Big Fish Seafood and Grill

放假入开西贡，见到依间餐厅买一送一 「 main course buy one get one free」优惠，好似几吸引，所以谂住入去试吓。首先前菜嗌左纽西兰生蚝，入口充满海水味，鲜甜得令人惊叹，每一口都像置身海洋，质感嫩滑，真系好好食！😆主菜方面，嗌左安格斯西冷牛扒（12oz，$328），拣左五成熟，火候掌握得啱啱好，肉质嫩滑多汁，肉味浓郁，份量超大，性价比很高，食得好满足！🤩另外一款主菜系带子天使面（$238），意粉味道调得很好，酱汁浓而不腻，带子大块新鲜，口感弹牙，份量十足，绝对是意粉爱好者的首选！饮品方面，嗌左杯Super Blue Berry Smoothie，味道浓郁清新，蓝莓的甜酸平衡得几好，饮落好顺口，感觉好似饮紧蓝莓冰，夏天饮一流。整体来说，今次用餐体验非常愉快，食物质素高，份量足，优惠又吸引，环境舒适，服务也贴心。强烈推荐给想享受美食又不想荷包大出血的朋友！…查看更多

我试过晚+午餐！ 喜欢无系门口抢客，无优惠，餐厅嘛，做好食物质素已经可以吸引食客！餐具：简单，干净企理！服务：体贴，到位，全无压力俾食客！食物：选择够全面，味道恰到好处，处理食物够细致：有惊喜！值钱：合理，附合成品价值！一定会想再嚟食，等待下一次嘅味蕾享受！香港餐饮加油，用心的食物制作人👍🏻…查看更多

少入西贡，入嚟lunch前睇过Openrice食评，但冇边间餐厅想试，因为有供应素食的多数系cafe，除咗贵（如Little Cove Espresso)，仲好闷添~同朋友边行边揾，见到呢间餐厅喺店外栋咗个素食餐牌，亦有提供午市套餐。喺多个午餐选项入面，有「印度香料烤鸡卷」，下面有行字话可改为「炸鹰咀豆饼鹰咀豆蓉卷」，所以直接点咗呢个餐，唔使单点素食。是日餐汤：午餐可拣汤或沙律，沙律写明有肉；是日之选系西兰花汤，跟汤有一小块法式蒜蓉多士；汤有少少稠，但唔系忌廉果种厚重质地，饮落唔漏，份量适中，味道清清地亦有少少饱肚感；西兰花的份量应该唔多，汤只呈淡绿色，饮落亦冇乜西兰花味炸鹰咀豆饼鹰咀豆蓉卷配沙律、薯条：上台时，已觉得好大份、足料；鹰咀豆饼/蓉有起沙的口感，好钟意；调味唔重手，恰到好处，食得好舒服；份量大，可以2个人share再额外点多1个前菜/甜品，应该已经够饱同满足，健康美味；沙律新鲜，应该加咗柠檬黑醋汁，清新；幼身薯条，上台时唔热，味道正常；因为个卷，我会俾呢个餐5粒星，系日日食都唔会厌的食物烤鸡配沙律、薯条：朋友的午餐；半只烤鸡，有肉汁，亦有少量酱汁；朋友食晒，味道应该唔错冻黑咖啡：冻饮毋须加钱，味道正常餐厅环境几好，每台有花点缀，座位舒适，台与台之间距离阔落，适合倾计。刚入餐厅时都担心中伏，因为1300去到，附近的餐厅已坐满人，唯独呢度无论室内、室外亦冇客，点知原来佢的食物水准几高！餐牌上的食物选项乜都有啲，有啲「立立杂杂」，定位唔系太清晰，可能算系多国菜？坐到1330，开始多咗啲客，而侍应端出嚟的食物亦好香、好大份、好吸引，见有食客带狗狗坐室外，佢点咗个沙律，份沙律满满一盘，主人同狗狗可以分享，令我都想计划一下同狗狗一齐嚟。侍应的服务可以，唔系好殷勤，但加水、执台好爽手，上菜亦几快。我同朋友喺餐厅留咗1.5小时，可慢慢享用食物之余，又能够静静哋倾下计。…查看更多

今日，同屋企人走左去西贡食西餐。环境干净，有2层供餐饮。当时叫左德国猪手，煎牛肝，红酒猪腩肉，洋葱圈，沙律，炸鱼薯条，pizza。味道非常好，牛肝5分熟，肉汁丰盛，更加可以食到佢独有油脂香，外脆内软。猪腩肉炆得劲腍，因为有红酒，所以可以感受到渗透到肉里面嘅酒香，汁水香浓。pizza馅底，唔系茄酱底，而系芝士底，所以食落唔似普通料pizza，而系会有香浓嘅奶油芝士香，配上啲烟熏肠，咸香十足。猪手烤得皮脆肉香，外皮非常香脆，内里则会有油脂黏住口腔，油脆香浓。肉质则比较有韧性，但唔会好柴，而系有肉汁，都非常推荐。其中，餐厅服务都系英语对话，应该全部都系外国人，但系服务超好，细心热情，仲会同你讲几句边啲好味，认真推荐…查看更多

假日到西贡走走，位于西贡市中心的Big Fish Seafood and Grill，是一家充满海滨风情的餐厅，环境舒适，适合与朋友聚餐或家庭聚会。这次品尝了几道招牌菜，整体表现令人满意。值得一赞系服务生嘅外籍姐姐都好有礼貌。首先，西冷牛扒$228煎得恰到好处，外层微焦，内里保持粉嫩的肉质，口感鲜嫩多汁，搭配黑椒酱汁更显风味。辣肉肠薄饼$168则令人惊喜，薄脆的饼底配上香辣的肉肠，加上浓郁的芝士，每一口都充满层次感。Egg Benedict$118水波蛋煮得完美，切开时蛋黄缓缓流出，与荷兰酱和英式松饼结合，味道浓郁而不腻。套餐包的Caesar salad清新爽口，生菜新鲜脆嫩，搭配香脆的面包粒和帕玛森芝士，开胃又健康。最后，朱古力Oreo奶昔浓厚香甜，Oreo饼干的碎粒增加了口感，是完美的甜品结尾。整体而言，Big Fish的餐点质素高，服务亲切，值得再次光临。…查看更多