Bingle Bingle 空中列車烤肉

营业中

休息中

今日特登同朋友嚟到荔枝角食呢間燒肉成日係ig見到覺得好吸引好得意 會有架列車送個餐嚟到我地面前😍🥰我地叫咗2個set分別係韓牛日韓極上套餐150g同美國牛五花拼美國牛小排套餐200g2個我地都要咗溫泉蛋紫菜飯😋😋😋個日平日晏晝嚟到唔算多人 所以等咗唔係好耐d嘢食就嚟到😋😋韓牛日韓極上套餐150g肉質嫩滑 入口即溶 份量都好多 一個人食啱啱好😍😍美國牛五花拼美國牛小排套餐200g呢個係性價比好高 份量好多 叫呢個嚟過下口癮都唔錯🥰🥰🥰有架列車送到埋嚟係好得意好有gimmick 🥰呢度環境好大 坐得好舒服 👍🏽價錢唔算貴 性價比都幾高

終於完成咗一件大project!超想食好食嘅嘢獎勵下自己，依間之前mark咗，又係我最愛嘅燒肉又有我好中意嘅列車元素，所以今晚就決定係你了!座位都幾多，中間有一排卡位同埋bar位，大部分都可以望住列車經過，而且除咗自己點完餐以外，其他客人點完餐後都可以睇住佢地駛過。因為我哋比較早到，所以可以見到佢經過好多次。每人有一個爐，個位置有小小遠，但變相比較唔會濺到油，而前面都有好多空位可以放食物。因為太想瘋狂食肉了，所以我吔叫咗個「1++韓牛日擊極上套餐」，將白飯加錢轉成溫泉蛋紫菜飯。另外再自己單點肉，每樣都好吸引而且都有50g可以揀，變咗我地可以分食好多款肉。嗌咗汁燒牛舌、厚切泡菜豬五花、肩胛牛柳、日本大扇貝(2隻)，點餐果陣仲可以揀走蔥/芝麻/醬，最後仲加咗水牛芝士醬(之後就知有咩用途)。好快列車就載住肉肉送到啦! 停低之後會出聲提你，拎晒入面啲食物(如果有托盤要連埋托盤拎喔)出嚟佢就會原路折返。因為我哋坐側邊嘅位，如果坐中間列車就會繞一個圈經過晒兩邊嘅位先返去。仲打緊卡果陣列車已經分咗3轉送晒嘢食過嚟了，超豐富﹗而且有好多種醬汁可以點燒肉，我最愛係香草蒜蓉燒肉汁，有小小酸酸地食落好開胃，

Bingle Bingle 空中列車烤肉係一間獨特嘅餐廳，佢主打一人燒肉，以其空中列車烤肉嘅獨特用餐體驗吸引唔少食客，唔單止送餐嘅方式特別，而且都相當之抵食！我分別叫咗人氣牛肉三拼套餐（150g）同韓牛日韓極上套餐（150g）配上牛肉雜菜湯同白飯，成個set味道都好滿足。佢哋嘅牛肉三拼套餐同韓牛日韓極上套餐用上鮮嫩牛肉，分別包括宮崎A5和牛肉眼蓋、韓牛前腿肉仲有宮崎和牛三角腩，配合獨特又選擇豐富嘅醬汁，燒烤出來更加鮮美多汁。加上牛肉雜菜湯同白飯，令人忍唔住一啖又一啖咁食😌最後唔好錯過熊津米漿飲，因為我從來未試過過呢個飲品朋友話好正，果然係清新香甜，絕對係用餐後嘅最佳選擇。總括而言，Bingle Bingle 空中列車烤肉絕對係一個值得造訪嘅餐廳，性價比幾高之餘，牛肉質素都算唔錯～

響香港想搵間好食嘅燒肉店真係有點難度，一係就喺有限時放題式燒肉店，食得非常趕急，而且好多時都唔好食，一係就係單點式燒肉店，但一般價錢都好貴。終於俾我發現響荔枝角呢間空中列車烤肉店有燒肉套餐食，而且價錢都好經濟，最重要嘅係好食吖嘛，呢個先係重點呀！😋🤪叫咗一個100g牛小排, 同一個250 g宮崎和牛套餐：原先以為100克牛小排份量會好少，但原來也不是呢，牛小排薄薄的一片片燒起來好快熟非常之有牛肉味，非常嫩口，平平哋，十分經濟，推薦之選。人氣宮崎和牛套餐，分別有牛肉眼蓋、牛肩肉、牛三角腩等3個部位，雖然價錢貴少少，但係250 g真係好多，一個人真係食唔晒，見到啲燒肉肥瘦紋理非常均勻，好靚、好吸引，不同牛小排的地方是它每片切得較為有口感，食落口油脂分泌比較多，所以好甘香，肉質都係嫩滑嘅，三個部位我個人較為喜歡牛肩肉，因為牛味比較重。套餐已經包了飯、前菜，同沙律菜，店內亦都有水供應任飲，非常自助。日後食燒肉唔使再左諗右諗，呢間一定係不二嘅選擇！✌️✌️

長期經過呢間嘢都勁多人今次夜少少終於唔使排太耐隊 就決定入去一試睇吓點解佢咁旺！入到去佢係用輸送帶子彈列車送餐 本身以為好似迴轉壽司咁樣但係入到去又覺得幾得意喎 係唔同嘅感覺唔使幾耐個餐就送咗過嚟 掛住影相差啲就唔小心miss咗攞唔到哈哈 但係好得意一定要影!我選擇困難症唔知揀邊隻肉所以嗌咗一個拼盤 有齊A4和牛A5和牛1++最高級韓牛呢個套餐真係無敵正到爆炸 平時想食幾隻肉但係又唔想嗌咁多碟咁貴又食唔晒 同埋呢啲牛油脂分布都比較多其實女仔好難食到好多 佢呢個拼盤每樣兩塊咁樣真係Perfect match 所有嘢都可以試到 選擇困難症必選每個位旁邊都有齊醬汁可以隨意使用 夠晒方便唔使出去行嚟行去外邊水吧嘅話有冰水免費供應好貼心決定以後無限encore呢一間

｛食盡荔枝角之韓式 — Bingle Bingle 空中列車烤肉｝————————————————迴轉壽司就食得多啦，搭列車過嚟你身邊嘅燒肉又有冇食過呢🤣， 冇錯，其實我都係貪佢好似幾得意就過咗嚟食呢一間韓式燒肉餐廳， 結果又幾好食喎！ 🔸 美國牛五花+特級雞爽肉套餐 200g 手機落單完之後可以出去自助拎杯冰水或者檸檬水， 隔咗冇耐就會見到有㗎空中列車開到嚟你面前啦！ 套餐因為唔想食牛咁單一，就揀咗牛同雞！ 啲雞細細一條容易煮得熟， 而且食落都好嫩滑😆 牛五花油脂豐富， 每邊煎大概兩三十秒就食得， 途中發現個燒烤網燶咗嘅話，記得叫職員幫你換過一個新既🤗 🔸 宮崎和牛套餐 呢個客崎a5和牛眼蓋 a4和牛肩肉 同 a4和牛三角腩組合，真係啖啖都係美味🤩， 佢有入口即溶嘅感覺，薄薄一片千祈唔好燒得太耐呀！三款肉嚟講個人覺得和牛眼蓋口感最幼嫩😋， 但其實三款都有入口即溶嘅感覺！ Overall comment: 女仔嚟講其實200g都幾多， 因為套餐本身仲有少少前菜，每一樣都幾好食！ 餐廳除咗有燒肉套餐之外亦都可以散叫，咁嘅話你仲可以見到空中列車過嚟好多次添呀🤣

烤肉就食得多，但有列車送餐係第一次。餐廳以空中列車送餐做gimmick，夠特別之餘，打卡亦一流。掃qr code落單，肉類選擇多，亦有蔬菜可以選擇，及其他配菜。套餐包括飯、湯或沙律、餐前小菜。唔夠食，仲可以散叫大/小份肉類，岩哂想食多幾款肉既食客。宮崎和牛套餐($188)，有3款和牛級數既肉，其中三角腩少見，肉質係最嫩滑，油脂豐富，入口慢慢溶化。而肉眼蓋就相對結實dd，但都重油脂。另外散叫特級雞爽肉，比平時食既雞肉，分別在於此部位嫩滑好多，而家有爽口感覺。牛小排係最多油脂，一邊烤，d油脂一邊逼哂出黎，肉片變到好焦脆。肉汁多，juicy。汁燒牛舌大塊，調味唔會過濃，肉屬結實。除左可以食日本和牛，仲可以揀韓國出產既牛肉添。韓牛前腿肉，有3大塊，肉味濃郁，肉質唔韌。除左有肉類，更有蔬菜、小食甜品，用列車送餐方便，有睇頭。當日有一家大小黎餐廳食飯，列車吸引唔少小朋友既注意。整體，體驗機械送餐服務，唔錯。不過部分位置冇路軌經過，所以由侍應送餐。肉質唔錯，可以食到唔同部位既肉及肉種類，份量更可調整。食飽仲可以行下商場添。

列車燒肉 code落單 專車隨即送上全程密實衫好晒車門 尼到你面前打開 成個過程冇經過其他人手 乾淨衛生 拎完識自己閂車門自己閃走 海蝦$28兩隻 扇貝$38兩隻 價錢叫做OK 唔算特別平美國牛五花套餐配牛肉雜菜湯 溫泉蛋紫菜飯 得米烏龍茶 LAVELEE純乳酪雪糕杯經濟實惠，平價之選 $48有交易QR code自己落單 抽屜有齊餐具自己搞掂特製辣粉非常推薦 我都落咗好多 非常惹味仲有好幾款醬汁任你調配牛五花比較肥，油脂豐富 配溫泉蛋紫菜飯no飯食一流韓牛前腿肉肉質細嫩 肌肉纖維細緻緻密,口感細嫩多汁！

今晚同朋友特登過嚟荔枝角試吓呢間嘅空中列車烤肉, 我如果鍾意車車嘅小朋友一定好開心, 一路食飯一路見到送食物嘅列車係我面前好得意🥰雖然係烤肉店但係佢哋種類都有好多唔同款, 又有套餐又可以單點, 而且價錢相當親民一啲都唔貴, 就算一個人自己都可以嚟佢哋都有一人套餐, 所以就算一個人或者一大班人呢度都好適合🥰❤️👍🏻地點都好方便幾分鐘就可以到地鐵站😃👍🏻✨

下著暴雨，走進AEON商場，冷冷的看到了這間烤肉店有著長長的人龍，必然是很好吃的吧，按了票一會就被安排進去坐了收拾好濕濕的雨傘，座位下還暖心地有個籃子讓客人放袋，頗窩心的掃一掃QR code就可以下單了，真方便很快便送上了泡菜作為前菜，除了沙律已有芝麻沙律醬外，還有其他醬了可以自己加配：韓式辣椒醬、燒肉汁、香草蒜蓉燒肉汁，這個時候就開定了爐 調至6度，不久烤肉車就載來了美食！暖暖的湯先暖暖個胃，同一時間就可以放入烤肉去燒了，跟據指示其實最佳品嚐時間就是兩邊各燒40秒，我依足指示，果然 日本宮崎和牛西冷 最美味的入口即溶時刻，就在80秒後的燒烤後進入了我的肚子裡，外面下著大雨也影響不了我，立時暖胃得黎，就像在富士山下冷冷的吃著火熱的和牛一樣再喝幾啖牛肉雜菜湯，不時眼前的烤肉列車也會接載食物去其他客人處，很得意很有特色及後，我還點了一杯韓國海太果肉梨汁，整杯都是韓文字，但飲下去則是肉果十足，十分推介！這個是期間限定日本宮崎和牛西冷套餐，餐廳就在商場入口處，十分方便，來開碧海藍天附近必然要再食！

呢間火車送餐燒肉真係好正，我最近試咗佢哋嘅美國牛小排套餐同埋宮崎和牛套餐，真係要同大家分享下。首先講下美國牛小排套餐，100g牛小排燒到啱啱好，肉質嫩滑，真係好滿足。配埋粟米椰菜絲沙律，芝麻汁好香，唔會過分搶味。白飯煮得粒粒分明，夾埋牛肉一齊食。最後仲有日本紅豆味鯛魚燒，外脆內軟，紅豆餡甜而唔膩，完美收尾。至於宮崎和牛套餐，150g和牛肉質一流，真係唔洗多講，入口即溶，油香四溢。配埋牛肉雜菜湯，湯底清甜，牛肉味濃。額外點咗50g汁燒牛舌，牛舌厚薄剛好，燒得香口，有嚼勁，配埋特製嘅汁，簡直一流。飲品方面，提子汁酸甜適中，清新解膩。玄米茶香氣撲鼻，飲完之後感覺好舒服。

「bingle bingle 空中列車烤肉」。佢嘅名已經好吸引人，特色之一就係佢會用列車送餐到你面前，真係好有驚喜感啊！首先，我要講下佢嘅環境。佢嘅店裡非常新潮，裝潢靚到冇話講。你一踏入去，就會感受到一種時尚嘅氛圍，真係加分！我叫咗兩份set嚟試下，第一份係「1++韓牛日韓極上套餐（150g）」，轉左溫泉蛋紫菜飯。第二份係人氣牛肉三拼套餐（150g）。係嘅，我真係係個肉食愛好者，所以揀咗兩份牛肉嘅餐單。佢嘅牛肉質素真係一流。好嫩好多汁，入口即溶。我真係好鍾意食烤肉！拍日將牛肉烤得剛剛好，保持住肉質嘅鮮美。而且，佢哋嘅醬汁選擇亦好豐富，可以滿足到唔同口味嘅客人。除咗牛肉，佢哋嘅溫泉蛋紫菜飯亦好出色。蛋煮得剛剛好，蛋黃流心，配上軟綿綿嘅紫菜同飯，真係一絕。我對「bingle bingle 空中列車烤肉」嘅評價係非常正面。佢哋嘅環境好新好靚，而且佢哋嘅牛肉質素一流，真係值得一試。下次你有機會嘅話，記得去試下佢哋嘅韓牛日韓極上套餐同人氣牛肉三拼套餐啊！

一人烤肉店近年在香港愈開愈多，今日去左荔枝角人氣「Bingle Bingle空中列車烤肉」，餐廳樓底好高，每個座位都有獨立無煙烤爐，唔會有油煙味；另外仲有唔同既醬汁提供，包括燒肉汁、芝麻沙律醬、韓式辣椒醬、七味粉、海鹽等，自己烤肉自己燒。我哋叫既烤肉套餐，每款都有白飯、韓式牛肉雜菜湯(可轉配粟米椰菜絲沙律)和兩款韓式涼菜。美國牛五花&特級雞爽肉套餐 ：美國牛五花油香肥美，口感嫩滑；雞爽肉豐富肉汁，口感爽彈。韓牛日韓極上套餐 ：來自韓國慶洲既韓牛前腿肉脂肪含量低，牛肉味香濃；仲有兩款有日本一之稱既宮崎A5和牛肉眼蓋和宮崎A4和牛三角腩，同樣厚切，帶雪花般既油脂，肉質軟嫩，令人回味無窮。總結，食物有質素，套餐價錢抵食，列車送餐好驚喜。

有趣 係荔枝角 見到一間燒肉 主題 空中列車被吸引過去。。眼見地方幾寬闊，坐得舒服。地點就不算近地鐵站，係荔枝角站行過去太概都要十分鐘左右。 電子點餐，幾方便，裝修得有誠意，睇得出有心思去設計。我哋選擇左一個平餐同貴餐比較一下。叫左一個 美國牛五花套餐 加溫泉蛋 紫菜飯同叫咗一個貴嘅 宮崎和牛套餐 加溫泉蛋 紫菜飯。餐具收咗係位置前面，拉出就拎到，幾方便。先講美國牛五花，好有咬口，套餐價$48 +$15溫泉蛋，算係咁。幾得意，自己會送到你面前，好岩同小朋友一齊來食。最期待的宮崎和牛有三款不同部位分別有 三角腩 牛肩肉 肉眼蓋 300g套餐 真係好厚肉，三角腩油脂豐富 好正，牛肩肉比較有咬口，肉眼 肉味濃郁 有油花 食落更嫩。 $298 +$15 最後都好飽 雖然一定無得同日本相比，不過都需要支持一下香港食店

今日同阿仔攞完成績表後，帶左佢去荔枝角食韓式一人烤肉店，餐廳位置在Aeon入面，環境寬敞，坐得舒服。我哋用手機點餐後，就等待食物由列車隨運輸帶送過來，車門打開嘅一刻，阿仔超級興奮，急不及待將食物拿出來，實在太好玩。餐牌烤肉既種類好多，而且可以自己選擇重量，豐儉由人，每款套餐都配白飯、韓式牛肉雜菜湯或粟米椰菜絲沙律、及兩款韓式涼菜。美國牛五花套餐 200g：牛五花肥瘦均稱，燒完之後油脂四溢，肥美肉嫩。1++韓牛日韓極上套餐 150g：呢個套餐有三款高質牛肉。韓牛前腿肉：這款係韓國最高級別牛肉，牛味香濃，口感細膩。宮崎A5和牛肉眼蓋：油脂分布平均，肉質柔軟。宮崎A4和牛三角腩：肉質超級軟嫩，有入口即溶既感覺。總結，食物好食又抵食，仲要無加一服務費，好玩既烤肉體驗。