月头约女友人DC喺4-10-2025 (Sat)见面俾手信兼食晚饭，佢话晏昼OK，咁约喺呢喥食晏，因为我都厌倦喺荃湾食嘢。我同老公早咗7分钟到，就喺门口排队，冇耐DC到嚟，我哋就继续等，等咗一阵，店员出同我哋讲唔好意思，未有大枱，只有细枱，所以要俾后面嘅客人先，咁我哋等咗25分钟至有枱，睇完menu，就要咗：3. 叫主食+$28.00任饮橙汁味道正常冇问题。3分2. 叫主食+$30.00羽衣甘蓝荞麦沙律份量适中，味道冇我之前自己买嚟食食到咁难食。4分7. 冻柠蜜少冰DC饮嘅，佢冇讲咩嘢。1. 唔知几钱嘅柚子汁牛舌烩冷面老公拣嘅，冷面口感好弹牙，柚子汁份量啱啱好，唔会好难食，煎香嘅牛舌口感亦一样唔错。5分6. 叫主食+$28.00（？）嘅热榛子朱古力都唔系太热，搅匀饮味道唔太甜，舒服嘅。3分5. 唔知几钱嘅卡邦尼阔条面见到颜好深，材料有火腿，炸过嘅烟肉同蘑菇片，食落，呢个有啲黑椒味，做咩会落黑椒呢？原本整体都冇问题。4.5分4. $128.00脆脆面脆鸡馒头汉堡是拉差蛋黄酱（辣）配薯蓉menu写明为保留食物风味，唔会为客人切开，而呢个都制作须时，所以真系好耐至到，睇见摆盘好靓，似有山有海，我哋自已切成三份喇。馒头暖暖地但有弹性，脆脆面同脆鸡系脆嘅，而鸡肉仍juicy，而是拉差蛋黄酱只系微辣，我都食到，薯蓉好滑，但似汁多啲。4.5分8. 叫主食+$30.00云尼拿炖蛋+自家制蛋糕我哋拣后上，滑炖蛋食到点点嘅云尼拿味，唔太甜，蛋糕似系朱古力味，呢个正常冇问题。4.5分服务：任饮橙汁系饮完一杯会refill，第一次系会自动斟，但之后就要叫。而之后我老公join做会员，问店员迎新优惠系咩嘢？佢答橙汁免费任饮，可即时帮我哋waive咗，或下次再食时用。我哋拣咗即时waive。限时90分钟，不过我哋食完超时喺喥倾偈，有位但冇人等，都唔会催我哋走。4.5分价钱：唔系好清楚，似睇到系$569.00。…查看更多
