Bistronomique

朋友带咗我嚟呢间喺坚尼地城嘅西餐餐厅食午餐🤣餐厅名字系 Bistronomique 到底系乜嘢意思呢？可能系同 Bistro 同 Gastronomic Restaurant 有关系，即系融合咗 Bistro 小酒馆嘅休闲开心气氛同 Gastronomy 嘅高品质菜肴同烹饪技术：以上纯粹我估啫 🤣餐厅原来有两层，可以睇到海景🤩；呢度有 $168 嘅 2-Course Set Lunch 午市套餐 可以自由组合，包 Starter + Main Course 头盘 + 主菜 🤣凯撒沙律：罗马生菜新鲜爽脆，捞咗凯撒沙律🥗酱汁又好味啲啲，仲加有温泉蛋、Croutons 脆多士粒、Anchovies 腌咸咗嘅鳀鱼、Pancetta 等，整体开胃好食🤣安格斯牛肉他他（加 $38）：生牛肉新鲜，仲加咗少少香葱芫荽生鸡蛋黄同埋可能有柠檬汁，味道少少酸竟然几清新🤣是日精选鲜鱼（加 $10）：是日鲜鱼系盲𫚧鱼 Barramundi，真系好新鲜兼且好大一件有好多肉肉质鲜甜，鱼皮仲煎到脆脆哋够香口🤣；仲有好滑嘅薯蓉同埋烤焗过嘅椰菜花可以食🤣烧美国🇺🇸有骨猪扒（加 $20）：猪扒厚切肉质软熟好猪味，亦都系大大块好多肉，煎得香口🤣；亦都有一个好大嘅烤焗椰菜花，同埋2个小薯仔🥔可以食🤣加 $30「柠檬挞+雪糕」：柠檬挞边皮脆脆哋中间几 creamy 兼唔系好甜啱胃口，雪糕都系清新好食😋…查看更多

呢餐食得相当满意，环境幽静，气氛舒服，啱晒同朋友倾偈或者拍拖叹美食 😌。Classic Caesar Salad & 牛油果虎虾沙律 沙律菜新鲜爽脆，加埋creamy嘅酱汁，平衡得几好。牛油果同虎虾搭配出奇地夹，食得出材料够新鲜，唔会有腥味 🥑🦐。鸡肝猪肉批 (Pate de campagne) 批嘅口感滑溜，加埋酸酸甜甜嘅酱汁，味道几层次分明，但整体偏油腻，适合钟意浓味嘅朋友 🐖。法式煎田鸡腿 田鸡腿煎得啱啱好，外皮香脆，肉质嫩滑。调味亦唔会太重，仲保留咗田鸡腿嘅鲜味，几惊喜 🐸。安格斯生牛肉他他 牛肉他他质感细致，入口即融，加埋少少辣味同酸味平衡得好法式香草焗田螺 田螺好香，蒜蓉牛油嘅香气浓郁，配法包一齐食，真系一流！🐌。黑松露蘑菇汤 汤底浓郁，黑松露香味突出，蘑菇碎增添咗层次感，非常暖心 🍄。法式烤乳猪 乳猪皮脆肉嫩，油脂比例啱啱好，入口带有微微焦香，非常出色 🐖🔥。炭烧美国安格斯西冷牛扒 牛扒火候掌握得好，肉味浓郁，配黑松露酱更加提升层次，系整餐嘅亮点之一 👌。仲有甜品拿破仑同埋柠檬挞整餐平均水准高，值得再嚟，性价比OK，会推荐俾钟意法式菜嘅朋友！🥂…查看更多

Bistronomique 坚尼地城海旁西餐, 无敌海景view 系最大卖点. 楼高两层, 二楼玻璃窗座位,视野最正, 打卡一流, 多年前黎过lunch 印象良好, 今次旧地重游坐底层窗边2 course lunch set 蘑菇忌廉汤mushroom soup 浓稠, 加上菇菌粒粒真材实料法式田螺青酱香草汁填满田螺好入味,轻松一撩就食到软稔螺肉daily fish 颇肥美,鱼皮金黄香脆, 沾上sauce 唔错. 伴碟薯蓉柔滑美国安格斯牛扒medium rare 肉质厚实 有grilled 网纹 记忆中牛肉味会更浓Side dish 煎香过薯仔、翠肉瓜、杏鲍菇柠檬挞加雪糕唔会太酸, 配vanilla ice cream 还不错@bistronomiquekt西环坚尼地城爹核士街1号裕福大厦地下1号舖…查看更多

坚尼地城新海旁系最热门打卡点，但系个个影路牌冇新意🥲我发掘到呢间餐厅饱览成个海景，仲要有冷气叹，可以边食住lunch，舒舒服服咁打卡-Set lunch-Starter法国焗田螺秘制青酱香草汁填满田螺，入味，而且轻松一撩就食到软稔的螺肉～安格斯牛肉他他选用高品质嘅安格斯牛肉，不会剁到太细粒，保持有口感，sauce似蕃茄汁🥫，酸甜清新，随附多士一齐食。Main慢煮澳州羊膝喺屋企自己煮好易炆到散开晒或者煮不熟，厨师谂到用慢煮，令到羊肉软嫩，做到入口化开～羊膻味较轻，容易接受。份量颇大，啖啖肉。炭烧美国安格斯牛扒冇乜加到酱汁，好简单嘅调味，食到牛扒最原汁原味嘅牛肉味，一切开好多肉汁流出来，表面焦香的网纹，留下阵阵的炭烧味。Side dish 都有惊喜，薯仔、翠肉瓜、杏鲍菇都整得好好吃。最后，当然要叹翻杯咖啡☕️…查看更多

坚尼地城实在有太多餐厅可以选择，令人眼花撩乱，最后选择咗呢一间喺海旁嘅西餐厅。当日由于地下满座，所以获派2楼近海边的窗边位。景观真系赞不绝口，因为可以饱览到汲水门大桥、青马大桥以及昂船洲大桥的壮丽景色，令人目不暇给。坐得都几舒服，卫生状况亦都唔错，不过有啲侍应态度比较串。我哋两个人叫咗鹅肝配焦糖水果、炭火烧鱿鱼、阿拉斯加蟹肉扁意粉以及朱古力mousse，同时亦有餐前面包。鹅肝同埋烧鱿鱼味道唔错，尤其是系个鹅肝配埋苹果以及无花果，从而令到个鹅肝冇咁油腻饱肚，不过唔知点解呢两道菜送到嚟嘅时候都已经有少少冻，有啲扣分。至于个意粉我觉得冇预期咁好食，有啲油腻好饱肚，以及蟹肉份量偏少。而最后个甜品就都算几好食。埋单$725 ，我觉得性价比就一般般。…查看更多