Bhc chicken

营业中

休息中

🐥-🔸BBU-Linkle Platter $318-We waited for quite a while for the chicken to arrive, but it’s all worth it!! The chicken was fresh out from the pot. They were all crispy outside and juicy inside 🤤 Just that they could use less cheese powder 🤔The fries and the cheese balls are also worth a mention. The cheese powder and the honey were so matchy and drizzled all over the platter. It’s heaven 👼🏼-📍BHC1/F, Dundas Square, 43H Dundas Street, Mong Kok (Yau Ma Tei MTR exit A2)

今日來到旺角 先前看到有人話家樂坊上有間靚泰菜 原本想試下 但行經留意到對面有間話係韓國炸雞的餐廳 -BHC 一於試個究竟 冇諗到原來係個大！伏！ 一入到去 雖然係餐廳格局 入面一半都係吉位 但企左係到成五分鐘都冇店員告知係帶位定係自己入座 後來終於有人黎 但唔知點解好慢好慢 明明無人還是花了一段時間先坐得低 難得吃韓國炸雞 諗住試下食個套餐 有沙律 薯條 炸雞同飲品。首先 沙律同張相嚴重不符 實物食材極少 牛油果係細得可憐 個沙律基本上比超市買既難食 黎到炸雞 芝士粉分佈不均 一忽有味一忽又好淡 雞肉肉質ok 但係有d其實只有骨冇肉 加埋芝士粉 勁膩！ 同餐薯條以為有第二隻味 或者係原味 點知又係芝士粉 重點係分佈不均 似係一大堆隨便倒落去！ 飲品原來只有可樂 雪碧同芬達簡 絕對不推介喱間餐廳啦

同朋友兩點嚟食呢間人氣炸雞店，果然不出所料呢個時候鋪頭係空嘅，所以坐得好舒服。兩個女仔嗌咗一個炸雞set，份量係非常足夠嘅，適合我呢啲長期肚餓人士🙈 有盤沙律、一客炸雞、兩粒炸芝士波波同一大份薯條。炸雞同薯條炸得剛好，唔太油亦唔太厚粉，雞肉都幾嫩滑，值得一試。但沙律個醬就多得滯，令到成盤有啲太酸。以午市喺旺角嚟講，呢個價位就比較貴，都係見佢喺韓國出名開到嚟香港先試吓。另外，侍應姐姐態度都唔係好友善，黑口黑面咁，令我更加唔想再嚟。如果想試吓而又唔大食嘅話，建議散叫一客炸雞就得☺️

三個人叫左個2人SET 另外散叫多杯野飲。如果叫SET 只有炸雞原味同芝士味之分。沒有中文MUNE。叫左個原味炸雞SET (Macho-King) ，包左個沙律、炸薯條同兩杯飲品。沙津賣相幾靚、蔬菜新鮮，略嫌醬汁唔夠多。炸薯條上面有好多芝士粉。但食到底就咩芝士粉。如果再撈渾會好味D。炸芝波冇咩芝士味。係夠脆身。炸雞有水準! 表面香口脆身內裹juicy。係啖啖肉唔係剩係得骨。個醬汁好好味。小小辣，酸酸甜甜。叫左兩款特飲”don’t know why” 同 “Merry me”don’t know why 味道好似飲緊王老吉咁，似涼茶仙草果D味。加埋珍珠，其實成件事幾唔夾。“Merry me” 好吸睛，顏色好靚。加左多好莓的同提子汁。最靚就係舊冰入面有鮮花。其實最出色係炸雞其他就好一般。我會為左個炸雞再幫襯。

朋友話去完韓國🇰🇷之後，對炸雞🍗念念不忘，於是我地就試下哩間喺香港開左一段時間嘅韓國過江龍炸雞BHC。自問係香港試過好多間炸雞，當中有好食有唔好食，但都好似食唔返韓國既味道😔，而之前喺韓國試過哩間覺得唔錯，咁就睇吓香港啲水準可唔可以令人回味。我哋一共叫咗兩款炸雞包括galbi-leo同macho-king，另外仲叫咗個蛋卷🥚。上枱時見到個樣有啲嚇親，因為同餐牌有少少出入，睇落就唔係好吸引，咁試下味道如何先。蛋漿加左青紅椒、火腿粒🍖，而蛋卷中都有滿滿拉芝🧀效果，不過好好奇係唔知點解將醬油淋底係蛋下，食到底會咸啲啲，整體尚可但偏油。galbi-Leo係燒/烤雞類型，眼見汁醬都好多所以一啲都唔會乾，肉質都juicy，而且都係脾位啖啖肉。不過比較失望既係味道，個味係日式燒汁味🍱，完全就係燒汁雞黎，唔係難食但缺少左韓風特色。至於macho-king就係炸雞🍗，睇落好似淋哂，雖然食落真係凍左唔係新鮮熱辣炸起，但都仲有啲脆口，炸皮唔厚，但骨部分較多唔係滿口肉。不過哩個醬汁就驚喜得多，係韓式酸辣醬但辣味比一般黎得刺激🌶，唯一不足係醬汁少只係普通輕輕淋面，如果係預先撈好包裹住啲肉，應該更正。整體上都係一

今日同班朋友食飯 有人話想食炸雞就搵左呢間係「來自星星的你」出現過的炸雞店試下可能平日的關係 餐廳唔算滿 去到唔洗等位餐廳好闊落 靜靜地 好岩同幾個朋友食野傾下計我地四個人 叫左一個二人餐 揀左芝士炸雞另外加左一份烤雞同一份蛋卷二人餐有一個沙律 中和一下炸雞的油膩感 沙律用黑醋汁 特別開胃一份炸雞的份量都算大 兩個人食都未必食得哂 炸雞上面舖滿芝士粉 點知食落一啲都唔會太咸同唔會油膩 芝士分有好香的芝士味之餘 有小小甜味 而且雞肉仲好juicy 必食之選！反而雞卷有小小失望 感覺就好似一個好大份的奄列 入面啲青椒更加每令佢有早餐既感覺 個人唔推薦二人餐仲有個薯條同芝士波 薯條加埋甜甜地既芝士粉 食到停唔到口呀 芝士波都幾特別 有小小似炸芝士年糕既迷你版 外皮都有煙韌感 可以一試

在韓國bhc食過幾次， 今次專登係香港試一次。 炸雞保持到韓國嘅水準 。啲雞炸得外面脆裏面又有肉汁，每件雞都舖滿芝士粉，香香甜甜咁。 再加埋個原味yogurt ，簡直係絕配。 仲叫咗個沙律， Salad Cabb， 裏面有菜、有雞、肉、蝦、牛油果等， 配搭都幾新鮮。 但係個dressing就酸咗啲。 食到後尾，咪曬眼。仲有個芝士薯條， Special Fries， 如果作為小食份量都唔細。 芝士粉同炸雞嗰啲一樣。其實以上三樣嘢， 係有套餐價的 。 唔單止平啲，仲有芝士波 。但我哋點餐嘅時候，個 waiter 冇告訴我們有套餐。 直至離開咗餐廳之後，再睇返門前的餐牌自發現。 作為服務員 ，表現完全不專業，應該提供建議畀客人

終於完sem，返學校聽完考試貼士，朋友都決定去食下野，但又一城又冇乜野食，於是決定出到旺角食野～其中一個朋友話好想食BHC炸雞，仲話好好食，所以一行五人決定一戰。大約平日下就4點左右到，店內得2-3枱人，我地5個人分別叫左2款口味既雞加2款小食～Cheese stick 無記錯好似$58～剛剛好5條，夠晒我地分，食落有拉絲～但重點都係佢個粉到，食落好似m記Shake shake粉咁，但呢個味再正d!薯條又係加左上面一樣既粉，喪食，停唔到口，友人話如果有得買一定買返幾十包返屋企食！咖哩味炸雞呢到所有炸雞都係即叫即製～上到黎真係熱辣辣，完全食唔到。呢隻雞既味有小小似上面既粉咁，但就帶點咖哩味，加上佢地炸粉唔會太厚，係好薄透，雞肉又好嫩，真係黎到要一試最後呢款燒雞。記得meun上係top1，但食落真係好普通...可能我地成班人都比較重口味，食落感覺似普通照燒雞。但呢個雞肉就嫩d~,唔食得辣既朋友都可以考慮下！整體黎講都唔錯，而且叫左4樣野我地5個人都好飽！一人106$～以炸雞黎講係算抵食！

今日同朋友來旺角這家炸雞店， 用餐過程非常不開心。第一點， 炸雞沒得自己選兩拼，非常失望。 兩拼在整個菜單隻有一種，兩個人基本沒可能吃完兩隻不同口味的全雞。我點左醬油炸雞。雞本身多汁不會柴，好吃。但是麪粉太多，如果你撕左面粉，剩下的雞肉好小。最出奇是雞腿還小過翅小腿。我們還點左牛肉湯同飯。牛肉湯不會太辣，牛肉又少又硬。不知應該開心或者傷心。建議可以放低蘑菇增加鮮味。除了幾塊牛肉，剩下就是蔥。 結賬的時候，店員的服務態度非常不好。如果是店多人忙 我可以體諒。但是家店又沒人，服務又差。真是踩雷。非常不推薦，除非你想給錢受罪。

上星期，終於去試呢間韓國好出名的炸雞🐥🐥🐥地方係H&M對面，有一條樓梯上去正門位置，亦有後門搭lift可以去到餐廳。入門環境同其他韓國炸雞店一樣有自己嘅風格，中間一條長Bar枱，感覺好適合朋友聚會！👭👭食物種類以炸雞為主，相對較其他韓國炸雞店少，但賣相吸引，因為第一次試，所以試經典炸雞😋😋😋BBU-LINKLE $168(+$10全脾)獨特之處，全隻雞價值$168，可以轉全翼或全脾，只需額外加$10即可雞髀好嫩滑，多汁，外層吹卜卜一隻脾有一隻手掌咁大，配上啤酒🍻絕配🤤🤤

本身諗住同朋友去樓上舖既café坐下，行行下見到呢間野好吸引裝修都唔差所以決定入去試下!因為得2個人，剩係叫一碟炸雞又太寡所以最後就決定叫佢出名既芝士炸雞同埋芝士蛋卷岩唒我呢個芝士控!芝士炸雞既芝士味好重，佢既外面乾身，入面仲有少少雞肉既肉汁食完唔會覺得好油，反而有種想繼續食既感覺而芝士蛋卷 俾我想像既大份好多!同埋入面係真係滿唒芝士 芝士加蛋超級推介食落去感覺芝士較勁 蛋既味道又蓋左少少芝士既味道岩岩好 唔太芝士亦唔太剩蛋多數韓式店都係得普遍蛋卷第一次有食芝士蛋卷推廌下次多啲人黎食，起碼4個人 咁樣先可以試多幾款呀嘛!

復活節假期去左家樂坊買喼！點知去到附近就開始落大雨，大雨到行唔到，見未食早午餐，又見附近無咩食，就揀左食炸雞mix炸雞，有一半原味，一半辣味！個人較鐘意食原味，辣味係甜甜地帶微辣，皮脆肉嫩，建議配啤酒真係幾好嘅選擇（我地揸左車出黎，所以無叫到）牛肉飯要撈均先食，d汗去曬底度，第一啖食落都晤預有乜驚喜，平平無奇，韓式醬汁咁我戒凍飲，老公又揀唔到飲乜，所以只尾飲餐廳提供嘅水！順帶一提，佢哋嘅Menu只有英文同韓文😅

今晚老婆喺旺角學完整蛋糕，就過左對面間韓國舖頭食野。因為佢唔係好餓，所以我地剩係叫左個2人餐。我地都加錢叫左杯Marry Me，西柚汁底酸酸地幾開胃，而佢舊冰入面有朵花幾靚。Cobb salad，不過不失，起碼唔係成大碗菜。BHC Special Fries, Cheese ball，全部新鮮炸出黎熱辣辣，面既芝士又好香。芝士波既芝士仲可以拉絲。BBU-Linkle，滿布芝士粉既炸雞，香脆既外皮，鮮嫩既雞肉，非常好味！

見新開韓國炸雞,本身我喜歡食烤雞所以未有幫襯炸雞食之前已經見過唔少人話E間味道普通但我都當試新野咁試叫了一隻烤雞,韓國炸雞店只能買一隻,好麻煩,又貴一隻烤雞要$188佢有兩隻味,反正我唔清楚,叫了一隻蒜味但食落無咩蒜味似日式果種照燒雞扒味道原本話係一隻雞,點知來到係4件雞扒,4件雞鎚唔係原隻雞嗎?算了份量算多,大約4隻雞髀份量一食,同普通雞扒有咩分別?味道上重要差過日式照燒雞扒.......日式照燒雞扒只係賣$20一件佢賣$188.........重有最大問題係,佢地的烤雞,烤到好燶,燶到有苦味........服務上普通我見好多人排隊......好彩我早去到10分滿分味道:4/10(太燶扣了2分)香味:5/10樣貌:5/10抵食度:1/10服務:5/10

其實韓國炸雞麵食左好多，大家麵明白，香港炸雞麵係唔及韓國本地食咁好食。所以追求只要雞肉唔好乾身，調味好就已經覺得夠數。之前睇到介紹話呢間韓國連鎖店終於殺入香港，我都擔心今日嚟會好多人。好好彩，剛巧都有一個二人位。最後叫左個芝士炸雞，同炸芝士條，嚟到先醒覺，原來兩隻都係同一種味⋯⋯⋯⋯所以有啲膩。但整體嚟講，我覺得唔錯，首先雞唔乾身，而且調味非常適中。畢竟我無食過韓國個間，唔可以定斷到好唔好食。但食過咁多間炸雞店，呢間口味，算中上，唔錯。環境傾計都舒服！