Boon

Overrated既观塘工厦西餐厅早排见其他foodie介绍，影出黎好吸引，所以早几晚系观塘打完网球，特意同男朋友一齐黎试下，点知食完真系几失望🙁1⃣鲣鱼熟成封门柳，香煎鹅肝，黑松露铁锅炊饭 $238呢个铁锅炊饭应该系 Boon 嘅招牌，我地都系见其他foodie介绍呢碟菜先被吸引- 封门柳可能用鲣鱼熟成，所以肉味好淡，但我见到d封门柳既时候，最期待系牛既肉香，呢度系无既，肉质都算嫩滑- 鹅肝比较薄，建议可以煎耐少少令佢外脆内软，加强口感- 黑松露炊饭，我都好期待会好浓黑松露味，不过都系无既，松露味淡，而且饭有d普通，如果钟意食饭焦，呢个铁锅做到！- staff会提醒我地小心铁锅热，好贴心既！不过真系得铁锅热，上面既食物我觉得唔够热2⃣大虾海胆酱忌廉宽管粉 $138- 大虾鲜嫩弹牙，不过食得出系白烚放边，同海胆酱无连贯性，建议可以用牛油煎香会更好- 海胆酱系好味既！只系我觉得酱汁太稀同唔够，做唔到每粒宽管粉都挂汁- 宽管粉稍微硬左少少，我明白餐厅想做al dente, 但呢个真系硬左d- 整体都系唔够热3⃣杂莓乳酪沙冰 / 芒果乳酪沙冰 (跟餐$48@)- 杂莓乳酪沙冰用细纸饮管，未开始饮，条管已经开始溶，同埋啲杂莓太大粒，完全吸唔到，即使之后拎咗支粗饮管，都系吸唔到上嚟- 芒果乳酪沙冰不过不失，只系我估计两款都系用急冻生果，口感同味道上都有啲失色，如果用新鲜生果会比较好（男朋友话d芒果似喜茶😂）- 不过值的一赞乳酪沙冰上面加左一粒Meringue, 好特别，同酸酸既乳酪好有对比！4⃣法式多士配云呢拿雪糕 (跟餐$70)- 多士略带焦香，配上香滑云呢拿雪糕，系好经典既组合- 系全餐饭最热既一碟🌟 综合评分 &心得项目评分环境气氛 💎💎💎💎 /5服务质素 🌸🌸🌸🌸 /5食物质素 😋😋😋 /5性价比 💰💰💰 /5[本身想俾好评，但真系俾吾落手]Boon📍观塘巧明街106号冠力工业大厦2楼1室…查看更多

:(:(:(鲣鱼熟成封门柳 $168:(上台食物已经唔热牛排有筋有雪味牛排超级生 (侍应亦无问需要几成熟)灸烧左口鱼糖心蛋铁锅炊饭 $148:(由落单起计，等待了45分钟后再和职员确认，才发现厨房无落单饭除左咸味，食唔到其他味道连加一 $348:(本身唔叫甜品，打算试左主菜先食完主菜已经唔想叫任何菜式，马上埋单走人:(…查看更多

🧡Boon #观塘工厦美食 环境：餐厅系apm附近，方便朋友小聚，餐厅门口有阵香薰味，入到去唔算多位置，静静地适合倾计😌食物：🥗烟三文鱼沙律，开胃菜黎讲都几大碟烟三文鱼切得薄薄，入口即化，配上新鲜青瓜生菜同麻酱，味道平衡，系健康又美味嘅选择。🍟明太子薯条，皇牌之选，薯条采用粗薯条，炸得好脆，外层微焦，内里松软，上面厚厚一层明太子酱，咸香浓郁，唔辣。食落去每一条薯条都沾满明太子嘅鲜味，停唔到口！份量都够多，性价比高。🦪广岛蚝铁锅饭，铁锅热辣辣上枱，蚝仔新鲜弹牙，香气四溢。有少少饭焦配搭住日式酱汁，每啖都系享受。🍳炙烧左口鱼裙边流心蛋铁锅饭同样出色。左口鱼裙边炙烧到金黄，表面香脆，内里嫩滑，加埋流心蛋配上焦香铁锅饭，层次感十足。🥤开心果奶昔同黑芝麻奶昔，两个都系高质之选。开心果奶昔口感浓滑，开心果香浓而不甜腻。黑芝麻奶昔就系日式经典，芝麻香浓郁，微微苦甜，冰凉顺滑。两款奶昔都新鲜现做，无人工味。服务态度良好👍🏻唔会计住时间赶人走👐🏼…查看更多

最近食farewell 饭，一个月嚟咗呢度三四次，因为真系谂唔到观塘有边度系好食得过呢度，价钱环境都OK，仲可以订位！午餐食饭时间只有1小时，如果等位都浪费咗15分钟，呢啲食肆再好食都唔会考虑啦！好喜欢佢哋提供魔术湿毛巾可以用餐之前抹手！午餐方面选择唔算多，但系每款都好好食，有试过封门柳，左口鱼铁锅炊饭都系令我回头的作品😋仲有个甜品都唔错，但系𠮶啲苺可以唔使咁冰就会更好！由于佢哋近排生意好好，日日座无虚席，比起之前可以和同事轻松交谈食饭，而家就嘈咗啲啦，但系单纯食物嘅角度，呢度始终系我嘅首选！…查看更多

🧭 Boon•观塘🍴观塘巧明街106号冠力工业大厦2楼1室衬住Summer Friday, 突然间好想食西式意粉野 就揾到呢间出黎。位置都算易揾，而且环境几靓 几适合影相。一入到仲见到有唔小到会餐盒，应该都几多人叫佢既到会。有机会再试。叫左个套餐，主菜加野饮 另外优惠价叫左甜品🍮大虾海胆酱忌廉宽管粉🍝呢个实物同图片一样。虾有成6只 只只大大旧。重点佢个酱好好味，同个粉好夹。不知不觉会饮哂个酱🤣而且佢食完唔会有种好漏 食唔到其他野就系唔漏..所以我一个人都仲可以加到个甜品食🤪法式多士配云尼拿雪糕🍦开头见咁多糖浆 以为好甜，点知佢画龙点睛既士多啤梨干同饼干碎，好正🤭而且多士烘得岩岩好，边有脆入面仲好软熟！下次一定再encore. 特别既 佢一开始有一次性湿纸巾 系你面前淋水咁，好有仪式感咁😆…查看更多