Bistro Hoi An

中秋同屋企人去左黃金海岸食越南菜 Bistro Hoi An呢間嘢啲食物幾特別，有別於一般越南店場地好舒服華麗，令人覺得用心佈置越式法包細細個可以同屋企人share開胃唔會好飽，味道全部好夾所有食物我都覺得唔錯幾好最推薦係香茅豬肉撈檬、生牛肉湯河撈檬餡料超級豐富，食落層次多而且非常開胃生牛肉湯河個湯底超級清甜平時唔飲湯嘅我都飲咗好多不過個肉鬆炒椰菜花略嫌偏油同咸但係味道都唔算好差整體上都好鍾意好好味價錢方面唔算好平但黃金海岸價格黎講算係咁上下唔覺得特別貴亦唔係特別平屋企人表示食得好開心最大嘅滿足感係店員突然送個燈籠俾我係d好傳統嘅手製燈籠超靚♥️🥰😥…查看更多

📍餐廳資料• 地址：屯門青山公路 - 掃管笏段1號黃金海岸商場地下1A號鋪• 菜系：越南菜（走創意會安風，仲係Cafe Deco Group旗下㗎）• 人均：$250• 環境：東南亞熱帶feel，木枱木椅加啲綠植，坐得幾舒服，同朋友傾偈食飯或者簡單拍拖都啱。🍹 飲品試下• Mango-Orange Mojito無酒精㗎，芒果同橙嘅香味混埋薄荷葉，飲落都幾清新，但冇咩特別突出嘅地方，不過不失啦。• Sunset Beach杯款睇落幾靚，但味道就中規中矩。西柚味搭煙熏海鹽，話有層次又好似未到，都係普通飲品咁啦。🥘 餸菜逐樣講• 越式生蝦刺身生蝦好新鮮，咬落彈牙！柑桔魚露汁酸酸辣辣，加埋青檸同辣椒，好開胃㗎。鐘意食越南生醃嘅朋友可以試下，幾正。• 肉碎炒椰菜花椰菜花炒得啱啱好，唔會太淋，肉碎都有返咁上下分量，同椰菜花一齊炒之後好鹹香，肉味滲晒入椰菜花度，食落幾夠味。• 越式牛肉三文治法式法包外層脆卜卜，入面夾住牛肉碎、腌菜同香草。牛肉碎調得幾入味，腌菜又夠清爽，中和咗肉嘅油膩，都幾有地道越南feel，不過都算中規中矩啦。• 炭燒豬頸肉豬頸肉咬落紮實有嚼勁，雖然炭燒味冇想像中濃，但個特調醬汁真係好正！酸酸甜甜好惹味，再配埋青木瓜沙律解膩，食落好順口。• 軟殼蟹炒越南粉絲軟殼蟹本身都幾大隻，但有啲可惜——口感硬咗啲，又有啲乾，蟹味都唔夠出。反而粉絲有驚喜，吸晒香料同海鮮味，鑊氣好足，食落幾香。• AFFOGATO Lotus Biscoff Gelato, Vietnamese Expresso（愛馥卡朵 - 蓮花焦糖餅雪糕，越南濃咖啡）原本我對越南咖啡冇咩好感，但呢個甜品真係超出預期！蓮花焦糖餅雪糕個焦糖味好濃，口感滑滑地；越南濃咖啡又夠醇厚，唔會太苦。兩樣混埋一齊之後，苦甜平衡得好好，頂部仲有啲果干碎增加口感，食完成餐飯都好滿足。整體感覺作為Cafe Deco Group旗下嘅越菜館，間舖喺越南菜基礎上加咗啲創意，水準都算穩陣。雖然有幾樣餸中規中矩，但愛馥卡朵、肉碎炒椰菜花同豬頸肉個醬汁都幾有亮點。鐘意試下新派越南菜，又或者信賴呢個集團出品嘅朋友，可以過嚟試下㗎～#香港美食 #屯門美食 #黃金海岸美食 #越南菜 #BistroHoiAn #CafeDecoGroup #OpenRice食評 #創意越菜…查看更多

朋友介紹去間特色越南菜，環境氣氛都好好，值得一試👍🏻🍤特色蛋咖喱炒大蝦【$268】內有五隻大蝦，配麵包點咖喱汁非常好食🤤（咖喱汁配炒蛋香口）🦐河內番茄蟹肉大蝦檬粉【$135】番茄湯底夠濃，夠熱，有蟹肉，清甜味👍🐮鑊仔安格斯牛柳粒、烤牛骨髓【$228】呢個都幾推薦，好似新鮮牛脂肪，鍾意食牛骨髓嘅朋友可以試吓👍🏻牛柳粒8,9成熟，好淋😋🥠香茅豬肉春卷【$88】香茅豬肉春卷，第一次食呢一個配搭，感覺都幾好，份量都可以🍛香茅燒雞臘腸飯【$158】似港式煲仔飯，有臘腸有香味，燒雞整得皮脆🥗越南蜜柚燒蝦沙律【$138】餐前必食，食完唔夠再想叫多一份😋下次會再食👍…查看更多

環境舒適，6點幾坐低食，冇咩人好舒服。食物無一樣令人失望🤩特別係西貢牙車快，芝麻片配沙律，個芝麻脆片脆卜卜，同個沙律好夾😋豬肉法包趁熱食，外脆內軟👍🏻雞肉臘腸飯有少少脆卜卜嘅飯焦，好味道。其實都係行過見舖頭幾靚，膽粗粗試吓，點知搵到好嘢🥹下次會再食過！…查看更多

餐廳的裝潢華麗而富有情調，五彩繽紛的燈籠懸掛在天花板上，營造出輕鬆而愉悅的用餐氛圍。座位舒適，適合與朋友或家人聚餐。餐前的生菜包令人耳目一新，搭配花生醬和甜醬，清脆的生菜與新鮮的胡蘿蔔絲完美結合，口感清爽，讓人胃口大開。這道菜不僅色彩繽紛，還提供了健康的選擇，非常適合開胃。黑芝麻脆米片，香脆可口，搭配醬料，風味獨特，成為了餐桌上的另一道亮點。每一口都充滿了香氣，讓人忍不住想要一口接一口。主菜中，燒豬的外皮金黃酥脆，肉質鮮嫩多汁，搭配清新的生菜和小黃瓜，形成了味道與口感的完美平衡。醬料的搭配也使整道菜更加美味，令人印象深刻。餐中搭配的啤酒清爽可口，為整體用餐體驗增添了不少風味。特別是搭配重口味的主菜，啤酒有淡淡的西柚味，讓人感覺清新。這次的用餐體驗無疑是一次愉快的旅程，從開胃菜到主菜，每一道菜品都展現了廚師的用心。餐廳的氛圍也為用餐增添了不少情調，非常推薦給喜愛亞洲風味的食客。…查看更多

星期日下午2:40左右，無需等位，座位有室內同室外選擇。兩張枱之間，距離近咗少少，感覺同隔離枱好貼近。兩個人點了三樣菜式：越南蜜柚燒蝦沙律、炭燒豬頸肉、香茅雞肉撈檬。餐廳需要加一服務費，服務正常。越南蜜柚燒蝦沙律🦐🥗（$138）：柚子肉一疏疏，唔會太碎，好新鮮清新，清甜無苦澀味，配上青檸汁同魚露，鮮味同清新感覺更突出。🦐燒蝦有五隻（已剝殼），肉質新鮮結實，燒過更香口～ 沙律配有櫻花蝦、紫洋蔥🧅，呢個配搭好好食，好開胃～做開胃菜好適合～炭燒豬頸肉🐖，配紫椰菜絲沙律，羅望子醬（$105）：豬頸肉有炭燒香味，肉質一啲都唔硬，入口即溶，好鬆軟，有驚喜～ 配上泰式酸酸甜甜嘅羅望子醬，減輕燒肉嘅油膩感。香茅雞肉撈檬🐓（$115）：雞肉有預先炒過，鋪喺濛粉上面，，配菜有花生碎、炒過已調味嘅洋蔥絲🧅、青瓜絲🥒、生菜絲🥬、醃製紅蘿蔔白蘿蔔絲🥕，將所有配菜撈勻，食落感覺清新好食～份量都比預期中多。整體嚟講，三樣都好好食！ 個人最喜歡越南蜜柚燒蝦沙律🦐🥗～ 可能下午茶時間，員工唔算多，要結帳嘅時候，都需要耐心等候，但上菜唔需要等好耐，落單後一陣已經有得食。…查看更多

Went to the shop around 4:30 pmA young waiter serving us has a big smile on his face. And can answer the question which I ask for the menu. Doing some introduction for the menu well. Ordered beef tartare and the side shell crab and the suckling pig. The soft shell crab is so yummy. The beef tartare presentation is really good. Suckling pig is too big ! The pork skin is so crispy and tasty. The decoration is extremely good. The Vietnamese lantern and the Christmas snow decoration is so match. Very good experience here.…查看更多

行完千島湖，諗住搵個地方好好地食一餐。點知去咗呢間越南餐廳，外邊睇落都幾靚，好似會安咁好囉個燈籠。點知坐埋去嘢食一碗粉要$100 ，一杯嘢飲$60 ，仲要再加一諗住你收得呢個價錢服務同埋嘢食都一定會有返咁上下。點知一舉手咩都未嗌，個經理就即刻話我催佢叫我放返低隻手。跟住嗌完嘢食，食到一半，撳一撳手機，個經理已經即刻想收走你換嘢，好似想講你走咁。然後食完之後叫經理嚟收錢，佢仲掛住同隔籬嗰台喺度講緊啤酒，跟住仲要多謝人哋嗌佢杯啤酒，完全收緊錢都冇多謝過我哋呢一台。好似睇我哋唔到咁。完全有晒香港食肆一貫嘅作風，食完叫你快啲走。啲位又唔係好坐，都係兩個四人枱分做兩人枱咁坐。30分鐘到已經俾咗差唔多$400 ，但係完全覺得啲嘢係好一般，喺旺角食一碗越南粉都好食過佢嗰隻，然後態度又講你走咁樣又嫌你催佢，俾我就真係唔會再嚟食過。價錢貴，性價比低，態度差，坐位麻麻，係得啲燈籠靚。如果呢間嘢係俾我食啲燈籠或者會覺得值得多啲。總之下次嚟俾我揀，我寧願食麥當勞都唔會再食佢。希望大家睇完我呢篇文章，可以有少啲人中伏。因為真係好鬼嬲。…查看更多

星期六嚟到呢間bookmark左好耐嘅餐廳食越南菜，佢有室外嘅位置但由於夏日炎炎咁當然坐返室內，一個個嘅燈籠掛在天花，夜晚嚟嘅話應該更加顯得有情調。 揀呢間餐廳嘅最主要原因係想試佢嘅會安烤乳豬，好有驚喜，上菜時係原隻脾上，附上一把剪刀比你剪開，剪嘅時候已經聽到脆皮嘅聲音，食落去皮脆肉嫰，不得不提佢嘅醬汁更加令成件事錦上添花。 另外仲叫左炭燒豬腩串燒，炒通菜，同香芋豬肉春卷，個春卷亦都好驚喜，唔太油膩，食落有少少芋頭嘅口感，都值得推薦。 最後仲叫左兩款甜品作為完美嘅句號，分別係焦糖爆谷香蕉同埋香芒蜜柚椰子雪芭，個人比較喜歡爆谷香蕉，冇想像中咁甜，中間有一球雪糕，雪糕加上爆谷一齊食，正！而男朋友就比較喜歡椰子雪芭，比較清新嘅感覺，柚子唔會酸，椰子肉亦都好爽口配上雪糕都係一流。 另外值得一提嘅係侍應們每個都好熱情有禮，笑容滿面，令到食客們有種賓至如歸嘅感覺！！…查看更多

今次同朋友嚟到黃金海岸試一試呢一間越南餐廳。因為有朋友住屯門，佢話介紹屯門嚟講最好食嘅一間餐廳。晚餐時段，見到餐廳裏面嘅人流都不錯，而環境亦吸引。食物方面，越式豬肉三文治，法包超迷你雖然好食但係比較細咗啲，大蝦米卷，大蝦非常之彈牙 亦都好大隻，而醬汁呢亦都非常之好味。pad thai 正常發揮，湯金邊粉非常不錯，回味員工非常之友善，又幫我哋影相，令我哋享受到一個非常之好嘅晚上…查看更多

Bistro Hoi An算係屯門嘅越南菜代表！佢地嘅Crispy pork&taro spring rolls外脆內軟，每一口都係驚喜！🌯🥢餐廳嘅背景故事簡直就係一齣越南電影！你一踏入佢地嘅餐廳，就彷彿置身於越南鄉村嘅氛圍中。佢地以越南中部會安古城為主題，每一個細節都經過精心設計，你一定會愛上佢地嘅燈籠同黃牆！🏮💛佢地嘅菜式唔單止有越南傳統風味，仲加入咗一啲新元素，炮製出獨一無二嘅摩登越菜！呢度最出名嘅菜式包括烤牛骨髓同越式生蝦刺身，每一口都係一個驚喜！🍤🍖唔止菜式，環境同服務都係一流！💯嚟Bistro Hoi An，唔止係食物好好味，仲可以感受到越南嘅風情同文化！食得開心，心情自然都會好好嘅！😍🍽️餐廳名稱：Bistro Hoi An (屯門)📍地點：屯門青山公路 - 掃管笏段1號黃金海岸商場地下1A號舖🕒營業時間：星期一至星期日 12pm-10pm💰人均消費：$101-$200📞電話：34210060…查看更多

Bistro Hoi An💓💓💓💓💓💓💓💓💓💓✨真心碟碟都有鑊氣有水準間餐廳又靚，節日慶祝贏哂☺️仲有d staff 好nice，真係唔會西面，我問啲燈咁靚係邊度買，佢地都不慌不忙微笑又帶點興奮地告訴我😛起碼有4個唔同國家嘅staff喺度，好有culture Exchange 嘅感覺😚✨上菜速度快，估佢唔到！除咗我叫錯咗一款我個人接受唔到嘅bloody Mary 外，甜品都係驚喜亮眼之作！仲有咖喱麵包軟殼蟹、生蝦必必必食💓💓💓💓💓💓💓💓💓💓🔶AFFOGATO $72Lotus Biscoff Gelato, Vietnamese Expresso連花焦糖餅雪糕，越南濃咖啡☕️🔶SOFT SHELL CRAB IN SPECIAL EGG CURRY $198特式蛋咖喱炒軟殼蟹✨ 蟹肉，九層塔•法包🥖啲蟹又脆又好入味，咖喱好柔和又有椰汁香，唔會太嗆，勁juicy 💓🔶 SHRIMP CEVICHE$138✨越式生蝦刺身- 越南虎蝦，乾蔥，柑桔魚露汁。呢個汁只是這裡才吃到，酸尾尾但我唔識形容得好深入，總是覺得有秘製成份，回味無窮❤️‍🔥平有平食，貴有貴食我地人均～$500@bistrohoian.hk …查看更多

新派越南菜，環境唔錯，坐得舒服，食物都好有特色👇🏽越式豬肉三文治（越式法包、香茅豬肉、法式鵝肝醬、酸菜、香葉）豬扒包就食得多，第一次食呢款豬肉包，個法包外脆內軟，仲暖暖哋☺️豬肉和酸菜香葉，仲有個鵝肝醬🤭一口包含晒唔同味道和層次，真係好好食，一試難忘，會因為佢再去食🥰炭燒豬頸肉（青木瓜沙律、羅望子醬）豬頸肉味道和口感都唔錯，配埋沙律和醬汁一齊食，好夾😋軟殼蟹沙律軟殼蟹好食，有肉汁唔會炸到乾晒，個炸漿夠薄夠脆🤤招牌蟹肉炒飯（臘腸、椰菜、香菜）份量唔算多，但好惹味，材料好豐富，飯炒得好香，好食👍🏻好開心第一次嚟食，叫每樣食物都好味！…查看更多

今日去左屯門黄金海岸輕鬆一下加嘆越菜，我地去左間漫天燈籠既餐廳，好有情調！脆皮牛油雞翼外皮烤得金黃酥脆，內裡肉質嫩滑多汁，搭配上濃郁的牛油味道，美味可口。薑黃烤爐魚，魚肉烤得剛好，外層略帶焦香，內裡鮮嫩多汁。薑黃的香氣和獨特的風味使這道菜增添了豐富的層次感和口感。招牌蟹肉炒飯，蟹肉的鮮甜和炒飯中嘅臘腸 的香氣完美結合，每一口都充滿了美味。特色蛋咖哩炒大蝦炒得鮮嫩多汁，咖哩的香氣和味道與蛋的柔軟口感完美融合。虎蝦、香菜和九層塔法包的搭配為這道菜增添了新鮮和獨特的風味。河內蕃茄蟹肉大蝦湯和檬蟹肉肉碎海鮮濃湯是兩道令人垂涎的湯底。湯的湯底鮮美濃郁，蕃茄、蟹肉和大蝦的組合使湯品更加豐富和美味。檬蟹肉肉碎海鮮濃湯則帶有酸甜的檸檬風味，口感醇厚，回味無窮。caphe sua da是一款越南冰咖啡。濃郁的咖啡香氣搭配上香甜的奶香味道，清涼的冰塊使這杯咖啡更加清爽。…查看更多

去親黃金海岸都好有渡假Feel，而今次就揀左間裝修好吸引，成個天花板都係燈籠既越南餐廳💕前菜我地叫左個芒果牛油果米紙卷，芒果酸酸甜甜既味，再配埋好refreshing既牛油果同蔬菜，食完即刻胃口大開🤪小食就Order左雞肉串燒同炭燒豬腩串燒，兩個串燒都燒得剛剛好，有炭燒既香味，雞肉仲充滿肉汁🥰個豬腩串燒唔止賣相吸引，佢個魚露焦糖汁都好出色🤪主食就叫左炭燒澳洲頂級M9和牛後腰脊，佢個牛肉大約燒到5成熟，脂肪唔多，肉質非常軟嫩，無論係簡單用鹽去調味定係沾佢個汁都好好食😛最後甜品就叫左個焦糖爆谷香蕉🤪入面有爆谷、焦糖雪糕、藍莓等配料，食完之後好滿足💕…查看更多