BACI Trattoria · Bar

♡全港第二好食嘅pizza👑. ݁₊ ⊹ . ݁ ⟡ ݁ . ⊹ ₊ ݁. . ݁₊ ⊹ . ݁ ⟡ ݁ . ⊹ ₊ ݁. . ݁₊ ⊹ . ݁ ⟡ ݁ . ⊹ ₊ ݁.✩⡱ 𝑺𝒕𝒆𝒍𝒍𝒂 🍕⭐️ $𝟐𝟖𝟖第一次试星型Pizza，完全唔系得个样.ᐟ‪.ᐟ Parma ham + 火箭菜铺系酸甜平衡嘅蕃茄酱上，仲有大大够水牛芝士系中间，已经好吸引，近Pizza边仲有浓郁嘅黑松露酱，劲丰富◝☆ 松软嘅Pizza边配上黑松露酱，真系好食到停唔到口，绝对系会想encore嘅质素૮ ᴗ͈ˬᴗ͈ෆა ✩⡱𝑲𝒂𝒍𝒆 𝑺𝒂𝒍𝒂𝒅 🥗 $𝟏𝟔𝟖一向对kale嘅草青味无感，但依个沙律醋汁完全盖过咗啲草青味，令我觉得kale都几好食.ᐟ原本以为依度净系得Pizza值得一试，估唔到沙律都咁高水准*͈ᴗ͈ˬᴗ͈ෆ ୨୧ 环境 位于lkf中心位置，餐厅系开放式设计，虽然有啲热，但几适合庆生或聚餐.ᐟ当晚见到唔少人嗌tiramisu庆生，气氛唔错( ˘ᵕ˘ )♡♡ …查看更多

同朋友喺星期日中午去食佢哋嘅brunch semi buffet。出面自助攞嘅嘢食全部都好合理，salad bar、冻海鲜同埋肉全部都好合理。但系，佢本行做嘅pasta同pizza都好一般。rigatoni完全唔烟韧，bolognese好淡味。carbonara尚可接受，不过冇蛋黄同芝士香味。pizza𠮶个厚薄好奇怪，又唔系传统意大利pizza嘅薄，个底淋晒，仲要厚嘅位唔系好咬得郁。我哋觉得最差系甜品，全部都系好浓好腻好甜，乜都有阵金莎嘅hazelnut味。食物质素中规中矩，但系服务完全唔可以接受。pizza漏咗单，等咗半个钟都未有。收碟都算快，不过完全唔识帮人哋换餐具同加纸巾。另外，如果唔想俾钱饮水嘅话要小心，一坐低就问我哋水要still定sparkling，咁我哋谂住香港水喉水唔似得喺外国餐厅咁饮得，所以叫still water。点知埋单先知原来still water都要收钱，$38一支，但系其他台系饮紧普通嘅水。如果有普通水但系佢冇同我哋讲，然后仲要系咁帮我哋斟水所以开咗两支，咁就好似有啲老土啰，估唔到呢个年代仲有餐厅呢个位会做得咁尴尬，仲有只乌蝇飞来飞去！嘢食唔系特别标青，但系服务真系好一般，唔会再返嚟😓…查看更多

我已经好耐无写食评，今次真系忍唔住要提醒一下想试既朋友。我系经openrice订枱，享有75折优惠。家姐毕业离开香港前谂住一家人食返一餐好既当庆祝。点知后悔到爆，折后人均4XX，但食物质素一啲都唔值。佢有沙律bar、海鲜、甜品同热食。首先沙律正常发挥，不过不失，但食落食物质素一般。我平时好钟意食红菜头，一般红菜头都会好甜，佢无咩味之余带草青味。海鲜区有龙虾、螺、蟹钳同虾，除虾以外，其他都好难食，特别系龙虾同蟹钳，无味不得止，成只干争争，好实好难咬。真系可以用垃圾级别黎形容。熟食有烧牛、五花腩同鸡，烧牛稍微好一点点，另外两种都系好干好柴。另有鸡翼、肉丸、三文鱼、杂菜等，鸡翼看似正常，食落咸到爆炸。甜品有4款蛋糕，Tiramisu, cheesecake,朱古力慕丝、唔知咩布丁。一系太甜，一系无味。雪糕柜唔多冻，啲雪糕好似溶溶地，西瓜有沙但完全唔甜成餐唯一可取系pizza，可能因为即叫即整。后尾有员工问我哋意见，我照直讲。连个staff都同意我既comment，佢都系咁觉得。真系失望到爆，完全唔值得试。 …查看更多

dinner叫咗个Pizza Romagna （走basil）同Red Prawn Linguinipizza 就 一般，饼底好软，拎唔起，如果唔系d toppings 会跌晒。芝士同火腿都冇特别香，不过整体唔错ge，一定唔系难食意粉个汁就几好几香 ，d 虾虽然有三只，不过有d 细，同埋冇壳，有d 老，呢个价钱唔ok另外有个地方唔满意嘅系，佢一开始问我地要唔要水，我地话好，但系佢冇同我地讲收钱，虽然呢d 地方食都expect 系收，但系佢收x2，净系水加埋一已经8x蚊。我唔知佢系因为两位所以收两份，定系因为两支。我(好似)见到佢开咗两支，不过我唔肯定，因为佢冇问过我使唔使再开，应该系佢见我哋杯水冇晒所以帮我哋再斟(佢由头到尾都冇问过我地使唔使refill)而我哋一开始都唔知啲水要钱。total 一个Pizza一个意粉，已经食咗六百几蚊，而咁嘅质素，系唔可以接受可能因为舖头设计问题，其实夏天坐真系好鬼热，我哋已经坐得算入，而且系夜晚，仲有部坐地冷气机喺隔离吹住，都要去到就嚟走先至凉返…查看更多

听讲呢间系全港 Top 3 嘅 pizza 店，梗系要朝圣一下啦～啱啱今日有时间，就即刻去试下。去到先发现，原来星期日冇得单点，只系做 brunch。不过环境就真系唔错，气氛 chill chill，坐低慢慢叹都几舒服。讲返啲食物，除咗 pizza，仲有唔少地中海风味菜式。最惊喜系——澳洲和牛！哗，呢旧牛真系出乎我意料地正，肉质嫩滑又有肉香，老实讲，我觉得甚至比某啲五星级酒店嘅水准仲高添！至于主角 pizza 嘅话⋯⋯老实讲，我觉得系中规中矩，未至于惊为天人，但都有番咁上下水平，饼底够薄、边位脆，不过味道就冇乜咁突出。其他配菜都算新鲜，整体嚟讲都系满意嘅一餐。唔知系唔系 brunch menu比较保守啲，下次可能要拣返平日嚟试佢 full menu，可能会有更多惊喜！…查看更多