Attic (已結業)

咳左好多日都未好返，但饭都系要食既！同事话去食上次食唔同猪手个间餐厅，好想食猪手呀，但咳所以唔可以食...首先黎个前菜沙律，之后系南瓜汤，个南瓜汤，好浓姜味，辣辣地，岩晒我依家寒咳饮😆之后上个香草包，唔茶牛油已经好香，不过我系牛油爱好者，所以茶埋就更好食，更香😋同事个猪手黎勒，粗薯条，脆皮，咸肉，但有得睇冇得食😭我唯有拣杂菌意粉，点知上到枱，待应同我讲杂菌意粉卖晒，佢地冇问过我之下煮左个南瓜意米意大利饭！未通知我冇左杂菌意粉已经做得唔岩，仲要帮我决定改做其他野都唔通知我，感觉非常唔良好😡其实老板有同我讲可以换，但因为唔知要唔要等好耐，所以我照食......而我一向懒嘴嚼，个意米意大利饭都有少少硬，所以好失望😓之后待应问我地要唔要甜品，原来今日送甜品，我拣左个肉桂苹果批，好香肉桂和苹果味，挞又脆，好好食！其实依间餐厅既野食水准真系唔差，但服务有待改善😐…查看更多

23号放假前夕当然要同同事一齐食餐好呢间价钱唔平，所以平日一定唔会黎食但圣诞节送甜品，一于试下是日有六个餐，我地分别叫左圣诞火鸡，多利鱼同蜜糖猪手(猪手要11:00前order定)先来南瓜汤及沙律，本人唔钟意食南瓜，所以不评论我怕火鸡"鞋"，又怕猪手油，所以叫左鱼，仲要系多利鱼，真系未食过就试下啦一黎到，见到份量好似好少㖞，真系怕唔饱食左先算，就食下多利鱼系咩味道先。个鱼质唔算好滑，但系有好香鱼味，亦都唔鯹，鱼肉结实！好惊喜伴随既系小菠菜同薯仔，本人本身很不爱吃菠菜，但呢个小菠菜实在太好味喇！由于有薯仔，食晒成碟都有八成饱，呢碟系物有所值既之后就系火鸡，样冇甘靓，但制作用心，火鸡卷住一啲饀，火鸡一啲都唔鞋！火鸡肉同火鸡卷但旁边啲酸菜好似有啲唔夹最后系期待已久的猪手，份量惊人！女仔一定食唔晒不过可以期望太大，真系有啲失望，外皮好脆，但系入面啲肉就好干，同埋除左外面有啲蜜糖，只猪手好淡，失望最后，当大家见到个甘靓既甜品，都心谂应该好睇唔好食。但系当我第一口食落个蛋糕度，原来跟餐既甜品可以做得甘用心甘好食！真系要用好好味黎形容，个蛋糕好软，唔系啲雪左好耐既蛋糕，棵圣诞树系用脆米加朱古力做成，仲好好味添！真系成碟都可以食晒食完个甜品，真系又饱又满足虽然对我黎话个午餐有啲贵，但食左餐甘满足又甘有heart既圣诞餐，我觉得值既！ 一个月豪一次吧…查看更多

食过多次午餐，今次试晚餐 同样值得推介 今次晚餐由餐厅发板，所以有点期待，神秘的晚餐无失望，食到打洋。无谂过观塘区会有间咁好味既餐厅，食完会再令你回头帮衬既一间餐厅…查看更多

公司附近开左间新CAFE中午同同事一齐黎试下10月Halloween 店内的布置好应景呢间Cafe午餐食物价钱$90-130左右跟餐已配有餐汤,餐包,,甜品及饮品蜜糖猪手 $128最推介呢个  建议可以几日人叫唔同餐分黎食因为猪手太大碟  一个人无可能食得晒个猪皮好脆  外面系甜甜地的蜜糖  个猪超嫩  好淋  味道岩岩好 配洋葱圈 岩岩炸起上碟  入口仲好脆另一个蟹肉意粉呢个意粉都好够味  蟹味好香 个味整到好浓  呢个就系素的意大利饭饭的质地岩岩好  唔会话太硬个饭味道几特别  红菜头意大利饭 酸酸地但可能未必岩每个人口味最后食埋个甜品士多啤利奶冻好滑  奶味适中  唔会太浓或太淡食晒成杯都唔会溜…查看更多

This space partners with Whey2Go offering healthy high protein lunch, dinner, soup, or snacks with free delivery. A few options of meal plans are available from $100+ each meal. Banana muffinSome nuts are also in it apart from the very flavourful banana scent. Sweet potato brownie muffinNo flour were used but oat, and sweet potat. Granola barA sweeter twist using healthy nuts and seeds. Egg and mixed pepper muffinA high protein low fat muffin using just egg and veggies. Cauliflower rice with fried eggVeggies is also good for you so why not enjoy cauliflower rice as a replacement? The fried egg on top was also very flavourful! Sweet potato chipsSweet potato is a kind of complex carb comparing to normal potato. the baked chips are not oily yet still tasty. Seared tuna saladYet again another healthy high protein low fat salad to enjoy. Each piece of green was fresh and crisp. LasagnaA less chessy version using lots of zucchini and eggplant as a base. Cold cucumber saladExplaination is not needed, simply healthyCheesy wrapLast but not least, the moist chicken and cheese was just a good combination. …查看更多