Bay’s Kitchen & Bar

餐牌食物种类丰富，咩类型都有啲，作为健身友嘅我梗系要补充返足够嘅蛋白质。叫咗个杂扒，加$40转餐会有忌廉汤，餐包，蛋糕同埋嘢饮。汤同包就冇乜特别都系一般西餐厅质素。个杂扒嚟到卖相非常一般，份量唔算多，食落口好似冇腌过咁，冇乜味道。而家出街食个扒闲闲地都要百几蚊，不过真心讲茶餐厅嘅质素都好过呢间酒店餐厅。…查看更多

喺度预订咗一晚房玩下，附近无咩野食，但有依间餐厅见价钱可以就试试佢啦🐷讲真，一晚$3xx港纸既海景套房真系已经抵到烂，本身无expect依间酒店既餐厅会有几好食，因为啲设施都比较旧同埋人又唔太多，但系每样𩠌真系又无揸流摊hea你。叫左两个main：咖喱猪扒饭同埋西冷牛扒（5成）。咖喱猪扒饭块猪扒系厚切，肉质唔嚡，又冇冰鲜臭味，配搭埋佢有少少辣嘅咖喱都真系几好食，薯仔就老左啲～块西冷其实都做到五成，肉质都好嫩，不过好多筋仲摄埋牙罅。另外每个main +$40可以转set：有蘑菇汤，餐茶同埋甜品。蘑菇汤都几好饮，好滑同埋蘑菇味够浓，蛋糕本身问左Staff话系New York cheesecake ，之后又话变咗朱古力mousse 但最后变咗士多啤梨mousse，好彩唔系啲咩戚风/海棉蛋糕就算啦😂总括而言，成个体验都比我想像中好，价钱公道而且食物质素都唔错👍🏼…查看更多

虽然环境唔系好豪华，但算简约舒服，自助餐种类唔算多，但 胜在味道都几好，仲有好多都系要另外付费既食物，但羊架出奇哋好食😋🤣5成熟羊架，肉嫩，唔酥，细细件，啱啱好👍🏻推荐…查看更多

汀兰居已经转左名叫华丽海湾酒店 啱啱有朋友来香港 帮佢订咗呢间酒店 当日晚饭 唔想走黎走去 就到楼下的餐厅食饭 系半自助餐 我地点左两个主菜 分别系炭烧羊架同埋炭烧牛肉眼扒 估唔到味道好唔错 羊架肉嫩肉汁满满 烧得不会太韧 仍然保持肉质鲜嫩 肉眼扒肉质嫩滑 我哋叫咗6成熟 火候控制得好好 入口松软 唔会有渣 没有想到出品可以咁好 另外自助沙律吧甜品吧同埋有几款熟食供应 以价钱来衡量 绝对唔错 仲有两款汤选择 可以讲系想食嘅都有 餐厅有几款红白酒提供提供 而且价钱唔贵$250就可以开一支 三个字形容平靓正 性价比高 略嫌就系位置比较唔方便 因为唔系太多公共交通工具可以到达 如果唔系朋友住喺呢度 都唔会试到一间平靓正嘅餐厅 感觉唔错 值得一试…查看更多

食物味道不错，环境舒适， 枱与枱之间有一定嘅距离，不会像茶餐厅或一般的西餐厅那么𪲎逼，并有美丽的海景！惠顾满300可享有3小时免费泊车！ 服务亲切，价钱性价比高，很适合几个朋友倾计食晚饭！我个人特别喜歌这里的. Pizza 和甜品，非常美味！食物种类齐全，还会不断转换食物！有 炒粉面饭 ，仲有各类嘅肉类， 例如排骨，牛仔骨，炸鸡，蒸鱼，蔬菜， pizza， 关东煮等，又有中汤和西汤 ，也有面包沙律和甜品 ，全部都美味！下次还会再来！…查看更多