐都滿意。…查看更多

今日派對有成30個小朋友,  大家都好喜歡食三文治, 同薯條.  每一款食物都好好味. 而且外觀整齊有美感, 絕對最值得推薦的原因.全場70人大家都覺得食物擺得好靚, 最後大部分都全清.  只有少部份甜點食剩 …查看更多

教會bg前速食，老闆娘認得我，QRcode落order，新增晚餐，冇叫前菜，湯叫咗海鮮濃湯（$48），比較杰，似薯仔湯，點多士ok。主菜鰹魚慢煮封門柳配香煎鵝肝、糖心蛋同黑松靈炊飯（$238），牛有牛味，鵝肝肥美，黑松靈飯香。甜品🍮法式多士（$46），加Gelato($20),嚟既時候仲有一pat cream，法式多士外脆內軟，皓食。咖啡☕️叫咗latte，加$12，冇拉花，少少🤏苦。埋單見到老闆娘，俾完錢就話太忙下次先俾折我🤣加油👏🏻…查看更多