B.Two House (已結業)

«809»食過幾轉嘅bagel小店結業了🥺﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣▷芝士烤雞 BAGEL $48▶BAGEL PRINCE $59▷低脂岩鹽咖啡 $34 (跟餐半價)呢間家庭式經營嘅餐廳主打手作bagel，第一次去食印象最深刻嘅反而係岩鹽咖啡同手工黑糖裸麥包，個包外脆內軟，裡面微熱軟熟，每啖都係滿滿幸福感🥰～比較空閒嘅扮工日子就會去食個bagel lunch加熱岩鹽咖啡，再打包黑糖包返去第朝做早餐！手工bagel餐有超多款揀，基本上乜配搭都有，bagel質感扎實有咬口。最後營業日終於食到大甲芋頭bagel🥯仲有紫薯cream cheese 都好好味🤩仲有超軟熟嘅黑糖包🤎﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣B.Two House觀塘成業街19-21號成業工業大廈1樓26室…查看更多

工作室最近搬佐去觀塘，所以就算疫情下都要食飯嘅～ 生意難做所以要支持小店！可能因為星期六，所以訂佐13:00嚟到餐廳都仲未有人。雖然店面好細，但坐低都覺得幾舒服。我叫佐喱個lunch set，好出名嘅黑糖麵包+忌廉火腿意粉。黑糖包嘅味道真係好似嗰間大餐廳，好軟熟，不錯👍🏻 不過個意粉呢就差少少，可能個碟太細又裝咗好多意粉，所以做唔到撈勻先至食，錫晒面嗰啲餸，就咁齋食底嗰啲意粉就覺得好dry.... 不過個老細好好，見我冇乜食過意粉就問我係咪因為唔夠醬汁，但其實因為飲咗杯咖啡個意粉都已經唔係好食得落🤣朋友就叫咗同一樣嘅餐，不過就轉左呢個蕃茄飯，朋友仔嘅感覺同我一樣，覺得個飯失色咗少少，冇乜特別，不過因為個汁都比較多，所以最後朋友都有食佐大半嘅飯我係一個鍾意飲咖啡嘅人，所以對我來講呢杯咖啡係好飲嘅，之前有睇其他朋友嘅食評，所以就冇將個cream撈落去啲咖啡度，果然個cream係好好味，老闆娘仲好醒目咁俾咗隻匙羹我哋就咁食啲cream🤣不過好肥，希望真係低脂啦！但對於我朋友唔係好飲慣咖啡，佢就覺得個咖啡有啲苦～ 最後我哋都會因為個黑糖包嚟再幫襯～ 希望佢會再鑽研一下飯同意粉嘅質素💪🏻💪🏻但係以佢哋嘅價格來講，CP值係高嘅😊…查看更多

呢間係我第一間去到會特登嗌咖啡飲嘅小店🥰⠀可以好relax咁慢慢食個tea歎咖啡😚⠀⠀☕️低脂岩鹽咖啡🥄 （凍/熱）⠀其實我唔係太鍾意咖啡嘅苦澀味，所以特登叫佢多奶😂⠀❧ 可能因為我叫多奶，所以無論凍嘅同埋熱嘅咖啡，都唔係話好苦～奶味好香濃😋我好鍾意🤣（（第一次唔討厭咖啡😂⠀❧ 我想講：個低脂岩鹽忌廉真係好好好好好有驚喜🤩🤩🤩（（太重要啦，所以要唔止講3次😂⠀其實一開始bookmarked呢間就係因為覺得佢個岩鹽咖啡睇落好正咁😍完全無令我失望到！啲cream又打得滑又打得實（企身）～所以佢真係有個軟綿綿嘅口感喺度🥰⠀❧個岩鹽忌廉鹹鹹地，味道超似芝士奶蓋😍😍我相信 #芝士控 一定超愛！ 😋 連埋咖啡黎飲，個口感真係超豐富🤩 超似飲緊芝士奶蓋咖啡鮮奶🙈⠀❧ 飲熱嘅話，我建議大家唔好搞到啲忌廉溶咗先飲，因為啲忌廉溶咗落去個咖啡度，個咖啡都唔會有佢個cream嘅口感同鹹味（（即係唔會變creamy啲/鹹鹹地⠀⠀🥓迷你煙肉忌廉意粉🍝⠀❧作為Tea來講,真係不過不失～份量係啱啱好嘅，忌廉就係普通白汁味～而煙肉絲都幾多，不過我會覺得用煙肉碎應該會更加香～ 然而佢落左啲黑胡椒喺面，所以都有黑胡椒味，令到個白汁唔會太單調同太漏🥰⠀🖤黑芝麻貝果🥯⠀因為我真係第一次食bagel,而屋企人都唔係成日食開，所以真係唔知揀咩味好😂之後店員就推薦左黑芝麻味⠀▪︎聞落去真係好重黑芝麻味🤩 芳香撲鼻～麵包入面香軟可口⠀▪︎ 外皮有少少似偏硬脆皮嘅提子包表皮，不過我自己覺得外皮軟硬適中，亦達到外脆內軟嘅口感🙆🏻‍♀️ （（之前唔太想試bagel其中一個原因就係...驚包包嘅表皮太硬⠀▪︎而甜度方面，估計都係用左黑糖🤔，但我會有少少覺得黑糖味cover左黑芝麻味～不過又冇過甜嘅～只係令到黑芝麻個味冇咁出～⠀▪︎加埋佢地自家製嘅butter cream食會仲好食！令到個bagel唔會太過乾身～但overall都算符合我對bagel嘅expectation同埋食得出係自家製嘅產物🥰⠀⠀🖤黑糖牛角包🥐⠀（一定要睇圖！）⠀超級有驚喜！🤩🤩⠀▪︎ 首先好香好重牛油味～已經令到人食慾大增啦～⠀▪︎ 然而佢都係熱辣辣送黎～酥皮好鬆化又香脆😋 （要睇圖啦）同埋你見到真係一層一層！有好多層啊😳 覺得佢真係做得幾靚同埋質量好好係因為要做到入面層次分明都真係幾考工夫😲⠀▪︎ 雖然好香牛油味，但亦都不乏黑糖嘅糖香味～兩者balance得好好～⠀▪︎成個包仲要一啲都唔油😳真係好少可食完牛角包隻手係無油同埋唔覺得油膩，抵讚！⠀⠀🖤手工黑糖裸麥包🥖⠀我想講，如果你鍾意outback嘅黑糖麵包，但又想食💛店嘅話～我絕對推薦呢間！⠀CP值高又大舊🤩⠀▪︎ 佢同outback個黑糖麵包都一樣咁好食！而黑糖味比outback嘅重😋 但都唔會太過甜～所以聞落就香過outback嘅～⠀▪︎除此之外，我覺得佢嘅黑糖麵包都比outback嘅更加軟熟同埋上嘅時候都好熱辣辣～所以味道同口感黎講都唔會輸比outback⠀▪︎ 最後，其實我勁鍾意佢個自家製butter cream🥰 搽左上去係更加潤飾左個包～佢個butter cream真係整得好滑，有少量牛油嘅鹹味但又唔會有蛋糕忌廉個種甜膩感🥰 真係好岩配上麵包食～⠀…查看更多

一向都會特別支持小店，今次呢間仲係家庭式經營嘅小店！有個好細嘅妹妹都會落場幫手，做得有板有眼，客人都好鍾意搵佢傾偈🤣身為麵包控嘅我，俾佢嘅麵包吸引左入黎😋點左2個麵包餐，一個麵包配一碗細size嘅意粉或者飯，都好抵食呀！特別盛讚黑糖麥包，同outback個個都幾似，好食到我買多咗兩個包，外賣攞走第二朝做早餐😝本身以為配餐係一片，點知係大大個，淨係食個包都飽啊🤣但係真係好好食，好想再去買~迷你意粉，味道正常，好有家庭嘅感覺👍🏼黑糖牛角包，個人感覺唔夠鬆軟，佢係好實在嘅麵包，但係我比較鍾意鬆脆嘅牛角包🤣…查看更多

最近成日去觀塘搵食，因為觀塘真係幾多隱世小店值得發掘，今日黎到呢棟工業大廈，都有好多餐廳選擇，本身想返兜一間馬拉野，但去到full左，就轉戰呢間cafe仔。我叫果個好似係野菜海苔飯，老實講，比想像中頹，因為佢啲野菜好似人地碟頭飯啲配菜右啲汁咁，但我見其他人叫果啲意粉同bagel係高質既，佢地話個意粉creamy得黎唔會膩（我估係用左低脂cream?)同埋佢有得一個bagel配個迷你意粉咁既餐，一次過滿足晒你兩個願望。因為個飯平，所以都豪氣少少加錢叫左個低脂岩鹽咖啡，原來呢個先係重點，上面果層野咸咸地有啲奶蓋feel,試完個味，攪勻落咖啡令成杯野生色不少！真係好好飲。總括黎講，雖然對個飯有少失望，但會再黎飲岩鹽咖啡同試bagel。…查看更多

今日再去試啲新嘢，今次去試佢最出名嗰一個黑糖麵包。睇圖。發覺佢呢個黑糖麵包同outback嗰個真係差唔多見到，好多人都order呢一個。我估係因為大家都知道個麵包幾出名。咬落去感覺好軟熟，麵包都夠熱，感覺好滿足(´▽｀)同事叫咗個牛角包。睇圖。個牛角包個樣都勁靚仔，仲要新鮮出爐。同事話非常好食，我下一次都要試呢個(´▽｀)佢一個lunch set係一個包，配一個迷你意粉，再加一杯飲品。個意粉我覺得不過不失，正正常常咁樣。觀塘來講，我覺得係幾抵食嘅。…查看更多

本身鐘意食軟身少少嘅Bagel，所以好唔buy Pacific coffee嗰隻，因為硬到癲，又勁乾，揸幾多牛油都救唔到上網見有人recommend呢間，就試下因為減肥，所以決定外賣一個Bagel做lunch就算。。。佢有好多隻口味，我決定叫vanilla，因為安全少少。睇圖堂食個樣靚仔好多(｡ ́︿ ̀｡)因為我公司好遠，返到去翻丁，就有少少凹。但我想講：真。係。勁。好。食！完全唔乾，上面啲香草油一熱咗就勁香。。。連同事都話咩事咁香(´▽｀)咬落去軟熟，又有Bagel嘅彈牙！好正呀！聽日去試佢個黑糖包！聽講好食過outback！…查看更多

我十分喜歡吃貝果，朋友介紹下，決定和亞女去試吓。小店沒有豪華裝修，卻给我有家的感覺。企理乾淨，服務窩心，價錢亦相當大眾化。亞女選擇煙三文魚意粉、燒芝士蛋糕和黑糖桃茶，份量頗大份，味道不錯👍🏼我當然選擇我的摯愛的貝果，是車打芝士味和黑芝麻味，熱烘烘的上枱，十分香噴噴，好味到不得了，不可錯過。每天也有幾款貝果味道選擇，看看那個想試。實在太飽，所以外買一個黑糖裸麥包回家吃，麵包香軟，充滿黑糖味和麥香，喜歡吃麵包的我怎麼抗拒！職員還提醒我，麵包沒有下任何防腐劑，所以建議我麵包可放雪櫃，三日內要吃。我實在太喜歡這裏的麵包和貝果了🥯…查看更多

聽今日食晏時候誤打誤撞嚟到呢度 ，工業大廈入面有間小清新嘅cafe ，覺得去咗世外桃源一樣，入面嘅裝潢雖然簡單，但係都清新少女感覺。 見到舖頭寫話午餐都係$50，長者又或醫護人員午餐仲有半價， 係半價！仲免費送多個麵包， 覺得佢哋真係好有良心嘅香港小店。 鋪頭細細由一家三口去經營， 我哋嗌咗兩個午餐， 同埋額外嗌咗幾個bagel 試下。 午餐嘅食物因為太肚餓唔記得咗影相 都係啲 大路嘅芝士意粉或者飯 雖然味道冇乜特色但都幾有家嘅感覺 兩杯嘢飲就比較特別 我喺咗杯岩鹽低脂咖啡 有香濃嘅cream 少少咸調味之下令到杯咖啡嘅香濃更加突出。 黑糖柚子茶亦都唔會死甜 ，幾啱女仔減肥又想食甜野。 最有特色嘅當然就係佢哋嘅貝果， 我哋試咗原味、蒜味 同埋芝士味， 聽老闆講係自己整， 無落防腐劑添加劑， 即叫即焗 ，熱辣辣食真係好香㗎，沾上cream butter 食勁正。 18蚊一個嘅價錢 ，可以食到自家製新鮮嘅貝果其實都物有所值。 佢哋仲有買一啲大路嘅麵包例如芝士棒芝麻包等等全部都係幾蚊個 好值得大家去支持💛💛…查看更多

因為朋友生日 唔想係出面周圍走所以揀左觀塘呢間cafe食D野食唔錯 野飲都ok因為閒日冇咩人 同朋友食完之後都坐係到好耐由2點幾坐到6點幾玩下果到既象棋咁 不過果款象棋少左兩隻棋但都照玩到最後個老闆娘仲好好人咁送多左個Bagel俾我同朋友食我地下次會再黎休閑既好地方 邊食邊玩邊傾計…查看更多

今日陪朋友去拎集運貨，發現附近工厦有嚟間小店，就決定支持小店，一齊去試食下。選嚟間其中一個原因，見有食評提到有Bagel，自己又好喜歡食麵包，所以點午餐時跟轉Bagel嚟試食下。雖然並不是美式Bagel的煙韌口感，但係外脆內軟，幾有驚喜，幾好食。跟餐Mini意大利麵，雖然size細細，但係夠飽剛剛好。餐飲就點咗一杯柚子果茶，味道唔錯。我朋友就點咗牛肉飯，佢都覺得非常好食。總括不俗，有機會一定會去返食。…查看更多

話說我本人巧鐘意食Bagel, 鐘意果種口感，配cream cheese 簡直絕配。朋友推介呢間觀塘樓上店，見到有bagel當然畀佢吸引去試下。Lunch款式都好多選擇，最後我緊係揀有bagel果個餐啦，一個迷你煙肉卡邦尼意粉，紫薯忌廉芝士bagel,配低脂岩鹽榛子咖啡$68。個卡邦尼意粉雖然迷你，但係我覺得都夠食既，味道都算可以。但係個bagel就真係爭小小,完全唔係我平時食嗰種感覺,似食普通麵包☹️…查看更多

好味既bagel🥯低脂岩鹽咖啡系列都好飲🥰🥰我覺得依間店既好處係吾食bagel都可以叫其他野食佢有飯有意粉🍝前後去左光顧依間小店兩次試左不同款既🥯都有買左個黑糖包番屋企食都好好食😋唯獨兩次都冇湯出售…查看更多

好友慘被離職，既然開心又一餐唔開心又一餐，當然揀食個痛快啦！今晚，我們仨就到良心小店「B.Two House」送別好友。小店是家庭式經營，婆婆給我們推介聖誕一人晚餐，並指點兩份的話有七五折優惠。既然咁抵，加上份量太驚人，我們就決定點兩份happy sharing！餐前特飲：紅色的Pink Girl是荔枝梳打，藍色的The Sea是藍橙檸檬梳打；色澤繽紛，呃like一流！餐湯：一款是泡沫周打蜆湯，一款是泡沫蔬菜忌廉雞湯。試勻兩款，周打蜆湯選料豐富，正！餐前麵包：「B.Two House」小店名物Mini Bagel，老闆娘每日新鮮出爐，據聞經常賣斷呢！沙律：和風麻醬沙律菜，雖然是普通的田園沙律，但加上麻醬後變得很惹味！迷你海鮮桶：有海蝦和藍青口，細細份，剛好夠開胃！主菜A：我們先叫了個千島夏威夷薄餅，又菠蘿又千島醬，酸酸甜甜，好味！主菜B：另一份則叫了黑松露飛魚籽煙三文魚意粉，魚塊大大份，黑松露亦很重手呢！餐後甜品：相信是老闆娘自家整，味道出乎意料地好味！七五折兼沒有加一，埋單後每人只是186.5元。最後老闆娘還親切介紹其他bagel，下次一定要再encore！…查看更多

超愛食bagel的我當然不能錯過觀塘工廈裡面的bagel小店啦！ 在openrice見到這一家店決定來試一試，中午時段人也不少。小店環境很小清新， 適合情侶或女生小聚！她們的bagel有很多口味，還可以加上新鮮牛油果。 套餐還有latte，salad 和cake！ 味道很好，滿足！還點了一個紫薯口味的， 咬下去有夾心，很鬆軟！carbonara意粉味道一般紫薯cake不錯，不會太甜！latte很好喝， 大家可以試一試…查看更多