Bingle Bingle 空中列車烤肉

营业中

休息中

最近去咗荔枝角嘅Bingle Bingle空中列車烤肉，之前成日見到人打卡，啲肉係用列車送到，又幾過癮😆平日嚟到都幾旺場，我哋點咗兩個燒肉套餐：🥢1++韓牛日韓極上套餐有韓牛前腿肉、宮崎A5和牛肉眼蓋同宮崎A4和牛三角腩。韓牛前腿肉油脂分佈均勻，口感嫩滑；宮崎A5和牛肉眼蓋脂肪豐富，入口即溶；宮崎A4和牛三角腩有嚼勁，帶有獨特牛味😻🥢人氣牛肉三拼有美國牛五花、肩胛牛柳同美國牛小排。美國牛五花油香四溢，燒得香脆；肩胛牛柳肉質較結實，有嚼勁；美國牛小排柔嫩多汁，味道濃郁🤤套餐仲送韓式涼菜、韓式牛肉雜菜湯（可以揀沙律）同飯，我哋將個飯升級做溫泉蛋紫菜飯，呢個升級絕對值得，味道豐富惹味，為呢餐燒肉飯錦上添花👍🏻整體嚟講，Bingle Bingle提供咗一次非常愉快嘅用餐體驗。新穎嘅列車傳送方式增添咗好多樂趣，而高質素嘅食材更係令我哋讚不絕口。呢間燒肉店真係值得推薦！

韓牛日韓極上套餐🔥三款肉分別係慶州韓牛前腿肉、宮崎A5和牛肉眼蓋、宮崎A5和牛三角腩，每款嘅肉質味道都好唔同，韓牛雖然脂肪冇咁多，但係肉質比較彈牙而且重肉味，三角腩脂肪最多，咬落去啖啖油香，肉眼蓋就介乎兩者之間，肉嫩細膩🥩另外單點咗宮崎A4和牛肩肉，見到網紋嘅油花就知一定好好食，大部分單點嘅肉都有50g/100g揀，幾有靈活性👍牛舌套餐會包飯同埋湯，個韓式牛肉雜菜湯可以轉做粟米椰菜絲沙律，而加錢可以將白飯轉做溫泉蛋紫菜飯，覺得係值得轉嘅，依個溫泉蛋加紫菜送飯嘅配搭基本上冇得輸！依間燒肉店係先落單畀錢，然後等列車送餐過嚟，不時見住有大大架列車經過都幾得意，雖然依度好多野都係自助，但係侍應都會主動過嚟換網，一人一個爐，不論係同朋友食定係自己一個食都OK～

荔枝角嘅Bingle燒肉一直都好想試發現最平原來$38就可以食到燒肉套餐🥹餐廳仲有凍同常溫檸檬水好貼心👍🏻美國牛五花&西班牙豬五花套餐（200g） $98包牛肉雜菜湯或粟米椰菜絲沙律（芝麻汁）飯可以揀份量或者加溫泉蛋紫菜椰菜新鮮，雜菜湯調味適中仲有中華沙律同泡菜🤤如果唔想要汁/蔥可以自己揀肉嘅比例肥瘦適中額外單點牛舌100g $52美國牛小排100g $108牛舌唔馬虎有厚度食落特別滿足牛小排油脂甘香醬汁方面好多款，有芝麻沙律醬，燒肉汁，香草蒜蓉燒肉汁等等同朋友一齊食都可以一人一個爐唔洗share燒可以燒得快啲而且坐得好舒服😌重點係平日嘅下午茶套餐真係好平食丼飯唔想自己燒都得添，選擇夠曬多✨

今日收工比較夜，咁啱響荔枝角嗰頭有間AEON，叫咗老公去幫手買餸返屋企，點知就俾老公發現咗呢間烤肉餐廳，見到閑日夜晚都座無虛席，咁多人食應該味道唔差反正又未諗去邊度食晚餐，佢就提議順便響到食完先買餸，有燒肉食我梗係舉腳贊成啦~ 我黎到佢已經叫好哂啲肉，無諗到佢叫到咁豪華，A5, A4和牛同韓牛都有叫，見到已經流晒口水出奇嘅係A4和牛居然好食過A5，可能因為腩位脂肪始終比較多，所以啲肉嘅油香充滿成個口腔，好幸福嘅感覺呀大家嚟到呢間餐廳，A4和牛三角腩絕對係必叫之選，唔好錯過! $300鬆啲就有三百克和牛同韓牛，唔可以叫好平，但呢個味道絕對值回票價韓牛同A5牛當然都好食，但就冇呢種肉咁令人驚艷~ 至於豬肉同雞肉我哋都有叫，其中有一種叫雞爽肉，老公都唔知係咩嚟所以叫嚟試吓，個質感都幾特別，雞如其名真係爽爽地咁~ 我老公話幾好食但我自己都係鍾意食雞髀肉多啲，不過都值得一試~ 總括嚟講呢間餐廳絕對會encore，期待下次再去食和牛

荔枝角Bingle Bingle空中列車烤肉，位置在Aeon超級巿場內，裝修好有創意，佈置到成個車站月台咁，食物就係由列車隨路軌運送過來，列車來來回回咁送餐，非常熱鬧。餐牌有多款烤肉選擇，一人燒肉套餐最平$48就食到，豐儉由人，每款都配白飯、韓式牛肉雜菜湯或粟米椰菜絲沙律、韓式涼菜。每枱都有齊唔同既醬汁，包括芝麻沙律醬、韓式辣椒醬、香草蒜蓉燒肉汁、Bingle燒肉汁、七味粉和海鹽等；每個座位都設有獨立無煙烤爐，唔會好大油煙味。人氣宮崎和牛套餐包括3款優質靚肉，日本和牛之首既A5和牛肉眼蓋、口感細膩既A4和牛肩肉、入口即溶既A4和牛三角腩。西班牙豬五花&黑毛豬肋條&特級雞爽肉套餐，啱晒我唔食牛既朋友，豬五花油花充沛，黑毛豬肋條調味得宜，雞爽肉嫩滑無比。海蝦：蝦肉爽口彈牙，灑上海鹽再烤，鮮味滿分。日本甜番薯：軟綿綿，香甜又濃滑。日本紅豆味鯛魚燒：輕輕用細火在烤爐上反幾下，外層微微溶化，內裡既紅豆和麻糬，甜蜜蜜，豐富層次感。總結，食物質素高，價格大眾化，玩味十足，打卡一流。

成日行過荔枝角既aeon都見到好多人食呢間，今日終於試下。係其他連鎖店都食過一人燒肉，一入去覺得，明顯分別既係個裝修，韓風既裝修同座位比較闊落，亮點係用空中列車送餐金屬檯面乾淨，擺左7款醬汁同調味料任君選擇👍🏻我地叫左兩個set, 一個牛五花拼牛小排同一個和牛西冷，每個set都有中華沙律同泡菜做配菜，另外可選湯或者沙律，主食可以揀飯量或其他選擇，例如沙律牛五花拼牛小排雖然係最普通既級數，但性價比絕對高，肉新鮮，牛小排比牛五花更多油脂宮崎和牛西冷一分錢一分貨係有道理，牛五花同牛小排其實已經唔錯，但同和牛比真係兩個級別。傾計傾得太興起，稍為燒耐左但都唔會韌，仲好好味😃油脂同肉味都👍🏻有foodgulu攞位，等位時可以行隔離Aeon超市🥳正！

今天下班到了AEON逛街，看到AEON門口這間烤肉店很有特色的，看到是有一架列車送餐，十分特別。而且座位又多，所以我跟爸爸便進餐廳用餐。一座下首先數碼下單，看看想食什麼東西。下單後可以到收銀枱先付款，然後便安坐安心等候列車送到。不過一會兒列車送到我眼前，一打開列車蓋，看到食物，多款食物慢慢由不同列車分別送上，非常特別及有創意，完全能夠增加食慾和新鮮感。除非常有創意外，這裏的套餐性價比高，又有多款不同肉類選擇，又有單點或套餐。先介紹這一份美國牛五花和西班牙豬五花套餐，套餐跟上了牛肉雜菜湯或沙律，一碗白米飯或可以加購溫泉蛋紫菜飯，仲有一些開胃菜。牛肉跟豬肉切成薄薄的，放進火爐上很快便會熟透，所以要小心控制火候。肉類味道相當不錯，啖啖肉，仲可以配上不同醬汁做成不同的口味。另一款點上了西班牙豬五花、豬肋肉及雞爽肉套餐，三種不同口感的肉類，各有特色。五花薄薄的很容易熟透，吃起來會烤得脆脆的。另外豬肋肉啖啖肉，較肉厚，食起來較有口感。另外雞爽肉吃起來啖啖雞肉嫩滑無比。溫泉蛋紫菜飯值得加配，紫菜鋪滿飯面上，仲配有一隻溫泉蛋，用來拌飯更為惹味，食唔停口。另外我們還加配了泡菜豬肉，辣辣地，又惹味又帶點點

Bingle Bingle 空中列車烤肉(12/9/2024）我有個親友喺群組極力推介我哋去茘枝角食烤肉，佢話這間烤肉餐廳嘅食物好食抵食，價錢又唔貴，店員服務態度又好，令人食得開心。這間烤肉餐廳叫Bingle Bingle 空中列車烤肉，位於九龍茘枝角深盛路8號碧海藍天AEON超級市場地下L002舖，茘枝角地鐵站D3出口，行幾分鐘就到，非常方便，我有個朋友都好鍾意食烤肉，今晚我哋一齊去食好嘢。這間烤肉餐廳裝修得好現代化，環境寬敞舒適，地方整潔光猛，枱凳擺設整齊，令人都坐得舒服，仲有幾架空中列車全程運送食物俾客人，十分貼心。餐牌上嘅食品款式選擇都多，一人烤肉套餐都有13款選擇，款款都好吸引，還有兩個肉類份量來選擇，套餐仲配有白飯、韓式牛肉雜菜湯或粟米椰菜絲沙律、韓式涼菜，其餘仲有23款單點菜、13款嘅副食類、4款甜品類及13種飲品類，還有兒童套餐，餐廳推介韓式牛肉、宮崎和牛、豬五花等，更說明烤肉引力，火力全開，咁烤肉一定烤得好食。我哋都覺得烤肉係牛肉最好食，我哋叫咗一人燒烤套餐嘅韓式牛肋骨套餐和美國牛五花及美國牛小排套餐，仲選咗最大嘅肉類份量，再叫多兩個單點菜嘅西班牙豬五花和海蝦，飲品就

兒童餐有紫菜飯、燒牛肉、蟹柳粟米沙津同啫喱份量一D都唔少美國牛五花套餐。包左前菜，白飯，湯調味有幾款比你揀。紫菜飯滿滿的好餸飯呀一枱兩爐同小朋友食佢地都可以自己燒鯛魚燒紅豆餡外脆內軟非常好食大家都好期待打開門既一刻位於碧海藍天商場內可以用Apps攞位先

Bingle Bingle 空中列車烤肉在繁忙的城市中，Bingle Bingle 空中列車烤肉獨樹一幟，帶來了一種全新的用餐體驗。這裡的特色之一，就是用列車運送套餐，讓人倍感新奇，尤其是對於小朋友來說，仿佛置身於一場美味的冒險。我選擇了兩個套餐進行品嘗：003.宮崎和牛套餐和001.1++韓牛日韓極上套餐。兩者都提供150克的優質肉類，每份的價格也相對實惠，分別為$188和$198。呢個價錢有黃牛食，都幾高質003.宮崎和牛套餐這個套餐包含了A5和牛肉眼蓋50克、A4和牛肩肉50克和A4和牛三角腩50克。宮崎和牛以其細膩的紋理和豐富的油花著稱，這一套餐中的A5肉眼蓋尤其令人驚艷。肉質鮮嫩，入口即化，油脂在口中融化，帶來了極致的享受。A4和牛肩肉則更具嚼勁，風味獨特，三角腩的油花分布均勻，讓整體風味更加豐富。001.1++韓牛日韓極上套餐這個套餐亦是精彩，包含了1++韓牛前腿肉、宮崎A5和牛肉眼蓋和宮崎A4和牛三角腩。韓牛的前腿肉質地柔軟，帶有淡淡的甜味，與宮崎和牛的搭配讓人驚喜。特別是那50克的A5肉眼蓋，依然是整體的明星，無論是烤制的火候還是調味，都達到了極致的平衡。兩個套餐都配飯

好想食燒肉，友人搵到一間有趣的韓式燒肉店，以列車軌道送餐概念的一人燒肉，太興集團旗下，太和都有分店。餐廳面積頗大，樓底高，裝潢簡約，以銀色及橙色為主調，有著科幻風格。餐牌，最平$68有交易，但一場來到就食個好點，見到有和牛都係$200內吸引左試，再叫多個餐開心share都係用手機落單。收銀隔離有自助水吧。列車送餐，打下卡。人氣宮崎和牛套餐，$188，套餐配牛肉雜菜湯及韓式涼菜，跟餐+$15白飯轉溫泉蛋紫菜飯，有A5和牛肉眼蓋、A4和牛肩肉及A4和牛三角腩，份量十足，每支旗均有簡介特性。A5和牛肉眼蓋，肉質嫩滑，味道甘香。A4和牛肩肉，濃郁的牛肉香味，肉嫩且多汁，不俗。和牛三角腩，厚切，油花分佈均勻，肉質豐腴，油香四溢，美味。溫泉蛋紫菜飯，口感豐富易入口。美國牛五花美國牛小排套餐(200g)，$138，跟餐+$15轉牛肉雜菜湯及溫泉蛋紫菜飯，牛五花及牛小排份量適中。牛五花，油花適中，肉質軟嫩甘香。牛小排，肉嫩香口。O'PRICE紅豆味鯛魚燒，$25，賣相好可愛，內餡十足，味道正常。食物味道不俗，幾有特色，算幾抵食呢。

最近返工實在太辛苦，適逢出咗糧，於是一個人去燒肉。而家香港開咗好多一人燒肉餐廳非常適合獨自去，經過Bingo Bingo空中列車烤肉見非常多人，於是入去試吓。餐廳有唔同價錢嘅燒肉套餐可以選擇，由於出咗糧，於是決定食餐好嘅叫咗個韓牛和牛套餐。包括咗100 gram1++韓牛腿肉，宮崎A5肉眼蓋蓋及宮崎A4和牛三角腩。一上枱見到份糧非常滿足，三個不同部位及國家嘅牛肉會有唔同嘅口感，最有油香感就係A5肉眼蓋，入口即溶，A4和牛三角腩就提供一組淋滑亦帶有油香，1++看牛就要非常有咬口，比起日本和牛有牛味，個人最喜歡和牛三角腩。餐廳亦可以加$15轉配溫泉蛋紫菜飯，配上蒜蓉醬非常惹味，另外仲叫咗個甜品及烏龍茶做結尾，對比起其他燒肉店呢度嘅性價比十足，推薦大家試吓。

今日去Bingle Bingle 空中列車烤肉 來一個late lunch 😜 Bingle Bingle 空中列車位於荔枝角碧海藍天嘅AEON超級巿場內…環境舒服…. 以空中列車作主題…以空中列車作送餐服務，點餐和送餐也是自動化🤪韓牛前腿肉$78/100個g ..薄切但適合燒肉，牛肉味香濃！厚切泡菜豬五花，配生菜…泡菜醬料味道不錯！下午茶套餐牛五花西班牙豬五花溫泉蛋蓋飯300 gram$58…份量好大，將所有材料拌飯一齊食也不錯！

這家燒肉餐廳提供了多種不同種類的肉品選擇，包括和牛、豬肉和雞肉等，讓顧客可以根據自己的口味和偏好來挑選。他們的肉品質鮮美，切片均勻，讓每一口都能感受到肉質的鮮嫩和口感。此外，餐廳也提供了各種配菜和調味料，讓顧客可以根據自己的喜好來搭配，打造出獨特的味道。除了肉品的品質外，這家燒肉餐廳還注重食材的新鮮度和來源，保證了菜品的品質,保留了肉品的原汁原味。整個用餐過程中，服務員的細心服務和專業態度給人留下了深刻印象，讓顧客感受到賓至如歸的溫暖。這種關注細節的服務讓顧客感受到尊重和重視，增加了整個用餐體驗的愉悅度。

好耐冇食燒肉，原來Aeon開咗間咁特別嘅燒肉店，用火車送餐，好方便！呢度主要食套餐，幾抵食！今晚叫咗兩個套餐，再加一啲食物：韓牛極上套餐+雞爽肉套餐。 雞爽肉套餐真心抵食，雞爽肉真係好爽口，唔係周圍有得食！配埋各款醬汁，簡直係一流，紫菜飯都要追加一碗！如果想食靚牛肉，就要揀韓牛極上套餐，有三款肉，份量十足。韓牛整體都好質，平時啲燒肉舖頭賣得好貴，呢度價錢比較抵食，非常推介😋😋然之後我哋仲追加咗海鮮，燒海鮮味道都唔錯。食到最後仲點咗日本紅豆味鯛魚燒，煙煙韌韌咁，又唔會太甜，每人兩條啱啱好。