影片
以上资料只供参考，请与餐厅确认详情
食家推介
招牌菜
呢间泰国菜睇见好似几抵食二人餐都啱食$348配四个𩠌加饮品1烧猪颈肉沙律猪颈肉有肉汁味.完全冇谂过这个配搭系可以咁夹2小食拼盘二人餐有三款小食都尚算充足泰式酸辣凤爪.泰式炸虾丸.香脆马来豆腐3.蒜蓉炒西兰花苗即叫即炒镬气十足4.去骨海南鸡（配油饭两碗）油香味十足仲有两杯饮品仲叫咗个咖喱大明虾有少少辣大虾都叫做新鲜有层薄薄嘅脆浆再点咖喱鸡送饭超正最后加咗印度薄饼（$35）环境唔错去开黄埔可以去呢度试吓
继续阅读
晏昼女友想食越南粉，谂起呢间BOA，贪佢东南亚菜乜都有，点都稳阵啲。我真系唔知想食乜,都系最稳阵嘅海南鸡算，饮汤先～好饮够味，真系好饮过寻日「得闲xx」个炖汤，鸡正正常常，够滑，份量都可以。春卷，今次要赞，唔系油淰淰果只，味道正常水准。嗱！真系写明单边鸡翼，腌得好野味，一样干身，好食，有啲唔够喉。女友个火车站粉，有几片牛肉（但熟得滞），几粒牛丸正正常常，今次无影相。埋单$209，真系唔算贵。回头度：6/10呢间其实都食开，真系谂唔到食乜嘅时候，嚟呢度最稳，其实今次我想讲，呢次个服务我俾好低分，系因为今次我座正收银对面，由一放低份海南鸡饭开始，三个店员，一个年纪大啲当经理，一个收银或者系主管，最后一个系店务，三个就喺度争论放工前嘅手尾问题，「讲」咗十几廿分钟，大佬呀！！我哋喺度享受紧你哋嘅午餐，所有嘅情绪都俾你哋影响晒，我谂无人想喺食嘢嘅时候听你哋啲牢骚问题！你哋唔可以开工前后讲？或者离客远啲讲？真系成餐饭搅到冇晒瘾！真系唔想有下次。以上纯粹个人食后分享,绝无收受任何利益或优惠，亦愿意承担以上所有责任。
继续阅读
午膳时间，唔知食乜好，见到呢间午餐有饭有面，好多选择，座位舒适，就入咗去试吓，叫咗两个午餐👇🏼去骨海南鸡配油饭$82最钟意食海南鸡，尤其是去骨，啖啖肉方便食，鸡够滑，呢个价钱份量正常，有我喜欢的酸萝卜做拌菜，油饭食到几香鸡油味，味道和口感都不错，装满成个碗，食完好够饱😄个汤有惊喜，喺鸡丝椰子汤，味道几浓郁👍🏻香茅猪扒煎蛋饭$72猪扒够大块，够香够腍，唔会干到柴口，有新鲜菠萝青瓜做拌菜，整体味道唔错。午餐价钱包餐饮，上菜速度正常，不用等太耐，服务员态度良好，入座时无话限时，食完可以倾吓计先走。
继续阅读
又黎到红磡黄埔一带食lunch~餐厅位置唔太显眼, 中午时段唔多人, 大约只系坐满一半枱 lunch set选择都唔少~ 点左香茅猪扒网皮春卷捞檬粉🐷份量都算大碗, 猪扒同春卷水准都唔错套餐除左咖啡/茶☕️, 仲可以拣龙眼冰🧊夏天啱晒!
继续阅读
晚市二人套餐1. 椰汁鸡汤🙂椰汁味淡，偏咸，3个人一人一碗岩岩好。2. 小食拼盘❤3款炸物，即叫即整，所以都要等一段时间先上菜，最好食系个葱油肉粒簿脆，同炸虾"圆"。3. 姜汁炒芥兰 😀芥兰小苦，姜汁味重，爽脆，好岩我口味。4. 咖哩大虾❤我发现有炸既野食，都整得好出色，大虾系炸过，炸酱好薄，大虾，系真系大虾，每只至少要3啖先食得哂，咖哩汁香浓，必点!5. 龙眼冰❤2杯，一杯好多龙眼，一杯冇咩龙眼，但龙眼味重，好饮印度烤饼😀（2件） 用黎配咖哩大虾食，正常发挥泰式蟹肉炒粉丝❤屋企人食到lam lam脷，粉丝条条分明唔会成饼野，味道较淡，但蟹肉味都有! 如果蟹肉份量再多D就更好，捞埋猪软骨汁，好味去骨海南鸡* 半只❤喇，份量都系偏小，但系鸡味重好嫩滑juicy，我好耐冇食过咁重鸡味既海南鸡，肥瘦岩岩好，真系好食~肥仔标豆酱炒通菜❤咸香味浓，唔油腻，镬气十足!! 份量都好足，必点!越式猪软骨煲😀微辣 份量小，1个人食岩岩好，但味道香浓，唔肥腻，跟饭食一流。泰式素翅鱼肚羹🙂本身系套餐，ALC menu冇，问左店主可以散叫，呢到多谢哂先! 不过配料真系好小，但汤既味道系ok~ 鱼肚只有几条丝，鸡丝 冬菇丝份量正常，素翅都唔算喇，呢锅羹一个人食都未必够。沙嗲串烧（任选四串）❤鸡 4串都可以唔同款有猪牛鸡任你选择，我地叫左4鸡，真系烧得好香口又唔会嚡，冇点沙DAR酱都好香好惹味泰式生虾❤必点，大大只，性价比高! 只只都爽口鲜甜，配埋个yum jim seafood酱，一流!!!芒果糯米饭😀芒果同糯米饭都好食，但系个椰汁好希，椰香味淡，唔介绍~流心榴梿炸弹❤4件 中意食榴梿既可以一试! 即叫即炸，外脆内嫩
继续阅读