B記湯飯

朋友邀请我入大西北一齐食饭～佢话新北江，其中一间必食就系呢间汤饭！款式嘅选择都好多，主要分为煲仔小菜和自家靓汤。今次拣咗冬阴功汤+腰果虾仁朋友就拣咗枸杞叶肉片汤+ 西柠猪扒刚刚落完单就听到厨房话：冇晒冬阴功汤啦好彩我都有得饮！冬阴功汤足料，有虾有蚬；可以饮到比较重嘅椰奶味，腰果同埋虾仁嘅份量都多，加上西芹一齐炒，好健康！猪扒比较腍，西柠汁唔会太酸；枸杞叶都好新鲜，食落去唔会苦。如果出街食都想食到家常嘅味道就要揾呢间啦…查看更多

好钟意食汤饭 所以成日都会去呢度食 之前新出花甲汤饭 第1次食觉得好好味 又大碗 比佢其他套餐既汤饭更大碗但觉得食埋粉丝太滞了 而且浸住索晒d汤 所以第2次我就叫佢走粉丝 就够多汤𩠌饭 正 近排再去食 嚟咗碟野 我真心上火 我系想食汤饭 唔系想食捞饭 我问阿姐而家走粉丝 就系咁既样？ 阿姐话系 结果系食晒d蚬就算 仲要系d蚬都几多砂 一肚火起身走人 如果你一推出就系一碟野 或者张相已显示系一碟野无咩汤 咁我最多唔叫 因为我系想食汤饭 唔系想叫𩠌食饭 但系食开之后先变到咁 真心觉得浪费咗我一个晚餐既quota 应该唔会再常去食…查看更多

打电话嗌外卖 阿姐一听就叫我等等。一等就系5分几钟 都仲未返嚟拎返起个电话。我听到佢带位 落单 完全忘记咗电话另一头有人等紧。最后收线自己落去买 一边行一边打咗好多次都仲系线路繁忙 即系如果我仲喺屋企乖乖地等 应该座底要等10分钟。我叫沙姜鸡 $45 分量少得可怜。件数已经少 食落有啲系净系皮 鸡壳 劲少肉。 绝对唔够饱 要再食杯面。等外卖时 我已经喺条巷度等 阿姐拍埋啲枱凳 时不停整到我 都冇谂住停低或讲声唔好意思。有客人买有冇鸡煲 阿姐话冇 客人问点解 佢话帮佢问吓厨房先 客人等到最后要开口大声问多次 阿姐先醒起要问睇嚟啲阿姐好钟意要食客等…查看更多

人生第一次写负评！！！之前食过一次觉得唔错，今日就去食啦，点知等咗八个字，得一碗汤到咗，叫咗几次上咗白饭先，之后碗白饭送咗去隔离枱，问有冇miss单，望都唔望就话唔会㗎！🙂我哋早过隔离枱到，佢哋就快食完，我啲𩠌都未上齐！做唔切又狂做外卖单，人哋问佢有未，叫人哋等阵就算，接唔到咪接啦。咁嘅服务态度，就算味道唔错，都冇下次呀，今次系最后一次食🙂真·冇用餐体验，咁就浪费咗八个字，去食第二间餐厅等唔够十分钟就到齐，仲要间餐厅仲多人，望周知。…查看更多

餐厅位于新北江商场嘅一个角落，主打招牌靓汤！今次就同朋友一齐整返个靓汤客饭套餐，可以自己拣汤、主食同埋𩠌，好多选择～喇沙汤+椒盐猪扒+米线💰HK$68喇沙汤味道正宗，配米线一流，酸酸辣辣好惹味！可惜椒盐猪扒肉质就比较硬，有少少失望～潮式蚝仔肉碎汤+沙姜鸡+白饭💰HK$68
朋友就简咗呢个配搭，蚝仔肉碎汤饭味道都好出色，令人忍唔住食晒成碗！可惜沙姜鸡味道唔够入味，有进步空间～总结，靓汤好出色，𩠌嘅质素就有待改善～…查看更多