🍛牛油帆立贝汤咖哩（单点$148，加$20升级套餐配沙律及饮品）汤咖喱味道甘香唔辣，而且有成400g唔同种类嘅蔬菜做配料，有西兰花、茄子、秋葵、莲藕、红萝卜，南瓜，薯仔同洋葱，有4粒肉质细嫩嘅帆立贝，如果钟意食辣嘅朋友建议加埋佢地嘅Masala，令咖哩带微辣之余，增加风味同香味🐑成吉思汗炒羊肉（单点$98，加$48升级套餐配饮品同雪糕）肥瘦适中嘅羊肉片加上洋葱、芽菜，红萝卜一齐炒，鲜而不膻，惹味而且送饭一流🥔明太子薯仔沙律（$40）明太子嘅咸香啱啱好，唔会太浓，同口感绵滑嘅薯仔好夹，味道清爽而不腻🍨北海道雪糕（单点$48）有原味、芒果，蓝莓同咖啡味选择，今次拣咗芒果味，雪糕用左北海道牛乳整，牛乳味浓，口感比较似Gelato 浓稠绵密，面头淋上芒果酱，芒果味道偏淡，食到最底竟然暗藏蕨饼，有惊喜🍧 Haskap木糠布甸＋三色蕨饼&十胜红豆（$68）木糠布甸表面放上咸香嘅杏仁碎，酥脆嘅饼干碎同柔滑嘅士多啤梨忌廉层层叠加，口感丰富；甜度适中，唔会过于甜腻蕨饼系自家制，质感软糯唔痴牙；黄豆粉香味浓郁，抹茶味适中，加上黑糖同十胜红豆，口感层次丰富之余唔会甜腻🫐北海道蓝莓梳打 （套餐+$20，单点$48）口感清爽，而且唔会好似坊间嘅梳打咁甜📷 鲗鱼涌嘅经典打卡点「怪兽大厦」附近隐藏咗好多好嘢食！其中一间推介就系 Asiri，佢系由一位热爱香港同北海道文化嘅日本店主开嘅，灵感来自两地简写「HKD」；餐厅墙身放有179个城市嘅标志性照片、特色设计，仲会播放北海道嘅电影同风景影像，令客人好似置身系北海道咁，有机会去怪兽大厦打卡嘅话记得顺便去试下啦～…查看更多
