Bhc chicken

营业中

休息中

呢間韓國過江龍炸雞連鎖店喺韓國都算數一數二，叫得上係國民炸雞店之一。佢最出名就係BUU-LINKLE同埋芝士波。之前叫過外賣食，但送到黎啲芝士粉融哂痴實哂喺面，同埋個炸雞凍左唔脆，試唔出佢真正嘅味道，所以今次決定一戰堂食。同樣地叫左BUU-LINKLE再加多個MACHO KING，實行一人一隻雞！但點知原來太大諗頭，佢哋嘅雞一份都好大份，最後每款都食淨一半打包走，所以佢一份雞應該都夠兩個人食。等左十五分鐘左右先上菜，但如果係現炸嘅話差唔多啦，好過炸定哂一叫就上呀。上到黎啲雞熱辣辣，外皮雖然唔算好脆，因為始終兩款有層粉同醬喺面，但內層嘅肉汁有驚喜。雞肉唔會柴，仲要好juicy ，所以食多幾件都唔會口乾。BUU-LINKLE有跟個乳酪汁，呢個配搭好新鮮，點落甜甜地又濕濕地，減少左啲芝士粉嘅乾同膩。MACHO KING個面有用醬油汁拌左，佢個炸法都好特別，唔係KFC個啲厚炸粉同雞皮，佢個炸皮薄得黎都脆，有啲似天婦羅炸粉碎嘅口感。面頭仲有啲辣椒，睇落有中式嘅感覺，同時增加少少辣味。不過呢度人手好似有啲不足，入到門口都等咗一陣先有人嚟帶位，眼見樓面得三個人負責哂落單、出單、埋單等，都有啲忙亂嘅感

嚟到旺角，突然想食炸雞，就試一試呢間。兩點半後，上到去，量一量體溫。場內食客不多，但疫情下都安排與其他食客相鄰餐桌，當你方便安排ok。但坐該枱位置於冷氣風口，非常大風，要求轉枱，但店員話2位不能轉到4人枱，之後指一指另一張2人枱(都係風口既枱)，算了，轉左都無分別。扣分然後叫了，芝士炸雞同薯條。如果你鐘意食調味粉，非常推薦。否則係 經過油炸而不脆帶有雞骨兼無味的肉肉無雞肉味，而且無醃。炸野咬落，少少脆口聲都接近無。薯條，同芝士炸雞一樣味，鐘意食調味粉可以叫薯條ok。最後，有2位客人坐左4人位，侍應都無岀聲。服務態度不一致再扣分。

夏天熱辣辣，唔想食啲熱辣辣嘅野？！去食炸雞啦😋一行兩人，食左兩款全雞，第二日起身都無喉嚨痛🤣芝士炸雞🍗我覺得呢個芝士炸雞係最好食個款🤣每次黎都一定會叫！係勁重口味，夠咸香，但又甜甜哋，出面又食唔返呢隻粉😛甜酸炸雞🍗呢款濕雞可以中和芝士雞嘅乾，酸酸甜甜，好開胃😆開完個胃繼續食芝士雞🤣🤣因為呢個甜酸雞啲炸粉好厚，又硬，食落個口會攰，我都係揀返芝士雞了😛（等位安排有待改善，明明要係前枱拎位，但有人後門入無拎飛都可以有位先，同職員講先俾返張枱，呢方面可以做好啲）

未試過正統韓國芝士炸雞，只能以港式口味做評價。同朋友網上簡左呢間餐廳，諗住啖啖肉，一填口慾，結果都冇失望，最後食到好飽。點左份炸雞套餐，包一份炸雞、一份沙律、薯條同芝士波。沙律先上，沙律醬用意大利醋，較重口味，沙律菜都算新鮮，但材料偏少同簡單，都係用普通既沙律料，而且所有料真係計過，牛油果仔兩舊，蕃茄兩小塊，雞蛋兩小塊，仲有蝦得一隻，兩個人食就真係剛剛剛剛好，如果70幾蚊係較好既超市應該都買到份豐富既沙律🤔🤔到薯條同芝士波，薯條加左大量芝士粉，食落用既炸油都算新鮮，薯條係幼薯條，能沾大量既粉，食落條條有芝士味，吾會好乾口，芝士波亦係計過，每人一粒，芝士波食落重麵粉味，芝士就係偏淡味，不過不失，兩樣都帶甜口。 到主食芝士炸雞，都係睇網上評論話芝士炸雞水準一向都ok，所以簡左呢個味，芝士粉同薯條既芝士粉一樣，所以今餐係滿滿既芝士味，我地簡左全雞，所以有吾同部位食，味道就同薯條一樣，炸起吾會油淋淋，雞槌肉嫰有肉汁，相較雞尖位好味，可惜一碟得兩件雞槌，其他位偏乾身鞋口，食落口好似即刻索晒我既口水，真係吞吾落口。可能係部位問題？食後建議如果簡，建議全雞槌//雞翼仲有加左特飲Merry me$38

✨芝士薯條($58)我本身唔鍾意食薯條 係呢啲有調味嘅先會食我會話呢間嘅薯條係會想encore再encore🤪用幼身薯條更加可以黐到多啲粉 食落更加濃味ps 見到隔離有芝士波 我覺得可以唔食因為佢凍得好快 凍咗嘅芝士變硬就唔好食啦-芝士炸雞 (全雞$178)其實都係用返芝士薯條同一隻粉✨因為我覺得呢間嘅炸雞冇特別juicy所以其實都係為咗佢嗰個粉嚟嗌佢嗰醬其實係乳酪嚟嘅但係冇乜味 又唔算又唔甜 就係好淡(/ω＼)有啲唔知點黎做乜又冇令到舊雞冇咁乾 或者加啲特別嘅味道(´ε｀ )-隔離嗰個炸雞好普通已經唔記得咗係咩味了🤭-我覺得最好食都係薯條🍟🥳唔建議叫餐($338) 因為個沙律唔太好食入面又係全雞 冇得揀雞翼或者雞鎚~

係香港食韓式炸雞既選擇越嚟越多，但就唔係間間都做得好食，而今次就黎左位於旺角登打士街既呢間韓式炸雞店，試一試佢既味道啦～佢既餐牌上面選擇都幾多，而炸雞既口味亦都有好多款，當中都有啲幾特別。對比起外面既店，呢間既炸雞店係有二人套餐既，咁樣就比較優惠啦，而套餐都包左兩罐汽水，沙律菜，薯條同芝士波，同埋炸雞🍗而今次炸雞揀左隻味就叫Macho-King，其實就係先拎左啲雞去炸，然後再用醬汁炒返啲雞，味道上有小小辣，但都係幾惹味既，食落亦唔會太膩，而份量都好多，基本上一定夠飽，而薯條都有好多，旁邊亦有啲芝士波保證夠飽😋而沙律菜都幾開胃，都係好食既前菜～總結嚟講呢間韓式炸雞既份量都唔差，雞肉入面都做得嫩滑，係一解想食炸雞癮既好選擇👍🏻

今日同朋友去咗旺角分店嘅BHC，本身諗住好多人要排隊，點知原來唔使。好快會安排入座，服務態度友善。今次嗌左 芝士薯條 芝士條同埋芝士炸雞，等咗大約15分鐘嘢食就陸續嚟到。個芝士薯條好熱辣辣，睇得出佢係即叫即炸 唔會炸定之後淋哂。而個芝士條就有啲失望，咬落去做唔到拉絲嘅效果，下次食應該唔會再嗌佢 ，會試吓其他新嘅小食。另外個芝士炸雞今次我同個朋友都嗌左雞髀，嚟到嘅時候我哋都好驚喜，因為雞髀嘅大細都好大 仲要有六隻咁多，咬落去仲好Juice。總括嚟講，今次去都冇太大失望或者唔好嘅體驗，同埋特別推介如果大家嚟食嘅話可以嗌芝士炸雞 真係一試難忘。

今次去咗旺角呢間叫咗佢哋個set meal 🥘 三個人去食最後都係食唔晒 最推薦嘅就係嗌佢嗰個set meal 三個人分到啱啱好 唔會好多 份量都夠 包括有一個芝士炸雞🍗 一份沙律🥗 一份芝士波波同薯條🍟 同埋包埋兩杯嘢飲🧃/我嗰陣時係晏晝1點2點去到都唔係好多人 唔使等位就咁入座就可以 都冇提前預約 食物就等咗差唔多15分鐘先送到 而炸雞嘅時間就耐啲差唔多等咗半個鐘服務質素都唔錯 侍應嘅態度都幾好 都有同我哋解釋咗好多/

Yeahhh!!我要宣布我終於考完試完sem la 今次就同同學仔落旺角食呢間bookmark左好耐嘅韓式炸雞睇ig d 人都介紹食芝士炸雞同芝士波波咁我地4個人就叫左真係超級推薦呢！沒後悔🔸芝士炸雞有得加少少錢揀全搥or全翼 咁我地就沒啦想講個芝士粉好襯隻雞 入面d肉又好juicy 會食上隱 停唔到咁超推薦🔸芝士波波本身以為會有d漏，但佢唔會！但就沒本身期待嘅咸咸地芝士味，反而係重奶粉味甜甜地，有得拉絲但都好好食！🔸另外叫左份沙律黎中和下d芝士，個sauce係少少酸，好足料其實4個人我就唔係幾夠食，但我同伴們都話飽 咁就沒叫更多嘅野食啦 下次再黎試其他啦

-服務：大部份人都是南亞裔，有D識講廣東話， 但有口心，服務態度都幾好，nice過之 個港女-食物：我叫咗個套餐4人食都夠(僅個人） 味道都唔錯(芝士炸雞👍🏻)(蒜味👍🏻)-環境：都幾好，夠乾淨-其他：踏點到冇咩人，上菜算快

今日去食炸雞 食物係不錯 但係外籍員工態度十分差 唔想受氣就唔好嚟！唔知佢印尼定菲律賓人 唔係歧視但係佢地扮睇唔到客人舉手 叫佢地又唔應人 係咁hi佢地 講hi hello 好多次都扮聽唔到 撳鐘仔好多次都唔認 後尾佢話鐘仔原來壞左無反應都算 咁個鐘壞左 咪舉手叫員工落單 點知明明對住我地都扮見唔到 一次係咁 幾次都係咁 舉多幾次之後隔離枱都忍唔到同我哋講佢係扮睇唔到 佢係特登 佢地啱啱都俾人無視 最後行出去落單就同我講要撳鐘 我用英文同佢講鐘又撳唔到 你又扮睇到 點落單啊？跟住黑面幫我地落單！仲有做韓國餐廳唔需要一定識韓文 但同客人講嘢識啲中文都要啦 全英文講嘢 講中文唔明 咁其他老人家唔識聽咁點算呢？中文又唔識講 服務態度又差 食物幾好食都無用啦！大家記住帶眼鏡嘅外藉女員工 扮睇唔到落單 仲黑面 唔想做唔好做啦！

食物味道正常 但態度超差！！！叫極都唔應人！仲要串咀！以後唔會再去！近距離舉手都當睇我唔到😡出去叫人 又叫我番埋位 點樣樣呀！按鐘個鐘又壞既！之前食過都唔係咁既！連隔離檯都係咁話！一定唔會再黎囉！

之前bookmark左呢間好耐 嚴格嚟講未試過喺香港食韓國炸雞 但日日睇啲Youtube asmr食炸雞食cheeseball 真係決定貴貴地都要食一次同試一次芝士波 果然無令我失望 就算少貴都要ENCOREEEE!!!❤️❤️❤️💟BBU-LINKLE [$178;$188/drumsticks or wings]好癲呀呢個 鋪滿濃濃嘅芝士粉 上枱時超級熱辣辣 皮超脆 雞肉好juicy 特登加$10要晒drumstick係冇錯嘅選擇 雞槌世一😆😆😆😆 實在太滿足啦 個醬係yogurt🍼 個人認為同芝士味唔係好夾 我係食到覺得好膩嘅時候直接畢啖嚟食🤣🤣呢一隻味真係比較膩 建議多幾個人一齊食會好啲 但真係點都要嗌 真係好好食🤣🤣🍗🍗🍗🍗🍗🍗🍗🍗🍗💟BHC Cheese Ball [$58/5pcs]痴線!!!!!😍😍😍我朝思暮想 成日喺YouTube睇人哋食嘅cheese ball 真係同我想像左大半年嘅味係一樣架！🤣🤣🤣一咬落去先係超級脆口嘅皮 之後係軟糯好似湯圓薄薄嘅內層 再咬落嗰一大舊嘅mozzarella cheese 再拉絲媽咪我無憾了😂😂😭😭大家見唔見到我第4張相冇帶手套 係因為我

假期咁多日老公得一日陪我一大早就起身要再去食炸雞仲有老公想食嘅芝士薯條同埋芝士波本身我係諗住食返上次好好食嗰隻炸雞點知老公話想試吓原味同埋甜酸醬咁好啦，橫掂未試過試吓啦但係.....我想講原味好似肯德基仲好食啲竟然原味個雞係冇乜味道反而個甜酸醬炸雞嗰個醬就幾好食但係唔知點解啲雞肉冇上次食嗰個咁Juice乾爭爭咁確係令人有少少失望明明上次食嗰款炸雞係好Juice好有韓國嘅風味，老公話應該兩款炸雞嘅做法係有啲唔同但係韓國嘅原味炸雞都係好Juice 㗎喎🙊下次都係食番上次個款仲有上次坐大廳冇發現佢衛生嘅問題今次坐咗窗邊位見到近窗嗰啲駁位都幾污糟🙈

幫朋友慶生，一開始諗住卜位，點知一打過去就話：「我地只限walkin啊。」ok咁咪wallin，6:20過到去拎飛，我就問個reception要等幾耐，佢就話一個鐘左右，咁我就出咗去行一陣先，點知7點左右返到去 佢話張飛已經過咗 要重新拎飛再等一個鐘。我即刻呆左同佢講：「但係你話等一個鐘，我未到一個鐘就上嚟啦喎」之後佢答我從來無應承過客人等幾耐！下？咁你叫我重新等過個陣又話要等多一個鐘？真係呆左，拎飛個陣又唔講明過左要重新等，又唔叫我地留電話 有位就通知...之後等左半個幾鐘入左去，因為多人要分兩枱，佢比左前後枱我地，我地就問一個齊陰女侍應隔離枱食完可唔可以坐過去 佢話可以，咁就食住先啦。到隔離枱走左 張枱未執未抹，我地同職員講想坐過去，點知個職員話：「等我執咗枱先好冇」心諗乜撚嘢態度。。。之後有三位客人唔知點解無啦啦入左嚟想坐個張枱，我哋再同職員講話想調過去，佢竟然答返我哋一個勁冇腦嘅回答：「但係有客人已經入左嚟。」下？？？？所以？？？咁我地調過去，個3位坐我地個枱都一樣啫，條友真係唔識用腦。之後佢話：「等我問吓先」就走左，仲一去不返。。。張枱仲未執完，隔一陣佢帶個3位客人去第二張