同亲爱嘅细佬庆祝生日尝试呢间位于朗豪坊顶层嘅半自助晚餐原来属于Mr. Steak旗下餐厅每人拣个dinner main，再另外出去自助吧攞嘢食✨自助吧✨沙律款式丰富，有紫椰菜配红菜头、南瓜沙律、泰式香甜木瓜沙律、羽衣甘蓝配粟米、芝士通粉沙律等🥬海鲜冷盘有冷冻虾、青口、蚬肉，不过味道麻麻Cold cuts有三款火腿Cheese platter配提子松饼、面包条、crackers🧀精选餐汤系椰菜花忌廉浓汤，味道唔错几creamy，配香脆面包条好食🥖饮品吧设有提子汁同菠萝汁🍹✨Main✨▶️ 柠檬迷迭香炉烤春鸡 ($255)份量大得惊人🤯两大旧鸡胸同两只大鸡髀自己一个根本食唔晒，满满protein肉质鲜嫩，尤其鸡髀🍗连鸡胸都唔鞋，仲好厚肉调味酱汁okay，好够浓味唯一系觉得佢落得太多不必要嘅橄榄油下面配有薯蓉、芦笋、红萝卜、车厘茄杂菜▶️ 澳洲JD金装谷饲肉眼扒 ($378)Medium rare整到中间保持生生地红润肉质睇位置，有啲偏韧，有啲就几腍🥩整体有新鲜牛味，唔错，但未去到好食▶️ 芦笋飞鱼子蕃茄忌廉意大利炖饭 ($215)睇个样好靓仔，材料丰富钟意佢落咗好多唔同蔬菜，飞鱼子亦落得好足可惜调味太咸同埋比较单一🍅食晒好漏▶️ 烧烤酱猪仔肋排拼烧春鸡 ($288)✨甜品吧✨款式甚多，会不停refill抹茶蛋卷、木糠布甸、蓝莓芝士蛋糕、柠檬挞、四色啫喱、brownie、红枣糕个人最推介系❣️木糠布甸❣️食落系牛奶布甸咁🥛牛奶味香，似食紧固体少少嘅牛奶精粹系配合上面头饼干碎一齐食难怪每次一出，眨吓眼就成盘清咗所以我同屋企人一睺到佢出，就即刻冲出去攞😂抹茶蛋卷干咗啲，其他甜品正正常常啦-自助吧质素比预期好欣赏佢马虎，沙律有诚意而且食落新鲜主菜大大份，不过调味上可以再做好少少🤏🏻木糠布甸系今餐VIP，嚟到切勿错过！服务OK，会不停帮你收走碗碟环境舒服，朗豪坊顶层有其他Bar，气氛好好 (可以享受到隔离live music)性价比唔错，<$400/pax 食晚市semi buffet差唔多…查看更多
